- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვარსკვლავების ბუნტი
<p>ზედიზედ ორი დღეა წვიმის გამო ამერიკის ღია პირველობაზე ერთი მატჩიც არ ჩატარებულა <br> ზედიზედ ორი დღეა ამერიკის ღია პირველობაზე ერთი მატჩიც არ ჩატარებულა. ორგანიზატორების ყველანაირი გრაფიკი და გეგმა წვიმამ დაამსხვრია, მაგრამ ეს იმას არ ნიშნავს, რომ ტურნირზე ცხოვრება მოკვდა.</p><p>პირიქით, იმ ჩოგბურთელებმა, რომლებიც ორი დღეა ელოდებიან კორტზე გასვლას, პატარა ბუნტი მოაწყვეს, პარალელურად, ბოლო არ უჩანს მოთამაშეების, მაყურებლისა და ჟურნალისტების</p><p>შეკითხვებს, რომელიც უამინდობით არის გამოწვეული.</p><p>USTA - ამერიკის საჩოგბურთო ასოციაცია, რომლის მფლობელობაშია აშშ-ის ღია ჩემპიონატი, პირველად მრავალი წლის განმავლობაში ძალიან რთულ სიტუაციაში აღმოჩნდა მაყურებლების, ტელეკომპანიებისა და სპონსორების წინაშე, რომლებიც ტურნირის ფინანსურ საფუძველს წარმოადგენენ.</p><p>თავის მხრივ, თავად აშშ-ის ღია იმ თანხის მოზიდვის საშუალებაა, რომელიც ამერიკული ჩოგბურთის განვითარებას ხმარდება. ორი კვირის განმავლობაში ტურნირზე მილიარდ ნახევარი დოლარი "ტრიალებს"!</p><p>სავარაუდოდ, სწორედ ნერვულმა დაძაბულობამ აიძულა ჩემპიონატის ორგანიზატორები რისკიანი ნაბიჯი გადაედგათ: მიუხედავად იმისა, რომ ამინდის პროგნოზი ისევ არასახარბიელო იყო, სამშაბათს დაკარგული დროის ასანაზღაურებლად, მათ წვიმიან ამინდში გამოჩენილი პატარა "ფანჯრის" გამოყენება სცადეს და ჩოგბურთელები კორტზე გაუშვეს. შედეგად კი ის მიიღეს, რომ ჩოგბურთელებმა სახიფათოდ სველ კორტებზე მხოლოდ 15-20 წუთი ითამაშეს და მოედნები ისევ დაიხურა.</p><p>სულ სამი თამაში დაიწყო - მამაკაცების სამი მერვედფინალი: ნადალი-მიულერი, მიურეი-იანგი და ფერერი-როდიკი. შეხვედრები მაშინ შეაჩერეს, როცა მიულერი 3:0-ს იგებდა, როდიკი 3:1-ს ამარცხებდა ფერერს, ხოლო მიურეი 2:1-ს იანგს.</p><p>ნადალმა, როდიკმა და მიურეიმ პირდაპირ მიმართეს ორგანიზატორებს მოთხოვნით - გაეთვალისწინებინათ ამინდის პროგნოზები და არ დაეშვათ ჩოგბურთელთა ჯანმრთელობის რისკი. მათ ნოვაკ ჯოკოვიჩმაც დაუჭირა მხარი.</p><p>"ჩვენ არ გვინდა კორტზე გასვლა წვიმის დროს. ვფიქრობ, ეს არასამართლიანია. ჩოგბურთელები აბსოლუტურად დაუცველები არიან.</p><p>"დიდი სლემის" ჩემპიონატებზე დიდ ფულს შოულობენ, მაგრამ ამ შოუს ნაწილი ჩვენ - ჩოგბურთელებიც ვართ. ორგანიზატორები კი მხოლოდ საკუთარ თავზე ფიქრობენ და მოთამაშეები არ აინტერესებთ.</p><p>როცა კორტზე დაგვიძახეს, მცირე წვიმა მოდიოდა. ყველა კორტი სველი იყო. მესმის, რომ გულშემატკივრები ჩოგბურთის სანახავად მოვიდნენ, მაგრამ მოთამაშის ჯანმრთელობის მდგომარეობასაც უნდა ჰქონდეს რაღაც მნიშვნელობა", - განაცხადა ნადალმა.</p><p>"კარგად მესმის, რომ ყველას უნდა ტელევიზორში პირდაპირი რეპორტაჟის ნახვა, მაგრამ, ბოლოს და ბოლოს, ეს სპორტია და არა ბიზნესი. აქ ყველა საკუთარ ინტერესს იცავს, ამიტომაც ორგანიზატორებს უბრალოდ სურთ მიიღონ მზა პროდუქტი ჩვენს ხარჯზე", - ეს როდიკის სიტყვებია.</p><p>"ეს არის "დიდი სლემის" ტურნირი, რომელსაც უდიდესი მოგება მოაქვს. იქნებ ორგანიზატორებმა მომავლისთვის გაითვალისწინონ მოძრავი სახურავის აშენება?!</p><p>მეც ვყოფილვარ ასეთ სიტუაციაში და სრულად ვეთანხმები კოლეგების განცხადებებს. პირველ რიგში უნდა ითვალისწინებდნენ სპორტსმენის ჯანმრთელობას. კარგად ვიცით ჩოგბურთის საქმიანი მხარის შესახებ. თავადაც გვინდა თამაში, მაგრამ მოთამაშეთა ჯანმრთელობა მთავარი უნდა იყოს", - ნადალისა და სხვების მხარე დაიჭირა მსოფლიოს პირველმა ჩოგანმა ნოვაკ ჯოკოვიჩმა.</p><p>საბოლოოდ, ჩოგბურთელთა პრეტენზიები შეისმინეს და 17 საათისთვის მამაკაცთა მატჩები გააუქმეს, თუმცა ამით პრობლემას არ ეშველა.</p><p><strong>* * *</p><p></strong>ამის შემდეგ გამწარებულმა და ანერვიულებულმა ორგანიზატორებმა ქალთა მეოთხედფინალების გადარჩენა სცადეს. ეს მატჩები საღამოს სესიაში გადაიტანეს და როგორც კი წვიმა შეწყდა, კორტის მომსახურე პერსონალმა სუპერთანამედროვე ტექნიკით მოედნების გაშრობა დაიწყო. სულ რაღაც ნახევარ საათში კორტები მზად იყო.</p><p>და, როგორც კი არტურ ეშის სახელობის კორტზე გამოჩდნენ ანასტასია პავლიუჩენკოვა და სერენა უილიამსი და მაყურებლებმა ტრიბუნების შევსება დაიწყეს, მაშინვე განახლდა წვიმა. საბოლოოდ ცხადი გახდა, რომ იმ დღეს არც ერთი მატჩი აღარ ჩატარდებოდა. ათი წუთის შემდეგ სათამაშო დღე დასრულებულად გამოცხადდა.</p><p>ორი დღის განმავლობაში დაზარალდა მაყურებელი, რომელმაც ბილეთებში გადახდილი საფასურის სანაცვლოდ სანახაობა ვერ იხილა, არადა, ბევრი ნიუ იორკში შორიდან ჩავიდა და ბილი ჯინ კინგის სახელობის ეროვნული საჩოგბურთო ცენტრის სველ ტერიტორიაზე სეირნობა მოუწია. თუმცა პირველი საათების შემდეგ, როცა საბოლოო პროგნოზი გახდა ცნობილი, მაყურებელთა უმრავლესობა შინ გაემგზავრა.</p><p>ჟურნალისტებსაც გაუჭირდათ: ჩემპიონატის ინტრიგა "გაიყინა", მოთამაშეებმა სატურნირო რითმის დაკარგვის შიშით დარბაზში ვარჯიში დაიწყეს, ასე რომ, საწერი და საკომენტარო არც არაფერი იყო.</p><p>როგორია პერსპექტივები? ენდი მიურეიმ განაცხადა, რომ გრაფიკი შეიძლება დალაგდეს იმ შემთხვევაში, თუ ფინალს ორშაბათისთვის გადაიტანენ, როგორც ეს ბოლო სამი წლის განმავლობაში ხდებოდა.</p><p>შესაძლოა, ბრიტანელი მართალია, მაგრამ პრობლემა იმაში მდგომარეობს, რომ პროგნოზი შემდეგი დღისთვისაც არადამაიმედებელია: ამერიკელი მეტეოროლოგები 60-პროცენტიანი ალბათობით ვარაუდობენ წვიმას. მხოლოდ პარასკევისთვის ელოდებიან მშრალ, თუმცა მოღრუბლულ ამინდს.</p><p>ამიტომაც გამორიცხული არ არის, რომ მატჩების ნაწილის ჩატარება დარბაზში გახდეს საჭირო. ამას შეეწირება მაყურებელთა რაოდენობა და შესაბამისად, ბილეთების რეალიზაციიდან შემოსული თანხა, აგრეთვე ტელეტრანსლიაციების ხარისხი.</p><p><strong>* * *</p><p></strong>რა თქმა უნდა, შექმნილ სიტუაციას გამოეხმაურა ამერიკის ღია პირველობის დირექტორი ჯიმ ქიორლი. მან წამყვანი მოთამაშეების კრიტიკასაც უპასუხა.</p><p>"ჯერჯერობით, ჩვენ კვლავინდებურად დაგეგმილი გვაქვს ტურნირის კვირას დასრულება. ვითვალისწინებთ იმ ფაქტს, რომ ჩოგბურთელები - ნამდვილი ათლეტები არიან და ფიზიკური მომზადება არ აკლიათ.</p><p>დღის 12 საათისთვის შემდეგი ინფორმაცია გვქონდა: შეხვედრების ჩატარების ერთადერთი შანსი იყო ორსაათიანი ფანჯარა, რომლის დროსაც წვიმა არ უნდა წამოსულიყო. სამწუხაროდ, მცირე წვიმა და ნისლი მეტეომონიტორებზე არ ფიქსირდება. ჩვენ გვაქვს ძალიან გამოცდილი მსაჯები, რომლებიც გადაწყვეტენ - არის თუ არა მოედანი მზად ჩოგბურთელების მისაღებად. პირობები იდეალური არ იყო, მაგრამ სავსებით უხიფათო გახლდათ.</p><p>მიუხედავად ამისა, თუ მოთამაშეებს საკუთარი უსაფრთხოების შესახებ განსხვავებული აზრი აქვთ, ჩვენ ყოველთვის მზად ვართ მათ მოვუსმინოთ. რეფერი ჩოგბურთელთა აზრსაც ითვალისწინებს, როცა მატჩის გაგრძელების შესახებ იღებს გადაწყვეტილებას.</p><p>ეჭვგარეშეა, მეც დიდი სურვილი მაქვს ცენტრალურ კორტს მოძრავი სახურავი ჰქონდეს. როცა გასული საუკუნის 90-იან წლებში არტურ ეშის სახელობის სტადიონის პროექტს ამტკიცებდნენ, სახურავი მისი დიდი ღირებულების გამო გათვალისწინებული არ იყო. მოძრავი სახურავის ასაშენებლად 200 მილიონი დოლარი იქნება საჭირო", - იმ დღის ყველა კითხვას უპასუხა ქიორლიმ.</p><p><strong>ყოველდღიური სპორტული გაზეთი "ლელო"</strong></p>
ნიკოლოზ ბასილაშვილი ალმათის ტურნირის ფინალში დამარცხდა
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
დავითაშვილის "სენტ-ეტიენმა" დაძაბულ მატჩში "ნანტს" სძლია
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა
[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
ნიკა ამაშუკელი - ტოკიო, ლონდონი და გენუა