- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევრობასკეტი 2011. ბელგიას რეალელმა შპიგელმა კი არა, ანტვერპენელმა ბეგინმა მოაგებინა
<p>რატომ გაიფურჩქნა უძველესი ცივილიზაციები მაინცდამაინც შუამდინარეთში, ნილოსის პირას, ინდის ხეობაში? იმიტომ, რომ...</p><p><br> რატომ გაიფურჩქნა უძველესი ცივილიზაციები მაინცდამაინც შუამდინარეთში, ნილოსის პირას, ინდის ხეობაში? იმიტომ, რომ იქ საარსებო წყარო იყო - მდინარე. სწორედ მდინარიდან გაყვანილი არხები ასაზრდოებდა სახნავ-სათეს მინდვრებს, მოყვანილი მოსავალი კი - ხალხს.</p><p>ქართულ ლექსიკაშიც არსებობისთვის საჭირო შემოსავალს "საარსებო წყარო" ჰქვია. მაგრამ დღეს მხოლოდ წყარო ან მდინარე საკმარისი არ არის - არსებობის წყარო ფულია. ჰოდა, თანამედროვეობაში ცივილიზაციები პლანეტის იმ წერტილებში ყალიბდება, სადაც მეტი ფულია. საკალათბურთო ცივილიზაციას ორი კერა აქვს - აშშ და ესპანეთი. კალათბურთში სწორედ ამ ქვეყნებში ხარჯავენ ყველაზე მეტ თანხას და შედეგიც შესატყვისია: აშშ მოქმედი ოლიმპიური ჩემპიონია, ესპანეთი - ევროპისა და მსოფლიოსი.</p><p>* * *</p><p>საქართველოში კი კალათბურთისთვის საარსებო წყარო თითქმის დამშრალია. გასულ სეზონში, შიდა ჩემპიონატში კლუბების ნახევარში სპორტსმენები უხელფასოდ თამაშობდნენ. თუ მანამდე რუსთავის "ენერჯის" კალათბურთელებს მინიმალური საარსებო საშუალება ჰქონდათ, შარშან ესეც საგრძნობლად შემცირდა. წლეულს შსს-ს ხელმძღვანელობამ საკალათბურთო გუნდს სერიოზულად მოჰკიდა ხელი და, იმედია, საარსებო წყაროც მოიმატებს. მაგრამ რა იქნება მომავალში, ამას ხვალ-ზეგ დავინახავთ. დღეს კი ფაქტის წინაშე ვდგავართ:</p><p>2009-10 წლების ევროპული ჩემპიონატების რეიტინგში საქართველოს პირველობა საერთოდ არ არის შეტანილი. პირველ ადგილზე, რა თქმა უნდა, ესპანეთია, მეოთხეზე - ისრაელი (რომელმაც მხოლოდ ბურთების სხვაობით შეგვასწრო ევრობასკეტზე), შემდეგ იტალია, პოლონეთი, ბელგია... ავსტრია... ეს უკანასკნელი ჩამონათვალში იმიტომ შევიყვანეთ, რომ ნათელი წარმოდგენა გვქონდეს, რა ადგილი უჭირავს B დივიზიონის საშუალო ქვეყანას ევროპულ საკალათბურთო საზოგადოებაში.</p><p><strong>ჩემპიონატების რეიტინგი</p><p></strong>1. ესპანეთი - 43.5</p><p>4. ისრაელი - 29.5</p><p>6. იტალია - 24.8</p><p>13. პოლონეთი - 14.8</p><p>15. ბელგია - 12.7</p><p>17. ბულგარეთი - 9.0</p><p>20. ავსტრია - 5.0</p><p>რეიტინგი შედგენილია კლუბების ევროტურნირებზე გამოსვლის შედეგების მიხედვით. სწორედ ეს ფაქტორი განსაზღვრავს ამა თუ იმ პირველობის დონეს. შარშან არც ერთ ქართულ გუნდს ევროპაზე არ უთამაშია, ერთი ლეგიონერი (ტუჯანი და როდუმტა უკვე საქართველოს მოქალაქეები არიან) ტურნირის ბოლოს გამოჩნდა, თუმცა "ენერჯიმ" მის გარეშე მოიგო ჩემპიონობა. გავიმეორებთ: ჩვენს პირველობაზე კალათბურთელთა ნახევარი უხელფასოდ თამაშობდა... მოკლედ, გასაკვირი სულაც არ არის, რეიტინგში რომ ვერ მოვხვდით.</p><p>* * *</p><p>ITG-მ კლუბების რეიტინგიც ჩამოწერა. ცხადია, არც აქ მოხვდა ქართული გუნდი. 2007, 2008 წლებში "ენერჯიმ" ევროჩელენჯზე ოთხი მატჩი ჩაატარა და ყველა წააგო. შესაბამისად, რეიტინგში წინა წლების შედეგებიც რომ შესულიყო, ერთადერთი ქართული გუნდი რომელ ადგილზე მოხვდებოდა, თავად განსაზღვრეთ...</p><p><strong>საკლუბო რეიტინგი</p><p></strong>1. ცსკა (რუსეთი) - 82.9</p><p>7. მონტეპასკი (იტალია) - 61.3</p><p>8. მაკაბი (ისრაელი) - 59.8</p><p>26. პროკომი (პოლონეთი) - 30.8</p><p>46. შარლერუა (ბელგია) - 16.2</p><p>59. აკადემიკი (ბულგარეთი) - 12.0</p><p>77. სვანსი (ავსტრია) - 6.7</p><p>იცით, რამხელა ბიუჯეტი აქვს პოლონურ "პროკომს"? 7 მილიონი დოლარი. ბელგიურ "შარლერუას" - 7.5 მილიონი ევრო. "მონტეპასკიზე", ცსკა-სა და "მაკაბიზე" (თბილისისა არა) ხომ ლაპარაკიც ზედმეტია.</p><p>ამ დროს რა ხდება ქართულ კლუბებში, უკვე მოგახსენეთ.</p><p>* * *</p><p>ახლა რეიტინგებში ჩამოთვლილი ქვეყნების ნაკრებებს საქართველოს ეროვნული გუნდი შევადაროთ. ისევ ბოლო წლის შედეგები გავითვალისწინოთ:</p><p><strong>სანაკრებო რეიტინგი</p><p></strong>1. ესპანეთი</p><p>11. ბელგია</p><p>15. ისრაელი</p><p>16. საქართველო</p><p>17. იტალია</p><p>18. ბულგარეთი</p><p>19. პოლონეთი</p><p>31. ავსტრია</p><p>აი, აქ კი გვხვდება საქართველო. თან, არც მეტი, არც ნაკლები - მე-16 ადგილზე, იტალიაზე, ბულგარეთზე, პოლონეთზე წინ... კი მაგრამ, თუ ქართულ კალათბურთში ფულის წყარო შრება, თუ ევროტურნირებზე არავინ თამაშობს, რამდენად ლოგიკურია ნაკრების ასეთი წამატება? გიპასუხებთ: ლოგიკურია.</p><p>აი, სადაა ლოგიკა: საკალათბურთო ცივილიზაციათა შორის საქართველო დაახლოებით ისეთ სიტუაციაშია, როგორშიც ადრეული შუა საუკუნეების ვიკინგები - შინ ბევრი რომ არაფერი მოეპოვებოდათ, ბრიტანეთში, საფრანგეთსა და თვით იტალიაში მიდიოდნენ საშოვარზე. შინ დიდძალი ნადავლით ბრუნდებოდნენ. ვიკინგთა გემები ძალიან სწრაფად ცურავდნენ და სანაპიროებთან მათი გამოჩენის შემდეგ ადგილობრივები იარაღის აღებასაც ვერ ასწრებდნენ. თუ მოასწრებდნენ, მამაც ვიკინგებს მაინც ვერ სჯობნიდნენ...</p><p>გავიხსენოთ საქართველოს ნაკრების გასვლითი გამარჯვებები - ბულგარეთი და პორტუგალია სწორედ სწრაფი თამაშით დავჯაბნეთ. ქართველთა მებრძოლ ხასიათზე წერა საჭირო ნამდვილად არ არის...</p><p>ურეიტინგო ჩემპიონატიდან, უფულო კლუბებიდან გამოჩნდა 12 კალათბურთელი, რომლებიც უცხოეთში კარგ პირობებში მოხვდნენ, გაიაზრეს, რომ წარმატება მხოლოდ დაუღალავი შრომით მიიღწევა და საკუთარ თავზე იმდენი იმუშავეს, რომ თვით იტალიის ნაკრების წევრებს გაუთანაბრდნენ. იმ იტალიისა, რომელმაც 1999 წელს თბილისში 105:64 მოგვიგო, მალე კი ევროპის ჩემპიონი გახდა. ყოველთვის თავშეკავებული იგორ კოკოშკოვისგან ცოტა მოულოდნელად ჟღერდა ფრაზა: ჩემი კალათბურთელები გმირები არიან. მაშინ, როცა სხვები საკლუბო არდადეგებს დასვენებას ახმარენ, ქართველები ორი თვის განმავლობაში დაუღალავად მუშაობენო...</p><p>სწორედ ამ შრომის წყალობით ნაკრებმა ქართველ ხალხს სიამაყე გაუღვივა. მომავლის იმედი გაუჩინა, დაარწმუნა, რომ ეს თაობა ევროპის ჩემპიონატზე აუცილებლად ითამაშებს, გუნდურ სახეობებში ხომ ევროპაზე არც ერთ ქართულ ნაკრებს უასპარეზია! პოპულარულ ენაზე რომ ვთქვათ, ეს იქნება ევროინტეგრაციისკენ გადადგმული მორიგი ნაბიჯი. ისე, ევროკავშირს კალათბურთთან საერთო აქვს: დროშაზე სწორედ იმდენი ვარსკვლავია გამოსახული, გუნდში რამდენი მოთამაშეცაა - 12.</p><p>...ევროპისკენ მიმავალ 12 კაცს დახმარება სჭირდება. რა სახის დახმარება? ამას ბოლო თავში წაიკითხავთ.</p><p>* * *</p><p>... ვიკინგებს ცივილიზაცია არ შეუქმნიათ. ქართველები კი ნიჭიერი, ცივილიზებული სამყაროსკენ მიდრეკილი ხალხი ვართ და გაცილებით მეტს მივაღწევთ, თუ ქართულ კალათბურთში საარსებო წყაროს არათუ გავაფართოვებთ, არამედ არხებით დავღარავთ.</p><p>სწორედ საქართველოს ჩემპიონატში... ძლიერ ჩემპიონატში უნდა აღიზარდოს ნიჭიერი თაობა, რომელიც მომავალში ნაკრების უკვე სტაჟიან წევრებს შეეხიდება. მეტი გამოცდილებისთვის კი ევროტურნირებზე ითამაშებს. ბელგია ევროპის ჩემპიონატზე არა მადრიდის რეალელმა ვან დენ შპიგელმა, არამედ ბელგიის ჩემპიონატის წარმომადგენელმა ("ანტვერპენი") კრისტოფ ბეგინმა გაიყვანა:</p><p>საქართველოსთან მატჩებში კრისტოფის მონაგარს თავი დავანებოთ... გაგახსენებთ, რომ პოლონეთთან გადამწყვეტ შეხვედრაში ოქროს სამქულიანი სწორედ ბეგინმა ჩააგდო - 70:67.</p>
+5 პოზიცია და გუნდური გარდასახვა: საქართველო FIBA-ს Power Rankings-ში მე-11 ადგილზეა
დიდებული მეორე ტაიმი - საქართველოს ნაკრებმა პორტუგალიას სტუმრად მოუგო
საქართველოს ნაკრები პორტუგალიაში ჩაფრინდა
[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია
ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა
"მესი თუ რონალდო?" - მიულერმა არჩევანი გააკეთა
ზესტაფონის მარგვეთმა გორში ივერიონს მოუგო
"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი
U19 | საქართველო 2:2 ლატვია
საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში
ფუტსალი | 19-წლამდე ნაკრების მეტოქეები ცნობილია
საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?
"ეს ბევრ რამეზე მეტყველებს" - ბასტონი საფრანგეთთან მატჩის შემდეგ
"ალბათ რამე მეც მერგება" - კუკურელიამ "ოქროს ბურთზე" ისაუბრა
ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა
საფრანგეთი და იტალია დაზავდნენ, ბელგიამ თურქეთი დაამარცხა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია
უნგრეთთან მატჩში საქართველოს ნაკრების შემადგენლობა ცნობილია
რაფინია მძიმე ტრავმას გადაურჩა
ოლმოს ხორვატიაში დაბრუნება სურს
სიომინი: ხვიჩა "ოქროს ბურთის" ნომერი პირველი პრეტენდენტია
საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