რეტრომატჩმა არ გაამართლა

ავსტრალიის ღია პირველობაზე ისე იოლად იგებენ თავიანთ შეხვედრებს, რომ ამ მატჩების პერიპეტიების აღწერას აზრი არ აქვს ავსტრალიის წლევანდელი პირველობა ძალიან მწირია სენსაციების მხრივ. ფავორიტები ისე იოლად იგებენ საკუთარ შეხვედრებს, რომ ამ მატჩების პერიპეტიების აღწერას აზრი არ აქვს.გუშინაც ასე მოხდა, ამიტომაც დღის ცენტრალურ მატჩად არა რომელიმე ფავორიტის შეხვედრა, არამედ ძველი ვარსკვლავების - ლეიტონ ჰიუიტისა და ენდი როდიკის დაპირისპირება იყო მიჩნეული. მართალია, დღეისთვის ეს ჩოგბურთელები აღარ შედიან ფავორიტთა რიცხვში, მაგრამ შეგახსენებთ, რომ ორივეს აქვს მოგებული "დიდი სლემის" ტურნირი და ორივე იყო მსოფლიოს პირველი ჩოგანი. სულ კი ლეიტონსა და ენდის 13 პირადი შეხვედრა ჰქონდათ და როდიკი წინ იყო - 7:6.რამდენიმე წლის წინ, ავსტრალიელისა და ამერიკელის დუელი ნებისმიერი ტურნირის მშვენება იყო, მაგრამ ახლა, ორივეს კარიერა აშკარად დაბლა მიექანება. როდიკი ჯერჯერობით ინარჩუნებს ადგილს ტოპ-აცეულში, ჰიუიტი კი უკვე გავარდა ასეულიდან.ყველაზე ცუდი ის არის, რომ ასაკმა თამაშის ხარისხზეც იმოქმედა. ვერ ვიტყვით, რომ ჩოგბურთელებს საერთოდ არაფერი გამოსდიოდათ, მაგრამ საკუთარი საუკეთესო თამაშისგან შორს იყვნენ. პირველი სეტი დაახლოებით თანაბარი გამოვიდა. ყველაფერი გადაწყვიტა მეექვსე გეიმში ჰიუიტის შეცდომებმა. მეორე სეტის დასაწყისში როდიკს ჯანმრთელობასთან დაკავშირებული პრობლემები შეექმნა, გადაადგილება უჭირდა და სამედიცინო ტაიმ-აუტი აიღო.პაუზის შემდეგ ენდიმ გააგრძელა ბრძოლა, მაგრამ უკვე ბევრი არაფერი გამოსდიოდა. ამით ლეიტონმა კარგად ისარგებლა და ორი სეტი მოიგო. როდიკმა კი გადაწყვიტა, რომ თამაშის გაგრძელებას აზრი არ ჰქონდა და მეტოქეს ხელი ჩამოართვა. გულშემატკივრები სანახაობრივი თვალსაზრისით კმაყოფილები ვერ იქნებოდნენ, სამაგიეროდ, გაიხარებდნენ ავსტრალიელის შემდეგ ეტაპზე გასვლით. მესამე წრეში მათი კერპი ჩოგბურთის ამომავალ ვარსკვლავს, კანადელ მილოშ რაონიჩს შეხვდება.რამდენიმე შეხვედრაში სენსაციის სუნი ტრიალებდა, მაგრამ ლიდერებმა მაინც თავისას მიაღწიეს. მძიმე მატჩი გამოუვიდა დავიდ ფერერს რაიან სვიტინგთან. ამერიკელი ორჯერ იგებდა სეტებს შორის, მაგრამ გამოცდილებისა და სტაბილურობის ხარჯზე ფერერმა ხუთ სეტში გაიმარჯვა - 6:7, 6:2, 3:6, 6:2, 6:3.დიდი ბრძოლა მოუწია მეორე ნომრად განთესილ პეტრა კვიტოვას. ჩეხს პრობლემები შეუქმნა ესპანელმა კარლა სუარეს-ნავარომ, რომელმაც 2009 წლს მელბურნში ვენუს უილიამსი დაამარცხა. პირველი სეტი კვიტოვამ საკმაოდ დამაჯერებლად მოიგო, შემდეგ კი დაიწყო პრობლემები, რომელიც პეტრამ საკუთარ შეცდომებს უნდა დააბრალოს. კარლამ აიღო მეორე პარტია და გადამწყვეტ სეტში ბრეიკით დაწინაურებაც შეძლო, მაგრამ კვიტოვას საჭირო დროს რამდენიმე შეტევა გამოუვიდა. ამან დამაჯერებლობა დაუბრუნა მას და მან საქმე გამარჯვებამდე მიიყვანა - 6:2, 2:6, 6:4. შემდეგ ეტაპზე ჩეხი ჩოგბურთელი მარია კირილენკოს შეხვდება.იყო რამდენიმე მოულოდნელი შედეგიც. მაგალითად, 32 წლის გრეტა არნმა დრამატულ ბრძოლაში დაამარცხა დომინიკა ციბულკოვა - 6:2, 3:6, 10:8. ასევე უნდა გამოვყოთ ყაზახი მიხაილ კუკუშკინი, რომელმაც განთესილი ვიქტორ ტროიცკი დაამარცხა ხუთ სეტში და კარიერაში პირველად გავიდა "დიდი სლემის" ტურნირის მესამე წრეში.II წრეკაცებინოვაკ ჯოკოვიჩი (სერ, 1)-სანტიაგო ხირალდო (კოლ) 6:3, 6:2, 6:1; ნიკოლა მაუ (საფ)-ტაცუმა იტო (იაპ) 1:6, 7:6(6), 6:2, 6:2; მილოშ რაონიჩი (კან, 23)-ფილიპ პეტცშნერი (გერ) 6:4, 5:7, 6:2, 7:5; ლეიტონ ჰიუიტი (ავსტრა)-ენდი როდიკი (აშშ, 15) 3:6, 6:3, 6:4 უარი; იანკო ტიპსარევიჩი (სერ, 9)-ჯეიმს დაკუორტი (ავსტრა) 3:6, 6:2, 7:6(5), 6:4; რიშარ გასკე (საფ, 17)-ანდრეი გოლუბევი (ყაზ) 6:4, 6:2, 3:0 უარი; ხუან-იგნასიო ჩელა (არგ, 27)-პაბლო ანდუხარი (ესპ) 6:4, 6:4, 6:3; დავიდ ფერერი (ესპ, 5)-რაიან სვიტინგი (აშშ) 6:7(4), 6:2, 3:6, 6:2, 6:3; ენდი მიურეი (ბრიტ, 4)-ედუარდ როჟე ვასელენი (საფ) 6:1, 6:4, 6:4; მიკაელ ლოდრა (საფ)-ალექს ბოგომოლოვი (რუს, 32) 6:1, 6:3, 4:6, 5:7, 6:4; მიხაილ კუკუშკინი (ყაზ)-ვიქტორ ტროიცკი (სერ, 19) 5:7, 6:4, 6:2, 4:6, 6:3; გაელ მონფილსი (საფ, 14)-ტომაშ ბელუჩი (ბრა) 2:6, 6:0, 6:4, 6:2; ჟულიან ბენეტო (საფ)-ჟილ სიმონი (საფ, 12) 7:5, 7:6(8), 1:6, 3:6, 6:2; კეი ნიშიკორი (იაპ, 24)-მეტიუ ებდენი (ავსტრა) 3:6, 1:6, 6:4, 6:1, 6:1; ფრედერიკო ჟილი (პორ)-მარსელ გრანოლერსი (ესპ, 26) 6:3, 4:6, 6:4, 6:3; ჟო-ვილფრიდ ცონგა (საფ, 6)-რიკარდო მელო (ბრა) 7:5, 6:4, 6:4.ქალებივერა ზვონარევა (რუს, 7)-ლუსი ჰრადეცკა (ჩეხ) 6:1, 7:6(3); ეკატერინა მაკაროვა (რუს)-კაია კანეპი (ესტ, 25) 6:2, 7:5; გრეტა არნი (უნგ)-დომინიკა ციბულკოვა (სლოვაკ, 17) 6:2, 3:6, 10:8; სერენა უილიამსი (აშშ, 12)-ბარბორა ზახვალოვა (ჩეხ) 6:0, 6:4; საბინ ლისიცკი (გერ, 14)-შაარ პეერი (ისრ) 6:1, 6:2; სვეტლანა კუზნეცოვა (რუს, 18)-სლოუნ სტივენსი (აშშ) 7:6(6), 7:5; ანჟელიკ კერბერი (გერ, 30)-სტეფანი დუბუა (კან) 7:5, 6:1; მარია შარაპოვა (რუს, 4)-ჯეიმი ჰემპტონი (აშშ) 6:0, 6:1; სორანა კირსტეა (რუმ)-ურსულა რადვანსკა (პოლ) 1:6, 6:2, 6:3; სარა ერანი (იტა)-ნადია პეტროვა (რუს, 29) 6:2, 6:2; ჟიე ჟენგი (ჩინ)-რობერტა ვინჩი (იტა, 23) 6:4, 6:2; მარიონ ბარტოლი (საფ, 9)-ელენა დოკიჩი (ავსტრა) 6:3, 6:2; ვანია კინგი (აშშ)-ანასტასია პავლიუჩენკოვა (რუს, 15) 5:7, 6:3, 6:4; ანა ივანოვიჩი (სერ, 21)-მიხაელა კრაიჩეკი (ჰოლ) 6:2, 6:3; მარია კირილენკო (რუს, 27)-ალექსანდრა ვოზნიაკი (კან) 6:4, 1:6, 6:2; პეტრა კვიტოვა (ჩეხ, 2)-კარლა სუარეს ნავარო (ესპ) 6:2, 2:6, 6:4.ყოველდღიური სპორტული გაზეთი "ლელო"

"ამაზე აქამდე არასდროს მისაუბრია" - მსოფლიოს ყოფილმა ნომერ პირველმა ჩოგანმა რთული პერიოდი გაიხსენა

ტოტი: სინერი რომ ასეთი მაგარი ჩოგბურთელია, ჩემი დამსახურებაა

გამარჯვება 2 სეტში - ბასილაშვილმა ბაშტადში მოგებით დაიწყო

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა