<p>ალექს გარსიას გუნდი "მარბელიას თასის" გათამაშების პირველ მატჩში პოლონურ "კრაკოვიასთან" 2:3 დამარცხდა <br> თბილისის "დინამომ" ესპანური შეკრების მეორე ეტაპი დაიწყო: გუნდი მარბელას საერთაშორისო ტურნირში (Football Impact Cup 2012) ჩაება. ალექს გარსიას შეგირდებმა პირველი მატჩი პოლონურ "კრაკოვიასთან" გამართეს და 2:3 დამარცხდნენ.</p><p>"დინამოს" გარდა ტურნირში მონაწილეობს კიდევ 7 გუნდი: "დინამო" (კიევი, უკრაინა), "იანგ ბოიზი" (შვეიცარია), "ვიდეოტონი" (უნგრეთი), "ეკრანასი" (ლიტვა), "დნიპრო" (უკრაინა), "სტრომგოდსეტი" (ნორვეგია) და "კრაკოვია" (პოლონეთი). ტურნირი 22 იანვარს დაიწყო და პირველ დღეს სამი მატჩი ჩატარდა: "ვიდეოტონმა" უპრობლემოდ მოუგო "ეკრანასს" (4:0), კიევის "დინამომ" პენალტების სერიაში აჯობა "იანგ ბოიზს", "დნიპრომ" კი "სტრიმგოდსეტთან" დიდი ანგარაშით გაიმარჯვა (4:1).</p><p>გუშინ კი მხოლოდ ერთი მატჩი ჩატარდა: თბილისის "დინამო" პოლონეთის უძველეს კლუბ "კრაკოვიას" დაუპირისპირდა.</p><p>გუნდებმა მატჩი ასეთი შემადგენლობით დაიწყეს:</p><p>დინამო: ლორია - ოდიკაძე, ხოჭოლავა, ჰომოლა, ლომიძე - კვეკვესკირი, ალვარო, ძარია - გურული, ჩისკო, კოტო.</p><p>კრაკოვია: კაჩმარეკი - სტრუნა, ნავოტჩინსკი, ჰოშეკი, ციტკო - კოსანოვიჩი, სზელიგა, ბუძინსკი, ზალახოვსკი - ნტიბაზონკიზა - ვან დერ ბიზენი.</p><p>ვიდრე პირველი ტაიმის პერიპეტიებს გაგაცნობდეთ, მანამდე ჩვენების ტაქტიკურ განლაგებაზე გეტყვით; უპირველესად, რაღა თქმა უნდა, ექსპერიმენტულ დაცვის ხაზზე - ფაქტია, რომ თომაშვილის, კაკუბავასა და რეხვიაშვილის არყოფნაში ჩვენი უკანახაზელების (განსაკუთრებით - ცენტრალურ ზონაში) თამაში აშკარად უკეთეს შთაბეჭდილებას უნდა ტოვებდეს.</p><p>ყოველ შემთხვევაში, პოლონური გუნდის პირველი და მეორე გოლები სწორედ უკანახაზელთა მიუტევებელ პოზიციურ შეცდომებს მოჰყვა: მე-17 წუთზე "კრაკოვიას" ბურუნდელმა ლეგიონერმა, 24 წლის საიდო ნტიბაზონკიზამ შორეული და ჩინებული პასით გარღვევაზე კოენ ვან დერ ბიზენი გაიყვანა და 26 წლის ჰოლანდიელმა ცენტრფორვარდმაც თავისი შანსი ხელიდან არ გაუშვა.</p><p>სხვათა შორის, ამ გოლამდე ორჯერ ისეთი სიტუაციაც შეიქმნა, როცა დინამოელებს თამაშგარე ეგონათ და კიდევ კარგი, "კრაკოვიამ" ამით ვერ იხეირა. არადა, გაშვებულ გოლამდე თამაშს მთლიანად ჩვენები აკონტროლებდნენ, მაგრამ, რასაც მეტოქის კართან შექმნილი ხიფათი ჰქვია, მხოლოდ ერთხელ ვნახეთ: ჩისკომ დიდოსტატურად შეასრულა საჯარიმო დარტყმა, მაგრამ "კრაკოვიას" გამოცდილმა მეკარემ, 28 წლის ვოიცეხ კაჩმარეკმა ბურთი კუთხურზე მოიგერია.</p><p>პირველ ტაიმში ჩისკო ცენტრფორვარდად მოგვევლინა, კოტო მარცხენა გარემარბი იყო, გურული კი - მარჯვენა. სამწუხაროდ, პირველი ტაიმის ბოლომდე პოლონელთა მეკარის შეწუხება მხოლოდ ერთხელ მოვახერხეთ, სამაგიეროდ, "კრაკოვიამ" 28-ე წუთზე სწრაფი კონტრშეტევა განახორციელა და საგოლე პასის ავტორმა ნტიბაზონკიზამ ლორიას კარში მეორე გოლი გაიტანა.</p><p>32-ე წუთზე "დინამო" აშკარა ხიფათს გადაურჩა - ვან დერ ბიზენი ახლო მანძილიდან ურტყამდა, მაგრამ ააცილა.</p><p>შესვენების შემდეგ ალექს გარსიამ შემადგენლობა მკვეთრად გადაახალისა და მოედანზე 6 ახალი ფეხბურთელი შეიყვანა, ამასთან, რამდენიმეს ამპლუაც შეუცვალა და, საერთოდაც, შესვენების შემდეგ "დინამოს" ტაქტიკური განლაგება 3-6-1 უფრო იყო, ვიდრე აქამდე მუდმივად აპრობირებული 4-3-3. კარში კვლავ ლორია იდგა, დაცვაში - მარჯვნივ ოდიკაძე, მარცხნივ - ხოჭოლავა (19 წლის ფეხბურთელმა გუშინ პირველი "ესპანური" მატჩი ჩაატარა), ერთადერთი ცენტრალური მცველი კი კვეკვესკირი გახლდათ. ნახევარდაცვის ფლანგებზე ჩისკო (მარჯვნივ) და კახელიშვილი მოქმედებდნენ, ცენტრში - გერაუ, ჯიღაური, კოშკაძე და მერებაშვილი. ცენტრფორვარდის პოზიციაზე კი იაგუე გამოჩნდა.</p><p>ასეთი, მართლაც შემტევი ტაქტიკის წყალობით დინამოელებმა მალევე მოიპოვეს უპირატესობა, მაგრამ ერთ ეპიზოდში პოლონელთა სწრაფი კონტრიერიში გამოეპარათ და კიდევ კარგი, ლორიამ იყოჩაღა, თორემ სამბურთიანი ჩამორჩენის აღმოფხვრა ნამდვილად გაძნელდებოდა.</p><p>ამ მომენტიდან წუთიც არ იყო გასული, რომ ამჯერად პოლონელთა მეკარემ ივარგა, როცა ახლო მანძილიდანწ ჩისკო ურტყამდა. თუმცა დინამოელთა უპირატესობამ შედეგი მალე მოიტანა: 57-ე წუთზე იაგუემ მრავალსვლიანი კომბინაცია ზუსტი დარტყმით დააგვირგვინა. ცხრა წუთის მერე მან "დუბლიც" შეასრულა და ამ შემთხვევაშიც დინამოელთა მიერ ბურთის ხანგრძლივად და, რაც მთავარია, ეფექტიანად გათამაშება უნდა აღვნიშნოთ.</p><p>მე-80 წუთამდე "დინამოს" უპირატესობა აშკარაზე მეტი იყო. ჩვენი ფეხბურთელები მეტოქის ნახევარზე სწრაფად გადადიოდნენ და 77-ე წუთზე ჯიღაური ეფექტური დარტყმით ცდილობდა გატანას, მაგრამ ბურთი მიზანს ოდნავ ასცდა. და აი, მაშინ, როცა "დინამოს" გოლს ველოდით, მეტოქემ სწრაფ კონტრშეტევაზე "დაგვიჭირა" და ძირითადი დროის დასრულებამდე 7 წუთით ადრე კვლავ "კრაკოვია" დაწინაურდა.