<p>ისევ გაუჭირდა ბოლო დროს კრიზისში მყოფ ენდი როდიკს, რომელიც ამჟამად მე-15 ადგილს იკავებს მსოფლიო კლასიფიკაციაში <br> ჩინეთის ქალაქ შანხაიში სტარტი აიღო სეზონის ბოლოსწინა მასტერსმა. საწყის რაუნდში პირველ რვა ნომრად განთესილი ჩოგბურთელები ისვენებენ. პირველ წრეში ჯერჯერობით მოულოდნელობები არ მომხდარა.</p><p>წარმატებით დაწყო შანხაიში გამოსვლა არგენტინელმა დავიდ ნალბანდიანმა. მსოფლიოს 57-ე ნომერმა რეიტინგში თავისი მეზობელი, 23 წლის ლატვიელი ერნესტ გულბისი ორ სეტში - 7:5, 6:4 დაამარცხა.</p><p>სამხრეთამერიკელმა 12 ბრეიკ-პოინტიდან მხოლოდ სამი გამოიყენა, მაგრამ ესეც საკმარისი აღმოჩნდა გამარჯებისთვის. გულბისს მხოლოდ ერთი ბრეიკი ჰქონდა, 10 ეისი ჩააწოდა, მაგრამ ამასთან, 9 ორმაგი შეცდომაც დაუშვა, რამაც განაპირობა კიდეც მისი მარცხი.</p><p>ისევ გაუჭირდა ბოლო დროს კრიზისში მყოფ ენდი როდიკს, რომელიც ამჟამად მე-15 ადგილს იკავებს მსოფლიო კლასიფიკაციაში. ამერიკელმა კარგად დაიწყო შეხვედრა ტაივანელ იენ-ჰსუნ ლუსთან, მაგრამ შემდეგ მეტოქემ ინიციატივა მოიპოვა და მეორე სეტი ერთადერთი ბრეიკის წყალობით თავის სასარგებლოდ დაასრულა.</p><p>მაგრამ მსოფლიოს ყოფილი პირველი ჩოგანი დროულად მოეგო გონს და არ დაუშვა ზედიზედ მეორე ტურნირში პირველივე წრიდან გამოვარდნა. გადამწყვეტ პარტიაში როდიკმა ორი ბრეიკის შესრულება შეძლო და საათსა და 52 წუთში სამ სეტში გაიმარჯვა - 6:2, 3:6, 6:2.</p><p>როდიკმა 10 ეისი ჩააწოდა, მისმა მეტოქემ - შვიდი. ამასთან, ლუს ანგარიშზე შვიდი ორმაგი შეცდომა მოდის. ამ მატჩის შემდეგ ამერიკელისა და ტაივანელი ჩოგბურთელების ურთიერთშეხვედრებში ანგარიშია 4:1 ენდის სასარგებლოდ.</p><p>მეორე ეტაპზე თამაშის უფლება მოიპოვა წლევანდელი უიმბლდონის სენსაციამ, 18 წლის ავსტრალიელმა ბერნარდ ტომიჩმა. მან მარათონულ სამსეტიან მატჩში მოუგო რეიტინგის 30-ე ნომერს, სამხრეთაფრიკელ კევინ ანდერსონს. პირველ ორ სეტში მეტოქეებმა ვერც ერთი ბრეიკი ვერ გააკეთეს და საქმე ტაიბრეიკამდე მივიდა - პირველ პარტიაში ტომიჩმა იმარჯვა, მეორეში - ანდერსონმა, მესამე სეტში კი ავსტრალიელმა ერთადერთი ბრეიკი გააკეთა ორსაათნახევრიან მატჩში და გადამწყვეტი პარტია 6:3 მოიგო.</p><p>საწყის წრეში ორი ნაკლებად ცნობილი ჩინელი ჩოგბურთელი გამოეთიშა ბრძოლას. ერთ-ერთი იყო მსოფლიოს 358-ე ჩოგანი ჟე ლი, რომელმაც თითქმის უბრძოლველად დათმო შეხვედრა ესპანელი ფერნანდო ვერდასკოს წინააღმდეგ. მატჩი საათსა და 14 წუთს გაგრძელდა და ესპანელმა მხოლოდ ერთი ბრეიკ-პოინტის შანსი მისცა მეტოქეს, თუმცა ლიმ ვერ შეძლო მისი გამოყენება. თავად 27 წლის ვერდასკომ კი ოთხჯერ აიღო ჩინელის მოწოდება და ამის ხარჯზე 6:2, 6:2 გაიმარჯვა.</p><p>ერთადერთი სათამაშო კომპონენტი, რაშიც ლი დიდად არ ჩამორჩებოდა მეტოქეს - ეისების რაოდენობაა - ვერდასკომ ექვსჯერ ჩააწოდა სუფთა ბურთი, ლიმ - ხუთჯერ.</p><p>კიდევ ერთმა ჩინელმა წააგო ორ სეტში - მსოფლიოს 398-ე ჩოგანმა მაო-სინ გონმაც ვერ გაუწია დიდი წინააღმდეგობა ახალგაზრდა</p><p>ამერიკელ დონალდ იანგს და ისიც ორ სეტში დამარცხდა - 1:6, 4:6. თუმცა პირველ სეტში გამანადგურებელი ანგარიშით მარცხის შემდეგ, მასპინძელმა მეორე პარტიაში ასე თუ ისე ღირსეულად იბრძოლა და ოთხი გეიმი აართვა მეტოქეს. მატჩი საათსა და 13 წუთს გაგრძელდა და იანგმა მეორე წრის საგზური მოიპოვა, სადაც მისი მეტოქე შვეიცარიელი სტანისლას ვავრინკა იქნება, ვინც არგენტინელი ხუან მონაკო გამოთიშა ბრძოლას.</p><p><strong>ყოველდღიური სპორტული გაზეთი "ლელო"</strong></p>
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
ლეგენდარული რაფაელ ნადალი "რეალის" დირექტორთა საბჭოს წევრი გახდა
"მეტოქე შესანიშნავად თამაშობდა" - ბასილაშვილს კარგი გარჯა ალკარასმაც შეუქო
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა