<p>ლევან კობიაშვილი 2014 წლის მუნდიალის შესარჩევ ციკლში ნაკრების შანსებზე საუბრობს</p><p><br> სპორტულმა საიტმა "სპორტ.რუმ" საქართველოს ნაკრებისა და ბერლინის "ჰერტას" ფეხბურთელ - ლევან კობიაშვილთან ინტერვიუ გამოაქვეყნა.</p><p>34 წლის ქართველი ფეხბურთელი ეროვნული ნაკრების მაისურით ჩატარებულ მეასე მატჩზე, ევრო-2012-ის შესარჩევი ციკლში ჩვენი ნაკრების წარუმატებელ გამოსვლასა და მსოფლიოს 2014 წლის შესარჩევში პერსპექტივებზე, ასევე"ჰერტას" ბუნდესლიგურ გეგმებზე საუბრობს.</p><p><strong>- უპირველესად იუბილეს გილოცავთ. ასი მატჩი ეროვნულ ნაკრებში მნიშვნელოვანი მიღწევაა.</strong></p><p>- რა თქმა უნდა. განსაკუთრებით იმის გათვალისწინებით, რომ ჩვენი ნაკრები მსოფლიოს და ევროპის ჩემპიონატების ფინალურ ტურნირზე არ თამაშობს და ეს მხოლოდ შესარჩევი და ამხანაგური მატჩებია. ასე გამოვიდა, რომ პირველი ვარ, ვინც საქართველოს ნაკრებში 100 მატჩი ითამაშა. ეს ძალიან მიხარია, მაგრამ მეორე მხრივ, ჩვენი გუნდის ბოლოდროინდელი თამაშებით იმედგაცრუებული ვარ.</p><p><strong>- არადა, თავიდან ისე</strong> <strong>ჩანდა, რომ ამ შესარჩევ ციკლში საქართველოს კარგი შანსი ჰქონდა.</strong></p><p>- დიახ, გასულ წელს ძალიან კარგად ვთამაშობდით, ზედიზედ 9 თუ 10 თამაში არ წაგვიგია. შესარჩევის პირველ 5 თამაშში 9 ქულა მოვიპოვეთ და შანსი გაგვიჩნდა. ჩანდა, რომ პირველი თუ არა, მეორე ადგილისთვის ბრძოლა შეიძლებოდა, მაგრამ დარჩენილ 5 თამაშში მხოლოდ ქულა მოვიპოვეთ და საბოლოო ჯამში ჯგუფში მხოლოდ მეხუთე ადგილი დავიკავეთ.</p><p>სამწუხაროა, ჩვენ ხომ არცთუ ცუდი გუნდი ჩამოგვიყალიბდა, გამოცდილი და ახალგაზრდა ფეხბურთელების საინტერესო სინთეზით. ახლა ნაკრებს ქართველი სპეციალისტი თემურ ქეცბაია თავკაცობს. შესაძლოა, მას ჯერჯერობით იმდენად დიდი გამოცდილება არა აქვს, მაგრამ ის, რომ გუნდის ყველა მოთამაშეს ესმის, რა სურს მწვრთნელს - ძალიან მნიშვნელოვანია.</p><p>კუპერსა და ტოპმიოლერზე ცუდს ვერაფერს ვიტყვი, რომლებიც ნაკრებში ქეცბაიას მოსვლამდე მუშაობდნენ. ისინი მაღალი კლასის მწვრთნელები არიან, მაგრამ მოთამაშეებთან ისეთი ურთიერთგაგება არ ჰქონდათ, როგორც ქეცბაიას.</p><p><strong>- ახლა იმედები შემდეგ შესარჩევ ციკლზე გადაიტანეთ. არის ბრაზილიაში წასვლის შანსი?</strong></p><p>- ყველაზე ძლიერ ჯგუფში მოვხვდით და ეს ძალიან რთული იქნება. მეორეს მხრივ, ისეთი გუნდების წინააღმდეგ თამაში, როგორიც ესპანეთი და საფრანგეთია, საინტერესო იქნება. მათთვის ქულების ართმევა კი, მითუმეტეს... ვფიქრობ, შანსი ჩვენს ნაკრებსაც გააჩნია.</p><p><strong>- როგორ მიდის საქმეები "ჰერტაში"?</strong></p><p>- მიხარია, რომ ამ გუნდში ვთამაშობ. თავიდან რთული იყო. გელზენკირხენიდან ბერლინში გადასვლის შემდეგ პირველი ნახევარი წელი ბუნდესლიგაში დასარჩენად ვიბრძოდით, მაგრამ "ჰერტაში" ბევრი ფიქრის გარეშე დავრჩი. პოტენციალს ვხედავდი და უმაღლეს ლიგაში დიდი პრობლემების გარეშე დავბრუნდით.