</p><p>აღსანიშნავია, რომ ამ შემთხვევაშიც გოლი ჩვენების პოზიციურ შეცდომას მოჰყვა, რითაც ჩინებულად ისარგებლა პოლონური გუნდის ლატვიელმა ლეგიონერმა ალექსეი ვიშნიაკოვსმა.</p><p>დარჩენილ დროში "დინამომ" ერთი მეტ-ნაკლებად სახიფათო მომენტი შექმნა, მაგრამ ანგარიში აღარ შეცვლილა - პოლონეთის ჩემპიონატში ბოლოსწინა ადგილზე მყოფმა "კრაკოვიამ" 3:2 გაიმარჯვა და მისი მომდევნო მეტოქე უკრაინული "დნიპრო" იქნება. "დინამო" კი 25 იანვარს ნორვეგიულ "სტრიმგოდსეტს" დაუპირისპირდება.</p><p><strong>მატჩის შემდეგ</strong></p><p>ალექს გარსია: "თამაში ინფანტილურად დავიწყეთ. პირველი ტაიმი საშინელი იყო. მეორე ნახევარში ტაქტიკა შევცვალეთ და შემტევი ფეხბურთი ვითამაშეთ, ანგარიშიც გავათანაბრეთ, მაგრამ გამარჯვების ან პენალტების სერიის ნაცვლად დასანანი ბურთი მივიღეთ".</p><p><strong>ყოველდღიური სპორტული გაზეთი "ლელო"</strong></p><p><p><div id="_mcePaste" style="position: absolute; left: -10000px; top: 479px; width: 1px; height: 1px; overflow: hidden;">aleqs garsia: TamaSi infantilurad daviwyeT. pirveli taimi saSineli iyo. meore naxevarSi taqtika SevcvaleT da Semtevi fexburTi viTamaSeT, angariSic gavaTanabreT, magram gamarjvebis an penaltebis seriis nacvlad dasanani burTi miviReT.</p><p></div></p></p>
kal
დინამო მაინც დინამოას
negredo
ცნობილი ფრაზა მახსენდება ხვედელიძე დაცვას მიხედე დაცვას,დღევანდელ დინამოზეა ზედ გამოჭრილი-გარსია დაცვას მიხედე დაცვას,უბრალოდ შთაბეჭდილება მრჩება თვითონ გარსიამაც არ იცის როგორ უნდა ათამაშოს გუნდი დაცვაში...
kotiko
გარსია მოასჰორეტ,როდის უნდა მიხვდეს დაცვა რომ არ უვარგავაი ტქვენს პატრონსრაგუნდის გაკეტებაზეა საუბარი დაცვა დირკაამოკოლებული ლანელიდან კრაკოვამდე,ამ ლორიას უკვე აუვარდა ტავსჰი კასილასი გონია ტავის ტავი
kz
სად უყურებთ დინამოს თამაშს ლინკი დამიგდეტ გთხოვთ
negredo
ჩემი აზრით გარსია ძალიან არაკვალიპიცირებული მწვრთნელია,რასაც დინამო დაცვაში თამაშობს საერთოდ წარმოუდგენელია და ესეთი თამაშით დაცვაში განსაკუთრებით ვერაპერს მიაღწევს რათ უნდა ამას ლაპარაკი...დინამო გარსიასთან ერთად ვერაპერს მიაღწევს და ჯობია დროზე მოაშორონ...
vako
მთლიანად ვუყურე თამაშს მეორე ტაიმში ძალიან კარგი ფეხბურთი იყო მაგრამ სანამ მცველს არ დავიმატებთ არ გვეშველება არაფერი შეტევა კარგად არის დაკომპლეკტებული მცველები გვინდა!!!!
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!