ფეხბურთს ხაშურში ცხინვალის "სპარტაკი" დააბრუნებს?

ასე გამოიყურება ხაშურის არენა მდინარე სურამულას ადიდებისა და მოედნის დატბორვის შემდეგ საქართველოს ეროვნული საფეხბურთო ჩემპიონატების გარიჟრაჟზე ხაშურის "ივერიაც" უმაღლეს ლიგაში ასპარეზობდა და აქაურ ცენტრალურ სტადიონზე, რომელიც რვა ათას მაყურებელზე იყო გათვლილი, არაერთი საინტერსო მატჩი გამართულა.უმაღლესში რამდენიმე სეზონის გატარების მერე "ივერიამ" ჯერ პირველ, შემდეგ მეორე ლიგაში გადაინაცვლა. კლუბს მუდამ ადგილობრივი ხელისუფლება პატრონობდა და, ვინაიდან ხაშურს, როგორც მცირებიუჯეტიან რაიონს საფეხბურთო კლუბის შესანახი ხარჯები ძნელად მოეპოვება, "ივერიასაც" მაღალ ლიგაში დაბრუნების პრეტენზია აღარ გასჩენია.სხვა საკითხია, რომ გუნდის მწვრთნელ-ფეხბურთლები, ისევე, როგორც ადგილობრივი ბავშვთა საფეხბურთო სკოლის მწვრთნელები, მუდამ ფიქრობდნენ და ახლაც ამ აზრისანი არიან, რომ არცთუ დიდი დაფინანსების შემთხვევაში პირველ ლიგაში ღირსეულად ასპარეზობას უთუოდ შეძლებდნენ."ივერიას" მდგომარეობა სასიკეთოდ ორი წლის წინ, ანუ მაშინ შეიცვალა, როდესაც შიდა ქართლის გუბერნატორად დანიშნულმა ზურაბ არსოშვილმა რეგიონში ფეხბურთის დახმარება პრიორიტეტად ჩათვალა. სწორედ იმხანად დაიწყო რეგიონის უპირველესი გუნდის, გორის "დილას" აღორძინების პროცესი. მაშინ რეგიონის ხელისუფალნი იმაზეც ლაპარაკობდნენ, რომ არსოშვილს "დილას" უმაღლესში დაბრუნებასთან ერთად რეგიონის სხვა გუნდების თანადგომაც ჰქონდა განზრახული. კერძოდ, იგი მეორე ლიგაში მოასპარეზე ხაშურის "ივერიას" პირველში გადასვლაში მხარდაჭერას ჰპირდებოდა, ქარელის "იბერიას" და კასპის "განთიადს" კი მეორე ლიგის გათამაშების ჩართვაში დაეხმარებოდა.ბოლო სეზონი "ივერიამ" მეორე ლიგაში მართლაც ლიდერთა შორის გაატარა და პირველში გადასვლამდე ცოტაღა დააკლდა. პირველ ლიგაში გადასვლის იმედით დაიწყო ახალი სეზონიც, მაგრამ შემოდგომაზე არსოშვილის ნაცვლად სხვა გუბერნატორი დაინიშნა და ვითარებაც შეიცვალა.ამჟამინდელი გუბერნატორი გიგა ტატიშვილი სპორტის რომელიმე სახეობის მიმართ პრიორიტეტულ დამოკიდებულებას მიზანშეუწონლად მიიჩნევს და, შესაბამისად, ხაშურის, ქარელის და კასპის გუნდების მიმართ მხარდაჭერის გაზრდასა და ამ გზით მათ აღმასვლაზე ლაპარაკი ჯერჯერობით შეწყდა. თუმცა, ამბიციის ზრდას ვინ ჩივის, ხაშურელებს ზაფხულში მდინარე სურამულას ადიდებისა და სტადიონზე მინდვრის საფრის დატბორვის გამო საშინაო არენა ჯერაც გაურკვეველი დროით დაკარგული აქვთ.მართალია, იქ მანამდეც თითქმის ყველაფერი სარემონტო იყო, მაგრამ მაშინ "ივერია" საშინაო მატჩებს მშობლიურ ქალაქში მაინც ატარებდა. მინდვრის დატბორვის მერე გუნდი ბორჯომის სტადიონზე მასპინძლობდა მეტოქეებს, მაგრამ ბორჯომში მოსულმა თოვლმა ესეც შეუძლებელი გახადა, ბოლო ტური კი ხაშურელებმა სულაც თბილისში ითამაშეს.ამასწინათ საკუთარი თვალით ვნახე სტადიონზე შექმნილი მდგომარეობა. თვალის ერთი შევლებითაც ჩანს, რომ ვითარება მართლაც სავალალოა. უფრო უცნაური ისაა, რომ ამბის საკითხავად იქ ვერავის ნახავთ, რადგან სტადიონს არც ხელმძღვანელობა ჰყავს და არც მომსახურე პერსონალი. მხოლოდ სასპორტო სკოლის თანამშრომელთაგან გავიგეთ, რომ სტადიონი ეკონომიკის სამინისტროს ბალანსზეა, რომელიც მის გაყიდვას აპირებს.დიმიტრი სანკოევმა ამასწინათ ერთ საგაზეთო ინტერვიუში განაცხადა, ცხინვალის "სპარტაკს" სურვილი აქვს, ხაშურის სტადიონი გაარემონტოს და საშინაო თამაშები იქ გამართოსო. მოგეხსენებათ, "სპარტაკი" ერთხანს გორში, "ქართლზე" ატარებდა საშინაო შეხვედრებს, ფეხბურთის ფედერაცია კი იქაურობას მუდამ ალმაცერად უყურებდა, როგორც უმაღლესი ლიგის მატჩებისთვის შეუფერებელს, მართალია, "სპარტაკის" მესვეურებმა ადრე "ქართლის" კეთილმოწყობის სურვილიც გამოთქვეს, მაგრამ გასული წლიდან არენა გორის მუნიციპალიტეტმა "დილას" გადასცა, ფედერაციამ კი იქ უმაღლესი ლიგის მატჩების გამართვა აკრძალა."სპარტაკი" ახლა მასპინძლის რანგში თბილისში თამაშობს ყველა კალენადარულ მატჩს. კლუბის პრესატაშემ დავით ცაბაძემ დაგვიდასტურა, რომ ცხინვალელთა ხელმძღვანელებს ხაშურის სტადიონის პატრონობის სურვილი მართლაც აქვთ, თუმცა ჩემპიონატის დასრულებამდე იქ რაიმე სამუშაოები ნაკლებად სავარაუდოა. არენის გარემონტების შემდეგ კი "სპარტაკთან" ერთად იქ, ცხადია, ადგილობრივი "ივერიაც" ითამაშებს.ყოველდღიური სპორტული გაზეთი "ლელო"

"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა

გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?

"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა