კიდევ ერთი ოპერაცია!

არიენ რობენმა უკვე აღარ იცის, რა უნდა ქნას მართალია, ეს ოპერაცია არ არის ისეთი სერიოზული, რომ მიუნხენელებს განგაშის ასატეხად უღირდეთ, მაგრამ მაინც ოპერაციაა და თანაც, ვინ მოთვლის, მერამდენე...არიენ რობენი ხუთშაბათს ჰოლანდიის ნაკრებს ნაადრევად გამოეთხოვა და ისევ მიუნხენში დაბრუნდა, ამის მიზეზი კი, რა თქმა უნდა, ჰოლანდიელი დრიბლიორის მორიგი ტრავმაა.გუშინ გაზეთმა „მიუნხენერ მერკურმა“ ყველას დაასწრო იმ ცნობის გავრცელება, რამაც „ბაიერნში“ ყველაა აანერვიულა: რობენს მორიგი ოპერაცია გაუკეთეს და თუ გამოჯანმრთელების პროცესი კარგად წარიმართა, არიენი მოედანზე ერთი თვის შემდეგ დაბრუნდება.ერთთვიანი პაუზა ზოგადად საგანგაშო არ არის ხოლმე, მაგრამ რობენის შემთხვევაში საგანგაშოზე მეტია, რადგან არავის ახსოვს, როდის იყო ჰოლანდიელი ნახევარმცველი აბსოლუტურად ჯანმრთელი ზედიზედ 2-3 თვის განმავლობაში. ახლაც, ამ ოპერაციამდე, ახალი გამოჯანმრთელებული იყო და ფორმის აღდგენას ცდილობდა. წინა ტრავმამ რობენს ლაზარეთში ხუთი კვირა გაატარებინა.„ძალიან ცუდად ვარ, ფეხიც მაგრად მტკივა. ყველაზე ცუდი და გასაბრაზებელი ის არის, რომ ზუსტი და საბოლოო დიაგნოზის დასმა ყველას უჭირს. არავინ იცის, გამოვჯანმრთელდები თუ არა ისე, რომ ტრავმა ზედიზედ რამდენიმე თვის მანძილზე აღარ მივიღო. ეს ტრავმა ძალიან ჩახლართულია. ვერავინ მეუბნება, კონკრეტულად რა უნდა გაკეთდეს ამ ტრავმის წინააღმდეგ. ახლა, მაგალითად, მხოლოდ ის ვიცი, რომ სამ კვირაში ვარჯიშს შევძლებ, სამაგიეროდ, არ ვიცი, რა იქნება 2 თვის შემდეგ. ექიმები კითხვებზე ამომწურავად ვერ მპასუხობენ და ფაქტია, რომ ამით უკვე ძალიან დავიღალე,“ - განაცხადა მიუნხენში დაბრუნებულმა რობენმა.„არიენის გამო ყველანი მაგრად ვნერვიულობთ, მაგრამ მისმა მდგომარეობამ დეპრესიაში არ უნდა ჩაგვაგდოს. რაც არ უნდა იყოს, ყველაფერს რეალური თვალით უნდა შევხედოთ, წუწუნი ახლა არაფერს მოგვიტანს. ყველაზე მთავარი კიდევ ერთხელ არის ის, რომ მალე გამოჯანმრთელდეს და თამაში შეძლოს. რობენი არის ფეხბურთელი, რომელსაც მარტოს შეუძლია „ბაიერნისთვის“ წარმატებების მოტანა და ჩვენ ყველას გვინდა, რომ მალე სრულად გამოჯანმრთელდეს, - აცხადებს „ბაიერნის“ ვიცე-პრეზიდენტი კარლ-ჰაინც რუმენიგე და იქვე დასძენს, - „მანჩესტერ სიტისთან“ და „ჰოფენჰაიმთან“ თამაშების შემდეგ არიენი ნაწყენი იყო იმის გამო, რომ იუპ ჰაინკესი ცოტა ხნით ათამაშებდა. მან უნდა გაითავისოს, რომ „ბაიერნისთვის“ ფასდაუდებელი ფეხბურთელია, რომელიც ხშირად იღებს ტრავმებს და ამიტომაც ვუფრთხილდებით მაქსიმალურად.“ბრენო ციხიდან გამოიყვანესამასობაში, რეკორდმაისტერმა ბრენო ციხიდან დაიხსნა. „ბაიერნმა“ ბრაზილიელ მცველს 22-ე დაბადების დღემდე შვიდი დღით ადრე 500 000 ევროს ოდენობის გირაო გადაუხადა, რაც საკმარისი იყო იმისათვის, რომ ბრენო 13-დღიანი პატიმრობის შემდეგ გაეთავისუფლებინათ. შეგახსენებთ, რომ მას ბრალად 20 სექტემბერს საკუთარი ვილისთვის ცეცხლის წაკიდება ედება. თუმცა ბრაზილიელის გათავისუფლება იმას არ ნიშნავს, რომ უდანაშაულოა. პროკურატურის ოფიციალური განცხადებით, ბრენო ჯერ კიდევ ეჭვმიტანილია, გამოძიება კი გრძელდება.„მიხარია, რომ ბოლოს და ბოლოს ბრენო თავისუფალია და შეუძლია, დაუბრუნდეს როგორც ოჯახს, ისე „ბაიერნსაც“, - ეს რუმენიგეს მოკლე კომენტარია. მიუნხენურმა კლუბმა ნახევარმილიონიანი გირაოს გადახდა გუშინვე დაადასტურა.ციხიდან გამოსვლის შემდეგ, ბრენომ პროკურატურის მკაცრი მოთხოვნები უნდა შეასრულოს. მას ჩამორთმეული აქვს როგორც პასპორტი, ისე მართვის მოწმობა. მის ყველა საბანკო ანგარიშს ყადაღა ადევს და ამასთან, ბრენო კვირაში ერთხელ პოლიციაში უნდა გამოცხადდეს და დაფიქსირდეს. თუკი ბრაზილიელი რომელიმე წესს დაარღვევს, ისევ ციხეში აღმოჩნდება.ბრენომ ახლა „ბაიერნის“ მიერ დაქირავებულ სახლში უნდა იცხოვროს. ბავარიული გრანდის სპორტული დირექტორი კრისტიან ნერლინგერი იმედოვნებს, რომ ბრენო მალე გამოჯანმრთელდება – როგორც იცით, მას მუხლის ტრავმა აწუხებს. ამასთან, ბრაზილიელს „ბაიერნთან“ კონტრაქტი უმთავრდება და ჩვენი გერმანელი კოლეგების აზრით, რეკორდმაისტერი მასთან ახალი ხელშეკრულების გაფორმებას არ აპირებს.ყოველდღიური სპორტული გაზეთი "ლელო"

