<p>სასტუმრო „პულმანში“ საქართველოს ხელბურთის ეროვნული ფედერაციის ყოველწლიური საანგარიშო-საარჩევნო ყრილობა ჩატარდა.</p> <p> </p> <p>ქართულმა ხელბურთმა მნიშვნელოვანი თარიღი — 70 წლის იუბილე აღნიშნა. 1956 წლიდან დღემდე, ქართული საბჭოთა ხელბურთიდან თანამედროვე ქართულ ხელბურთამდე განვლილი გზა საინტერესო, გამოწვევებითა და წარმატებებით აღსავსე აღმოჩნდა.</p> <p> </p> <p>საიუბილეო თარიღთან დაკავშირებით, სასტუმრო „პულმანში“ სტუდია 8 ½-ის მიერ გადაღებული დოკუმენტური ფილმის პრემიერა შედგა. სურათში გაცოცხლებული ისტორიული კადრებითა და გამორჩეული სპორტსმენების ისტორიებით ასახულია ქართული ხელბურთის მატიანე, დაუვიწყარი წუთები და დღემდე განვლილი გზა.</p> <p> </p> <p>საქართველოს ხელბურთის ეროვნული ფედერაციის პრეზიდენტ ვახტანგ მეიფარიანის თქმით, „ამ ფილმით გვსურს კიდევ ერთხელ გავიხსენოთ გზა — საიდან დავიწყეთ, რა გამოვიარეთ და როგორ შეიქმნა ქართული ხელბურთის 70-წლიანი ისტორია. ამ ისტორიის უკან დგას უამრავი სპორტსმენი, მწვრთნელი, მსაჯი, გულშემატკივარი და ადამიანი, ვისთვისაც ხელბურთი მხოლოდ სპორტი კი არა, ცხოვრების მნიშვნელოვანი ნაწილია.“</p> <p> </p> <p>ფილმის პრემიერას წინ უძღოდა საქართველოს ხელბურთის ეროვნული ფედერაციის ყოველწლიური საანგარიშო-საარჩევნო ყრილობა, რომელსაც საქართველოს სპორტის მინისტრის პირველი მოადგილე ირაკლი მეძმარიაშვილი და მოადგილე ირაკლი დოლაბერიძე ესწრებოდნენ.</p> <p> </p> <p>დელეგატებსა და მოწვეულ სტუმრებს ფედერაციის წლიური ანგარიში და განვითარების გეგმა წარედგინათ. საქართველოს ხელბურთის ფედერაციის პრეზიდენტ ვახტანგ მეიფარიანის ხელმძღვანელობით, მონაწილეებმა კენჭი უყარეს ეროვნული ფედერაციის წესდებაში ცვლილებების შეტანასა და ახალი, მოქნილი სტრუქტურის დამტკიცებას, რასაც ყრილობამ ერთსულოვნად დაუჭირა მხარი.</p> <p> </p> <p>ამას გარდა, ყრილობის ფარგლებში საქართველოს სპორტის სახელმწიფო უნივერსიტეტის ყოფილი რექტორი, პროფესორი ჯემალ ძაგანია ფედერაციის საპატიო პრეზიდენტად აირჩიეს. პირველ ვიცე-პრეზიდენტად ფედერაციის ხაზინადარი ირაკლი კეკელიძე დასახელდა, ხოლო ვიცე-პრეზიდენტად — საშეჯიბრო კომისიის თავმჯდომარე ლანა მარგიანი. ვიცე-პრეზიდენტის თანამდებობას ასევე იკავებს ლევან სალუქვაძე.</p> <p> </p> <p>ლანა მარგიანმა, უკვე ვიცე-პრეზიდენტის რანგში, ყრილობის მონაწილეებსა და სტუმრებს 2025/26 წლების სპორტულ სეზონთან დაკავშირებული მოცულობითი ანგარიში წარუდგინა.</p> <p> </p> <p>ხაზი გაესვა პროგრამას „იცხოვრე ხელბურთით“, რომელიც საბავშვო ბაღის აღსაზრდელების სპორტის ამ სახეობაში ჩართვას გულისხმობს. ამ ეტაპზე პროექტში 30 საბავშვო ბაღია ჩართული და მათი რაოდენობა კიდევ გაიზრდება. ანგარიშში ასევე აღინიშნა საერთაშორისო ექსპერტ ჰელმუტ მარტინის პროექტი თბილისში, გორსა და ზუგდიდში მწვრთნელთა გადამზადებისა და კვალიფიკაციის ამაღლების შესახებ. ამ ინიციატივის ფარგლებში საერთაშორისო D კატეგორიის ლიცენზია სპორტის 80 მასწავლებელს მიენიჭა; გაიმართა სასკოლო ფესტივალები, შეიქმნა მუნიციპალური ნაკრებები და ჩატარდა სასწავლო-საწვრთნელი შეკრებები.</p> <p> </p> <p>მნიშვნელოვანი ნაბიჯია „ბარსელონას“ აკადემიასთან გასულ ოქტომბერში დაწყებული თანამშრომლობა, რომლის ფარგლებშიც წელს, ივლისში თბილისში „ბარსას“ კემპი (Barça Academy Handball Camp Georgia) ჩატარდა. ესპანელმა სპეციალისტებმა თეორიული და პრაქტიკული მეცადინეობები ჩაუტარეს ქართველ მწვრთნელებსა და სასკოლო ხელბურთის პროგრამიდან შერჩეულ ახალგაზრდა მოთამაშეებს.</p> <p> </p> <p>დაანონსდა, რომ 2027 წლის იანვარში თბილისი „ბარსას“ კემპს მეორედ უმასპინძლებს. ინიციატივის მიზანი სასკოლო ხელბურთიდან ნიჭიერი მოთამაშეების გამოვლენა, მათი საერთაშორისო სტანდარტებით განვითარება და საქართველოს ასაკობრივი ნაკრებების გაძლიერებაა. სასკოლო ხელბურთის პროგრამის ფარგლებში უკვე გაიხსნა 11 აკადემია, რომლებიც ესპანური მოდელით მუშაობენ თბილისის, გორის, სამტრედიის, ზესტაფონის, ქუთაისისა და წყალტუბოს საჯარო სკოლებში. იგეგმება აკადემიების ქსელის შემდგომი გაფართოება.</p> <p> </p> <p>წლის განმავლობაში წარმატებით ჩატარდა საქართველოს ასაკობრივი ჩემპიონატები და მოეწყო იმედო ფხაკაძის სახელობის საქართველოს თასის გათამაშება.</p> <p> </p> <p>ხაზი გაესვა 2026/27 წლების სეზონში საქართველოს სპორტის სამინისტროს მიერ შემუშავებულ პროექტს, რომელიც კლუბების დაფინანსებასა და მათთვის ფინანსურად სტაბილური გარემოს შექმნას ითვალისწინებს. აღინიშნა სამინისტროს მხარდაჭერა ახალგაზრდული ნაკრებების მიმართ, რაც მათ საშუალებას აძლევს, აქტიურად იასპარეზონ საერთაშორისო ტურნირებსა და ევროპის ჩემპიონატებზე (მათ შორის, შვედეთში გამართულ 16-წლამდელ გოგონათა ევროპის პირველობაზე). გარდა ამისა, გასულ წელს თელავმა 19-წლამდელ გოგონათა EHF-ის ჩემპიონატს (Women's 19 EHF Championship) უმასპინძლა, ხოლო წელს, ივლისში, თელავის სპორტის სასახლეში 18-წლამდელ ვაჟთა შორის ამავე რანგის ტურნირი (Men’s 18 EHF Championship II) გაიმართა.</p> <p> </p> <p>ღონისძიებაზე განსაკუთრებულ წარმატებად შეფასდა წლის დასაწყისში ვაჟთა ეროვნული ნაკრების ზედიზედ მეორე ასპარეზობა ევროპის ჩემპიონატის ფინალურ ეტაპზე.</p> <p> </p> <p>საქართველოს ეროვნული ნაკრები ევროპის ჩემპიონატის (EURO 2028) საგზურისთვის ბრძოლას 5 ნოემბერს, ნორვეგიასთან გასვლითი მატჩით შეუდგება, ხოლო 8 ნოემბერს „თბილისი არენაზე“ ავსტრიის ნაკრებს უმასპინძლებს.</p> <p> </p> <p><strong>GEOHANBALL.GE</strong></p>
საქართველოს ნაკრები ავსტრიასთან დამარცხდა
საქართველოს ნაკრები ფავორიტ ნორვეგიასთან დამარცხდა
რუბენ გარაბაიამ ევრო-2028-ის საკვალიფიკაციო მატჩებისთვის ნაკრების შემადგენლობა დაასახელა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა