- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველები ლატვიაში. სკონტოში ჯანელიძე აიყვანეს, კიდევ ორი ქართველი პერტიასთან
<p>საფეხბურთო მენეჯერმა გიორგი დარჯანიამ, რომელიც ამჟამად სამენეჯერო კომპანიაში მუშაობს, საინტერესო სიახლე გვამცნო...</p><p><br> საფეხბურთო მენეჯერმა გიორგი დარჯანიამ საინტერესო სიახლე გვამცნო - "თბილისის", "ზესტაფონისა" და საქართველოს 17-წლამდელთა ნაკრების ყოფილი ფორვარდი დავით ჯანელიძე ლატვიის 13-გზის ჩემპიონ რიგის "სკონტოში" ჩაირციხა. 21 წლის თავდამსხმელი იქ მეორე ლატვიური კლუბიდან, "ოლიმპსიდან" გადავიდა.</p><p>ჯანელიძე ძველ კლუბს დროულად გაეცალა - ლატვიის 10-გუნდიან ვირსლიგაში "ოლიმპსი" 11 ქულით მე-8 ადგილზეა და ლიგიდან გავარდნის რეალური კანდიდატი გახლავთ. 20 წლის ქართველმა ფორვარდმა "ოლიმპსში" 11 მატჩი გამართა და 3 გოლი გაიტანა. ის მხოლოდ ერთხელ ათამაშეს შეცვლაზე, დანარჩენი მატჩები ძირითად შემადგენლობაში დაიწყო.</p><p>ჯანელიძის თაობაზე ინფორმაცია "სკონტოს" ოფიციალურმა ვებგვერდმაც დაადასტურა. ქართველი 24-ნომრიანი მაისურით ითამაშებს. დარჯანიას თქმით, რიგელთა მთავარი მწვრთნელი ალექსანდრ სტარკოვსი დავითს ჩემპიონატის დაწყების (ლატვიელები სეზონს გაზაფხული-შემოდგომის სისტემით ატარებენ) დღიდან აკვირდებოდა. სტარკოვსი სასელექციო ნიჭით გამოირჩევა და ვფიქრობთ, ამ შემთხვევაშიც არ შემცდარა.</p><p>ჯანელიძე უკვე მეორე სეზონია, ლატვიაში თამაშობს. ქართველი გულშემატკივარი კარგად არც იცნობს. არადა, ის გახლდათ კობა ჟორჟიკაშვილის იმ 17-წლამდელთა ნაკრების წევრი, რომელმაც ლინიანოში ევროპის ახალგაზრდობის ოლიმპიური თამაშები მოიგო.</p><p>ჯანელიძის გვარი გულშემატკივარმა პირველად 2005 წელს გაიგო, როცა ჟორჟიკაშვილი "თბილისიდან" "ზესტაფონში" გადავიდა და 8 ნიჭიერი ახალგაზრდაც წაიყვანა. ამ ბიჭების უმრავლესობა დღეს იმერული გუნდის ბირთვს შეადგენენ - როინ კვასხვაძე, გიორგი ხიდეშელი, ბუბა დაუშვილი და ალექსი ბენაშვილი. ერთ-ერთი იყო ჯანელიძეც, რომელსაც მწვრთნელი დიდ მომავალს უწინასწარმეტყველებდა. სამწუხაროდ, იმედისმომცემ ფეხბურთელს "ზესტაფონში" კარიერა ვერ აეწყო, კლუბი დატოვა, მერე სხვა გუნდები მოიარა და ბოლოს ლატვიურ "ოლიმპსში" ჩაირიცხა.</p><p>20 წლის თავდამსხმელის დებიუტს კვირას "სკონტოს" საშინაო არენაზე ელიან - რიგელები "ბლაზმას" უმასპინძლებენ. ოდესღაც ძლიერი და ამბიციური "სკონტო" კრიზისის დაძლევას ცდილობს. კლუბი თითქოს ნელ-ნელა თავს აღწევს პრობლემებს, მაგრამ თუ ადრე უამრავი ლეგიონერი ჰყავდა, ჯანელიძის მიწვევამდე მხოლოდ ოთხ უცხოელს ითვლიდნენ: თურქმენი და ბელარუსი ნახევარმცველები - რუსლან მინგაზოვი და ალექსანდრ პერეპესკო, ბრაზილიელი თავდამსხმელი ნათან სუარეშ ჟუნიორი, ერთი კვირის წინ კი გერმანელი მეკარე მიხაელ კალტენჰაუზერიც აიყვანეს.</p><p>ლატვიის ჩემპიონატში უკვე 15 ტური მიილია და, როგორც ჩანს, "სკონტო" 5 წლის წინ დაკარგული პოზიციების დაბრუნებას ახერხებს - ვირსლიგას 13 გამარჯვებით ლიდერობს და გასული სეზონის გამარჯვებულ "ვენტსპილსს" 2 ქულით უსწრებს.</p><p>ზემოთ "ოლიმპსი" ვახსენეთ და ბოლოს ამასაც გეტყვით - ცოტა ხნის წინ ამ გუნდში ორი ქართველი ნახევარმცველი ჩაირიცხა: საქართველოს 17-წლამდელთა ნაკრების ფეხბურთელი კოტე ზარნაძე და 20 წლის ლაშა ღონღაძე.</p><p>* * *</p><p>ლატვიაში სატრანსფერო ფანჯარა დაიხურა და ამასთან დაკავშირებით, საინტერესო ამბებიც გავიგეთ. "დაუგავაში", რომლის მთავარი მწვრთნელიც თამაზ პერტიაა, სამი ქართველი დაიმატეს - 25 წლის თავდამსხმელის მამუკა ღონღაძის (იგივე "კანუ") ამბავი ერთი თვის წინ გაუწყეთ. მან კლუბთან კონტრაქტი 1+1 სისტემით გააფორმა. ამას გარდა, სინჯების შემდეგ პერტიამ ჩვენთვის უცნობი ორი ახალგაზრდაც აიყვანა - დავით ფაილოძე და გიორგი წაქაძე. თუ რომელ პოზიციაზე თამაშობენ ისინი, ან საქართველოს რომელ კლუბში (თუ საფეხბურთო სკოლაში) ვარჯიშობდნენ, ამის შესახებ "დაუგავას" ოფიციალური ვებგვერდი არაფერს გვეუბნება. სამწუხაროდ, ჩვენი წყაროებითაც ვერაფერი დავადგინეთ.</p><p>კლუბში გასულ სეზონში ჩარიცხული გიორგი ჩიხრაძე კი წარმატებით თამაშობს. მას კლუბმა დაბადების დღე მიულოცა. მისი დამსახურება შემდეგ ფრაზაში ამოვიკითხეთ - "გიორგი გამარჯვებაში არაერთხელ დაგვეხმარა". მოკლედ, ის ტყუილად არ აუყვანიათ.</p><p>ლატვიის ვირსლიგაში "დაუგავა" მეოთხე ადგილზეა და სხვათა შორის, მისი დამსახურებაა, "სკონტომ" ერთპიროვნული ლიდერობა რომ მოიპოვა - პერტიას გუნდმა რიგელთა კონკურენტ "ვენტსპილსს" 1:0 სძლია.</p><p>ლატვიელები ბავშვთა ფეხბურთს დიდ ყურადღებას აქცევენ. "დაუგავას" ოფიციალურ ვებგვერდზე გავეცანით რუსთავის "ოლიმპის" მწვრთნელის თემურ მახარაძის ვაჟის, შოთა მახარაძის ვრცელ ინტერვიუს. შეგახსენებთ, რომ უმცროსი მახარაძე "დაუგავას" საფეხბურთო სკოლას კურირებს და მცირე ხნის წინ მისი გაზრდილები საერთაშორისო საბავშვო ფესტივალის გამარჯვებულებიც გახდნენ.</p><p>"სამწვრთნელო კარიერა გერმანიის სამოყვარულო კლუბ "იზუმში" დავიწყე. ვმუშაობდი გერმანიისა და ავსტრიის პროფესიულ აკადემიებში, ყველაზე სასიამოვნოდ კი თბილისის "ნორჩ დინამოელში" მუშაობა მახსენდება. ლატვიაში აგენტის დახმარებით ჩამოვედი, "დაუგავას" პრეზიდენტ იგორ მალიშკოვს რომ შევხვედროდი. მას დაუგავპილსში ბავშვთა ფეხბურთის განვითარება სურდა და პარტნიორობის შესახებ ჩვენი მოლაპარაკება წარმატებით დასრულდა... სიმართლე გითხრათ, ძალიან გამიკვირდა, რომ ლატვიაში ბავშვთა ფეხბურთის განვითარებისთვის კარგი პირობებია. მქონდა დრო და მოვინახულე ლიეპაიას, რიგის "სკონტოსა" და კიდევ რამდენიმე საფეხბურთო სკოლა. მთლიანობაში, დადებითი შთაბეჭდილება დამრჩა.