მამარდაშვილი გამოირიცხა - "ბეშიქთაშს" ახალი მეკარე ჰყავს

კლოპმა დაადასტურა - "ლივერპულის" ყოფილი თავკაცი გერმანიის საფეხბურთო ასოციაციასთან მოლაპარაკებებს აწარმოებს

"ლიონმა" ფეხბურთელების გაშვება დაიწყო - მორეირა ბუნდესლიგაში გადავიდა

საქართველოს 20-წლამდელთა ნაკრებმა ესტონეთი დაამარცხა

სალაჰი შეიძლება პრემიერლიგიდან არ წავიდეს

სატონი: ესპანეთმა საფრანგეთს სკალპი გააძრო

საფრანგეთის ნაკრებს მუნდიალის შემდეგ ზინედინ ზიდანი ჩაიბარებს

ოფიციალურად: ტილემანსი "მანჩესტერ იუნაიტედის" ფეხბურთელია

ბართიშვილს პირადად დააკვირდნენ - "არსენალის" სკაუტი "იბერიას" მატჩზე და ქართველის შესაძლო ტრანსფერის ამბავი

ნურმაგომედოვმა თავისი აზრით, მსოფლიოს საუკეთესო 6 ფეხბურთელი დაასახელა - მერამდენე ადგილზე დააყენა მან კვარაცხელია

"ამ ფეხბურთელის დიდი გულშემატკივარი ვარ, "ბაიერნს" მოუხდებოდა" - სანიოლმა ყოფილ გუნდს რჩევა მისცა

ვიეირა: ფრანგი ფეხბურთელები ყველანი გაქრნენ

[VIDEO] "იბერია 1999"-მა "ფლორას" ბარიერი გადალახა - ასეთი თამაშით "სლოვანის" ძლევა ძალიან გაუჭირდებათ

ტერი: ინგლისი არგენტინაზე უკეთესია - ბელინგემი ზიდანს მომაგონებს

17-წლამდე ძალოსანთა ნაკრებმა მსოფლიო ჩემპიონატზე 14 მედალი მოიპოვა

დაბრუნება მშობლიურ გუნდში - აზარი ლიგა 1-ში ითამაშებს

"ბარსელონამ" შესაძლოა, საშინაო მატჩები ოლიმპიურ სტადიონზე კვლავ გამართოს

"პერესს ვურჩიე, თუ ერთ ფეხბურთელზეა ფული დასახარჯი, ის შეიძინოს" - მაკელელემ ფავორიტი დაასახელა

დღეს მბაპე VS იამალი, ხვალ კეინი VS მესი - ნახევარფინალების PREVIEW

ფერანის მორიგი გაშორება - ტორესმა ქალებთან ურთიერთობა ვერაფრით დაალაგა

იტალიის ნაკრებს სავარაუდოდ, პირლოს ჩააბარებენ

ალისონის წასვლა მაინც შესაძლებელია? - "ლივერპული" ბრაზილიელის გაშვებას მხოლოდ ერთ შემთხვევაში დათანხმდება

მე-3 კლასში სკოლის მიტოვება მოუწია - ოსიმენმა თქვა, რას აპირებს კარიერის დასრულების შემდეგ