</p><p>სეზონი იქაც კარგად დავიწყეთ, "ბაიერნთან" (0:4) გასვლითი მატჩის გარდა. იმ შეხვედრაში დაცვაში ცუდად ვითამაშეთ, პირველ 15 წუთში ორი გოლი გავუშვით. სხვა მატჩებში ურიგოდ არ გამოვიყურებოდით.</p><p>ბუნდესლიგაში ახლახანს დავბრუნდით და მთავარი მიზანი იქ ადგილის შენარჩუნებაა. ვფიქრობ, სეზონის, სულ მცირე, ცხრილის შუაგულში დასრულება შეგვიძლია.</p><p>-<strong> დედაქალაქური კლუბისთვის ეს ღირსეული ამოცანაა?</strong></p><p>- რა თქმა უნდა, უფრო მაღალი ადგილებისთვის ბრძოლაც გვსურს, მაგრამ ახლა გერმანიაში ყველა გუნდი გათანაბრდა და ნებისმიერი შეიძლება, როგორც მაღლა ავიდეს, ისე ცხრილის ფსკერისკენ დაეშვას. გამორჩეული "ბაიერნია", ყველა დანარჩენი კი დაახლოებით თანაბარი დონისაა. ასე რომ, ყველაფერია შესაძლებელი.</p><p><strong>* * *</strong></p><p>რუსულმა საიტმა ინტერვიუს საყურადღებო პოსტსკრიპტუმი დაურთო: "2008 წლის აგვისტოში, "შალკეში" თამაშისას, საქართველოს წინააღმდეგ რუსეთის აგრესიის გასაპროტესტებლად, ლევან კობიაშვილმა მადრიდის "ატლეტიკოსთან" ჩემპიონთა ლიგის მატჩში მოედანზე გასვლაზე უარი განაცხადა. მიზეზი "შალკეს" მაისურზე გუნდის სპონსორის - რუსული კორპორაცია "გაზპრომის" ემბლემა იყო.</p><p>"მე ამ მაისურის ჩაცმა არ შემიძლია", - გაავრცელეს კობიაშვილის სიტყვები მაშინ მსოფლიოს საინფორმაციო სააგენტოებმა.</p>
ცნობილი უკრაინელი კომენტატორი საქართველოსთან და უნგრეთთან მატჩებისთვის, გულის წამლებსა და დამამშვიდებლებს მოიმარაგებს
[VIDEO] SOS. "ჯვაროსნებს" სიფრთხილე მართებთ - უნგრეთში ციდან მოედანზე კამერები ცვივა
"მოდის სექტემბრის მატჩები და გუნდს ვერ ვხედავ. მხოლოდ ერთი მაგარი მოთამაშე გვყავს" - გუცაევმა ნაკრებზე ისაუბრა
"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა
"მილანმა" პსჟ-ს თავდამსხმელის ტრანსფერზე მიმართა
20 წ. | გამარჯვებული შემადგენლობით უელსთან
ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს
ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა
"ტორპედომ" ხორვატი ფეხბურთელი დაიმატა
20 წ. | ლუკა ნარსია: ჩვენი მიზანი ისტორიის დაწერაა
პსჟ-ს ნახევარმცველი ატლეტიკოში გადასვლაზე დათანხმდა
ოიარსაბალი: ფეხბურთი ცირკითაა გარემოცული
"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია
აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე
მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება
"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე
მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ
პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა
"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ
[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა
[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა
საქართველოს ნაკრები აფრიკის ჩემპიონთან დამარცხდა
"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს