- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რამაზ სოღოლაშვილი: სილამაზე ანგარიშიანიც უნდა იყოს
<p>გორის "დილას" ახალი მთავარი მწვრთნელი "დინამოსთან" წარმატებას გია ცეცაძის დამსახურებად მიიჩნევს <br> გორის "დილაში" ბოლო დროს ბევრი რამ შეიცვალა - კლუბს ახალი ხელმძღვანელობა და სამწვრთნელო შტაბი ჰყავს. რამაზ სოღოლაშვილი გუნდის მთავარ მწვრთნელად ამ ცოტა ხნის წინ დაინიშნა, მაგრამ მისი ხელმძღვანელობით "დილამ" ერთ ხმაურიან წარმატებას უკვე მიაღწია - ოთხშაბათს საქართველოს თასის გათამაშებას თბილისის "დინამო" გამოთიშა.</p><p>სოღოლაშვილთან ინტერვიუც სწორედ ამ მატჩის გახსენებით დავიწყეთ და შემდეგ სხვა საჭირბოროტო საკითხებსაც შევეხეთ. თუმცა "დილას" 34 წლის თავკაცმა უპირველესად წინამორბედი მოიხსენია ქების სიტყვებით.</p><p>- დღეს "დილაში" გია ცეცაძე აღარ მუშაობს, მაგრამ გუნდის არც ერთ წევრს არ დაგვავიწყდება, თუ რა გააკეთეს "დილასთვის" მან და მისმა თანაშემწე თემურ ლორთქიფანიძემ. ამ ხალხმა გუნდს ლამაზი ფეხბურთის თამაში ასწავლა და შედეგებსაც მიაღწია. სწორედ მათი დამსახურებით ამოვედით უმაღლეს ლიგაში და არც აქ ვართ ხელწამოსაკრავნი.</p><p>მიმაჩნია, რომ ნებისმიერ მწვრთნელს, განსაკუთრებით კი ნიჭიერსა და მცოდნეს, საკუთარი შესაძლებლობების გამოსავლენად თუ ხარვეზების აღმოსაფხვრელად უფრო მეტი დრო უნდა ეძლეოდეს, რასაც საქართველოში იშვიათად ნახავთ.</p><p><strong>- "დინამოსთან" განმეორებითი შეხვედრა ცეცაძის მიერ დანერგილი სტილით არ გითამაშიათ.</strong></p><p>- პირადად ჩემთვის გიას საფეხბურთო გემოვნება აბსოლუტურად მისაღებია და მის იდეებს მეც ვიზიარებ, მაგრამ ამ კონკრეტული მატჩის წინ საჭიროდ მივიჩნიეთ, უფრო პრაგმატულად გვეთამაშა. წინა შეხვედრის შედეგიდან გამომდინარე, გამარჯვება "დინამოს" სჭირდებოდა და შევეცადეთ, მეტოქისთვის სათამაშო სივრცეები შეგვეზღუდა და აქცენტი კონტრშეტევებზე გაგვეკეთებინა.</p><p>ბიჭებმა ჩემი დავალებები მაღალ დონეზე შეასრულეს და მეოთხედფინალის საგზური დამსახურებულად მოვიპოვეთ. ბუნებრივია, დიდი მნიშვნელობა აქვს იმას, თუ ვის ჩამოიცილებ გზიდან - "დინამოს" დამარცხება ნებისმიერი ქართული გუნდისთვის გამორჩეული ამბავია და გამონაკლისი არც ჩვენ ვართ. ამ წარმატებაში ჩემი წვლილი მცირეა, გორელი ქომაგებისგან მადლობა ისევ და ისევ გია ცეცაძეს ეკუთვნის.</p><p><strong>- "დილას" შეტევა რომ ეხერხება, ამ სეზონში არაერთხელ დამტკიცდა. მაგრამ არანაკლებ თვალშისაცემი იყო დაცვის ხაზის სისუსტე.</strong></p><p>- გეთანხმებით. დაცვაში თამაში აშკარად გასაუმჯობესებელი გვაქვს და საამისოდ ბევრს ვმუშაობთ. "დინამოსთან" მატჩმა დაგვანახვა, რომ "დილას" უკანა ხაზს პროგრესი აქვს, თუმცა ჩვენი მცველების მიმართ ძველებურად მომთხოვნი ვიქნები. რაგინდ ლამაზად და კომბინაციურად უტევდე, თუ რომელიმე რგოლი არ გივარგა, დაუბალანსებელი გუნდით შორს ვერ წახვალ. სწორედ ამ პრობლემის გამო წავაგეთ არაერთი ისეთი მატჩი, რომელიც უნდა მოგვეგო.</p><p><strong>- რამდენად მოსალოდნელი იყო თქვენთვის "დილას" მთავარ მწვრთნელად დანიშვნა?</strong></p><p>- გულწრფელად გეტყვით, რომ ამას საერთოდ არ ველოდი. როგორც იცით, "დილას" სამწვრთნელო შტაბში ვიყავი და მეკარეებთან ვმუშაობდი. ძალიან გამიკვირდა, მთავარი მწვრთნელობა რომ შემომთავაზეს, თუმცა ბევრი არ მიფიქრია, რადგან გორელი ვარ და მშობლიური გუნდის გაძღოლა ჩემთვის დიდი პატივი და პასუხისმგებლობაა.</p><p>თავიდან ვფიქრობდი, რომ დროებითი მწვრთნელი ვიქნებოდი, მაგრამ კლუბის ხელმძღვანელობამ მითხრა, რომ ბოლომდე მენდობიან და ხანგრძლივ თანამშრომლობას მთავაზობენ, რამაც, ბუნებრივია, ძალიან გამახარა.</p><p><strong>- რომელ სამწვრთნელო ლიცენზიას ფლობთ?</strong></p><p>- საქართველოში არსებული ყველა სამწვრთნელო საფეხური გავიარე და დღეისთვის A კატეგორიის ლიცენზიის მფლობელი ვარ, რაც იმის საშუალებას მაძლევს, რომ უმაღლესი ლიგის გუნდის მთავარი მწვრთნელი ფაქტობრივადაც ვიყო და იურიდიულადაც.</p><p><strong>- ბოლო დროს ცვლილებები მოხდა შიდა ქართლის სამხარეო ადმინისტრაციაშიც და კლუბშიც. როგორ აისახება ეს სიახლეები "დილას" მომავალზე?</strong></p><p>- სიტუაციას ნათელი სულ მალე, უახლოესი სანაკრებო პაუზისას მოეფინება. მოგეხსენებათ, "დილა" ბიუჯეტიდან ფინანსდება და ამიტომაც მთლიანად გუბერნიის პოზიციაზე ვართ დამოკიდებულნი. გვაიმედებენ, რომ დაფინანსება ჩვეულებრივად გაგვიგრძელდება და ჩვენც არ გვინდა, რომ ცუდზე ვიფიქროთ.</p><p><strong>- "ქართლზე" თამაში, ალბათ, მაინცდამაინც არ გსიამოვნებთ.</strong></p><p>- ბუნებრივია, კეთილმოწყობილ სტადიონზე თამაში გვირჩევნია. "ქართლზე" მოსაწონი ბევრი არაფერია, მაგრამ მთლად საგანგაშო სიტუაციაც არ არის - მოედნის საფარი საქართველოს ბევრ სტადიონს ამაზე უარესი აქვს. თუმცა, ცხადია, "ბურჯანაძე" გვირჩევნია, სადაც მოედნის საფარი მალე გამოიცვლება და ახალი წლიდან იქ ვითამაშებთ.</p><p><strong>- "დილა" უკვე კარგად გავიცანით. საინტერესოა, როგორი დონისაა გუნდის დუბლშემადგენლობა, როგორი თაობა ეზრდება გორს?</strong></p><p>- კარგი თაობები ყოველთვის გვყავს, მთავარია, ამ ბიჭების განვითარებას ხელი არ შეეშალოს. ჩემი კურატორობის სფეროში ჭაბუკთა და ბავშვთა ფეხბურთიც შედის და ახალი თაობის ზრდის პროცესს ვაკონტროლებ. ჩვენ არ ვცხოვრობთ მხოლოდ დღევანდელი დღით და ვცდილობთ, სახლი საძირკვლიდან ვაშენოთ.</p><p>ჩვენი მიზანია, უახლოეს მომავალში "დილა" 90 პროცენტით ადგილობრივი ფეხბურთელებით იყოს დაკომპლექტებული და ამავდროულად, მაღალი მიზნებისთვის მებრძოლი გუნდი გვყავდეს. შეიძლება ითქვას, ეს პროგრამა-მინიმუმია, თორემ გვყავს რამდენიმე ისეთი ნიჭიერი ბავშვი, რომელთაც თავისუფლად შეუძლიათ, გორს და საქართველოს ფარგლებს გასცდნენ და საერთაშორისო დონის ფეხბურთი ითამაშონ.</p><p><strong>- რაც შეეეხება "დილას" უახლოეს მიზანს?</strong></p><p>- აუცილებლად უნდა მოვხვდეთ რვა საუკეთესო გუნდში, რაც დიდწილად ისევ და ისევ დაფინანსებაზეა დამოკიდებული, თასის გათამაშებაში კი მხოლოდ მეოთხედფინალით დაკმაყოფილებას არ ვაპირებთ. მომავალს ოპტიმისტურად ვუყურებთ და გვჯერა, რომ გორის ფეხბურთს მომავალი აქვს.</p><p><strong>ყოველდღიური სპორტული გაზეთი "ლელო"</strong></p>
-
zaza
”დილა”-ს გაუმარჯოს!!! გამარჯვებას გისურვებთ, ბიჭებო!!!
-
giorgi kalandadze
mec gorshi vcxovrob da meamayeba am gundis ukve martla girseulad gavida dila naxevarfinaldshi,kargi bichebi yavs magram ar shemizlia ar avgnishno dublebshic ramodenime kargi bichia me uyure baiastan da wit georgiastan ratqmaunda orive moiges da kargi bichi yavdad dacvashi 4 nomeri memgoni da meores tavdasxmashi gamovarchevdi simartle gitxrat ar maxsovs zustad 17 tu 77 iyo,warmatebas usurveb chvens bichebs
VIDEO | საქართველოს დავით ყიფიანის სახელობის თასი | ორი პენალტი, გაძევება, პროტესტი მსაჯობის გამო...
VIDEO | საქართველოს დავით ყიფიანის სახელობის თასი | ...უკვე მაშინ, როცა ყველა პენალტებისთვის ემზადებოდა - "დილა" ნახევარფინალშია!
[VIDEO] საქართველოს დავით ყიფიანის სახელობის თასზე სამი მეოთხედფინალისტი გაირკვა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
დავითაშვილის "სენტ-ეტიენმა" დაძაბულ მატჩში "ნანტს" სძლია
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა
[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
ნიკა ამაშუკელი - ტოკიო, ლონდონი და გენუა