<p>ვერავინ იტყვის, რომ ოდესმე "მანშაფტს" ფიზიკურად მასზე ძლიერი ფეხბურთელი ჰყოლია წინა ხაზში <br> კარსტენ იანკერი არ ყოფილა ყველაზე ნიჭიერი თავდამსხმელი, ვისაც გერმანიის ნაკრებში ოდესმე უთამაშია, ის არ ყოფილა არც ყველაზე ტექნიკური და არც ყველაზე პოპულარული, მაგრამ ვერავინ იტყვის, რომ ოდესმე "მანშაფტს" ფიზიკურად მასზე ძლიერი ფეხბურთელი ჰყოლია წინა ხაზში.</p><p>"პნევმატური ჩაქუჩი” - აი, სახელი, რომელიც მას გულშემატკივრებმა უწოდეს არანორმალური ძალისა და შრომისუნარიანობის გამო.</p><p>37 წლის კარსტენი ამჟამად ვენაში წყნარი ცხოვრებით ტკბება.</p><p><strong>- თქვენ ერთ-ერთი იყავით იმ “ბაიერნში”, რომელმაც ჩემპიონთა ლიგა მოიგო. შეძლებს თუ არა წლევანდელი რეკორდმაისტერი ამ შედეგის გამეორებას?</p><p></strong>- ვნახოთ. “ბაიერნი” მშვენიერ სეზონს ატარებს. თავისთავად ყველა ტიტული მნიშვნელოვანია. მიუნხენელები ბუნდესლიგას აუცილებლად მოიგებენ.</p><p><strong>- 1999 წელს ბედმა დაგაღალატათ?</p><p></strong>- “მანჩესტერ იუნაიტედთან” შეხვედრაში ნამდვილად დაგვაღალატა, მაგრამ შემდეგ, როცა ტიტული მოვიგეთ, ბედი მართლა ჩვენს მხარეს იყო.</p><p><strong></p><p>- ყველას ახსოვს 1999 წლის ფინალში მაკრატელათი თქვენ მიერ ხარიხისთვის გარტყმული ბურთი. ეს ეპიზოდი გახსენდებათ?</p><p></strong>- უკვე აღარ ვიხსენებ ხოლმე. ნამდვილად დიდი დრო დამჭირდა, რომ ეს სცენა თავიდან ამომეგდო. ამ მომენტს ფიქრებში განუწყვეტლივ ვუბრუნდებოდი და ვუბრუნდებოდი. ალბათ იმიტომ, რომ წაგება ძალიან გულსატკენი იყო.</p><p><strong></p><p>- თქვენი აზრით, სად გაატარეთ პროფესიული კარიერის საუკეთესო წლები?</p><p></strong>- ეს ხომ აშკარაა - რა თქმა უნდა “ბაიერნსა” და “რაპიდში”. მიუნხენში გერმანიის ნაკრების თავდამსხმელი გავხდი და უამრავი ტიტული მოვიგე. ჩემი ორი შვილიც ამ ქალაქში დაიბადა. მართალია ახლა ვენაში ვცხოვრობ, მაგრამ ისევ და ისევ “ბაიერნის” ვეტერანი ვარსკვლავების გუნდის სახელით ვთამაშობ. რაც შეეხება “რაპიდს”, ყველაფერი იქ დაიწყო და წარმატებული პროფესიონალი ფეხბურთელი სწორედ ამ გუნდში გავხდი.</p><p><strong></p><p>- დღემდე სტუმრობთ ხოლმე “ბაიერნის” ბაზას ზაბენერ შტრასეზე?</p><p></strong>- წელიწადში “ბაიერნის” ორ ან სამ თამაშს აუცილებლად ვესწრები. ძირითადად პირადი მიზეზების გამო ვერ ვიცლი. ზაბენერ შტრასეს იშვიათად ვსტუმრობ.</p><p><strong></p><p>- “ბაიერნი” თქვენი კარიერის საუკეთესო წლები ყოფილა. როგორ შეაფასებთ იმ ორ სეზონს, რომელიც “უდინეზეში” გაატარეთ?</p><p></strong>- ეს ჩემი ცხოვრების ურთულესი პერიოდი იყო. თავდაპირველად კიდევ არა უშავდა, მაგრამ ნელ-ნელა მერე ყველაფერი გაუარესდა.</p><p><strong></p><p>- რისი თქმა შეგიძლიათ მიროსლავ კლოზეზე?</p><p></strong>- კარგად გამოიყურება. თავისი ადგილი ახალ გუნდში იოლად მონახა და რამდენიმე მნიშვნელოვანი გოლი გაიტანა “ლაციოს” შემადგენლობაში.</p><p><strong></p><p>- იტალიის შემდეგ ჯერ “კაიზერსლაუტერნში” გადახვედით, შემდეგ ჩინეთში “შანხაი შენხუაში” აღმოჩნდით. ამ პერიოდზე რაღას გვეტყვით?</p><p></strong>- ჩინეთი სულ სხვა სამყაროა, იქ მხოლოდ ნახევარი წელიწადი გავატარე, მაგრამ ეს იყო მართლა ძალიან საინტერესო თვეები.</p><p><strong></p><p>- რატომ მაინცდამაინც ჩინეთი? ფული გადამწყვეტი ფაქტორი იყო?</p><p></strong>- საერთოდ მათ წინადადებას ამ ასპექტში არა უშავდა. სპორტში საერთოდ ძნელია ვინმემ მომავალი წინასწარ დაგეგმოს. მეც ასე მომივიდა. ფორმა ჩინეთში აღვიდგინე და სათამაშოდ ავსტრიას დავუბრუნდი.</p><p><strong></p><p>- დაბრუნდით და თქვენი კარიერა იქ დასრულდა კიდეც. შეიძლება ოდესმე ბუნდესლიგას მწვრთნელის რანგში დაუბრუნდეთ?</p><p></strong>- ნამდვილად არ ვიცი. ასე ვიტყოდი, მოვლენათა მსგავსი სცენარით განვითარება ნაკლებად მოსალოდნელია. მწვრთნელთა კურსები დავამთავრე და ახლა “რაპიდის” ბავშვთა გუნდის მწვრთნელად ვმუშაობ. შემიძლია გულწრფელად გითხრათ, ოჯახი ჩემთვის ახლა ნამდვილად პირველ ადგილზეა. ჩემი მეუღლე ყოველთვის ულაპარაკოდ მომყვებოდა ყველგან, სადაც სათამაშოდ მივდიოდი, მაგრამ აშკარა იყო, რომ ოდესმე აუცილებლად დავბრუნდებოდით ვენაში, ეს ჩვენი სახლია.</p><p><strong>ყოველდღიური სპორტული გაზეთი "ლელო"</strong></p>
40 წლის ნოიერი კარიერას ჯერ არ დაასრულებს
ტრავმირებული ნოიერი ოპტიმისტურადაა განწყობილი
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია