<p>ლატვიური "დაუგავას" ქართველი თავდამსხმელით მამუკა ღონღაძით ბუნდესლიგის "კიოლნი" დაინტერესდა <br> ლატვიის ჩემპიონატში არის ორი გუნდი, სადაც ქართველები მრავლად არიან და, ცხადია, მათ ვგულშემატკივრობთ. ბოლო ტურში სწორედ ეს გუნდები დაუპირისპირდნენ - დაუგავპილსის "დაუგავამ" რიგის "ოლიმპსს" 3:1 სძლია. შედგად "დაუგავა" 53 ქულით ლატვიის ჩემპიონატში ცხრილის მესამე საფეხურზეა, "ოლიმპსი" კი 5 ქულით ბოლო ადგილზეა.</p><p>ვფიქრობ, ქართველთა შესახებ ცინცხალი ამბებით დაინტერესდებით.</p><p><strong>ღონღაძე კიოლნში?</strong></p><p>"დაუგავას" თავდამსხმელი მამუკა ღონღაძე საოცარ ფორმაშია: დაუგავპილსელთა თავდამსხმელი ლატვიის ჩემპიონატში მოედანს უგოლოდ არ ტოვებს.</p><p>მან 29-ე ტურის შეხვედრაშიც გამოიჩინა თავი და რიგის "ოლიმპსთან" სტუმრად მოგებულ შეხვედრაშიც (3:1) გაიტანა. აქვე გეტყვით, რომ ღონღაძემ მიმდინარე სეზონში 19 მატჩში მე-16 გოლი მიითვალა და რიგის "სკონტოს" ბრაზილიელ ნათან ჟუნიორს ორი ბურთით ჩამორჩება - რიგელთა ფორვარდმა ერთი შეხვედრით მეტი ჩაატარა.</p><p>"მამუკა ღონღაძეზე კი ბევრი რა გითხრათ, საჭირო დროს საჭირო ადგილზე ჩნდება და ლამის ყველა თამაშზე გოლი გააქვს. მამუკა ლატვიაში თვალსაჩინოდ დაიხვეწა და დიდი ნაბიჯით დაწინაურდა, მას გუნდში ძალიან ემადლიერებიან, ლატვიელები კი დიდი პერსპექტივას ხედავენ, ღონღაძე 25 წლის არის და მომავალი წინ აქვს", - გვითხრა "დაუგავას" დუბლშემადგენლობისა და გუნდის საფეხბურთო აკადემიის მწვრთნელმა შოთა მახარაძემ.</p><p>ღონღაძეს კონტრაქტი ნოემბერში უმთავრდება, ლატვიის ჩემპიონატის ერთ-ერთი საუკეთესო ბომბარდირის თავისუფალი აგენტის სტატუსით აყვანა კი ბევრი კლუბისთვის მიმზიდველი გახდა - შედეგიან და უკონტრაქტო თავდამსხმელს ყველგან ეძებენ.</p><p>ღონღაძეს სხვადასხვა კლუბებიდან უკავშირდებიან და კონტრაქტს სთავაზობენ. ზაფხულში თავად გვითხრა, რომ პოლონეთის ექსტრაკლასას "პოლონიამ" შესთავაზა კონტრაქტი, მაგრამ დაუგავპილსელებმა არ გაუშვეს. ამ თავდამსხმელით ახლა ბევრად სოლიდური კლუბი, ბუნდესლიგაში მე-12 პოზიციაზე მყოფი "კიოლნი" დაინტერესდა, მას სხვა კლუბებიც იწვევენ.</p><p>ფაქტია, რომ ასეთი შედეგიანი ქართველი თავდამსხმელი ბევრი არ გვეგულება. საქართველოშიც ბევრმა შეიტყო მისი კონტრაქტის დასრულების ამბავი და ურიგო არ იქნება, თუ დაელაპარაკებიან. უცნაური ის არის, რომ აქაც მშვენივრად იცნობდნენ, მაგრამ ყურადღებას არ აქცევდნენ. ნუთუ ამაშიც ნაცნობობა-მეგობრობაა საჭირო?</p><p><strong>უცნობი ცინცაძის პერსპექტივა</strong></p><p>რიგელებთან "დაუგავას" ძირითადში სრულად ითამაშა ბუკა (ბიძინა) ცინცაძემ, ასევე ძირითადში იყო გიორგი ჩიხრაძე, რომელიც 90-ე წუთზე შეცვალეს.</p><p>მატჩის შემდეგ "დაუგავას" ოფიციალურ ვებგვერდზე ჩატარებულ გამოკითხვაში, მატჩის საუკეთესო მოთამაშის გამოვლენა გულშემატკივრებს მიანდეს და ასეთი შედეგი დაფიქსირდა: პირველ ადგილზე ხმათა 39 პროცენტით მამუკა ღონღაძე გავიდა, ბიძინა ცინცაძე კი 28%-ით მეორეზე აღმოჩნდა.</p><p>თუ ღონღაძეს მეტ-ნაკლებად ვიცნობთ, ცინცაძე ბევრისთვის უცნობი მოთამაშეა.</p><p>"ბიძინას პირველი ლიგის "ნორჩ დინამოდან" ვიცნობდი, სადაც, ერთი ხანობა, რეზო ბარამიძეს ვეხმარებოდი. ცინცაძეს რომ ვაკვირდებოდი, მივხვდი, მსგავსი პროფესიონალი ბევრი არ მენახა, პიროვნულადაც მშვენიერი თვისებებით გამოირჩევა. და როდესაც "დაუგავაში" ცენტრალური მცველის ვაკანსია წარმოიქმნა, რეკომენდაცია ცინცაძეს გავუწიე.</p><p>მოიწვიეს, სინჯები გაიარა და დატოვეს. თუმცა, აქ ჩამოსულმა კიდევ უფრო გამაოცა - გადაუჭარბებლად ვიტყვი, რომ ძალიან გაამართლა. ბიჭი 22 წლისაა, უზომოდ შრომისმოყვარეა და დღითიდღე უმატებს. სულ უფრო და უფრო ვრწმუნდები, რომ ძალიან ნიჭიერი და პერსპექტიული ფეხბურთელია. სუსტი რომ იყოს, ლატვიაში არავინ ათამაშებდა, რადგან ლიმიტის გამო, არაევროკავშირელის დასაქმება ძნელია. სხვათა შორის, სამჯერ მატჩის საუკეთესო ფეხბურთელადაც დაასახელეს, ასევე სამჯერ - სიმბოლურშიც.</p><p>ძალიან საინტერესო მოთამაშეა გიორგი ჩიხრაძეც - ისიც ცენტრალური მცველია და ბოლო ტურში "ოლიმპსთან" მატჩი საუკეთესოდ ჩაატარა. მას ის ახასიათებს, რაც ქართველებისგან ლატვიელებს უკვირთ - სტაბილური ფეხბურთელია", - ამბობს შოთა მახარაძე.</p><p>ტანმაღალმა (187) ცინცაძემ ლატვიის ვირსლიგაში წლეულს 16 მატჩი გამართა და ერთი გოლი გაიტანა, ასევე ერთი გოლი არის 20 მატჩში ჩიხრაძის ანგარიშზე.</p><p>საინტერესოა, რომ ცინცაძეს ერთ-ერთ ქართულ კლუბში გასინჯვაზეც უარი უთხრეს, მეორე გუნდში კი კროსები არბენინეს, საკონტროლო შეხვედრაც არ ათამაშეს და დაიწუნეს (?!).</p><p>არადა, 22 წლის მცველით საქართველოს ნაკრების ყოფილი ნახევარმცველი, ამჟამად მენეჯერი ალეკო რეხვიაშვილი დაინტერესდა და ევროპაში წაყვანას უპირებს.</p><p>აქვე ვიტყვით, რომ "დაუგავას" მთავარმა მწვრთნელმა სერგეი ნაზარენკომ ცინცაძე პირველივე ინტერვიუში სამჯერ ძალიან დადებითად ახსენა.</p><p><strong>პერტიას კანდიდატურაც განიხილებოდა</strong></p><p>"დაუგავას" მოწინააღმდეგე "ოლიმპსის" დირექტორი ალექსანდრე რეხვიაშვილია, მთავარი მწვრთნელი "დაუგავას" ყოფილი დამრიგებელი თამაზ პერტია, გუნდში კი ოთხი ჩვენებური მოტამაშეა - კოტე ზარნაძე, პაატა ბალაძე, დავით ჯანელიძე და ლაშა ღონღაძე.</p><p>ისევ მახარაძეს მოვუსმინოთ: "რიგის "ოლიმპსი" ახალგაზრდული გუნდია და მოთამაშეების გაზრდაზეა ორიენტირებული. გუნდმა წლეულს ჩემპიონატი ცუდად დაიწყო და ახლაც აუტსაიდერია, მაგრამ თამაზ პერტიამ ხელი უკვე დაატყო. გუნდი სამი თვის წინათ ვნახე და არაფრად ვარგოდა. თამაზის მისვლის შემდეგ აშკარად შეცვლილია, "დაუგავასთან" გამორჩეულად სხვა გუნდი იყო. მართალია, წააგეს, მაგრამ მეჩვენა, რომ პერსპექტივა აქვს".</p><p>სხვათა შორის, როგორც შევიტყვეთ, სოსო ჭედიას დანიშვნამდე, ახალგაზრდულ ნაკრებში მისი და გია გეგუჩაძის კანდიდატურაც განიხილებოდა, მაგრამ თემურ ქეცბაიამ არჩევანი ჭედიაზე შეაჩერა.</p><p>მსოფლიოს ეკონომიკური კრიზისის შემდეგ, ლატვიურ ფეხბურთსაც მძიმე დღეები დაუდგა, იყო დრო, გუნდები ხელფასსაც ვეღარ იხდიდნენ და ამის გამო ბევრი კლუბი გაკოტრების პირას მივიდა.</p><p>ახლა ლატვიაში მდგომარეობა გამოსწორდა და ოდნავ მაინც ამოისუნთქეს, თუმცა ჯერ საბოლოოდ ვერ ამბობენ, დასძლია თუ არა ქვეყანამ კრიზისი, კლუბებიც მოთამაშეებს ძველებურად სოლიდურ ხელფასს ვერ უხდიან. განსაკუთრებული გასამრჯელოთი თავს ქართველებიც ვერ იწონებენ.</p><p>ასე რომ, ლატვიაში დასაქმებული ჩვენებურების აქ ჩამოყვანა განსაკუთრებული პრობლემაც არ უნდა იყოს. საწყენია, ასეთ ხალხს ქართულ ფეხბურთში რომ ვერ ვიყენებთ. ერთი ალეკო რეხვიაშვილია ფუტსალის ნაკრების მენეჯერი, მაგრამ ეს მაინც ლოკალური სფეროა, კლასიკური ფეხბურთი კი სხვა მასშტაბია, რეხვიაშვილს კი საკმაოდ კარგი კავშირები გამოარჩევს.</p><p><strong>ყოველდღიური სპორტული გაზეთი "ლელო"</strong></p>
Burton
ვაა, მაგარია, კიოლნის ვარიანტი თუ გაქვს, გადადი აუცილებლად. იქიდან კი ნაკრები გარანტირებულია ;) წარმატებები მამუკას!
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!