<p>‘შავმა ლომმა’ ახალი ტურნირი - თბილისის თასი, სამხრეთ აფრიკულ გუნდებთან მოპოვებული ორი გამარჯვებითა და მესამე ადგილით დაასრულა.</p> <p> </p> <p>საკლუბო თბილისის თასი წელს პირველად გაიმართა და მასში ექვსმა გუნდმა მიიღო მონაწილეობა. ქართული, სამხრეთ აფრიკული, პორტუგალიური და ესპანური გუნდების გზები “ავჭალის” სარაგბო სტადიონზე გადაიკვეთა. 24 სექტემბრიდან 4 ოქტომბრის ჩათვლით, სამ სათამაშო დღეს, მაყურებელმა ჯამში 9 შთამბეჭდავი თამაში იხილა.</p> <p> </p> <p>თბილისს სამი სამხრეთ აფრიკული გუნდი ეწვია - ქარი ქაფის ჩემპიონი ‘სუზუკი გრიქასი’, ვიცე-ჩემპიონი ‘აირლინკ პუმასი’ და მესამე ადგილოსანი ‘ტოიოტა ჩიტასი’. საქართველოში ჩამოვიდნენ პორტუგალიური და ესპანური ფრენჩაიზები - ‘ლუზიტანუში’ და ‘იბერიანსი’.</p> <p> </p> <p>თითო სათამაშო დღეს (24 და 29 სექტემბერი, 4 ოქტომბერი), აფრიკული გუნდები ევროპელებს ეთამაშებოდნენ. პირველი დღე სრულად სამხრეთელთა უპირატესობით წარიმართა, მეორე დღეს ორმა ევროპულმა გუნდმა იმარჯვა (შავმა ლომმა და იბერიანსმა), მესამე დღეს კი ჩრდილოეთ ნახევარსფეროდან მხოლოდ ‘შავმა ლომმა’ იმარჯვა.</p> <p> </p> <p>ჩვენი გუნდი პირველ მატჩში ქარი ქაფის ჩემპიონ ‘სუზუკი გრიქასს’ 15:21 ჩამორჩა; მერე ვიცე-ჩემპიონი ‘აირლინკ პუმასი’ დაძაბულ შეხვედრაში 21:19 დაამარცხა; ბოლოს კი ტურნირის ფარგლებში ხარისხობრივად საუკეთესო თამაში აჩვენა ‘ტოიოტა ჩიტასს’ 36:25 აჯობა.</p> <p> </p> <p>ტურნირის ფარგლებში მოთამაშეებმა მიიღეს სათამაშო დრო და ფასდაუდებელი გამოცდილება, რომელიც ჩელენჯ თასის პირველი მატჩისთვის აუცილებლად გამოადგებათ. განვლილ სამ შეხვედრაში, მწვრთნელებმა ჯამში 32 მოთამაშე გამოსცადეს. მათგან 12 ხაზის, 20 კი შერკინების მორაგბეა. ესენი არიან:</p> <p> </p> <p><strong>ხაზი</strong>: ლუკა ცირეკიძე, აკაკი ტაბუცაძე, ლუკა ტაბატაძე, თორნიკე კახოიძე, ოთარ მეტრეველი, დავით იმნაძე, გიორგი სპანდერაშვილი, თემურ ძოძუაშვილი, დემეტრე დევდარიანი, რომა მახათაძე, ლუკა თაყაიშვილი და დათა ახვლედიანი.</p> <p> </p> <p><strong>შერკინება:</strong> დათო აბდუშელიშვილი, ირაკლი ქვათაძე, ნიკოლოზ ხატიაშვილი, ვახტანგ ჯინჭარაძე, გიორგი მამაიაშვილი, გიორგი ქიმუცაძე, გიგა კობახიძე, ნიკოლოზ ნარმანია, შოთა ხელაძე, ვლადიმერ ჩაჩანიძე, მაიკლ ქარი, მიხეილ ბაბუნაშვილი, დემურ ეფრემიძე, ლუკა ნარსია, ლაშა ციხისთავი, ლეავასა პოტუ, ოთარ გიორგაძე, გიორგი ცუცქირიძე,სანდრო მამამთავრიშვილი და დავით არველაძე.</p> <p> </p> <p>ახლა მწვრთნელებს დაახლოებით 12 დღე აქვთ, რათა მინიმუმამდე დაიყვანონ შეცდომები და ჩამოყალიბდნენ იმ შემადგენლობაზე, რომლითაც 17 ოქტომბერს 16 საათზე, „ავჭალაზე“, ჩელენჯ თასის პირველ ტურში უელსური ‘ოსფრიზის’ წინააღმდეგ წარდგებიან.</p> <p> </p> <p>ტურნირის დასრულების შემდეგ ‘შავი ლომის’ კაპიტანმა მიხეილ ბაბუნაშვილმა განაცხადა:</p> <p> </p> <p>„ჩელენჯ თასისთვის მოსამზადებლად საუკეთესო ტურნირი იყო. ვფიქრობ, მომავალი გამოწვევისთვის მზად ვართ. მადლობა გულშემატკივარს, რომელიც ‘ჩიტასთან’ მატჩში გვერდში გვედგა და გვამხნევებდა. კარგი იქნება, თუ ‘ოსფრიზთან’ მატჩშიც ბევრი ვიქნებით“.</p> <p> </p> <p>რაც შეეხება განვლილ თბილისის თასს, მისი გამარჯვებული სამი მოგებით ‘გრიქასი’ გახდა. ორი მოგებითა და ბონუს თუ ნუგეშ ქულებით, მეორე ადგილი ‘პუმასმა’ დაიკავა. ასევე ორი მოგებით მესამე პოზიციას დასჯერდა ‘შავი ლომი’. თითო-თითო გამარჯვებაა ‘ჩიტასისა’ (მეოთხე) და ‘იბერიანსის’ (მეხუთე) ანგარიშზე, ხოლო ‘ლუზიტანუში’ გამარჯვების გარეშე, ბოლო ადგილზე დარჩა.</p> <p> </p> <p>თბილისის თასი 2026</p> <p>24 სექტემბერი</p> <p>აირლინკ პუმასი (სამხრეთ აფრიკა) - იბერიანსი (ესპანეთი) 64:21</p> <p>ტოიოტა ჩიტასი (სამხრეთ აფრიკა) - ლუზიტანუში (პორტუგალია) 38:26</p> <p>შავი ლომი (საქართველო) - სუზუკი გრიქასი (სამხრეთ აფრიკა) 15:21</p> <p> </p> <p>29 სექტემბერი</p> <p>ჩიტასი - იბერიანსი 19:22</p> <p>შავი ლომი - პუმასი 21:19</p> <p>გრიქასი - ლუზიტანუში 59:19</p> <p> </p> <p><strong>4 ოქტომბერი</strong></p> <p>პუმასი - ლუზიტანუში 68:20</p> <p>გრიქასი - იბერიანსი 48:15</p> <p>შავი ლომი - ჩიტასი 36:25</p> <p> </p> <p>გრიქასი (სამხრეთ აფრიკა) - 14 (+79)</p> <p> </p> <p>პუმასი (სამხრეთ აფრიკა) - 11 (+89)</p> <p> </p> <p>შავი ლომი (საქართველო) - 10 (+7)</p> <p> </p> <p>ჩიტასი (სამხრეთ აფრიკა) - 6 (-2)</p> <p> </p> <p>იბერიანსი (ესპანეთი) - 4 (-73)</p> <p> </p> <p>ლუზიტანუში (პორტუგალია) - 1 (-100) </p> <p> </p> <p><strong>Rugby.ge</strong></p>
გიორგი
წარმატება ჩვენს გუნდს!
რეზო
კარგია. მოგებას შეიძლებოდა თავუსუფლად. არა უშავს! მთავარია ბრონკანმა ხელი დაატყო. უკანა ხაზში ბიჭები ათამასდნენ
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა