- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დაცვას მიხედე, კაპელო, დაცვას!
<p>ფაბიო კაპელომ ევრო 2012-ის შესარჩევი შეხვედრებისთვის კი დაგეგმა ყველაფერი თავისებურად, მაგრამ პრემიერლიგის მესამე ტურმა კორექტივები შეიტანა...</p><p><br> ფაბიო კაპელომ ევრო 2012-ის შესარჩევი შეხვედრებისთვის კი დაგეგმა ყველაფერი თავისებურად, მაგრამ პრემიერლიგის მესამე ტურმა კორექტივები შეიტანა - ტრავმებზე მოგახსენებთ. საინტერესო ფაქტია: ინგლისელთა მწვრთნელმა წინასწარ გამოცხადებულ გრაფიკს გადაუხვია და შეკრებაზე გამოძახებული მოთამაშეების გვარები ერთი საათით გვიან დაასახელა. მიზეზი: სხვადასხვა ქალაქებიდან დაშავებულთა შესახებ ინფორმაცას კრებდა. მოგეხსენებათ, ინგლისის ნაკრებს ბულგარეთსა და შვეიცარიასთან აქვს ურთიერთობა გასარკვევი და ამ შეხვედრების წინ, მოულოდნელად, ცენტრალური მცველების მწვავე ნაკლებობამ იჩინა თავი.</p><p>რიო ფერდინანდზე აღარ არის ლაპარაკი, ახლა კაპელოს უკვე ჯონ ტერიც აკლია. რაც შეეხება "მანჩესტერ იუნაიტედის" მცველ უეს ბრაუნს მას იმთავითვე ჰქონდა გამოცხადებული, რომ ამიერიდან მხოლოდ საკლუბო კარიერის გაგრძელებას აპირებს. ბრაუნმა ამის შესახებ აგვისტოს დასაწყისში აუწყა კაპელოსაც და ფანებსაც.</p><p>და მეტიუ აპსონი? დიახ, ინგლისელთა იტალიელი მწვრთნელი იძულებულია სწორედ აპსონს ენდოს, არადა აგვისტოს დასაწყისში, უნგრელებთან ამხანაგურ შეხვედრაში, მან ეს ფეხბურთელი აღარ გამოიძახა - მსოფლიოს ჩემპიონატზე აპსონის გამოსვლით უკმაყოფილოს მასთან საქმის დაჭერა აღარ უნდოდა. გარდა ამისა კაპელოს შეუძლია დაცვის ცენტრში მაიკლ დოუსონი, ფილ ჟაგიელკა, ჯოლიონ ლესკოტი და გარი კეჰილი დასაქმოს.</p><p>საყოველთაოდ არის ცნობილი ინგლისელ მეკარეთა პრობლემაც. შესარჩევებისთვის კაპელომ ჯო ჰარტსა და ბენ ფოსტერს მესამე სარეზერვო გოლკიპერად სკოტ კარსონი მიახმარა. "ვესტ ბრომვიჩის" კარის მცველი ეროვნული გუნდის ძელთა შორის ადრეც მდგარა, ოღონდ მხოლოდ სამჯერ. როგორც ამბობენ ნაკრების თავკაცს "ფულჰემის" დევიდ სტოკდეილის გამოძახება უნდოდა, მაგრამ ამ უქმეებზე მიღებულმა ტრავმამ სტოკდეილის თამაში გამორიცხა და კაპელომაც, როგორც მოგახსენეთ, გაიხსენა კაცი, რომელიც ორი წელიწადია არ გახსენებია. დავაზუსტოთ: კარსონმა ბოლოს 2008 წლის ნოემბერში, ბერლინში, გერმანიის წინააღმდეგ დაიცვა ნაკრების კარი.</p><p>ტერის მსგავსად (ორთავა კუნთი სტკივა) დაშავებულია მისი თანაკლუბელი ფრენკ ლემპარდიც. მას თიაქრის მცირე ოპერაცია სჭირდება. შესაბამისად, ნაკრებს "მანჩესტერ იუნაიტედის" ნახევარმცველი მაიკლ ქერიკი უბრუნდება. ერთი სიტყვით, ერთადერთი რგოლი, რომელთან დაკავშირებითაც კაპელოს სასიამოვნო ამბები შეატყობინეს, თავდასხმაა. საქმე ის არის, რომ "ტოტენჰემ ჰოთსპურის" წყვილზე, ჯერმეინ დეფოსა და პიტერ კრაუჩზე ამბობდნენ ცუდ ამბებს, თითქოს პირველს საზარდულის ოპერაცია ჰქონდა გასაკეთებელი ხოლო მეორეს ნეკნი სტკიოდა. კაპელოს გასახარად როგორც ერთი ასევე მეორე ფორვარდი მზადაა ნაკრებში ითამაშოს - სასწრაფოდ საოპერაციო დეფოც კი არ ყოფილა, არადა "ლელოს" მკითხველს კარგად ახსოვს ჯერ კიდევ როდის ამბობდნენ ამას. ამგვარად, 24 კაციანი გუნდის წინა ხაზში "სფურზის" ორი ფორვარდი შეუერთდება უეინ რუნის, დარენ ბენტს და კარლტონ კოულს.</p><p>იტალიელმა მწვრთნელმა, რომელსაც მსოფლიოს ჩემპიონატზე წარუმეტებელი გამოსვლის გამო ინგლისში საშინელი კრიტიკა დაატეხეს თავს, კარგად იცის, რომ შესარჩევი ციკლის რაც შეიძლება კარგად დაწყება სჭირდება. სხვათაშორის, კაპელოს კრიტიკა უკვე იმდენად მოდაშია, რომ ბევრმა ბოლო დღეებშიც მოახერხა მისი მწარედ გამოლანძღვა. მიზეზი: კაპელომ "ევერტონის" ესპანელი ნახევარმცველის მიკელ არტეტას ამბავი კითხა. არტეტას ინგლისის ნაკრებში სურს გამოსვლა, თუმცა ბევრ ფანსა და მიმომხილველს ეს დაუშვებლად მიაჩნია.</p><p>ფრენკ ლემპარდის არყოფნაში თავიანთი შანსის გამოყენებას "ტოტენჰემის" ტომ ჰადლსტოუნი და "ვესტ ჰემის" სკოტ პარკერიც შეეცდებიან. მაისში ორივენი იმ 30 კაციან შემადგენლობაში იყვნენ, რომესაც კაპელო ავსტრიაში მსოფლიოს ჩემპიონატისთვის ამზადებდა. რაც შეეხება კიდევ ერთ ტოტენჰემელს აარონ ლენონს, ის მწვრთნელმა რატომღაც დაიწუნა და აღარ იძახებს.</p><p>მეკარეები: <strong>სკოტ კერსონი, ბენ ფოსტერი, ჯონ ჰარტი; </strong>მცველები: <strong>გერი კეჰილი, ეშლი კოული, კირეან გიბსი, ფილ ჟაგიელკა</strong><strong>, გლენ ჯონსონი, ჯოლიონ ლესკოტი, მეტიუ აპსონი; </strong>ნეხევარმცველები: <strong>გარეთ ბერი, მაიკლ ქერიკი, სტივენ ჯერარდი, ადამ ჯონსონი, ჯეიმს მილნერი, თეო უოლკოტი, შონ რაიტ-ფილიპსი, ეშლი იანგი; </strong>თავდამსხმელები: <strong>დარენ ბენტი, კარლტონ კოული, პიტერ კრაუჩი, ჯერმაინ დეფო, უეინ რუნი.</p><p></strong>ფაბიო ბექჰემს შეურიგდა</p><p>ფაბიო კაპელოსა და დევიდ ბექჰემის ამბავი ხომ გახსოვთ? სკანდალი იყო ატეხილი - კაპელომ ინტერვიუში თქვა ბექჰემი უკვე მეტისმეტად ბებერია და ნაკრებში აღარ გამოვიძახებ, შემიძლია ერთი გამოსათხოვარი თამაშიღა მოვუწყოო. ერთი სიტყვით, მწვრთნელს ამხელა დამსახურების ფეხბურთელისთვის პირადად არაფერი გაემხილა, ისე დაიფრინა ეროვნული გუნდიდან და ამიტომაც ატყდა ერთი ამბავი. მაგრამ, როგორც ჩანს ხმაურმა შედეგი გამოიღო:</p><p>"მე დევიდს დავურეკე, ველაპარაკე და ყველაფერი ავუხსენი, - თქვა ინგლისელთა იტალიელმა მწვრთნელმა, - ჩემსა და მას შორის კვლავაც კარგი ურთიერთობებია. ვფიქრობ, უპირველეს ყოვლისა ის აქტიურ ფეხბურთს უნდა დაუბრუნდეს. რასაკვირველია, ჩვენ აქცენტს ძირითადად ახალგაზრდა ფეხბურთელებზე გავაკეთებთ, მაგრამ ეს სულაც არ ნიშნავს იმას, რომ ვეტერანებს აღარ დავაკვირდებით. ინგლისის ნაკრების კარი ყველა ფეხბურთელისთვის ღიაა. აბსოლუტურად ყველას შეუძლია გუნდში მოხვედრა".</p>
[VIDEO] "მანჩესტერ იუნაიტედი" კაცნაკლულ "სიტისთან" დამარცხდა
უგოლო ფრე "ენფილდზე" - "ლივერპულმა" "ფულჰემს" ვერ აჯობა
შმეიხელი: არ მგონია, ინგლისში ედეგორის მსგავსი ფეხბურთელი იყოს
თაჩ რაგბის ტურნირი ტაბახმელაში
VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება
საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო
"ბრესტთან" მატჩში პსჟ-ს შემადგენლობა ცნობილია
[VIDEO] მამაგეიშვილმა გაიტანა, კიტეიშვილმა პენალტი ვერ გამოიყენა - "შტურმმა" ლიდერს "ლასკს" მოუგო
VIDEO | ეროვნული ლიგა | დილა 2-2 დინამო (ბთ). ლიდერი ორშაბათამდე თუ..?
გოგლიჩიძე არ ათამაშეს - "მონცა" "ლეჩესთან" დამარცხდა
ქართველების გარეშე - "ჰაიდენჰაიმმა" "ჰოლშტაინს" მოუგო
იეგოიანის "ექსელსიორი" სახლში "უტრეხტთან" დამარცხდა
ხვალ "სან სიროზე" სერია A-ში ჩაკვეტაძის დებიუტია მოსალოდნელი
"კრიტიკა არ მადარდებს" - დემბელემ "ოქროს ბურთის" მოგების შემდეგ მის მიმართ დამოკიდებულებაზე ისაუბრა
ნიკოლოზ ბასილაშვილი გუანჯოუს ჩელენჯერზე იასპარეზებს
"ძალიან დიდი პოტენციალი აქვს" - მოურინიო დიომანდეს თამაშით კმაყოფილია
ზაფხულის სატრანსფერო საგის მთავარი მონაწილე ტრავმირებულია
არაბეთიდან კატარში - ბროზოვიჩი აზიურ ტურნეს აგრძელებს
იქნება თუ არა დღეს კვარაცხელია ძირითადში - L'Équipe-ის პროგნოზი
"ზოგიერთმა მათგანმა ფეხბურთის შესახებ ბევრი არაფერი იცის" - კვარაცხელიას ჟურნალისტებმა შედარება სთხოვეს
მესის რეკორდი დამხობილია - მასტანტუონო "ფიორენტინას" ისტორიაშიც შევიდა
"ოქროს ბურთი" მხოლოდ "კვარაცხელიას" - აცხადებს ცნობილი ფრანგი ჟურნალისტი
მატჩის დღე! რომელი "პარიზელი" დაისვენებს და ქართველების სიმრავლე ესპანეთში