ბოლტის რევანში

პლანეტის უსწრაფესმა ადამიანმა პრესტიჟის აღდგენა ზაგრებში, IAAF-ის "მსოფლიო გამოწვევის" სერიის ტურნირზე გადაწყვიტა პლანეტის უსწრაფესმა ადამიანმა, იამაიკელმა სპრინტერმა უსაინ ბოლტმა მსოფლიოს ჩემპიონატზე "მოკლე სპრინტში" განცდილი კრახის შემდეგ შელახული პრესტიჟის აღდგენა ზაგრებში, IAAF-ის "მსოფლიო გამოწვევის" (World Challenge) სერიის ტურნირზე გადაწყვიტა.როგორც გახსოვთ, ბოლტი ტეგუში 100 მეტრის ფინალიდან ფალსტარტის გამო მოხსნეს. მართალია, შემდეგ იამაიკელმა 200 მეტრი და ესტაფეტა მოიგო, მაგრამ უსაინი ძალიან შეწუხებული ჩანდა ყველაზე პრესტიჟული დისციპლინის წაგების გამო.წესით, ბოლტს ნამდვილად გამოუკეთდებოდა ხასიათი ზაგრებში გამარჯვების შემდეგ. მართალია, მან სეზონის საუკეთესო დრო ვერ გააუმჯობესა (9.78 წამი - ასაფა პაუელი), სამაგიეროდ, 9.85-ით წლევანდელ პირად რეკორდს ჩამოაკლო სამი მეასედი წამი.ფინალური გარბენისას კვლავ იჩინა თავი ბოლტის მთავარმა პრობლემამ - ცუდმა სტარტმა. უსაინი დაახლოებით საწყისი 60 მეტრი ჩამორჩებოდა მსოფლიოს ჩემპიონატის ბრინჯაოს პრიზიორს, სენტკიტსელ კიმ კოლინზსა და ტრინიდადელ რიჩარდ ტომპსონს.მაგრამ შემდეგ ვიხილეთ იამაიკელის საფირმო აჩქარება და დიდი უპირატესობით გამარჯვება. აღსანიშნავია, ამ გარბენში მხოლოდ უსაინმა შეძლო 9 წამიდან გამოსვლა.ქალების მოკლე სპრინტში ტეგუში ნაჩვენები შედეგი გაიმეორა კარმელიტა ჯეტერმა. ეს ამერიკელის ზედიზედ მეექვსე გამარჯვებაა 100 მეტრზე, სულ კი ამ სეზონში ათი სტარტიდან ცხრაჯერ მივიდა პირველი ფინიშთან.ზაგრებში მხოლოდ ბოლტს არ ჰქონდა კლასი დასამტკიცებელი. როგორც გახსოვთ, კუბელ დაირონ რობლესს ტეგუში 110 მეტრზე თარჯრბენში მოპოვებული ოქროს მედალი ჩამოართვეს, რადგან ბოლო მეტრებზე ჰკრა ხელი ჩინელ ლიუ სიანს.რობლესს სერიოზული კონკურენტები ჰყავდა - ჯეისონ რიჩარდსონი და დევიდ ოლივერი, შესაბამისად, გარბენი საკმაოდ სწრაფი გამოვიდა. კუბელმა სეზონის საუკეთესო დროით მოიგო - 13.00, რიჩარდსონმა კი 13.04 წამით პირადი რეკორდი დაამყარა.ანალოგიურ დისციპლინაში ქალებს შორის დაუმარცხებელია სალი პირსონი - მას სეზონში არც ერთი დამარცხება არ აქვს და ზედიზედ გამარჯვებათა რიცხვი ათს აღწევს. პირსონმა ტეგუში ფანტასტიკური შედეგი აჩვენა - 12.28 წამი და იგივეს გაკეთება შეეძლო ზაგრებში, მაგრამ მეოთხე ბარიერზე წაიფორხილა და ამჯერად 12.68 წამით დაკმაყოფილდა.სეზონის ფინიში არ გამოსდის ხორვატ სიმაღლეზე მხტომელ ბლანკა ვლასიჩს. მსოფლიოს ჩემპიონატის წაგების შემდეგ ვლასიჩს რუსი ანა ჩიჩეროვასთვის რევანშის აღება შეეძლო, მაგრამ კვლავ დამარცხდა. ორივემ ასპარეზობა 1.85 მეტრიდან დაიწყო და 2.04 მეტრზე შეჩერდა. ჩიჩეროვას 2 მეტრის დასაძლევად ერთი ცდა დასჭირდა, ვლასიჩს - ორი და რუსმა ისევ დაამარცხა მსოფლიოს ყოფილი ჩემპიონი.კაცები100 მ. 1. უსაინ ბოლტი (იამ) - 9.85; 2. კიმ კოლინზი (სტ. კიტს) - 10.01... 6. ჯასტინ გეტლინი (აშშ) - 10.17... 400 მ. 1. ლაშონ მერიტი (აშშ) - 45.22... 1500 მ. 1. ნიქსონ კიპლიმო (კენ) - 3:30.94... 3000 მ/სტიპლჩეზი. 1. ჰილარი კიპსანგი (კენ) - 8:12.81... 110 მ/თარჯრბენი. 1. დაირონ რობლესი (კუბ) - 13.00; 2. ჯეისონ რიჩარდსონი (აშშ) - 13.04; 3. დევიდ ოლივერი (აშშ) - 13.20... სიგრძე. 1. ალექსანდრ მენკოვი (რუს) - 8.18; ბირთვი. 1. რიზ ჰოფა (აშშ) - 21.73; 2. კრისტიან კანტველი (აშშ) - 21.55... ბადრო. 1. ჟოლტან კოვაგო (უნგ) - 64.91... ურო. 1. დილშოდ ნაზაროვი (ტაჯ) - 80.30...ქალები100 მ. 1. კარმელიტა ჯეტერი (აშშ) - 11.00... 200 მ. 1. შილონი კალვერტი (იამ) - 22.55; 2. შერონ სიმპსონი (იამ) - 22.95; 3. დები ფერგიუსონ-მაკენზი (ბაჰ) - 22.97... 400 მ. 1. ნოვლენ უილიამს-მილსი (აშშ) - 50.31; 2. ანასტასია კაპაჩინსკაია (რუს) - 50.40; 3. შერიკა უილიამსი (იამ) - 50.45... 800 მ. 1. მეგი ვესეი (აშშ) - 1:58.64... 100 მ/თარჯრბენი. 1. სალი პირსონი (ავსტრა) - 12.68... სიმაღლე. 1. ანა ჩიჩეროვა (რუს) - 2.00; 2. ბლანკა ვლასიჩი (ხორ) - 2.00... სიგრძე. 1. ოლგა ზაიცევა (რუს) - 6.73...ყოველდღიური სპორტული გაზეთი "ლელო"

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

"ტორპედომ" ხორვატი ფეხბურთელი დაიმატა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

საქართველოს ნაკრები აფრიკის ჩემპიონთან დამარცხდა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს