<p>25 წლის შემტევი თბილისის "დინამოსთან" სამწლიანი კონტრაქტის გაფორმებას აპირებს <br> 99 პროცენტით შეიძლება ითქვას, რომ გიორგი მერებაშვილი კვლავ თბილისის "დინამოში" ითამაშებს და სავარაუდოდ, სამწლიან კონტრაქტს გააფორმებს. ინფორმაცია სერბული "ვოივოდინას" 25 წლის შემტევმა ნახევარმცველმა გუშინ თავად დაგვიდასტურა.</p><p>გიორგი სერბეთში მოხვდა "დინამოდან", სადაც 2006-10 წლებში ჩატარებულ 108 მატჩში 86 გოლი გაიტანა.</p><p><strong>- გავრცელდა ხმები, რომ "დინამოში" შენი გადასვლა უკვე გადაწყდა. </strong></p><p>- "ვოივოდინას" დირექტორი დამიკავშირდა და მითხრა: ახლა მხოლოდ "დინამოსთან" გვაქვს მოლაპარაკება და შენც თუ ასე გსურს, საქართველოში დაგაბრუნებთო.</p><p><strong>- ლვოვის "კარპატი" რატომ გამოირიცხა?</strong></p><p>- არ ვიცი, რეალურ მიზეზებზე ჩემთვის არაფერი უთქვამს.</p><p><strong>- "დინამოსთან" მოლაპარაკება რა სტადიაშია?</strong></p><p>- კონტრაქტი არ გამიფორმებია, ჯერ მხოლოდ სიტყვიერად შევთანხმდით, სიტყვას კი ყოველთვის ვასრულებ, ასე რომ, ჩემი დაბრუნება, ფაქტობრივად, გადაწყვეტილია. ახლა ყველაფერი "ვოივოდინაზეა" დამოკიდებული - თუ "დინამოს" შეუთანხმდა, ალბათ, ხვალ პრეზენტაცია გაიმართება და კვლავ დინამოელი გავხდები.</p><p><strong>- "ტრანსფერმარკტი" 1,5 მილიონ ევროდ გაფასებს - "დინამო" ამდენის გადამხდელია?</strong></p><p>- სერბებთან კონტრაქტი ნახევარ წელიწადში მიმთავრდება, ასეთ დროს კი 1,5 მილიონ ევროს ვერავინ მოითხოვს. სერბულ გაზეთებში დაწერეს, 300 ან 400 ათას ევროდ გაყიდიანო, მაგრამ მე ამაზე ზუსტი ინფორმაცია არ მაქვს.</p><p>"ვოივოდინას" ხელმძღვანელობას ჩემი დატოვების იმედი ჰქონდა და ერთწლიან კონტრაქტს მთავაზობდა გაუმჯობესებული პირობებით, თუმცა ამ წინადადებაზე უარი ვთქვი. ტრაბახში არ ჩამომართვათ, დეიან ვუკიჩევიჩი ჩემზე აწყობდა თამაშს და ერთადერთი მისი ფაქტორი მაბრკოლებდა.</p><p>ბევრ მწვრთნელთან მიმუშავია, მაგრამ ასეთი მაღალი დონის სპეციალისტი და კარგი პიროვნება არ შემხვედრია. მართალია, სულ ექვსი თვე ვიმუშავეთ ერთად, მაგრამ ეს ჩემთვის ძალიან საინტერესო და სიამოვნება იყო, დავმეგობრდით კიდეც. ცნობილი ფეხბურთელი იყო, "სევილიაში" უთამაშია, მისი ხელმძღვანელობით ევროპაში მოხვედრის იმედი მქონდა, მაგრამ მაინც აღარ მსურდა დარჩენა.</p><p><strong>- სერბეთში გამორჩეული ფეხბურთელები ევროპაში იოლად ხვდებიან და შენთვის რატომ ჩაიკეტა გზები?</strong></p><p>- ამის ახსნა მიჭირს. ალბათ, იმიტომ, რომ მერებაშვილი ვარ და არა მერებიჩი. ერთ მაგალითს მოვიყვან: ზაფხულში "ვოივოდინადან" "ვოლფსბურგში" გადაიყვანეს საყრდენი ნახევარმცველი სლობოდან მედოევიჩი, რომელიც, გულწრფელად ვამბობ, არაფრით გამოირჩეოდა და "დინამოში" ჩემი ყოფნისას მის პოზიციაზე მოთამაშე არც ერთ ფეხბურთელს არ ჯობდა - ვგულისხმობ დიღმელაშვილს, ხმალაძეს, ფირცხალავას.</p><p>სამწუხაროდ, ქართველს ევროპაში სახელი არ აქვს და ამის გამო ბევრი ნიჭიერი ფეხბურთელი გვეჩაგრება. თავად სერბებსაც სხვა ქვეყნების მოთამაშეთა დაწინაურება დიდად არ ანაღვლებთ, თავისიანებს კი თავს აკლავენ და ყველა შესაძლო ხერხით აპიარებენ.</p><p><strong>- სერბეთიდან საქართველოში დაბრუნება უკანგადადგმული ნაბიჯი არ იქნება?</strong></p><p>- ასე სულაც არ ვფიქრობ, რადგან დავბრუნდი ჩემს ოჯახში და ჩემი ოცნების გუნდში, თანაც, ახლა სხვა გუნდი ყალიბდება, რომელსაც დიდი ამბიცია ექნება. ასეთ "დინამოში" თამაში ყოველთვის მსურდა. გუნდთან ერთად საქართველოში ყველა ტიტული მოვიპოვე, ახლა კი იმიტომ ვბრუნდები, რომ მივაღწიოთ იმას, რისთვისაც არ მიგვიღწევია - გავიდეთ ჩემპიონთა ლიგის ან ევროპის ლიგის ჯგუფურ ეტაპზე, ქართული ფეხბურთი ავაღორძინოთ და ჩვენი ხალხი გავახაროთ.</p><p>აქვე ვიტყვი: ჩვენი ფეხბურთი თავად ქართველებმა თუ არ დავაფასეთ, სხვა ამაზე არც იფიქრებს. ამიტომ არის აუცილებელი, რაც შეიძლება მეტი ფეხბურთელის დაბრუნება სამშობლოში და კლუბების გაძლიერება. სერბეთში ცოტა ხანი არ მითამაშია და დავრწმუნდი, არც მათზე ნაკლები საფეხბურთო ერი ვართ და არანაკლები ჩემპიონატის ჩატარებაც შეგვიძლია.</p><p><strong>ყოველდღიური სპორტული გაზეთი "ლელო"</strong></p>
tamazi
გიორგის შეუძლია დიდი ფეხბურთის თამაში ”სამგორი”
ilia
კაი კაცია მერებაშვილი ,ასათიანიც ეგრე უნდა მოქცეულიყო და ბევრი სხვაც
Geo
რა თქმა უნდა, ყველა თავის ქვეყნის შვილზე ფიქრობ და ვერც გაამტყუნებს ვერავინ. ჩვენ ის ვთქვათ ჩვენი ფედერაცია რას აკეთებს ქართული ფეხბურთის რეპუტაციის გამოსასწორებლად, თუ არ ჩავთვლით არჩეული სფფ-ის პრეზიდენტის მოხსნას, არჩევნების არჩატარებასა და გარიგებულ თამაშებში მონაწილეობას?!
gaga
მართლა დძაან კაი ფეხბურთელია და კაი ადამიანიც არი ყველაფერს საუკეტესოს გისურვებ და ბევრი მიგეგწიოს დინამოსთან ერთად
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?