სხარტი და სამაგალითო

შაბათს, ატლანტიკ სიტის „ბორდუოქ ჰოლში“ ერთმანეთის პირისპირ სუპერსაშუალოწონისნები - ამერიკელი ანდრე უორდი და ბრიტანელი კარლ ფროჩი წარსდგებიან მოგეხსენებათ, შაბათს, ატლანტიკ სიტის „ბორდუოქ ჰოლში“ ერთმანეთის პირისპირ სუპერსაშუალოწონისნები - ამერიკელი ანდრე უორდი და ბრიტანელი კარლ ფროჩი წარსდგებიან.უორდი WBA-ს ჩემპიონია, ფორჩი კი WBC-ის ქამარს ფლობს. ბრიტანელი 34 წლის გახლავთ. მისი სტატისტიკაა: 28 გამარჯვება (22 ნოკაუტით) და ერთი დამარცხება. 27 წლის ამერიკელს კი კარიერაში 24 ბრძოლა ჩაუტარებია და ყველა მოუგია, მათგან 13 ნოკაუტით.უორდი და ფროჩი იმ შეჯიბრების ფინალისტები არიან, რომელსაც ტელეკომპანია „შოუთაიმი“ გერმანელი პრომოუტერის - ვილფრედ ზაურლენდის ფირმა „საურლენდ ივენთთან“ ერთად ატარებს და რომელსაც Super Six World Boxing Class ეწოდება. ტურნირის გამარჯვებულს გადაეცემა ჟურნალ „რინგის“, WBA-ს და WBC-ს ქამრები ანუ სუპერსაშუალო წონაში "ჩემპიონთა ჩემპიონად" ცხადდება.გუშინ, კარლ ფროჩის შესახებ გელაპარაკეთ და მოახლოებული ბრძოლისადმი მისი მოსაზრებები გაგაცანით, დღეს კი უორდის ვიდეო პრესკონფერენციის ამბავს გიამბობთ. ცნობისათვის - ანდრე უორდი თავს S.O.G-ს ანუ Son of God-ს (ქართულად "ღვთის შვილს") უწოდებს.ორიოდ სიტყვით ამერიკელი მოკრივის შესახებ: ის ბუნებამ განსაკუთრებული ღონით არ დააჯილდოვა, მაგრამ მეტოქეების ძლიერი დარტყმით გათიშვა მისი სტილი არც არის. მას ვინმეს ფიზიკური დაჩაგვრა არ სჭირდება, რადგან აქცენტს საზრიანობასა და სისხარტეზე აკეთებს. სპეციალისტები ამბობენ, რომ დღეს, ამ სტილის მოკრივეთა შორის ყველაზე დახვეწილი სწორედ უორდია - ის აკეთებს ზუსტად იმას და იმდენს, რაც კონკრეტული მეტოქის დასამარცხებლად არის საჭირო. Super Six World Boxing Class-ზე არტურ აბრაჰამის, საკიო ბიკას, ალან გრინისა და მიკელ კესლერის დამარცხებამ ფანებს კიდევ ერთხელ შეახსენა მისი დადებითი თვისებები.„შაბათს უდიდესი ბრძოლა მელის და ასეთი რანგის დაპირისპირებისთვის მოსამზადებლად ყველაფერი გავაკეთე - თქვა უორდმა. - ფიზიკურად საუცხოოდ ვარ მომზადებული. როდის უნდა შევჩერდე, დედამიწის ზურგზე ერთადერთმა ადამიანმა - ჩემმა მწვრთნელმა იცის. მან რომ არ გამაჩეროს და ჩემს ნებაზე მიმიშვას, რინგზე ხტუნვასა და გადაადგილებას წამითაც არ შევწყვეტ. ყველაფერი, რაც გეგმის მიხედვით უნდა გამეკეთებინა, გავაკეთე. მენტალურადაც მზად ვარ. ნებისმიერ წამს შემიძლია ავფეთქდე“.მიმომხილველებმა უორდის ბოლო სიტყვებზე გაამახვილეს ყურადღება. მან თქვა - ნებისმიერ წამს შემიძლია ავფეთქდეო, არადა იმპულსურობა მისი სტილი ნამდვილად არ არის. ის სხარტი, მაგრამ თანმიმდევრული მოკრივეა, რომელიც ჭკვიანურად, დაჟინებით მიიწევს გამარჯვებისკენ. პრესკონფერენციაზე სწორედ ამის შესახებ ჰკითხეს კიდეც. მან უპასუხა:„სტილის შეცვლას ნამდვილად არ ვაპირებ, ეს ჩემი მხრიდან დიდი შეცდომა იქნებოდა. მე ყოველთვის საკუთარი პრინციპების ერთგული დავრჩები. რაც ვარ, ის უნდა ვიყო. ვერ წარმოიდგენთ, რამდენი ადამიანი მოდის ჩემთან და მეუბნება, რომ ჩემი დაჟინება, სტილი, მეთოდურობა მოსწონს. ეს ის ხალხია, ვინც კრივთან კავშირში არ არის. ისინი უბრალო ფანები არიან. ერთმა ისიც კი მითხრა, რომ მე წესიერი ქცევისა და თავშეკავებულობის მაგალითი ვარ და სურს თავის ქალ-ვაჟს ჩემი ბრძოლები აყურებინოს“.ბრიტანელები კი დარწმუნებულები არიან, რომ ატლანტიკ სიტიში უორდის სასარგებლო და ფროჩის საწინააღმდეგო მსაჯობას ნახავენ. სწორედ ამაზე გაამახვილა ყურადღება ამირ ხანმა, რომელმაც გასულ შაბათს, ლაით-ველტერვეითში ჩემპიონის ტიტული დაკარგა და ახლა, ამერიკელ ლემონტ პიტერსონთან წაგებას მსაჯობას აბრალებს. შეგახსენებთ, რომ ხანისა და პიტერსონის ბრძოლაც ამერიკაში, კერძოდ პიტერსონის მშობლიურ ქალაქ ვაშინგტონში გაიმართა.„კარლს ნანახი ექნება როგორ გამძარცვეს ერთი კვირის წინ და როგორც წამაგებინეს ბრძოლაში, რომელიც სინამდვილეში მოვიგე. უორდის დასამარცხებლად ერთადერთი გზა არსებობს: ის ახლოს არ უნდა მიიკარო და როგორც კი მომენტს უხელთებ, ნოკაუტში უნდა ჩააგდო. თუ საქმე ქულების დათვლაზე მიდგა, მსაჯები ამერიკელის მხარეს დაიჭერენ“.ყოველდღიური სპორტული გაზეთი "ლელო"

"ქართველებო, თქვენი დანაკარგის გამო გისამძიმრებთ" - უკრაინელი უსიკი ილია II-ს გარდაცვალებას გამოეხმაურა

[VIDEO] გურული დაუმარცხებელია - ლაშამ პროფესიონალურ კრივში მესამე გამარჯვება მოიპოვა!

[VIDEO] ჯოშუამ კრივის ღირსება დაიცვა - ენტონიმ ჯეიკ პოლს ყბა მოტეხა

ბაჰრეინთან მატჩში საქართველოს ნაკრების შემადგენლობა ცნობილია

რობერტსონი "ლივერპულიდან" "ტოტენჰემში" გადავიდა

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

არც კოშტა და არც სვილარი - პსჟ იტალიელ მეკარეს დაიმატებს

Le Parisien: პსჟ-მ ბატრაკოვთან დაკავშირებით გადაწყვეტილება მიიღო

20 წ. | ვინ მოდის საქართველოში - ესპანეთი

ქალთა ნაკრები ფარერის კუნძულების ეროვნულ გუნდს უმასპინძლებს

"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია

[VIDEO] სოხუმის "ცხუმი" ქართულ ფეხბურთში დაბრუნდა

ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს

მატჩის დღე! ბაჰრეინთან "მამარდას" გარეშე და "კვარასთან" ერთად

ვლაჰოვიჩი "იუვენტუსს" თავისუფალი აგენტის სტატუსით დატოვებს

"3-4 წლის წინ, არავინ მომისმინა" - "ჩელსის" ყოფილმა ფეხბურთელმა ხვიჩა კვარაცხელიაზე ისაუბრა

"რეალის" ფეხბურთელობისას რომ ეს მეთქვა, მომკლავდნენ, მაგრამ..." - აზარმა ერთმანეთს მესი და რონალდო შეადარა

მოურინიოს პირველი მოთხოვნა პერესს - "რეალი" კალაფიორის დაუკავშირდა