</p><p>მოვილაპარაკეთ, რომ მალე ბავშვთა ფეხბურთის რამდენიმე სპეციალისტს ავიყვანთ. თუ ჩანაფიქრს განვახორციელებთ და საფეხბურთო კონვეიერს ავაწყობთ, სკოლა ყოველწლიურად "დაუგავას" ორ ფეხბურთელს მაინც გაუზრდის... ვიცი, რომ ლატვიაში საუკეთესო სკოლები ლიეპაიასა და "სკონტოშია". ჩვენი ამოცანა არა მხოლოდ ლატვიაში, არამედ, მთელ ბალტიისპირეთში ყველაზე ძლიერი სკოლის ჩამოყალიბებაა... მომავალ წელს კი დაუგავპილსში საფეხბურთო სკოლა-ინტერნატის ამუშავებასაც ვგეგმავთ. ბავშვებს ჩვენს ქალაქთან ახლო მდებარე სოფლებიდან და უცხოეთიდანაც მოვიწვევთ.</p><p>სამწუხაროდ, დაუგავპილსი პატარა ქალაქია და აქ ფეხბურთელების დიდი არჩევანი არ გვაქვს. განსაკუთრებულ ყურადღებას ტექნიკას ვუთმობთ, რადგან მთელ მსოფლიოში ტექნიკური, კომბინაციური და ლამაზი ფეხბურთი დომინირებს. სკოლაში "დაუგავას" ფეხბურთელთა მასტერკლასები გაიმართება. უფროსი ჯგუფები მთავარი გუნდის გვერდიგვერდ, "დაუგავას" ბაზაზე ივარჯიშებენ. ეს მთავარ მწვრთნელ თამაზ პერტიასთანაა შეთანხმებული", - ამბობს მახარაძე.</p>
დავითაშვილი შეცვლაზე შევიდა - "სენტ-ეტიენმა" "სოშოს" მოუგო
აბუაშვილმა "მეცს" "გენგამთან" გამარჯვება მოუპოვა
[VIDEO] მიქაუტაძემ გაიტანა, ოსიმენმაც - "ვილიარეალმა" სტამბოლში "გალათასარაის" მოუგო
საქართველოს 16-წლამდელთა ნაკრები ევრობასკეტზე ესპანეთთან დამარცხდა
ლუკა ზიდანმა ესპანეთში გუნდი გამოიცვალა
ჯიმი ტაბიძე თურქულ გუნდში გადავიდა
სამწუხარო ამბავი - ლიონელ მესის მამა 68 წლის ასაკში გარდაიცვალა
"რეალის" ეს ვარსკვლავი დაუფასებელი იყო" - ჩიჩარიტომ ყოფილ თანაგუნდელზე ისაუბრა
"კარიერაში ნაბიჯი უკან გადადგა" - კარაგერმა სალაჰს არჩევანი დაუწუნა
დე ძერბის სიაშია - "ტოტენჰემი" მიქაუტაძის შეძენას განიხილავს
"ბარსელონას" ცენტრალური მცველი კარიერას "ლივერპულში" გააგრძელებს
"სეზონს ალისონი დაიწყებს, მამარდაშვილს შანსის გამოსაყენებლად მოთმინება სჭირდება, რომელსაც 100%-ით მიიღებს" - განაცხადა "ლივერპულის" ყოფილმა მეკარემ
გაყიდიან თუ არა საფონოვს და შევალიეს - ვინ იქნება პსჟ-ს ძირითადი მეკარე?
VIDEO | ეროვნული ლიგა | "რუსთავმა" უკეთ ითამაშა და დამსახურებულად მოიგო, "ტორპედომ" გვიან გაიღვიძა...
საქართველოს 16-წლამდელთა ნაკრებმა ევრობასკეტი ისრაელთან მარცხით გახსნა
მამუკელაშვილი ბრუნდება - მონტენეგროსა და პორტუგალიასთან მატჩებისთვის საქართველო მზადებას 15 კალათბურთელით იწყებს
"უმცროსი ბორჯღალოსნების" ხუთი ლელო ინგლისთან
"ნაპოლი" "არსენალის" თავდამსხმელის შეძენას ცდილობს
"რეალმა" "ლაიფციგისგან" შემტევი 140 მილიონად შეიძინა
აპრილში დანიშნული "ბორდოს" მწვრთნელი გადააყენეს
პსჟ მეკარის შეძენას და "იუვენტუსში" განათხოვრებას აპირებს
"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა
ნორვეგიის ნაკრების მეკარე "ლაიფციგში" დაბრუნდა