<p>„ქუინზ პარკ რეინჯერსის“ მწვრთნელმა, ნილ უორნოკმა გადაწყვიტა 22 წლის მაროკოელი ვარსკვლავი, ადელ ტაარაბტი არ დააჯარიმოს <br> „ქუინზ პარკ რეინჯერსის“ მწვრთნელმა, ნილ უორნოკმა გადაწყვიტა 22 წლის მაროკოელი ვარსკვლავი, ადელ ტაარაბტი არ დააჯარიმოს, თუმცა დაიბარებს და აუხსნის, რა მოუვა იმ შემთხვევაში, თუ ერთხელაც გაიმეორებს იმას, რაც მეშვიდე ტურში, „ფულჰემთან“ შეხვედრის დროს ჩაიდინა.</p><p>კერძოდ კი აი, რა მოხდა: უორნიკმა „კრეივენ კოტეჯზე“ ანუ „ფულჰემის“ სტადიონზე გამართული შეხვედრის შესვენებისას ტაარაბტი შეცვალა. „რეინჯერსს“ უჭირდა (მოგეხსენებათ, საბოლოოდ „ფულჰემმა“ 6:0 მოუგო) მაგრამ მაროკოელმა საკუთარი გუნდის მიმართ უკიდურესი გულცივობა გამოამჟღავნა და აქაოდა, შემცვალესო, სულ წავიდა სტადიონიდან.</p><p>მეორე მხრივ, „დეილი მეილთან“ ინტერვიუში უორნოკმა განაცხადა: „არ დაგიმალავთ და ფეხბურთელისაც მესმის. ვინ იცის, მეც რომ შევეცვალე მწვრთნელს, მოედნიდან გამოვსულიყავი და დასაჯდომი ადგილი არ დამხვედროდა, მეც წავსულიყავი სტადიონიდან. ტაარაბტს სწორედ ასეთი რამ გადახდა, რაც დაუშვებელია“.</p><p>უორნოკმა ტაარაბტთან ერთად მისი 33 წლის თანაგუნდელი, შონ დერიც გამოცვალა, მაგრამ ის არსად წასულა, ბოლომდე „კრეივენ კოტეჯზე“ დარჩა და დამარცხების სიმწარე თანაგუნდელებთან ერთად გაიზიარა. საერთოდაც, ტაარაბტს გუნდში ზარმაცის სახელი აქვს გავარდნილი და „რეინჯერსის“ მოთამაშეები მის მიმართ მაინც და მაინც მეგობრულად არ არიან განწყობილები. ისინი ამბობენ, რომ მაროკოელი ვარჯიშებზე დანარჩენების მსგავსად ბოლომდე არ იხარჯება. „ქუინზ პარკ რეინჯერსში“ მომუშავე ერთმა ადამიანმა „დეილი მეილს“ უამბო:</p><p>„კლუბში ყველამ იცის, რომ ადელს ვარჯიში არ უყვარს, რაც ფეხბურთელთაგან ბევრს აღიზიანებს. ისე ჩანს, რომ მას სხვებისგან განსხვავებით უფრო ლმობიერად ექცევიან, თუმცა მოთამაშეებს, განსაკუთრებით კი ახალგაზრდებს, სწამთ, რომ ძირითად შემადგენლობაში ადგილი ყველამ ბრძოლით უნდა მოიპოვოს, ამისათვის კი ვარჯიშებზე თავდადებაა საჭირო“.</p><p>დღეისათვის ტაარაბტი მაროკოშია და „რეინჯერსს“ მხოლოდ სანაკრებო ინტერვალის შემდეგ დაუბრუნდება. სხვათა შორის, მას ეროვნულ გუნდშიც პრობლემები ჰქონდა, მწვრთნელს, ცნობილ ბელგიელ ერიკ გერეცს ვერ გაუგო და ამ წლის დასაწყისში გამოაცხადა, რომ ნაკრებიდან მიდის, თუმცა, გერცმა მოინდომა და მისი დაბრუნება მოახერხა.</p><p><strong>ყოველდღიური სპორტული გაზეთი "ლელო"</strong></p>
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო
[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"