შოთა ხაბარელს უარი უთხრეს?

დაპირისპირების ახალი ტალღა ქართულ ძიუდოში - არც სპორტსმენებს სურთ ზაიზენბახერის ხელმძღვანელობით ვარჯიში საქართველოს ძიუდოს ფედერაცია უარს ამბობს ავსტრიელი პეტერ ზაიზენბახერის გაშვებაზე და მის ნაცვლად ნაკრების სათავეში შოთა ხაბარელის მოყვანაზესაქართველოში მოვლენები ისე სწრაფად იცვლება ხოლმე, არაფერი გვიკვირს. მათ შორის - სპორტშიც და კონკრეტულად, ძიუდოშიც. მით უფრო, სპორტის ამ სახეობაში ბოლო წლებში იმდენი სიბინძურე ვიხილეთ. ამიტომ დღეს მომხდარი ფაქტი არ გაგვკვირვებია, თუმცა უსიამოვნო ამბად კი დაგვრჩა - საქართველოს ძიუდოს ფედერაცია უარს ამბობს ავსტრიელი პეტერ ზაიზენბახერის გაშვებაზე და მის ნაცვლად ნაკრების სათავეში შოთა ხაბარელის მოყვანაზე.დაგვეთანხმებით, ეს ამბავი ძალიან ჰგავს გიორგი ნემსაძის საქვეყნოდ ცნობილ ისტორიას...ბუნებრივია, მომხდარის მიზეზად სხვადასხვა ვერსია დასახელდება, მაგრამ ამ ყველაფრის უკან პოლიტიკური ხლართებიც ნათელია. ამიტომ მოვლენათა ასეთი ცვლილება არც გამკვირვებია. მეტიც - ველოდი კიდეც. ხაბარელის საკითხი იმთავითვე მჭიდროდ გადაეხლართა პოლიტიკას და კულვარული ბრძოლის საგნადაც იქცა. ის ძალები, რომლებმაც თავის დროზე ნაკრებიდან მისი წასვლა განაპირობეს, დღესაც რჩებიან წამყვან თანამდებობებზე პარლამენტში, სამინისტროში, ხელისუფლებაში. ამიტომ ამ ეტაპზე ხაბარელის კანდიდატურის დასახელებას არ ველოდი და ძალიანაც გამიკვირდა, როცა ეს 19 სექტემბერს სეოკ-ის ოფისის გახსნის ცერემონიალზე ეს ამბავი გავიგე. მაშინვე ვიკითხე, ახლაც პოლიტიკური დაპირისპირების საგანი ხომ არ გახდება-მეთქი. მაშინ კი დამამშვიდეს, არაო, მაგრამ ფაქტი ჯიუტია.სამწუხაროდ, პოლიტიკური ძალების ჩარევა სპორტში სულ უფრო ძლიერდება, რაზეც თავად სპორტსმენებიც გამოთქვამენ უკმაყოფილებას, თუმცა მხოლოდ ჩუმად.ზაიზენბახერის პოსტზე დატოვებას რაც შეეხება, მისი შეცვლა ნამდვილად არაა ჩვენი თვითმიზანი, თუმცა ფედერაციის პოზიციაში იმთავითვე მსოფლიოს ჩემპიონატზე მომხდარი მარცხის "გაპრავების" მცდელობა დავინახეთ. ჩვენთვის მიუღებელი სწორედ ეს გამართლებაა, რადგან სიმართლე თუ არ ითქვა, მაშინ იგივე შეცდომებიც გარანტირებულია და ოლიმპიადაზეც - იგივე შედეგი, რაც პარიზში მივიღეთ.ფედერაციის პოზიციაც გაუგებარია, რატომ ებღაუჭება ასე ავსტრიელს, როცა მისი სამწვრთნელო შესაძლებლობები არც ისე მაღალი ყოფილა - მსგავს შედეგს ჩვენი მწვრთნელებიც აღწევდნენ, ხოლო ფიზმომზადებაში ახალგაზრდულ გუნდებში არანაკლები მიღწევები ჰქონდათ სოსო ლიპარტელიანს და გიორგი გუგავას.ავსტრიელი იმთავითვე რატომღაც ფედერაციის პროტეჟე ჩანდა და ალბათ, ამიტომაც გაუფორმეს ჩუმად და მალულად კონტარქტი ოლიმპიადამდე, როცა თავდაპირველად ოფიციალურ ცერემონიალზე მასთან ხელშეკრულება მხოლოდ მსოფლიოს პირველობამდე დადეს.არაა გამორიცხული, ამ ამბით ქართულ ძიუდოში დაპირისპირების ახალი ტალღა აგორდეს. უკვე ვრცელდება ინფორმაცია, რომ ზაიზენბახერის ხელმძღვანელობით ვარჯიში არც სპორტსმენებს სურთ, რომლებიც მსოფლიოზე მარცხის მიზეზს მის სავარჯიშო მეთოდიკაში ხედავენ, ხოლო თავად ხაბარელი ამ საღამოს სპორტის სამინისტროში იყო დაბარებული.არ გამოვრიცხავთ, ხაბარელმა ამის შემდეგ უცხოეთსაც მიაშუროს სამუშაოდ, რისგანაც აქამდე კატეგორიულად იკავებდა თავს. თუ წავა, არც გაემტყუნება.

irakli dolaberidze

ნაკრების პორტსმენები რაღამ დააბეჩავა
irakli dolaberidze

ქარტული სპორტის კლასიკური ნაცოკუპაცია. მაგრამ რად გინდა, ხმას არავინ იღებს. კველაფერი თავის დროზე ოლიმპიური კომიტეტის, სპორტული ფედერაციების, სპორტის დეპარტამენტის, შემდეგ სამინისტროს გადაჯიშებით და სპორტის აკადემიის გაუქმებით დაიწყო. ეს მიზანმიმართული სპორტის სახელმწიფო პოლიტიკა სპორტის განვითარებისთვის ნადვილად არაა მიმართული. ყველაფერი, როგორც კველგან, სპორტშიც პიარისთვის კეთდება. შედეგი არავის აინტერესებს. არ მეგონა სპორტული საზოგადოება ასე თუ დაბეჩავდებოდა. არადა ყველა სახელმწიფოში სპორტსმენებს სიტყვა ეთქმით, მათ შორის ხელისუფლებაშიც.
zaza sigu

ჩვეულებრივი სტანდარტული სიტუაციაა, ეხლა რეგბს და კალადბურთს დავასამარებთ და დამთავრდება ამით ყველაფერი.
zviadi

რატომ გიკვირთ ხაბარელის ამბავი ჩვენ ხომ ჩვენს პროფესიონალებს არასდროს ვახარებდით. ახალი არაფერი ხდება და ასე იქნება უკუნითი უკუნისამდე. მაგრამ ისტორია უსამართლოებს სამართლიანად განსჯის და მწარე იქნება მათი ხვედრი.
gio73

ზუხუშა კარგად გამოგივიდა ნათქვამი;ერთს დავამატებ:სამართალი ვის ხელშიც არის დღეს,იმ ხალხს ნაგვისა რა მოგახსენო და მძ....-ის ჭამა კი უყვართ მაგრად,თუმცა გემოვნებაზე არა დავობენ,მიირთვან რამდენიც უნდათ,ჩვენ ქვეყანას მოშორდნენ ოღონდაც.
shalva

სირცხვილია რა უკვე მერამდენედ ლობი და პროტეჟე ქართული საქმის ქართული სულის საწინააღმდეგოდ კეთდება, აქ მარტო შოთა ხაბარელში არაა საქმე,
ზეზვა

ხაბარელიც იშოვის ჩემზე მეტ ფულს და კოკოშკოვიც - ანუ ჩემი დასაცავი არც ერთს არაფერი სჭირს. უბრალოდ, ასე თუ გავაგრძელეთ, ქვეყანა და ერი დავრჩებით ძველებურად მათხოვრები.
jibzu

ხაბარელის ღისრნი უნდა იყო. ჩვენ კი არ ვართ მისი ღირსები როგორც ჩანს. და ეს ნაც "ელიტა" ბევრ რამეს დამარხავს საკუთარ დამარხვამდე. სამცუხაროდ მოასცრებს ამას, ასეტი პირი უჩანს სქმეს :(
zuxusha

რას ნიშნავს კითხვითი ნიშანი? ვერ გავიგე საბოლოოდ, უარი უთხრეს, თუ არა. თუ უარი უთხრეს, მაშინ, რომ ვწერდი, სამართალმა პური ჭამა-მეთქი, პური კი არა, ნაგავი უჭმევიათ!

დემეტრაშვილის ვერცხლი და სულამანიძის ბრინჯაო ულანბატორის გრანდ სლემზე

სარდალაშვილი ულან-ბატორის ტურნირზე ბრინჯაოს მედლისთვის იჭიდავებს

"ოლიმპიურ თამაშებზე რომ დავმარცხდი, კარიერის დასრულებამდე სერიოზულად დავფიქრდი" - ლაშა შავდათუაშვილი

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

საქართველოს ნაკრები აფრიკის ჩემპიონთან დამარცხდა

[VIDEO] B ჯგუფი: შვეიცარია და კანადა პლეი-ოფში გავიდნენ

20 წ. | ვინ მოდის საქართველოში - სამხრეთ აფრიკა

VIDEO | ეროვნული ლიგა | გაგრა 0-0 სამგურალი. რომ არა ეს, მატჩის სცენარიც და საბოლოო შედეგიც იქნებ სულ სხვა ყოფილიყო...

აი, რატომ ვერ ივარგა კეინმა - თურმე, შამანს შეულოცია

ტაბიძე გუნდში გადადის, რომელმაც უკეთესი პირობები შესთავაზა

ნეიმარი ბრუნდება და ვნახოთ, რამდენად დაეხმარება ბრაზილიის ნაკრებს

"ეროვნული სიამაყის შთაგონების წყაროს წარმოადგენ" - მესის დაბადების დღეს ულოცავენ

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს