<p>საფრანგეთის სარაგბო ჩემპიონატის ელიტურ, პირველ დივიზიონში ბასკური დერბი "ბიარიცსა" და "ბაიონს" შორის სკანდალით დასრულდა <br> საფრანგეთის სარაგბო ჩემპიონატის ელიტურ, პირველ დივიზიონში ორი გადადებული შეხვედრა გაიმართა, რომელთაგან ერთი, ბასკური დერბი "ბიარიცსა" და "ბაიონს" შორის სკანდალით დასრულდა.</p><p>მეორეში კი <strong>მამუკა გორგოძის</strong>, <strong>მიხეილ ნარიაშვილის</strong>, <strong>გიორგი ჟღენტისა</strong> და <strong>გოდერძი შველიძის</strong> "მონპელიემ" სტუმრად დაამარცხა <strong>გურამ კავთიძისა</strong> და <strong>ტარიელ რატიანიძის</strong> "ლიონი" - 30:10. ძირითად შემადგენლობაში ითამაშა "მონპელიეს" ახალგაზრდა შერკინების ბურჯმა <strong>მიხეილ ნარიაშვილმა</strong>, ის 53-ე წუთზე შეცვალეს, გორგოძემ მოედანი 12 წუთის შემდეგ დატოვა, ჟღენტმა კი თამაშში 70 წუთი დაჰყო, რატიანიძე შეხვდრაში 63-ე წუთზე ჩაერთო და ოთხ წუთში ლელო გაიტანა, კავთიძე და შველიძე განაცხდაში არ იყვნენ.</p><p>ამ მოგების შემდეგ "მონპელიემ" მნიშვნელოვნად გაიუმჯობესა სატურნირო მდგომარეობა და ახლა 22 ქულით მე-8 ადგილზეა. შეგახსენებთ, რომ ჩემპიონობისთვის ბრძოლას პლეი ოფში ექვსი გუნდი განაგრძობს. "ლიონი" კი 13 ქულით სატურნირო ცხრილის ნაბოლარაა.</p><p>რაც შეეხება ბასკურ დაპირიპირებას, რომელშიც გამარჯვება "ბიარიცს" დარჩა 21:19, აქ ფრანგული ელიტური რაგბისთვის თითქმის უპრეცენდენტო ფაქტი დაფიქსირდა. თამაშის მსვლელობისას მოედანზე ჩხუბი ატყდა <a href="/mtavari/video.html?view=video&video=1016" target="_blank"><span style="color: #ff0000;"><strong>[იხილეთ ვიდეო]</strong></span></a>. საფრანგეთის ნაკრების მესამეხაზელს, მსოფლიოს ერთ-ერთ საუკეთესო მორაგბეს, იმანოლ არინორდოკს ორი თუ სამი მოწინააღმდეგე სცემდა. ეს ვერ აიტანა იმანოლის მამამ ლუსიენ არინორდოკმა, რომელიც მატჩს თვალს ტრიბუნიდან ადევნებდა, ის მოდანზე შეიჭრა და ჩხუბში ჩაერთო.</p><p>მიუხედავად იმისა, რომ იმანოლ არინორდოკმა და მამამისმა მოგვიანებით, ცალ-ცალკე მოიხადა ბოდიში, დამნაშავეს სასჯელი მაინც ემუქრება. კანონის თანახმად, შესაძლოა, ლუსიენ არინორდოკს ერთი წლით თავისუფლების აღკვეთა მიუსაჯონ და 15 ათასი ევრო ჯარიმა გადაახდევინონ. ამასთან, მასვე აეკრძალება სტადიონზე რაგბის თამაშის ყურება ხუთი წლის განმავლობაში.</p><p><strong><span style="color: #ff0000;">I დივიზიონი</span></p><p></strong><em><strong>გამოტოვებული</p><p></strong><strong>ლიონი-მონპელიე 10:30, ბიარიცი-ბაიონი 21:19</p><p></strong>სატურნირო მდგომარეობა</p><p></em>1. ტულუზი - 38 ქულა, 2. კლერმონი - 36, 3. კასტრი - 33, 4. ტულონი - 30, 5. მეტრო რასინგი - 30, 6. აჟენი - 28, 7. სტად ფრანსე - 26, 8. მონპელიე - 22, 9. ბრივი - 21, 10. ბაიონი - 20, 11. პერპინიანი - 19, 12. ბორდო - 17, 13. ბიარიცი - 14, 14. ლიონი - 13.</p><p><strong></p><p>XII ტური</p><p></strong>ბორდო-ბრივი, ტულუზი-ტულონი, კლერმონი-კასტრი, სტად ფრანსე-მეტრო რასინგი, აჟენი-ბაიონი, ლიონი-პერპინიანი, ბიარიცი-მონპელიე.</p><p><strong>ყოველდღიური სპორტული გაზეთი "ლელო"</strong></p>
ნიკა ამაშუკელი საუკეთესო მსაჯთა ათეულში დაასახელეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
პალიკო ჯიმშელაძე ბორჯღალოსნებში ბრუნდება!
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
არც კოშტა და არც სვილარი - პსჟ იტალიელ მეკარეს დაიმატებს
Le Parisien: პსჟ-მ ბატრაკოვთან დაკავშირებით გადაწყვეტილება მიიღო
20 წ. | ვინ მოდის საქართველოში - ესპანეთი
ქალთა ნაკრები ფარერის კუნძულების ეროვნულ გუნდს უმასპინძლებს
"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია
ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს
მატჩის დღე! ბაჰრეინთან "მამარდას" გარეშე და "კვარასთან" ერთად
ვლაჰოვიჩი "იუვენტუსს" თავისუფალი აგენტის სტატუსით დატოვებს