- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალიის ნაკრები: პრანდელი სიახლეების ძიებაში
<p>ჩეზარე პრანდელიმ იმ ფეხბურთელთა გვარები დაასახელა, რომლებსაც პოლონეთსა და ურაუგვაისთან მატჩებში დაეყრდნობა <br> 11 და 15 ნოემბერი სანაკრებო მატჩების დღეა და ბუნებრივია, უქმად არც "სკუადრა აძურა" იქნება. იტალიის ეროვნული ნაკრები ჯერ ევროპის ჩემპიონატის ერთ-ერთ მასპინძელს, პოლონეთის უმთავრეს გუნდს შეერკინება, შემდეგ კი ურუგვაისთან მოსინჯავს ძალებს.</p><p>ჩეზარე პრანდელიმ იმ ფეხბურთელთა გვარები დაასახელა, რომლებსაც მოახლოებულ მატჩებში დაეყრდნობა - ჯერ შემადგენლობას გავეცნოთ, შემდეგ კი განვავრცოთ თემა...</p><p><strong>მეკარეები:</strong> ჯანლუიჯი ბუფონი (იუვენტუსი), მორგან დე სანკტისი (ნაპოლი), სალვატორე სირიგუ (პსჟ, საფრანგეთი).</p><p><strong>მცველები:</strong> ინაციო აბატე (მილანი), ფედერიკო ბალცარეტი (პალერმო), ანდრეა ბარცალი (იუვენტუსი), ჯორჯო კიელინი (იუვენტუსი), დომენიკო კრიშიტო (ზენიტი, რუსეთი), კრისტიან მაჯო (ნაპოლი), სტეფან ოგბინა (ტორინო), ანდრეა რანოკია (ინტერი).</p><p><strong>ნახევარმცველები:</strong> ალბერტო აკვილანი (მილანი), ანტონიო ნოჩერინო (მილანი), დანიელე დე როსი (რომა), კლაუდიო მარკიზიო (იუვენტუსი), ანდრეა პირლო (იუვენტუსი), რიკარდო მონტოლივო (ფიორენტინა), ტიაგო მოტა (ინტერი), სიმონე პეპე (იუვენტუსი).</p><p><strong>თავდამსხმელები:</strong> მარიო ბალოტელი (მანჩესტერ სიტი, ინგლისი), სებასტიან ჯოვინკო (პარმა), ალესანდრო მატრი (იუვენტუსი), პაბლო ოსვალდო (რომა), ჯამპაოლო პაცინი (ინტერი).</p><p><strong><span style="color: #ff0000;">დაცვა</span></p><p></strong>ჩეზარე პრანდელის სიაში რვა ნომინალური მცველია, რომელთაგან ხუთი მუდმივად ხვდება "აძურას" შემადგენლობაში - შეგვიძლია ჩამოვთვალოთ კიდეც მათი გვარები: ფედერიკო ბალცარეტი, ანდრეა ბარცალი, ჯორჯო კიელინი, დომენიკო კრიშიტო და კრისტიან მაჯო. აქვეა ანდრეა რანოკია, რომელიც ერთი ხანობა ოფსაოდში რჩებოდა, თუმცა ბოლო დროს იძახებენ ნაკრებში და პრინციპში, შეგვიძლია ხუთეულსაც დავუმატოთ.</p><p>დებიუტანტი არც სტეფან ოგბინაა, მაგრამ სტაჟიან "აძურელად" ჯერ მაინც არ ითვლება და მისი გამოძახება მაინც ცალკე აღნიშვნის ღირსია. საინტერესოა, რომ სტეფანი "ტორინოს" ღირსებას იცავს, გუნდის, რომელიც სერია B-ში ასპარეზობს. აქვე აღვნიშნოთ, რომ ოგბინა ერთ-ერთ ყველაზე პერსპექტიულ მცველად ითვლება იტალიაში და მისი საბაზრო ღირებულება დღეს დაახლოებით 20 მილიონ ევროს შეადგენს. მოკლედ, სერია B-ს მთავარი ვარსკვლავია და შემთხვევით არ იძახებენ ეროვნულ ნაკრებში.