<p>სასკოლო სასპორტო კლუბ "მორკინალის" მესვეურებმა გადაწყვიტეს, სპორტის 10 სახეობაში პირველი თამაშები ჩაეტარებინათ <br> წლეულს ოქტომბერში დაფუძნდა თბილისის გლდანი-ნაძალადევის რაიონის სასკოლო სასპორტო კლუბი "მორკინალი" (პრეზიდენტი - ოლიმპიური ჩემპიონი გიორგი ასანიძე, ვიცე-პრეზიდენტები: გია ბეგიაშვილი და დავით ხავთასი, გენერალური მდივანი შალვა ცომაია), რომელშიც რაიონის ხუთი საჯარო სკოლა გაერთიანდა. კლუბის მიზანია მოსწავლეთა შორის სპორტის სახეობების პოპულარიზაცია, ცხოვრების ჯანსაღი წესის დანერგვა, დედაქალაქის საჯარო და კერძო სკოლების პედაგოგებისა და მოსწავლეების დაახლოება და სპორტულ თამაშებში ჩართვა, გლდანი-ნაძალადეველ მოსწავლეთა ნაკრები გუნდებისთვის კანდიდატების შერჩევა და საქალაქო პირველობებისთვის მომზადება.</p><p>"მორკინალი" ჩამოყალიბების პირველი დღიდანვე გადავიდა კონკრეტულ საქმეზე. კლუბის მესვეურებმა გადაწყვიტეს, სპორტის 10 სახეობაში ჩაეტარებინათ "მორკინალის" პირველი თამაშები (შეჯიბრებებში უმთავრესად VII-X კლასელები მონაწილეობენ).</p><p>სარბიელზე პირველად ფეხბურთელები გავიდნენ. 9 საჯარო სკოლის გუნდების დაპირისპირება 115-ე სკოლის გამარჯვებით დასრულდა.</p><p>მეორე-მესამე ადგილებზე, შესაბამისად, 173-ე და 207-ე სკოლების წარმომადგენლები გავიდნენ. ქართულ ჭიდაობაში 12 სკოლის მოსწავლეები ჩაებნენ სამ წონით კატეგორიაში. ლილოდანაც ჩამოვიდნენ ნორჩი ფალავნები. წონების მიხედვით პირველ ადგილებზე გავიდნენ მამუკა ჩოქური (60 კგ., 107-ე სკოლა), ცოტნე მეტრეველი (70 კგ., 207-ე), გიორგი ძებისაშვილი (აბსოლუტური, 173-ე).</p><p>ფრენბურთელ ვაჟთა შეჯიბრებაში გლდანი-ნაძალადევის, დიდუბე-ჩუღურეთისა და ისანი-სამგორის 19 სკოლის გუნდებმა იასპარეზეს.</p><p>ორგანიზატორებმა ისინი ოთხ ჯგუფში განთესეს, საიდანაც ორი-ორი საუკეთესო მომდევნო ეტაპზე გავიდა. ნახევარფინალში 45-ე სკოლის გუნდმა 181-ე სკოლელებს აჯობა 2:0.</p><p>ასეთივე ანგარიშით 115-ე სკოლამ მე-16-ს მოუგო. გუშინ ფინალური შეხვედრა გაიმართა. 115-ე სკოლის ფრენბურთელებმა 3:0 დაამარცხეს 45-ე სკოლის თანატოლები და მთავარი პრიზი მოიპოვეს. მე-3 ადგილზე 181-ე სკოლის წარმომადგენლები გავიდნენ. გამარჯვებულები და პრიზიორები სახელოვანმა ქართველმა ფრენბურთელმა, 1964 წლის ოლიმპიური თამაშების ჩემპიონმა ვაჟა კაჭარავამ დააჯილდოვა.</p><p>- ნამდვილად მოსაწონი და მისაბაძია "მორკინალის" წამოწყება. ასეთი შეჯიბრებები ხელს უწყობს არა მარტო სპორტის ამა თუ იმ სახეობის პოპულარიზაციას, მასობრიობას, ცხოვრების ჯანსაღი წესის დამკვიდრებას, არამედ, რაც ყველაზე მნიშვნელოვანია - ტალანტების გამოვლენას. ასე რომ, ამ პატრიოტულ საქმეში "მორკინალს" წარმატებას ვუსურვებ, - აღნიშნა ტურნირის საზეიმო დახურვისას ოლიმპიურმა ჩემპიონმა.</p><p>- თებერვალ-მარტში საქართველოს ტექნიკური უნივერსიტეტის დარბაზი უმაღლესი სასწავლებლების ფრენბურთელთა პაექრობებს უმასპინძლებს. ორგანიზატორებს მივმართეთ თხოვნით, რომ "მორკინალის" მოსწავლეთა ნაკრებიც ჩართონ ამ შეჯიბრებაში, რადგან გაზაფხულზე საქართველოს პირველ ლიგაში ვაპირებთ მონაწილეობას. გუნდს 115-ე სკოლის პედაგოგი, ქვეყნის ფრენბურთელთა ნაკრების წევრი თამთა დანელია უხელმძღვანელებს, - გვითხრა <strong>გია ბეგიაშვილმა</strong>.</p><p><strong>დავით ხავთასი</strong>: "მორკინალის" პირველი თამაშების პროგრამით გათვალისწინებულ 7 შეჯიბრებას გაისად თებერვალ-აპრილში ჩავატარებთ. პაექრობებში აქტიურად მასწავლებლებსაც ჩავრთავთ. მაგალითად, ჩოგბურთსა და ჭადრაკში 5-5 მონაწილე იქნება, მათგან ორ-ორი - პედაგოგი.</p><p>ტურნირის ჩატარებაში დიდ დახმარებას გვიწევს ოლიმპიური ჩემპიონი გიორგი ასანიძე, რომელიც არა მარტო ჩვენი კლუბის პრეზიდენტია, არამედ გლდანის მაჟორიტარი დეპუტატიცაა. აქტიურად ვითანამშრომლებთ განათლებისა და სპორტის სამინისტროებთან, ასევე, "მორკინალის" თამაშების პროგრამაში შემავალი სპორტის სახეობების ეროვნულ ფედერაციებთან. მომავალი წლიდან ტურნირებში მხოლოდ თბილისის რაიონების სკოლების ჩაბმით არ შემოვიფარგლებით - გეოგრაფიას გავზრდით, რათა, რაც შეიძლება, მეტი მოზარდი მოვიზიდოთ სპორტში და ცხოვრების ჯანსაღ წესს ვაზიაროთ ისინი.</p><p><strong>ყოველდღიური სპორტული გაზეთი "ლელო"</strong></p>
40 წლის ნოიერი კარიერას ჯერ არ დაასრულებს
ტრავმირებული ნოიერი ოპტიმისტურადაა განწყობილი
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი