- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ნალბანდიანის მესამე დაბრუნება
<p><p>დავიდ ნალბანდიანი თავისი თაობის ერთ-ერთი ყველაზე ძლიერი და უნიკალური წარმომადგენელია.</p> <br> <p>დავიდ ნალბანდიანი თავისი თაობის ერთ-ერთი ყველაზე ძლიერი და უნიკალური წარმომადგენელია. სავსებით შესაძლებელია, რომ ის ვერასდროს ვერ მოიგებს "დიდი სლემის" ტურნირს და ვერ გახდება მსოფლიოს პირველი ჩოგანი, მაგრამ გულშემატკივრებს მოსაგონად ბევრი დაუვიწყარი მომენტი დარჩებათ. 2010 წელს არგენტინელი კიდევ ერთხელ დაბრუნდა არსაიდან. ვაშინგტონის ტურნირში გამარჯვების შემდეგ, მან მსოფლიოს რეიტინგში 70 პოზიციით წაიწია წინ, მაგრამ ამ სეზონში მიზნად არა პირად მიღწევებს, არამედ დევისის თასზე გამარჯვებას ისახავს. ამ ტურნირზე არგენტინა ნახევარფინალშია გასული.</p><p>დავიდის საუკეთესო წლები, ალბათ, წარსულს ჩაბარდა. საუკეთესო პერიოდი კი 2002-05 წლები იყო. მაშინ 20 წლის არგენტინელი თავის პირველივე უიმბლდონზე ფინალში გავიდა, სადაც ლეიტონ ჰიუიტთან წააგო. ყველაზე დიდ გამარჯვებას კი 2005 წელს, შანხაიში სეზონის შემაჯამებელ ტურნირში მიაღწია, როცა ფინალში 0:2-დან ხუთსეტიან დაძაბულ ბრძოლაში როჯერ ფედერერი დაამარცხა. გარდა ამისა, "დიდი სლემის" ოთხივე ტურნირის ნახევარფინალში გავიდა (თანაც არაერთგზის), მაგრამ უფრო შორს გასვლა ვერ მოახერხა. ამით ის ე. წ. "სლემის ნახევარფინალისტების კლუბში" მოხვდა. მოქმედ ჩოგბურთელებს შორის ამ ჯგუფში მხოლოდ ფედერერი, რაფაელ ნადალი და ნოვაკ ჯოკოვიჩი შედიან. ასე რომ, საკმაოდ პრესტიჟული მიღწევაა. ბოლოს მან დიდი ტურნირების ნახევარფინალურ ეტაპს 2006 წელს საფრანგეთის ღია პირველობაზე მიაღწია, სადაც ფედერერთან მატჩის მესამე სეტში შეწყვიტა თამაში. იმ მომენტში კარიერაში ყველაზე მაღალი - მესამე ადგილი ეჭირა ATP-ის რეიტინგში. სწორედ ამ პიკის შემდეგ დაიწყო ჩავარდნა და აბსოლუტურად ახალი პერიოდი ნალბანდიანის კარიერაში.</p><p>არგენტინელი არასოდეს ყოფილა სტაბილური მოთამაშე. პირიქით, ყველამ იცოდა, რომ კონკრეტული მომენტისთვის მისი თამაში განწყობაზე იყო დამოკიდებული, თუმცა დიდ ტურნირებზე მაქსიმალურად მობილიზებული გახლდათ. მაგრამ 2007 წელს ეს თვისებაც დაკარგა და დავიდი ATP-ის ტურის ერთ-ერთ ყველაზე არაპროგნოზირებად ჩოგბურთელად იქცა. ამის მიზეზი ნაწილობრივ ტრავმები იყო, ხანდახან კი სხვა გატაცებები უშლიდა ხელს. ცნობილია, რომ ნალბანდიანს ძალიან უყვარს ავტორბოლები, თევზაობა, ფეხბურთი... ის არასოდეს ამბობდა უარს საყვარელ გასართობებზე.</p><p>მაგრამ ოსტატობა და ნიჭი არსად დაკარგულა. ძალიან შთამბეჭდავი იყო მისი დაბრუნება 2007 წლის ბოლოს. მაშინ მას გრძელი წარუმატებელი სერია ჰქონდა და მონატრებული იყო გამარჯვებებს. დავიდმა მადრიდისა და პარიზის მასტერსებზე ხანგრძლივი სეზონისგან დაღლილ ლიდერებს "შავი დღე" აყარა. ორ-ორჯერ დაამარცხა მსოფლიოს პირველი ორ ჩოგანი - რაფაელ ნადალი და როჯერ ფედერერი. საერთოდ, ნალბანდიანი ტურის ლიდერებისთვის ყოველთვის განსაკუთრებულ საფრთხეს წარმოადგენს, რაზეც ამ ჩოგბურთელებთან ურთიერთშეხვედრების ანგარიშებიც კარგად მეტყველებს: 8:10 - ფედერერთან, 2:2 - ნადალთან, 2:1 - ენდი მიურეისთან. ასეთი მაჩვენებლებით ცოტა ვინმე თუ დაიკვეხნის.</p><p>ბევრს ეგონა, რომ შემოდგომის მასტერსებზე მიღწეული პროგრესის შემდეგ, ნალბანდიანი ლიდერებთან ბრძოლას გააგრძელებდა, მაგრამ მომავალ სეზონში მხოლოდ ორჯერ გაიბრწყინა, 2009 წელს კი ტრავმის გამო მაისის დასაწყისში დაასრულა სეზონი. აღდგენითი პროცესი ძალიან რთულად მიმდინარეობდა. დავიდმა რამდენჯერმე გადაწია დაბრუნების თარიღი და როგორც იქნა, ბუენოს აირესში საშინაო ტურნირზე გამოვიდა, სადაც ორი მატჩის შემდეგ შეწყვიტა ბრძოლა. ასე გრძელდებოდა დიდი ხანი - იწყებდა თამაშს და თავს ანებებდა. გულშემატკივრებმა ნალბანდიანის კარიერა კიდევ ერთი კარგი არგენტინელი ჩოგბურთელის გილერმო კორიას კარიერას შეადარეს. კორიაც დიდი ხანი უშედეგოდ ცდილობდა დაბრუნებას და ბოლოს თამაში დაასრულა.</p><p>საბედნიეროდ, ნალბანდიანს ასეთი რამ არ დაემართა. მან კარგი ტურნირი ჩაატარა მონტე კარლოში, შემდეგ ისევ რამდენიმე შეჯიბრი გამოტოვა, მათ შორის, როლან გაროსი და უიმბლდონი (საბოლოო ჯამში, დავიდს "დიდი სლემის" ზედიზედ ექვსი ტურნირი აქვს გამოტოვებული). იმ დროს, როცა სხვა ჩოგბურთელები უიმბლდონის ბალახის კორტებზე იბრძოდნენ, ნალბანდიანი სამხრეთ აფრიკაში მსოფლიოს საფეხბურთო ჩემპიონატზე არგენტინის ნაკრებისა და დიეგო მარადონას საქომაგოდ გაემგზავრა. ცნობილია, რომ დიეგო არაერთხელ დასწრებია ნალბანდიანის თამაშებს დევისის თასზე.</p><p>სწორედ დევისის თასი გახდა დავიდის მორიგი სტიმული. ნალბანდიანს ორჯერ ერთი ნაბიჯი დააკლდა ამ პრიზამდე. პირველი ფინალი არგენტინამ 2006 წელს მოსკოვში წააგო, არადა, ნალბანდიანმა ერთეულთა ორივე შეხვედრა მოიგო, მაგრამ ეს საკმარისი არ აღმოჩნდა. ორი წლის შემდეგ, არგენტინა აშკარა ფავორიტი იყო შინ ესპანეთთან. დავიდმა ისევ იყოჩაღა ერთეულთა მატჩში, მაგრამ მაშინ იმედები ვერ გაამართლა ახალგაზრდა ხუან მარტინ დელ პოტრომ, რომელმაც გუნდი აშკარად დააღალატა.</p><p>ამ სეზონში დავიდი პირველივე რაუნდში დაეხმარა თავის გუნდს, მიუხედავად იმისა, რომ ფიზიკურად 100 პროცენტით არ იყო მზად. მეხუთე მატჩზე გავიდა და მნიშვნელოვანი გამარჯვება მოიპოვა შვედ ანდრეას ვინსიგერასთან.</p><p>სწორედ როლან გაროსისა და უიმბლდონის შემდეგ, უთამაშებელი ნალბანდიანი რუსეთის დედაქალაქში ჩავიდა. რეიტინგის მიხედვით ის ნაკრების ბოლო მოთამაშე იყო, თუმცა ამას გუნდში მის ავტორიტეტზე არ უმოქმედია. არგენტინელი ასეთი მობილიზებული კარგა ხანია არავის ენახა. მან არც ერთი სეტი არ დაუთმო ნიკოლაი დავიდენკოსა და მიხაილ იუჟნის. დავიდი მზად იყო კორტზე მომკვდარიყო თავისი ნაკრების გამარჯვებისთვის. ასე შეწყვიტა ნალბანდიანმა დევისის თასზე რუსეთის ნაკრების 15-მატჩიანი საშინაო მოგებათა სერია.</p><p>რამდენიმე კვირაში, დავიდმა პირველად ითამაშა ATP-ის ტურნირში (ოთხთვიანი შესვენების შემდეგ) და როგორც აღმოჩნდა, დევისის მატჩებისთვის მზადებას უკვალოდ არ ჩაუვლია. ვაშინგტონში მან ყველა მეტოქეს მოუგო. მართალია, ჟილ სიმონთან და მარკოს ბაღდატისთან გაუჭირდა, მაგრამ გადამწყვეტი მომენტებში არგენტინელი ბრწყინვალე იყო.</p><p>ნალბანდიანმა გასულ კვირას ტორონტოს მასტერსზეც გაიბრწყინა, სადაც დაბრუნების შემდეგ მოგებათა სერია 9 მატჩამდე აიყვანა. კანადაში მან ერთმანეთის მიყოლებით დაამარცხა დავიდ ფერერი, ტომი რობრედო და რობინ სიოდერლინგი, მაგრამ გადაღლილმა მეოთხედფინალში წინააღმდეგობა ვერ გაუწია ენდი მიურეის. ამ კვირას, ცინცინატის მასტერსზე კი უკვე ორი წრის გავლა მოასწრო - მოუგო ივან ლუბიჩიჩსა და ჯონ ისნერს.</p><p>რთული სათქმელია, როგორ აეწყობა არგენტინელის გამოსვლები მომდევნო ტურნირებში - არასოდეს იცი, როდის ითამაშებს ის გენიალერ მატჩს ან როდის ჩააგდებს ტურნირს. ამერიკის ღია პირველობის დასრულებისთანავე გაიმართება დევისის თასის ნახევარფინალური ეტაპი, სადაც არგენტინა სტუმრად ეთამაშება საფრანგეთს. დავიდმა ძალიან უნდა მოინდომოს, რომ კარიერაში მესამედ მიუხლოვდეს საოცნებო პრიზს.</p> <p><em>ლელო</em></p> <p> </p></p>
სამწუხარო მარცხი - ბასილაშვილი რომის მასტერსს გამოეთიშა
[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა
ნაკაშიმაც დამარცხებულია - ბასილაშვილი რომის მასტერსის მერვედფინალში რუბლევს დაუპირისპირდება
განაწყენებული ბარკოლა სასტარტოში - ითამაშებს კვარაცხელია "პარიზთან"?
სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება
გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა
20 წ. | საერთაშორისო სერიისთვის 30 მოთამაშე შეირჩა
ოფიციალური შეთავაზება მზადაა - ალისონი "იუვენტუსს" სულ უფრო უახლოვდება
ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა
"აიაქსს" მომავალი სეზონიდან ახალი მწვრთნელი ეყოლება
ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს
ზედიზედ მეოთხედ - ვახტანგ ახობაძე ევროპის ჩემპიონია
VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი
"ასტონ ვილა" - "ლივერპული". გუნდების შემადგენლობები ცნობილია
თბილისის 7-კაცას "ლოკომოტივის ბაზა" უმასპინძლებს
ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს
"ბაიერი" მწვრთნელს გადააყენებს
ქართველი მსაჯები საბერძნეთის სუპერლიგის ბოლო ტურის მატჩს განსჯიან
ზურიკო წინ, დღეს ბუდუს ამბავი და პსჟ-ის ბოლო ტური
"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა
მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ
"ასე ხდება, როცა სულელურად თამაშობ" - სნეიდერმა კამავინგა "გაამხნევა"
"ნიუკასლის" შემტევმა "ბაიერნთან" პირადი კონტრაქტი შეათანხმა