<p>ბერძნულ პორტო კარასში გამართული მოჭადრაკეთა გუნდური ჩემპიონატი ჩვენმა მანდილოსნებმა მესამე ადგილით დაასრულეს <br> ბერძნულ პორტო კარასში გუშინ დამთავრდა მოჭადრაკეთა გუნდური ჩემპიონატი, რომელშიც 28 ქალთა და 38 ვაჟთა ნაკრები მონაწილეობდა.</p><p>ბოლო ტურის წინ ქართველი დიდოსტატი მანდილოსნები საპრიზო სამეულში გასვლის შანსს ინარჩუნებდნენ და შეძლეს კიდეც, ოღონდ, გულსატკენი ის არის, რომ ვერცხლის მედლამდე ნახევარი ქულა არ ეყოთ - პოლონელებმა გაუსწრეს, არადა, პირად შეხვედრაში ჩვენებმა პოლონეთის გუნდი დაამარცხეს.</p><p>გუშინ რუმინელებთან პაექრობისას ნანა ძაგნიძემ შავი ფიგურებით 72-ე სვლაზე ქრისტინა-ადელა ფოიშორი დაამარცხა, სალომე მელიამ კი 62-ე სვლაზე დააყრევინა ფარ-ხმალი კარმენ ვოიცუ იაგოდინსკის. ლელა ჯავახიშვილი ელენა-ლუმინიტა კოსმასთან პაექრობისას კარგა ხანს ფლობდა მიტელშპილში ერთგვარ პოზიციურ უპირატესობას, მაგრამ მისი რეალიზაცია ვერ შეძლო და მეტოქეს დაუზავდა. მესამე დაფაზე მოთამაშე ნინო ხურციძემ, როგორც წინა ნომერში გაუწყეთ, შვიდი ტური შესანიშნავად განვლო - 6,5 ქულა მოაგროვა, გუშინ ირინა ბულმაგასთან შავი ფიგურებით ორთაბრძოლა დებიუტიდანვე ვერ ააწყო, 22-ე სვლისთვის კი კარპატელმა საგრძნობი უპირატესობა მიიღო და 65-ე სვლაზე ქართველ დიდოსტატს პირველი მარცხი აგემა. საბოლოოდ ჩვენებმა მატჩი 2,5:1,5 მოიგეს.</p><p>ევროპის ჩემპიონობა შეინარჩუნა რუსეთის ქალთა ნაკრებმა (ნადეჟდა კოსინცევა, ნატალია კოსინცევა, ალექსანდრა კოსტენიუკი, ვალენტინა გუნინა, ნატალია პოგონინა), რომელმაც ბოლო ტურში ავსტრიას 3:1 მოუგო და 17 ქულით პირველ ადგილზე გავიდა. პოლონელები სომხებს დაუზავდნენ (2:2) და 14 ქულით ვერცხლის მედლები მოიპოვეს - ჩვენებურებს მოჭადრაკეთა საერთო მონაგრით გაუსწრეს.</p><p>ბოლო ტურის სენსაცია, ალბათ, ფრანგთა საშუალო დონის გუნდის მიერ უკრაინელთა დამარცხება (1:3) იყო. ამ წარმატებაში თავისი წვლილი საფრანგეთში გათხოვილმა ქართველმა დიდოსტატმა ნინო მაისურაძემაც შეიტანა - იგი შავი ფიგურებით ანა უშენინას შეუთანხმდა ყაიმზე, არადა, ბოლო სამ სვლაში გაუშვა მოგება ხელიდან.</p><p>საბოლოოდ, პირველი-მეხუთე ადგილები ასე განაწილდა: რუსეთი - 17 (საერთო მონაგარი 25,5), პოლონეთი - 14 (23), საქართველო - 14 (22,5), უკრაინა - 12 (21,5), საფრანგეთი - 12 (21).</p><p>ვაჟთა ტურნირის ბოლო შეხვედრაში ქართველებმა შვედები 3:1 დაამარცხეს (ბაადურ ჯობავა-ჰანს ტიკანენი 1:0, ლევან ფანცულაია-ნილს გრანდელიუსი 1:0, მიხეილ მჭედლიშვილი-პონტუს კარლსონი 0,5:0,5, დავით ზარქუა-დანიელ სემკესენი 0,5:0,5). ჩვენმა გუნდმა 10 ქულა (22) მოაგროვა და მე-13 ადგილზე გავიდა.</p><p>ჩემპიონობა კი 15 (22,5) ქულით გერმანელებმა (არკადი ნაიდიჩი, გეორგ მაიერი, დანიელ ფრიდმანი, იან გუსტაფსონი) მოიპოვეს, რომლებმაც სომხებს 2,5:1,5 აჯობეს. 14 ქულით (23) რუმინელთა მძლეველი (3:21) აწ უკვე ევროპის ყოფილი ჩემპიონი აზერბაიჯანელები მეორეზე გავიდნენ.</p><p>13-13 ქულით მესამე-მეხუთე ადგილები, შესაბამისად, უნგრელებმა (23), სომხებმა (22,5) და რუსებმა გაინაწილეს (21,5).</p><p><strong>ყოველდღიური სპორტული გაზეთი "ლელო"</strong></p>
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!