<p>საქართველოს ჩემპიონებმა 26 წლის თავდამსხმელს კონტრაქტი გაუხანგრძლივეს <br> "ზესტაფონი" მხოლოდ შემადგენლობის ახალი ფეხბურთელებით გაძლიერებაზე როდი ზრუნავს. კლუბის ხელმძღვანელობას კარგად ესმის, რომ ნიჭიერ ახალგაზრდებთან ერთად გუნდს მრავლისმნახველი ფეხბურთელებიც ჰაერივით სჭირდება და წამყვანი მოთამაშეების შესანარჩუნებლად აქტიურად მუშაობს.</p><p>გუშინ ცნობილი გახდა, რომ საქართველოს ჩემპიონებმა კონტრაქტი გაუხანგრძლივეს <strong>ჯაბა დვალს</strong> - 26 წლის თავდამსხმელი ფეროელთა ღირსებას 2015 წლის 1 იანვრამდე დაიცავს.</p><p>დვალი "ზესტაფონში" 2009 წელს მოლდოვური "დაჩიადან" გადავიდა და მას შემდეგ იმერელთა თავდასხმის ერთ-ერთი ლიდერია. "ზესტაფონის" მაისურით ჯაბამ 83 მატჩი ჩაატარა და 33 გოლი გაიტანა, ევროტურნირებზე კი იგი კლუბის საუკეთესო ბომბარდირია - 16 საევროთასო შეხვედრაში მეტოქეთა კარი 11-ჯერ დალაშქრა.</p><p>განსაკუთრებით შთამბეჭდავი ამ ზაფხულს ჩატარებული მატჩები იყო, როცა "დაჩიას" კარში ორი საუცხოო გოლი გაიტანა და არანაკლებ ეფექტური დარტყმით დალაშქრა ბელგიური "ბრიუგეს" კარი.</p><p>საქართველოს მიმდინარე ჩემპიონატში ზესტაფონელთა მე-11 ნომერმა 16 მატჩი ჩაატარა, 9 გოლი გაიტანა და უმაღლესი ლიგის საუკეთესო ბომბარდირობისთვის იბრძვის.</p><p>დვალის პირად აქტივში ეს მიღწევა უკვე არის - 2005-06 წლების სეზონში იმ დროს თბილისის დინამოელი 21 გოლით გახდა ჩემპიონატის საუკეთესო სნაიპერი, თუმცა ამ გოლების ნაწილი მან ბოლნისის "სიონის" მაისურით გაიტანა, სადაც სეზონის პირველი ნახევარი გაატარა.</p><p>ჯაბა "დინამოს" ძირითად გუნდში 2003 წელს გამოჩნდა, 2004 წელს <strong>კი გია გეგუჩაძის</strong> მიერ გაწვრთნილ დედაქალაქელებთან ერთად უეფას თასის ჯგუფურ ეტაპზე ითამაშა. ამას მოჰყვა "სიონში" განათხოვრება და "დინამოში" დაბრუნება, საჩხერის "ჩიხურა" და რუსთავის "ოლიმპი".</p><p>ორი სეზონი ჯაბამ "დაჩიაში" გაატარა, სადაც 22 გოლი მიითვალა, სამშობლოში დაბრუნებით კი უთუოდ სწორი გადაწყვეტილება მიიღო - თამამად შეგვიძლია ვთქვათ, რომ კარიერის საუკეთესო პერიოდს ატარებს სწორედ "ზესტაფონში", რომელთან ერთად საქართველოს ჩემპიონობაც იზეიმა და ევროასპარეზზე არაერთი ღირსშესანიშნავი მატჩიც ჩაატარა.</p><p>დვალი არ არის მხოლოდ გოლის გამტანი ფორვარდი - გულშემატკივრებს არაორდინარული გადაწყვეტილებებით, ტექნიკური არსენალითა და პასის კულტურითაც ხიბლავს. "ზესტაფონისთვის" აქამდეც შეუცვლელი ფიგურა იყო, მაგრამ <strong>ნიკა გელაშვილის</strong> წასვლის შემთხვევაში დვალი განსაკუთრებით ფასეული შემტევი ფეხბურთელი გახდება. ახლა საინტერესო ის არის, ვინ გახდება მისი მთავარი მეწყვილე - "ზესტაფონში" ახალგადასული ნიგერიელი <strong>აბაიომი ოვონიკოკო</strong> თუ ფეროელთა რომელიმე ძველი ფორვარდი.</p><p>ქართველი ქომაგების დიდ ნაწილს მიაჩნია, რომ ჯაბა საქართველოს ეროვნულ ნაკრებსაც გააძლიერებდა, მაგრამ <strong>თემურ ქეცბაიას</strong> განცხადებით თუ ვიმსჯელებთ, მისი ფორმაციის გუნდში დვალს თამაშის შანსი ნაკლებად აქვს...</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?