</p><p>ცალკე სალაპარაკო თემაა ინაციო აბატეს გამოძახება, რომელიც პირველად მოხვდა ქვეყნის რჩეულ ფეხბურთელთა შორის. "მილანის" განაპირა მცველის გამოძახებაზე კომენტარი პრანდელიმ საგანგებოდ გააკეთა: "აბატეს თამაშს დიდი ხანია ვაკვირდები, ბოლო პერიოდში საგრძნობლად მოუმატა, ძალიან კარგად ათამაშდა და შესაბამისად, გამოვიძახე კიდეც. ინაციოს აუცილებლად მიეცემა შანსი და უნდა დაამტკიცოს, რომ ეროვნულ გუნდში ასპარეზობის ღირსია. მჯერა მისი და ვნახოთ, როგორ გაამართლებს იმედებს".</p><p>ეროვნულ ნაკრებში გამოძახებამ აბატე ძალიან გაახარა და ბოლოს, სწორედ მის კომენტარს გავეცნოთ: "ეს ჩემი ახდენილი ოცნებაა და ყველაფერს ვიღონებ, რომ მწვრთნელის ნდობა ბოლომდე გავამართლო. ჩემი სურვილია, რომ ეროვნულ გუნდში დავკმვიდრდე და "აძურას" სრულუფლებიან წევრად ვიქცე".</p><p><strong><span style="color: #ff0000;">ნახევარდაცვა</span></p><p></strong>შუა ხაზში იმ გვარებს ვხედავთ, რომლებიც სტაბილურად ხვდებიან ეროვნული ნაკრების შემადგენლობაში. შედარებით ახალი სახე ანტონიო ნოჩერინოა, რომელიც მიმდინარე სეზონს შესანიშნავად ატარებს და შეგვიძლია თამამად ვთქვათ, რომ "მილანის" ძირითად შემადგენლობაში დამკვიდრდა.</p><p>პრანდელის ხუთი ისეთი მოთამაშე ჰყავს, რომლებიც ცენტრალურ ნახევარმცველებად ითვლებიან: ზემოთ აღნიშნული ნოჩერინო, ალბერტო აკვილანი, ანდრეა პირლო, ტიაგო მოტა და რიკარდო მონტოლივო. მოკლედ, ცენტრში დიდი კონკურენციაა და საინტერესოა, ვისზე გაკეთდება აქცენტი.</p><p>"გაძეტა დელო სპორტის" ვარაუდით, პოლონელებთან სასტარტო თერთმეტეულში მონტოლივოსა და მოტას ვიხილავთ, ურუგვაის ნაკრებს კი მილანელები: ნოჩერინო და აკვილანი დაუპირირდებიან. უკონკურენტოა ანდრეა პირლო, რომლის მიმართაც პრანდელის უსაზღვრო ნდობა აქვს.</p><p>საინტერესოა სიმონე პეპეს როლიც - "იუვენტუსში" კლასიკური გარემარბია, მაგრამ პრანდელის "აძურამ" ბოლო პაექრობები 4-4-2 სქემით გამართა; ანუ, დიდია ალბათობა პეპეს სხვა პოზიციაზე მოუწიოს ასპარეზობამ. თუმცა, შესაძლოა პრანდელიმ შეცვალოს კიდეც სქემა, პრინციპში მისი ერთ-ერთი კომენტარი ამაზე ნამდვილად გვაფიქრებს და ბოლოს სწორედ ჩეზარეს მოვუსმინოთ:</p><p>"ძალიან მინდოდა, რომ მარიო ბალოტელი ცენტფორვარდის პოზიციაზე გამომეცადა, ფლანგებიდან კი ჯუზეპე როსი და ანტონიო კასანო გამემწესებინა. სამწუხაროდ, როსი და კასანო გამოგვაკლდნენ და ხანგრძლივი დროით ჩამოშორდნენ ფეხბურთს. ამიტომ, ალტერნატიულ ვარიანტებს მოვსინჯავთ და ვნახოთ რა გამოვა".</p><p><strong><span style="color: #ff0000;">თავდასხმა</span></p><p></strong>თავდასხმას ნაწილობრივ უკვე შევეხეთ კიდეც, როდესაც პრანდელის კომენტარი მოვიშველიეთ, სადაც "სკუადრა აძურას" მწვრთნელი ანტონიო კასანოსა და ჯუზეპე როსის გამოკლების შესახებ საუბრობდა. პრანდელიმ ამ თემაზე ტაქტიკური ჭრილის გარეშეც ისაუბრა და კიდევ ერთხელ გადავცეთ სიტყვა:</p><p>"რამდენიმე დღის წინ, კასანო მოვინახულე და ძალიან კარგ ხასიათზე დავდექი, რადგან თავს გაცილებით უკეთ გრძნობს. მითხრა რომ ერთი სული აქვს, როდის დაუბრუნდება მოედანს, რამაც ოპტიმიზმით აღმავსო. ჩემი ინფორმაციით, კასანოს და როსის დაბრუნებას დაახლოებით ხუთი თვე დასჭირდება, ეს კი იმას ნიშნავს, რომ ევროპის ჩემპიონატზე მათი ასპარეზობა საკმაოდ რეალურია. სიმართლე გითხრათ, ამაში დარწმუნებულიც კი ვარ".</p><p>სანამ კასანო და როსი დაბრუნდებიან, პრანდელიმ სხვა ხუთ ფორვარდზე შეაჩერა არჩევანი, რომელთაგან დღეს ოთხია მის განკარგულებაში. - დიახ, სებასტიან ჯოვინკომ სერია A-ს უკანასკნელ ტურში კოჭი დაიზიანა და ექიმთა დასკვნით, 99% ვერც ერთ სანაკრებო შეხვედრაში ვერ მიიღებს მონაწილეობას. მიუხედავად ამისა, ჯოვინკო არ ამოვიღეთ სიიდან, რადგან ის 1% არსებობს და ვინ იცის, იქნებ გამართლდეს კიდეც.</p><p>განაცხადში ოთხი ისეთი ფორვარდია, რომლებსაც დაგვირგვინება უფრო ეხერხებათ, ვიდრე სიღრმიდან თამაში. ანუ, ისინი ერთმანეთის უშუალო კონკურენტები არიან და საინტერესოა, ვისზე უფრო მეტად გაკეთდება აქცენტი. ოთხიდან ორს ნებისმიერ შემთხვევაში სათადარიგოთა შორის მოუწევს ყოფნა, რადგან 4-3-3 ტაქტიკის შემთხვევაში ერთ-ერთ გარემარბად სიმონე პეპე უნდა მოვიაზროთ. აქვე აღვნიშნოთ რომ ჯოვინკოს დაშავების შემდეგ, ბევრი ალაპარაკდა ანტონიო დი ნატალეს ნაკრებში დაბრუნების შესახებ, თუმცა პრანდელიმ ეს ინფორმაცია მალევე უარყო. მისი თქმით, ტოტოს შესაძლებლობებს კარგად იცნობს, მის გამოძახებაზე ფიქრობს და შესაძლოა, აპირებს კიდეც, მაგრამ არა მოახლოებულ ორ პაექრობაში.</p><p>მოკლედ, წინ ორი მეტად საინტერესო შეხვედრა გველის და ვნახოთ, როგორ განვითარდება მოვლენები.</p><p><strong>ყოველდღიური სპორტული გაზეთი "ლელო"</strong></p>
-
giorgi
თავდასხმა ყველაზე სუსტი რგოლია. იმედია მართლა დაბრუნდებიან კასანო და როსი.
დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს
რასპადორი მალე შეიძლება "რომაში" გადავიდეს
"კორინთიანსმა" "მილანს" ბრაზილიის ნაკრების მეკარე არ მიჰყიდა
"კორინთიანსმა" "მილანს" ბრაზილიის ნაკრების მეკარე არ მიჰყიდა
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა
"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?
[VIDEO] რონალდოს ლამაზი საგოლე პასი და ფელიქსის ბრწყინვალე გოლი
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს