<p>თავისუფალი სტილით მოჭიდავე ჭაბუკებმა სომხეთში ჩატარებულ ტურნირზე 3 ოქრო, 1 ვერცხლი და 5 ბრინჯაო მოიპოვეს <br> თავისუფალი სტილით მოჭიდავე ქართველმა ჭაბუკებმა ამ უქმეებზე წარმატებით იჭიდავეს სომხურ იჯევანში ჩატარებულ ევროპის ჩემპიონ გლენ მეჯლუმიანის მემორიალში - 3 ოქრო, 1 ვერცხლი და 5 ბრინჯაო მოიპოვეს. ჩემპიონები გიორგი პასიკაშვილი (46), ლევან მურადხანაშვილი (69) და ირაკლი მწითური (76) გახდნენ, ტარიელ გაფრინდაშვილმა (63) მხოლოდ ფინალური შეხვედრა წააგო, ბექა წიკლაური (58), ტარზან მაისურაძე (63), გიორგი ბეჟაშვილი (69), დავით ლილუაშვილი (85) და ნიკა მელიქიშვილი (100) კი მესამეზე გავიდნენ.</p><p>ხაშურისა და ონის ტურნირების შემდეგ ეს შეჯიბრება ერთ-ერთი შესარჩევი ეტაპი იყო გაისად დასაკომპლექტებელი გუნდის გზაზე. სომხეთში წასაყვანი შემადგენლობაც იმ ორი ტურნირის შედეგების მიხედვით შეირჩა, თუმცა მწვრთნელმა თამაზ ბენდიანიშვილმა იქ ორ-ორი კაცი მხოლოდ ორ წონაში - 63-69-ში გააგზავნა (თვითონ ამჯერად არ გაჰყოლია გუნდს).</p><p>ჩვენთვის ყველაზე საინტერესო ამბავიც 69-ში მოხდა, სადაც ნახევარფინალში ქართველები შეხვდნენ ერთმანეთს - ხაშურის ტურნირის გამარჯვებულმა მურადხანაშვილმა ონში გამარჯვებულ ბეჟიაშვილს სძლია. მართალია, მომავალ წლამდე ჯერ კიდევ დიდი დროა და ბევრი რამეც შეიცვლება. ამდენად, ნაკრებში მოხვედრაზე ლაპარაკი ჯერ ადრეა, თუმცა შიდარეიტინგისთვის ასეთი დეტალები მაინც მნიშვნელოვანია.</p><p>ხაშურის ტურნირის ჩემპიონები არიან გაფრინდაშვილი და წიკლაური, რომლებმაც წონაში საკუთარი პოზიციები კიდევ უფრო გაიმყარეს. აღსანიშნავია პასიკაშვილის წარმატებაც, თუმცა ორივე შიდა ტურნირი ამ წონაში ბათუმელმა რამაზ ზოიძემ მოიგო (ონში მან ფინალიც მოუგო პასიკაშვილს). მელიქიშვილი ონში მეორეზე გავიდა, ლოლაშვილი - მესამეზე, თუმცა ის ამჯერად 85-ში გამოვიდა.</p><p>თვის ბოლოს ქართველი ჭაბუკები მორიგ გამოცდას ამბროლაურში ჩააბარებენ, სადაც მსოფლიოს ორგზის ჩემპიონ გურამ საღარაძის სახელობის ტურნირში იჭიდავებენ.</p><p>ჭაბუკთა ნაკრებამდე სომხეთში, (ქალაქ არტაშატში) ასევე თავისუფალი სტილით მოჭიდავეები იმყოფებოდნენ, ოღონდ - ახალგაზრდები, რომლებიც იქ რაზმიკ გოლეტიანის სახელობის ტურნირში გამოვიდნენ. შეჯიბრებაში ჩვენგან სპორტკლუბ "მართვეს" გუნდი მონაწილეობდა, რომლებმაც 3 ოქრო, 1 ვერცხლი და 4 ბრინჯაო მოიპოვეს. ქართული ფინალი იქაც გაიმართა - 74 კილოგრამში ალექსანდრე ჯაჭვაძემ დიმიტრი ბასილაშვილი დაამარცხა. ჯაჭვაძის გარდა, ჩემპიონები გიორგი კაკაურიძე (96) და დავით გობეჯიშვილიც (120) გახდნენ, ბრინჯაოს მედლები კი გიორგი კაპანაძემ (50), ლევან ცალქალამანიძემ (55), იაკობ პეტრიაშვილმა (84) და გიორგი გონაშვილმა (120) მოიპოვეს.</p><p>"მართვეს" ახალგაზრდა მოჭიდავეები ამ დღეებშიც ესტუმრებიან სომხეთს, ამჯერად ქალაქ ვანაძორს, სადაც იქაურთა სახელოვანი მწვრთნელის, ვეტერანებში 9-გზის მსოფლიოს ჩემპიონ ჟორა ოგანესიანის სახელობის ტურნირში გამოვლენ (სხვათა შორის, ოგანესიანი ამ უქმეებზეც ჭიდაობდა ვეტერანთა მსოფლიოს პირველობაზე ტირანაში, თუმცა ამჯერად ხელი მოეცარა და ტიტული მეათედ ვერ მოიპოვა). იქ ჩვენები შემცირებული გუნდით წავლენ: ზემოთ ხსენებული ტარიელ გაფრინდაშვილი (63), გიორგი გელაშვილი (50), ფერდინანდ გონაშვილი (55) და გიორგი ბოხუა (69), თუმცა არაა გამორიცხული, ერთი მონაწილე კიდევ დაიმატონ.</p><p><strong>ყოველდღიური სპორტული გაზეთი "ლელო"</strong></p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა