- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კალათბურთი, როგორც ჭადრაკი - სუპერლიგის V ტურის მიმოხილვა
<p>"არმია"-თსუ-ს მატჩისას მოედანი თითქოს ჭადრაკის დაფასავით იყო დახაზული - თეთრებმა დაიწყეს და მოიგეს <br> სუპერლიგის მეხუთე ტური მოვლენებით იმდენად დაიტვირთა, რომ სპორტის სამინისტროში კლუბების ხელმძღვანელები დაიბარეს და ძირეულ ცვლილებებზე იმსჯელეს. ლაპარაკი უმალ იქცა საქმედ - გადაწყდა, რომ ჩემპიონატის ორგანიზება სუპერლიგის ნაცვლად კალათბურთის ფედერაციას დაეკისრება, ხოლო უახლოეს ტურებისთვის უცხოეთიდან მსაჯებს ჩამოიყვანენ.</p><p>არბიტრების მოწვევაზე ადრეც არაერთხელ თქმულა, თუმცა ამისთვის საჭირო იყო გარკვეული თანხა, რაც აქამდე ფედერაციას არ აღმოაჩნდა. ამ საქმეში ახლა მას სპორტის სამინისტრო დაეხმარება. ლეგიონერი მსაჯების მოწვევა ჯერ ერთი იმიტომაა საჭირო, რომ ყველა მატჩს სამი არბიტრი უნდა ემსახურებოდეს. საქართველოში კი მათი რაოდენობა არასაკმარისია. შარშან პლეი ოფში ორ-ორი მსაჯი იყო, თან ზოგიერთი ზედიზედ ორ შეხვედრას სჯიდა. არბიტრების საზღვარგარეთიდან მოწვევაზე პირველ რიგში, სწორედ სუპერლიგის ხელმძღვანელობა ლაპარაკობდა. თუმცა მიმდინარე ჩემპიონატის მეხუთე ტურამდე ეს საკითხი დადებითად ვერ გადაწყდა.</p><p>მეორე სიახლე ჩემპიონატის ორგანიზების ფედერაციისთვის გადაცემაა. თუმცა ისიც უნდა ითქვას, რომ სუპერლიგა სწორედ ფედერაციის ერთ-ერთი ნაწილი იყო. ასე რომ, ამ მხრივ დიდი რეფორმა წლეულს ვერ განხორციელდება. თუმცა ეს დიდი პროექტის დასაწყისად უნდა მივიჩნიოთ - მომავალი სეზონიდან შეიქმნება "კალათბურთის პროფესიული ლიგა". თუ ყველა ნიუანსი სათანადოდ დაიგეგმა, ლიგის შექმნა წინგადადგმული ნაბიჯი იქნება.</p><p>ჩვენი მხრიდან უმადურობა იქნებოდა იმის არაღნიშვნა, რომ სწორედ სუპერლიგის ახლანდელი ხელმძღვანელობის ხელში გაიმართა ჩემპიონატი სტრუქტურულადაც და ტექნოლოგიურადაც. მოწესრიგდა უამრავი ნიუანსი, რამაც ჩემპიონატის ორგანიზებულად ჩატარებას შეუწყო ხელი. ყველაზე მთავარი კი სამი ასაკობრივი პირველობის (16, 18 და 20-წლამდელთა) სისტემური აწყობაა - მანამდე ეს ჩემპიონატები ხან ერთ თვეში მთავრდებოდა, ხან სულაც არ ტარდებოდა.</p><p><strong>დიდია და ბარბაქაძე</strong></p><p>დროა მეხუთე ტურსაც მივხედოთ, რომელშიც ცენტრალური მატჩი "ოლიმპსა" და "ქუთაისს" შორის გაიმართა. შედარებით ადრე შეკრებილმა და გრძელი სათადარიგოთა სკამის მქონე ქუთათურებმა სამი კაცის დაკლების (ხუთ-ხუთი ჯარიმის გამო) მიუხედავად ბოლო წუთებზე "ოლიმპის" გატეხვა მოახერხეს. გადამწყვეტ მომენტში გიგი ბარბაქაძემ მატჩის ბედი ორი სამქულიანით გადაწყვიტა და ამიტომაც მოხვდა ტურის სიმბოლურ ნაკრებში. მისი თანაგუნდელი რევაზ დიდია კი მარგი ქმედების კოეფიციენტის მიხედვით შეხვედრაში საუკეთესო იყო (17). დიდიას სხვადასხვა პოზიციაზე უწევდა თამაში და ჩვენც გადავწყვიტეთ, მისთვის სიმბოლურ ნაკრებში ცენტრის ფუნქციები დაგვეკისრებინა.</p><p>ლაშა გამყრელიძე მსაჯის შეურაცხყოფისთვის მოედნიდან გააძევეს, რაც "ოლიმპისთვის" დიდი დანაკლისი არმოჩნდა.</p><p><strong>კარტერი </strong></p><p>თბილისის "დინამომ" მეოთხე ტურში "სამედიცინოსთან" ოვერტაიმში წააგო, მეხუთეში კი შედარებით ძლიერი შემადგენლობის შსს-ს სძლია. ეს უმთავრესად კეიონ კარტერის დამსახურება იყო, რომელმაც 29 ქულა ჩააგდო და 15-დან 10 მოხსნა მეტოქის ფარზე მიითვალა. მარგი ქმედების მაჩვენებლით იგი ტურში საუკეთესო იყო (32) და ჟურნალისტებმა MVP-ად ზედიზედ მეორედ დავასახელეთ.</p><p>შსს-ს ახალი მწვრთნელი გაუძღვა - არჩილ ჟღენტი, რომელმაც დავით უსტიაშვილი შეცვალა. მთავარ მწვრთნელთან ერთად გუნდიდან კაპიტანი ბექა წივწივაძე წავიდა.</p><p><strong>ჩიკვილაძე</strong></p><p>ბექა ჩიკვილაძე უფრო ხშირად მსროლელად თამაშობს, მაგრამ გამთამაშებლობაც კარგად შეუძლია და ამიტომაც შევიყვანეთ სიმბოლურში პლეიმეიქერის რანგში. ბექა ძალიან მონდომებულია და ეს ზოგჯერ სროლის სიზუსტეს ვნებს, რუსთავში კი გამოცდილი მონადირესავით ისროდა: 10-დან 7 ორქულიანი, 3-დან 2 სამიანი, 7-დან 6 საჯარიმო. მის გასწვრივ ოქმში სამი ერთნაირი რიცხვი დაფიქსირდა: 26 წუთი, 26 ქულა, 26 მქკ.</p><p><strong>ბერიშვილი</strong></p><p>"არმია"-თსუ-ს მატჩისას მოედანი თითქოს ჭადრაკის დაფასავით იყო დახაზული, გუნდებმა კალათბურთის ნაცვლად ჭადრაკი ითამაშეს: თეთრებმა (არმიელებმა) დაიწყეს და მოიგეს. დასაწყისში დიდი საჭადრაკო შებრძოლების შემდეგ დაფაზე ხუთ-ხუთი ფიგურა დარჩა. თეთრებმა ნელ-ნელა დახოცეს შავები და ვიდრე მოედანზე ხუთი ფიგურის წინააღმდეგ მხოლოდ მეფე (მიხეილ ფანჩულიძე) არ დარჩა, შავები არ დანებდნენ.</p><p>საკალათბურთო ენაზე გადაგითარგმნით: შაბათს, "არმია"-თსუ-ს დაპირისპირების მეორე პერიოდში კალათბურთელთა შორის შელაპარაკებისას მოედანზე ყველა სათადარიგო შევიდა და მსაჯმა დავით ბერეკაშვილმა ისინი თამაშიდან გააძევა და გასახდელისკენ მიუთითა. მატჩი გააგრძელა იმ ხუთეულმა, რომელიც შელაპარაკებისას მოედანზე იყო.</p><p>თსუ-ს ხუთ-ხუთი ჯარიმის გამო ნელ-ნელა გამოაკლდნენ სოსო შერმადინი, შალვა კოხრეიძე, თორნიკე ნინიაშვილი და დავით ბერიშვილი. მეოთხე პერიოდის მეორე წუთზე მოედანზე მიხეილ ფანჩულიძეღა დარჩა ხუთი არმიელის წინააღმდეგ. მსაჯმა ჩასტვინა და თამაში დაასრულა, რადგან ფიბა-ს წესებით - თუ ამა თუ იმ გუნდს მოედანზე ერთი კალათბურთელი რჩება, მატჩი სრულდება და მოგება მის მოწინააღმდეგეს ეთვლება.</p><p><span style="color: #ff0000;"><strong>სუპერლიგა. V ტური</strong></span></p><p>ოლიმპი-ქუთაისი 64:75</p><p>დინამო-შსს 94:89</p><p>არმია-თსუ 73:71</p><p>ბათუმი-სოხუმი 64:88</p><p>რუსთავი-სამედიცინო 73:100</p><p><span style="color: #ff0000;"><strong>რეკორდები</strong></span></p><p><strong>ქულა</strong></p><p>40 - ლევან ფაცაცია (სოხუმი)</p><p>2-ქულ 14/18; 3-ქულ 2/5; საჯ 6/6</p><p>11.11.11 ბათუმი-სოხუმი</p><p><strong>მოხსნა</strong></p><p>18 - ზვიად ანთაძე (სტუ)</p><p>(მეტოქ: 5; საკუთ: 13)</p><p>04.11.11 ბათუმი-სტუ</p><p>18 - კეიონ კარტერი (დინამო)</p><p>(მეტოქ: 7; საკუთ: 11)</p><p>05.11.11 დინამო-სამედიცინო</p><p><strong>პასი</strong></p><p>14 - ლაშა გამყრელიძე (ოლიმპი)</p><p>29.10.11 შსს-ოლიმპი</p><p><strong>ჩაჭრა</strong></p><p>7 - რევაზ ჩაჩანიძე (რუსთავი)</p><p>29.10.11 სტუ-რუსთავი</p><p>7 - ნიკა რამიშვილი (ბათუმი)</p><p>11.11.11. ბათუმი-სოხუმი</p><p><strong>დაფარება</strong></p><p>6 - ილიცა მილუტინოვიჩი (ოლიმპი)</p><p>15.10.11 თსუ-ოლიმპი</p><p>6 - ბექა ბექაური (სამედიცინო)</p><p>05.11.11 დინამო-სამედიცინო</p><p><strong><span style="color: #ff0000;">სიმბოლური ხუთეული "ლელოს" ვერსიით</span></strong></p><p>№4 კეიონ კარტერი (დინამო), №5 რეზო დიდია (ქუთაისი), №2 ლევან ფაცაცია (სოხუმი), №3 გიგი ბარბაქაძე (ქუთაისი), №1 ბექა ჩიკვილაძე (სამედიცინო).</p><p>მწვრთნელი: მახაზ კოხრეიძე (ქუთაისი)</p><p><strong>ყოველდღიური სპორტული გაზეთი "ლელო"</strong></p>
I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში
ზესტაფონის მარგვეთმა გორში ივერიონს მოუგო
ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა
ჩრდ. ირლანდიასთან მატჩში საქართველოს ნაკრების შემადგენლობა ცნობილია
18 წ. | ევროპის ჩემპიონატს ჩეხეთი უმასპინძლებს
აბეები ისევ ფინალში არიან და ესპანელი მეტოქეები ეყოლებათ
მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება
შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება
მენდეში: თუ რონალდო დაბრუნდება, სიხარულით შევხვდებით
I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში
პორტუგალიამ ნორვეგიას, დანიამ კი უელსს მოუგო
ლაშა დვალი: მხოლოდ ასე შევძლებთ ამ ვითარების შემოტრიალებას
ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ
VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა
ქართველი მსაჯები უეფას ერთა ლიგის მატჩს მოემსახურებიან
ლუჩანო სპალეტი: "კვარა" სულ სხვა საფეხბურთო გარემოდან მოვიდა
[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!
ხვიჩა კარში და ევროპის ტოპ-ჩემპიონატების ფეხბურთელებით დაკომპლექტებული ნაკრების სავალალო მდგომარეობა - გამოსწორდება სიტუაცია?
[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს
[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია
ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა
მატჩის დღე! ლოგიკის დროით, საქართველოს გამარჯვების დროა
"მესი თუ რონალდო?" - მიულერმა არჩევანი გააკეთა