<p>ინტერვიუ ბოლნისის "სიონიდან" შვეიცარიულ "ქსამაქსში" ჩარიცხულ ნახევარმცველთან <br> საქართველოს ახალგაზრდული ნაკრების ყოფილი ნახევარმცველი ირაკლი ჩირიკაშვილი ზაფხულში ქართული სატრანსფერო ფანჯრის სიურპრიზი იყო - ბოლნისის "სიონიდან" მოთამაშის ტრანსფერი ევროპაში იშვიათი ამბავია, მით უფრო ცნობილ კლუბში. ირაკლი კი შვეიცარიის სუპერლიგის ერთ-ერთ აუტსაიდერ, მაგრამ დიდი ამბიციების მქონე "ქსამაქსში" ჩაირიცხა.</p><p>ამ დროს "ქსამაქსის" მთავარ მწვრთნელად შვეიცარიელი ფრანსუა ჩიკოლინი მუშაობდა, რომელიც ერთ თვეში ესპანელმა ხუან კაპაროსმა შეცვალა. თუმცა, ამ რამდენიმე ხნის წინ კაპაროსი არანაკლებ ცნობილი ესპანელი სპეციალისტით ვიქტორ მუნიოსით ჩაანაცვლეს.</p><p>"ქსამაქსი" ჩეჩნების გუნდია და საინტერესოა, რომ მუნიოსი მანამდეც ჩეჩნებთან, გროზნოს "ტერეკში" მუშაობდა, მაგრამ სულ რაღაც ერთი თვით (ისევე როგორც მისი წინამორბედი ჰოლანდიელი რუუდ გულიტი), მაგრამ ჩეჩნებთან ურთიერთობას ევროპა ამჯობინა.</p><p>ირაკლი ჩირიკაშვილს შვეიცარიაში დავუკავშირდით და ინტერვიუ ჩამოვართვით - როგორ, რანაირად მოხვდა ამ გუნდში და მსგავს თემებზე.</p><p><strong>- სიმართლე გითხრათ, თავიდან დაუჯერებლად გვეჩვენებოდა, რომ "ქსამაქსში" ჩაირიცხე.</strong></p><p>- ეს ჩემთვისაც ძალიან სასიხარულო წინადადება იყო. სინჯებზე ჩამოვედი და საბედნიეროდ, დამიტოვეს.</p><p><strong>- როგორ, რანაირად დაინტერესდა შვეიცარიული კლუბი?</strong></p><p>- იყო ინტერესი, შემომთავაზეს სინჯებზე ჩამოსვლა და 10-დღიანი დაკვირვების შემდეგ კლუბმა ჩემთან ერთწლიანი კონტრაქტი გაფორმება გადაწყვიტა.</p><p><strong>- გაგვიკვირდა და გაგვიხარდა - ცნობილი ესპანელი ფეხბურთელის, დავით ნავაროს გვერდით საქართველოს ჩემპიონატის მოთამაშის ხილვა პატარა ამბავი არ არის. </strong></p><p>- დღევანდელი რეალობა ასეთია. მე რომ ჩამოვედი, იმ დროს ვიქტორ სანჩესიც დაიმატეს, რომელიც "ბარსელონას" ეკუთვნოდა, რამდენიმე დღეში კი ნავაროც ჩამოვიდა. ახლა უკვე ჩვენთან ოთხი ფეხბურთელია, რომლებიც შარშან პრიმერადივიზიონში თამაშობდნენ.</p><p><strong>- ფაქტია, რომ ევროპული გუნდის მწვრთნელებს თავი მოაწონე და გუნდში აგიყვანეს. თავდაპირველად არ გაგიჭირდა სულ სხვა ტემპთან და მოთხოვნებთან შეგუება?</strong></p><p>- რა თქმა უნდა, აქ თამაში შედარებით რთულია და ეს ყოველივე პირველივე ვარჯიშზე გამოჩნდა, უფრო ძალისმიერი თამაშია, მეტია მოძრაობა და ტაქტიკურ გადაადგილებებსაც დიდ ყურადღებას აქცევენ. შედარებით რთული ჩემპიონატია, მაგრამ თამაში შეუძლებელიც არაა.</p><p><strong>- თანაგუნდელები როგორ დაგხვდნენ?</strong></p><p>- ძალიან კარგად, საკმაოდ შეკრული გუნდია და მეგობრული ატმოსფეროა.</p><p><strong>- პირველი მატჩები რატომ გამოტოვე?</strong></p><p>- პირველ მატჩებში არ მითამაშია, რადგან საბუთების გაკეთება ვერ მოესწრო და შესაბამისად განაცხადშიც ვერ შემიყვანეს.</p><p><strong>- "ქსამაქსში" ფეხბურთელთა სოლიდური კამპანიაა. ძირითად შემადგენლობაში შენი მოხვედრის შანსებს როგორ აფასებ?</strong></p><p>- შანსებზე საუბარი და შეფასება ჩემი მხრიდან გაუმართლებელი იქნება. ყველაფერი მწვრთნელმა უნდა გადაწყვიტოს. ჩემი საქმე ვარჯიშია და როცა ამის შესაძლებლობა მომეცემა, შეძლებისდაგვარად თავის უკეთ უნდა წარმოვაჩინო. "ქსამაქსში" 1 წელი ვიქნები. მეტი ჯერ არაფერი ვიცი, დროთა განმავლობაში გამოჩნდება, რა და როგორ იქნება.</p><p><strong>- "ქსამაქსს" როგორ დაახასიათებდი?</strong></p><p>- აქ შეკრებილი კონტიგენტი მაძლევს იმის თქმის საფუძველს, რომ საკმაოდ პერსპექტიული გუნდია. ვფიქრობ, რომ სწორად მუშაობის შემთხვევაში გუნდს კარგი მომავალი ექნება.</p><p><strong>- ასე მგონია, ბედის ნებიერა უნდა იყო, რუსები ასეთ შემთხვევაზე ამბობენ, из грязи - в князи, ანუ საქართველოს ჩემპიონატიდან შვეიცარიის ერთ-ერთ ამბიციურ კლუბში მოხვედრას ვგულისხმობ.</p><p></strong>- კარგ გუნდში მოსახვედრად აუცილებელი არაა, ბედის ნებიერა იყო. ყველაფერი უფლის ნებაა, ისე არაფერი ხდება.</p><p><strong>- საქართველოში შენი შესაძლებლობები აშკარად ვერ გამოავლინე - ეს შენი მიზეზით მოხდა, ხელიც არავინ შეგიწყო თუ კიდევ სხვა რამ იყო?</strong></p><p>- მიზეზებზე საუბარი დაუღალავად შეიძლება, მაგრამ ვიღაცაზე გადაბრალებას მიზანშეწონილად არ მივიჩნევ.. იმაზე საუბარს, თუ რა იყო წარსულში, მირჩევნია ჩემი საქმე ვაკეთო და მომავალზე ვიფიქრო.</p><p><strong>ყოველდღიური სპორტული გაზეთი "ლელო"</strong></p>
boCola
საერთოდ რა ინტერვიუა, ჟურნალისტის მხრიდან ღვარძლიანი ტონი უფრო იგრძნობა, ბარემ ისისც ეთქვა ამსი ღირსი არ ხარ რატომ მიაღწიეო... უტაქტო... ირაკლი დიდი წარმატებებს გისურვებ!!!
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