კორეის გრანპრი: ჯერ შუმი, შემდეგ ლუისი

ნიკო როსბერგმა ვერ მოასწრო სასტარტო სწორ მონაკვეთზე სიჩქარის დაგდება და ხაიმე ალგერსუარის შეასკდა, რომელიც ბოქსებს ტოვებდა კორეის გრანპრი პარასკევის ორი თავისუფალი პრაქტიკით გაიხსნა. როგორც მეტეოროლოგები ვარაუდობდნენ, პირველმა ვარჯიშმა ძლიერი წვიმის თანხლებით ჩაიარა. თითო წრის გავლის შემდეგ პილოტები კარგა ხნით დაიმალნენ "ბოქსებში".პირველმა ტრასაზე სერიოზული მუშაობა ლუის ჰემილტონმა დაიწყო - მას უნდა შეემოწმებინა ტექნიკური სიახლეები, რომელიც "მაკლარენმა" კორეაში ჩაიტანა.ბრიტანელის შედეგი - 2.03,391 დიდი ხანი რჩებოდა საუკეთესოდ (და ერთადერთად). მხოლოდ ბოლო ნახევარ საათში გაიზარდა აქტიურობა. და მართალია, თითქმის ყველა პილოტი უშვებდა შეცდომას, ამჯერად ყველაფერმა ავარიების გარეშე ჩაიარა. ყველაზე სახიფათო იყო ეპიზოდი, როცა სწრაფ წრეზე სებასტიან ფეტელმა სასწაულებრივ აიცილა თავიდან ნელ "ვირჯინთან" შეჯახება.პირველმა, ვინც ჰემილტონის დრო გააუმჯობესა, სებასტიან ბუემი იყო - 2.03,182. მხოლოდ პირველი სესიის ბოლო წუთებზე, როცა ტრასა მეტნაკლებად გაშრა, სისწრაფე გაიზარდა. საბოლოოდ, საუკეთესო შედეგი მიხაელ შუმახერმა აჩვენა. ლეგენდარული გერმანელის დროს სულ მცირედით ჩამორჩნენ ფეტელი და პოლ დი რესტა.ვარჯიშის ბოლოს შუმახერმა წვიმის საბურავებიდან საშუალედო რეზინზე გადასვლა სცადა, მაგრამ ტრეკი ჯერ კიდევ საკმაოდ სველი იყო და შუმიმ კინაღამ დაამტვრია თავისი მანქანა, როცა ბოქსებისკენ მიმავალი გზიდან გადავარდა.ჯენსონ ბატონს, ფელიპე მასას, ჰეიკი კოვალაინენს და "ლოტუს რენოს" პილოტებს პირველი საცდელი წრის შემდეგ ბოქსები აღარ დაუტოვებიათ, ფერნანდო ალონსომ კი რამდენიმეჯერ გაიარა თითო წრე და ტექნიკური სიახლეების ტესტირებით შემოიფარგლა.I პრაქტიკა1. მიხაელ შუმახერი (მერსედესი) - 2:02.784 (10); 2. სებასტიან ფეტელი (რედ ბული) - +0.056 (8); 3. პოლ დი რესტა (ფორს ინდია) - +0.128 (12); 4. ადრიან სუტილი (ფორს ინდია) - +0.357 (12); 5. სებასტიან ბუემი (ტორო როსო) - +0.398 (9); 6. კამუი კობაიაში (ზაუბერი) - +0.508 (13); 7. ლუის ჰემილტონი (მაკლარენი) - +0.607 (6); 8. ნიკო როსბერგი (მერსედესი) - +1.527 (12); 9. სერხიო პერესი (ზაუბერი) - +2.013 (8); 10. მარკ უებერი (რედ ბული) - +2.399 (5); 11. კარუნ ჩანდჰოკი (ლოტუსი) - +3.566 (11); 12. პასტორ მალდონადო (უილიამსი) - +4.068 (11); 13. ჟან-ერიკ ვერნი (ტორო როსო) - +4.757 (9); 14. რუბენს ბარიკელო (უილიამსი) - +5.434 (5); 15. ნარაიან კართიკეიანი (HRT) - +6.048 (14); 16. დანიელ რიკარდო (HRT) - +6.448 (14); 17. ჟერომ დ’ამბროზიო (ვირჯინი) - +9.874 (7); 18. ტიმო გლოკი (ვირჯინი) - +11.724 (4); 19. ფელიპე მასა (ფერარი) - დროის გარეშე (1); 20. ფერნანდო ალონსო (ფერარი) - დროის გარეშე (5); 21. ბრუნო სენა (ლოტუს-რენო) - დროის გარეშე (1); 22. ვიტალი პეტროვი (ლოტუს-რენო) - დროის გარეშე (1); 23. ჰეიკი კოვალაინენი (ლოტუსი) - დროის გარეშე (1); 24. ჯენსონ ბატონი (მაკლარენი) - დროის გარეშე (1).* * *პარასკევის მეორე პრაქტიკისას "მაკლარენის" პილოტები სხვებზე გაცილებით სწრაფები იყვნენ. ვარჯიში ისევ სველ ტრასაზე დაიწყო, მაგრამ საათნახევარში პილოტებმა ასფალტი გააშრეს და ბოლო წუთებზე ზოგიერთმა "სლიკების" საბურვებით გამოსვლა გარისკა. მაგრამ ეს ნაბიჯი მცდარი იყო, რადგან ასფლატთან მოჭიდება არასაკმარისი გახლდათ.საშუალედო საბურავებით აშკარა უპირატესობა ლუის ჰემილტონსა და ჯენსონ ბატონს ჰქონდათ, რომლებმაც მეტოქეებს თითქმის ორი წამი მოუგეს. სესიის შუაში ბრიტანელები დიდი ხანი ცვლიდნენ სწრაფ წრეებს და მათ შედეგებს ვერავინ მიუახლოვდა. დანარჩენებს შორის საუკეთესო მსოფლიოს მოქმედი ჩემპიონი სებასტიან ფეტელი იყო.სერიოზული ავარია მხოლოდ ერთხელ მოხდა - ნიკო როსბერგმა ვერ მოასწრო სასტარტო სწორ მონაკვეთზე სიჩქარის დაგდება და ხაიმე ალგერსუარის შეასკდა, რომელიც ბოქსებს ტოვებდა.II პრაქტიკა1. ლუის ჰემილტონი (მაკლარენი) - 1:50.828 (26); 2. ჯენსონ ბატონი (მაკლარენი) - +0.104 (19); 3. სებასტიან ფეტელი (რედ ბული) - +1.818 (30); 4. ფერნანდო ალონსო (ფერარი) - +1.946 (25); 5. მარკ უებერი (რედ ბული) - +2.221 (27); 6. ხაიმე ალგერსუარი (ტორო როსო) - +2.574 (25); 7. ფელიპე მასა (ფერარი) - +2.879 (24); 8. ნიკო როსბერგი (მერსედესი) - +3.086 (18); 9. სებასტიან ბუემი (ტორო როსო) - +3.120 (27); 10. პოლ დი რესტა (ფორს ინდია) - +3.129 (32); 11. ვიტალი პეტროვი (ლოტუს-რენო) - +3.372 (26); 12. ადრიან სუტილი (ფორს ინდია) - +3.564 (26); 13. რუბენს ბარიკელო (უილიამსი) - +4.003 (30); 14. მიხაელ შუმახერი (მერსედესი) - +4.137 (21); 15. ბრუნო სენა (ლოტუს-რენო) - +4.359 (28); 16. სერხიო პერესი (ზაუბერი) - +4.375 (24); 17. კამუი კობაიაში (ზაუბერი) - +4.716 (23); 18. პასტორ მალდონადო (უილიამსი) - +5.239 (22); 19. ჰეიკი კოვალაინენი (ლოტუსი) - +5.841 (20); 20. იარნო ტრული (ლოტუსი) - +6.345 (19); 21. ტიმო გლოკი (ვირჯინი) - +7.441 (25); 22. ჟერომ დ’ამბროზიო (ვირჯინი) - +8.630 (26); 23. დანიელ რიკარდო (HRT) - +9.130 (19); 24. ვიტანტონიო ლიუცი (HRT) - +9.337 (20).კორეა ციფრებში- კორეის გრანპრი მხოლოდ მეორედ იმართება.- 2010 წლის 24 ოქტომბერს იონამში პირველი რბოლა ესპანელმა ფერნანდო ალონსომ მოიგო.- ტრასის სიგრძეა - 5615 მეტრი. პილოტები 55 წრეს გადიან, დისტანციის საერთო სიგრძე 308,630 კილომეტრს შეადგენს. ავტოდრომი დედაქალაქ სეულიდან სამხრეთით 400 კილომეტრში მდებარეობს. ისევე როგორც ყველა ახალი ავტოდრომი, კორეის ტრეკიც გერმანელი ჰერმან ტილკეს დაპროექტებულია. ტრიბუნების ტევადობა დაახლოებით 135 ათასია. ტრასაზე 18 მოსახვევია (11 მარცხენა, 7 მარჯვენა).- ავტოდრომი ექსპლუტაციაში სადებიუტო გრანპრიმდე 13 დღით ადრე შევიდა. 2010 წლის 13 ოქტომბერს FIA-ის ინსპექციის შემდეგ "დიდი პრიზების" სარბოლო დირექტორმა ჩარლი უაიტინგმა ეტაპის გამართვის უფლება გასცა.- შარშან, კვალიფიკაციაზე უსწრაფესი წრე გერმანელმა სებასტიან ფეტელმა გაიარა - 1.35,585. რბოლაში ყველაზე სწრაფი ალონსო იყო - 1.50,257 (42-ე წრე საშუალო სიჩქარით - 183,335 კმ/სთ).- 2010 წელს "ფერარის" ორივე პილოტი ავიდა პოდიუმზე. შესაბამისად, კორეაში ყველაზე მეტი ქულა "სკუდერიას" აქვს მოპოვებული.- ფელიპე მასასთვის იონამში პოდიუმი ჯერჯერობით უკანასკნელია კარიერაში.- გერმანელმა მიხაელ შუმახერმა კორეაში მეოთხე ადგილი დაიკავა. ასე მაღლა დიდ სპორტში დაბრუნების შემდეგ ის ერთხელ ავიდა - წელს კანადის გრანპრიზე.- ფეტელი ბოლოს რბოლას სწორედ კორეაში გამოეთიშა (45-ე წრეზე). მისი პარტნიორი "რედ ბულში" მარკ უებერი ასევე ვერ მივიდა ფინიშთან. ეს ჯერჯერობით ბოლო შემთხვევაა, როცა ავსტრიულმა გუნდმა ვერც ერთი ქულა ვერ დააგროვა.ყოველდღიური სპორტული გაზეთი "ლელო"

ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა

როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

ლაზიშვილს PFL და UFC ეპატიჟებიან - მისი პოპულარობა არნახულად გაიზარდა

ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

საბა ლაზიშვილი ხვალ RAF-ზე იჭიდავებს!

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა

"ბორჯღალოსნები" | შემადგენლობა მე-300 მატჩისთვის

მამარდაშვილი: ისევ შეგვიძლია ისე, როგორც ევროპის ჩემპიონატზე!

სვანაძე: აღმართს დაღმართი მოსდევს - მხოლოდ ერთი ფეხბურთელი არაა მზად