- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველთა ბრინჯაოს ხანა კეიპტაუნში
<p>ლაშა შავდათუაშვილი (66 კგ) კეიპტაუნში მიმდინარე მსოფლიოს ახალგაზრდულ პირველობაზე ბრინჯაოს მედალს დაეუფლა <br> <strong>ისევ ერთი ბრინჯაო</strong></p><p>პირველის მსგავსად, კეიპტაუნში მიმდინარე ახალგაზრდა ძიუდოისტთა მეორე დღეც ერთი ბრინჯაოს მედლით დავამთავრეთ, რომელსაც 66 კილოგრამში მოასპარეზე ევროპის წლევანდელი ჩემპიონი ლაშა შავდათუაშვილი დაეუფლა. მსაჯთა უსამართლობა რომ არა, ის უკეთეს შედეგსაც მოიპოვებდა, მაგრამ თამამად შეიძლება ითქვას, საშუალება არბიტრებმა არ მისცეს.</p><p>ამის მიუხედავად, წინა დღის მიღწევის განმეორების შანსი მაინც გვრჩებოდა, ევროპის პრიზიორ მიხეილ ჩოხელს (73) ბოლოსკენ ცოტა რომ ევაჟკაცა, მაგრამ კარგად აღებული ტემპი შუა გზაში დააგდო და საბოლოოდ მეშვიდეზე დარჩა. მთლიანობაში, დილის შეხვედრები ჩვენებმა ბევრად უფრო ძლიერად ჩაატარეს, ვიდრე - საღამოსი.</p><p>გუშინ ჩვენგან ორ წონაში სამი კაცი ჭიდაობდა. ამ ტრიოდან კი ყველაზე ადრე ფრიდონ გიგანი გამოვარდა - პირველივე წრეში ირანელ საეიდ მოლაეის ვერაფერი მოუხერხა და მეტოქემ გაფრთხილებებით სავსებით დამსახურებულად მოიპოვა იუკო.</p><p>გიგანისგან განსხვავებით, ჩოხელმა და შავდათუაშვილმა ძლიერად დაიწყეს ჩემპიონატი. ისინი იმდენად კარგად ჭიდაობდნენ, ნამდვილად გვეგონა, ერთ-ერთი მაინც გავიდოდა ფინალში. რაღა დასამალია, ამას უფრო შავდათუაშვილისგან ველოდით, რომელიც გუშინ ცოტა უფრო მაღალი კლასის მოჭიდავედ წარმოჩნდა.</p><p>ჩოხელმა პირველ წრეში ირანელი მოჰამად მალეკ მემარ მოჰამადი ქრესტომათიულად დააიპონა ანუ 180-გრადუსიანი ამპლიტუდა მოახაზინა ჰაერში. დანიელ ბენჟამინ დარვილესთან უფრო გაუჭირდა, თუმცა გაფრთხილება-იუკოთი მაინც მიაღწია საწადელს. იტალიელი მასიმილიანო კაროლოც გაფრთხილებებით ჩამოიცილა გზიდან და მეოთხედფინალში ებრაელ ევროპის პრიზიორ საგი მუკის პირისპირ დადგა. ისინი ევროპაზეც შეხვდნენ ერთმანეთს ამავე ეტაპზე და მაშინ ჩვენებურმა მოუგო.</p><p>ჩოხელი ახლაც ახლოს იყო მიზანთან - შეხვედრის დამთავრებამდე 5 წამით ადრე ვაზარს უგებდა. საწყისი წუთები ქართველმა ბევრად უფრო აქტიურად ჩაატარა და იუკოც მოიპოვა, მაგრამ შეხვედრის მეორე ნახევარში ინიციატივა დათმო, ანგარიშის შენარჩუნებაზე დაიწყო ფიქრი და მსაჯებმა გაფრთხილებებით მოხსნეს. ძალიან დასანანი იყო ბოლო სასჯელი - იმ დროს ჩოხელს მეტი სიფრთხილე მართებდა და სულ ცოტა აქტიურობით, ტაქტიკური ჭიდაობით შეიძლებოდა დარჩენილი წამების გაუფრთხილებლად გატარება. მით უფრო, წინა ჯერზეც ამ ეპიზოდამდე 2-3 წამით ადრე გააფრთხილეს და აშკარა იყო, მსაჯები უმცირეს მიზეზსაც გამოიყენებდნენ მის დასასჯელად. თან რევანშის სურვილით ანთებული მუკი ჩვენებურის უგერგილობამ კიდევ უფრო გაათამამა და გააფთრებით უტევდა.</p><p>ჩოხელს დამამშვიდებელშიც მეტი ინიციტივის გამოჩენა მართებდა ბრიტანელ ევროპის ვიცე-ჩემპიონ მაქს სტიუარტთან, სადაც ბოლო წამებზე იპონით კი წააგო, მაგრამ მანამდე მსაჯმა სამჯერ გააფრთხილა. აქედან მხოლოდ მესამეზე თუ ვიკამათებთ, როცა, ალბათ, ყველაზე ლოგიკური ორივეს დასჯა იქნებოდა, თორემ იმ ეპიზოდში ქართველი უფრო აქტიური იყო. შეხვედრის ბედიც მაშინ გადაწყდა, რადგან ჩვენებური ვერ აჩვენებდა ისეთ ჭიდაობას, ამხელა ჩამორჩენის - ვაზარის ამომქაჩავი ყოფილიყო. ბოლოს გარისკა და ვა-ბანკზე წავიდა, თუმცა მაშინაც ბრიტანელი უფრო ოსტატურად გაისარჯა.</p><p><strong>ნუგეშად ოპტიმიზმი გვრჩება</strong></p><p>შავდათუაშვილმა პირველ შეხვედრაში გვარიანად აჭანჭყარა მაროკოელი ოტმან მოჰამად არმაზი. აფრიკელიც კერკეტი კაკალი გამოდგა, თუმცა ქართველი უფრო დაკვირვებით მუშაობდა, ინიციატივას ფლობდა და გაფრთხილებებით მალევე დაწინაურდა. ორივე მეტოქე ფონს გასვლას ამოსმულით ცდილობდა და შეხვედრა ძიძგილაობას დაემსგავსა, თუმცა ამაშიც უფრო ქართველმა იყოჩაღა - როგორც კი დრო იხელთა, ფეხიდან აიტაცა და ჯერ ხომ სავაზარედ დაანარცხა ტატამს, იქვე შებოჭა კიდეც.</p><p>შავდათუაშვილმა რუსი ევგენი ტირსკიხი იუკოთი ადვილად ჩამოიშორა, მეოთხედფინალში კი კორეელ დონგკიო ლეესთან მსაჯთა იშვიათი არაობიექტურობის მოწმე გავხდით. აქ ძირითად დროში ქულა არ გაკეთებულა, მეტოქეებმა მხოლოდ თითო გაფრთხილება მიიღეს. დამატებითში ლაშა უფრო უტევდა, უფრო მოძრაობდა და აქტიურობდა, მაგრამ რატომღაც არბიტრებმა მაინც ის გააფრთხილეს და შეიძლება ითქვას, კორეელს მოგება ლანგრით მიართვეს.</p><p>შესაძლოა, მსაჯთა გადაწყვეტილება შავდათუაშვილის საქციელმაც განაპირობა - კორეელის მუხლებზე მორიგი ჩავარდნისას მან არბიტრთა მისამართით უკმაყოფილება გამოხატა, რატომ არ აფრთხილებთო. მართალია, ეს არ ყოფილა არც უხეში ჟესტი და არც - მწვავე შეკამათება, მაგრამ ფაქტია, რომ არბიტრმა ამის შემდეგ დამხმარეებს მოუხმო და მათთან რამდენიმეწამიანი თათბირის ბოლოს ქართველი გააფრთხილა.</p><p>ეს მარცხი მით უფრო დასანანია, რომ კორეელი ვერაფრით აღემატებოდა შავდათუაშვილს. ჩვენებური ნამდვილად კარგ ფორმაში იყო, რაც სანუგეშო წრეშიც დაამტკიცა, როცა ამერიკელ ევერეტ დესილეტს გასაქანი არ მისცა და სამჯერ გააფრთხილებინა, ბრინჯაოსთვის ბრძოლაში კი ასევე პირწმინდად დაჩაგრა ფრანგი არტურ კლერი და ცოტა უცნაური ტრაექტორიით წამოღებული პირდაპირ ბეჭებით დაანარცხა ტატამზე.</p><p>საწყენია, რომ შავდათუაშვილი, მინიმუმ, ფინალში ვერ ვიხილეთ, თუმცა მისი ჭიდაობის ხარისხი და მისი სტაბილურობა, მისი მომზადება ოპტიმიზმის საფუძველს გვაძლევს. მან ამჯერად მშვენიერი ფიზიკური ფორმა გამოავლინა. მას აქვს ყველა მონაცემი, უახლოეს წლებში ამ წონაში ეროვნულ ნაკრებში არსებული ჩავარდნა აღმოფხვრას და ლიდერობა იტვირთოს, მაგრამ საჭიროა მისი სწორად განვითარება, სწორად გაზრდა, თუ გვინდა, კიდევ ერთი ნიჭიერი ახალგაზრდა არ დავკარგოთ.</p><p><strong>ვერც უცხოეთ</strong><strong>ის ქართველებმა ივარგეს</strong></p><p>გუშინ დიდად ვერ ივარგეს სხვა ქვეყნების სახელით მოჭიდავე ქართველებმა. საბერძნეთის ნაკრების წევრმა რომან მოსტოპულოსმა ორი შეხვედრა მოიგო, მაგრამ გიგანის მძლეველ ირანელ მოლაეისთან წააგო. ასევე ორი წრე გაიარა ფრანგების ლიდერმა ტრისტან ავალიანმა, რომელიც სამბოში მსოფლიოს ჩემპიონ ვეფხვია ავალიანის შვილია. ის საფრანგეთსი გაიზარდა, მთლიანად იქაური ძიუდოს აღზრდილია და წლეულს თანატოლებში "მამლების" ვიცე-ჩემპიონიც გახდა.</p><p><strong>დღეს და ხვალ...</strong></p><p>დღეს კეიპტაუნში 81-90, ხვალ კი 100 და +100 წონების ფალავნები იჭიდავებენ. შეგახსენებთ, რომ 81-ში ჭაბუკებში ევროპის, მსოფლიოსა და ევროპის ახალგაზრდული ოლიმპიური ფესტივალის გამარჯვებული ბექა ღვინიაშვილი პირველ წრეში ისვენებს, მეორეში კი უნგრელ პეტერ ჰაიმისა და ამერიკელ იან კაფარსკის შორის გამარჯვებულს შეხვდება. ამავე წონაში შალვა ნინიძეც მეორე წრიდან ჩაებმება ბრძოლაში, თუმცა მისი მეტოქე ახლავეა ცნობილი - ინდოელი ავტარ სინგჰხი, რომელიც თავიდან ასევე ისვენებს.</p><p>ზუსტად ასეთივე მდგომარეობაა 90-ში გიორგი მერმანიშვილთანაც - პირველ წრეში ისიც და მისი მომავალი მეტოქეც, ბელგიელი დილან ვან ნუფელიც ისვენებენ, ხოლო გიორგი ქავთარაძე თავიდანვე ჩაებმება ტურნირში ავსტრალიელ ბრანდონ ბრამინთან შეხვედრით.</p><p>კვირას დავით მერაბიშვილი (100) ეგვიპტელ მოჰამედ აბდელრაჰმანს დაეჭიდება, ჭაბუკებში მსოფლიოს კიდევ ერთი ჩემპიონი და ღვინიაშვილივით დებიუტანტი გურამ თუშიშვილი (100) კი იტალიელ ევროპის ჩემპიონ დომენიკო დი გიუდას ხვდება. მძიმე წონაში ტავიდან ორივე ჩვენებური ისვენებს. ახალგაზრდებში ევროპის ვიცე-ჩემპიონ ლევან მატიაშვილის მეტოქე ყაზახ აიტუარ აბდულოვისა და ეგვიპტელ მაისარა ელნაგარის შეხვედრაში გამოვლინდება, უშანგი კოკაურის მოწინააღმდეგე კი ახლავეა ცნობილი - იაპონელი ტაკეში ოჯიტანი.</p><p><span style="color: #ff0000;"><strong>კვარცხლბეკი </strong></span></p><p><strong>ბიჭები</strong></p><p>66 კგ. 1. შო ტატეიამა (იაპონია), 2. მაგომედ ახმაროვი (რუსეთი), 3. ლაშა შავდათუაშვილი (საქართველო), დონგკიო ლეე (კორეა).</p><p>73 კგ. 1. სონეი ონო (იაპონია), 2. აზიზ კალკამანული (ყაზახეთი), 3. ჰაე იოო იუნგი (კორეა), ვლადიმირ ზოლოევი (რუსეთი), 7. მიხეილ ჩოხელი (საქართველო).</p><p><strong>გოგოები </strong></p><p>52 კგ. 1. ტაკუმი მიაკავა (იაპონია), 2. ოლექსანდრა სტარკოვა (უკრაინა), 3. ჩეიენ ბინცი (შვეიცარია), ფლოორ სტოოპი (ჰოლანდია).</p><p>57 კგ. 1. ანზუ იამამოტო (იაპონია), 2. სანე ვერჰაგენი (ჰოლანდია), 3. ფაბიენ კოჩერი (შვეიცარია), ტინა ზელტნერი (ავსტრია).</p><p><strong></p><p>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