- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი ჭიაბრიშვილი: მთავარია გუნდი და არა რომელიმე კონკრეტული ტრანსფერი
<p>საქართველოს ჩემპიონმა "ზესტაფონმა" ახალი ფეხბურთელების პრეზენტაცია მოაწყო <br> გუშინ დავით აბაშიძის სახელობის სტადიონის საპრესკონფერენციო დარბაზში "ზესტაფონის" ახალი ფეხბურთელების პრეზენტაცია მოეწყო.</p><p>მთავარმა მწვრთნელმა გიორგი ჭიაბრიშვილმა, სპორტულმა დირექტორმა მიხეილ ხუციშვილმა და პრესატაშე სერგო ფუტკარაძემ ჟურნალისტებს და გულშემატკივრებს გუნდის ექვსი ახალწვეული წარუდგინეს. მიხეილ ხუციშვილმა დავით მუჯირს (23), ლევან შარიქაძეს (14), გოგა ბერაიას (8), აბაიომი ოვონიკოკოს (80), დავით რაჟამაშვილს (3) და გურამ სამუშიას (28) გუნდის მაისურები გადასცა.</p><p>"ზესტაფონის" კიდევ ერთი ახალწვეული, ლუკა გუგუჩია გუშინდელ პრეზენტაციაზე არ გამოჩენილა, როგორც ჭიაბრიშვილმა გვითხრა, მას ჯანმრთელობის მცირედი პრობლემები შეექმნა და გუნდთან ერთად ესპანურ შეკრებაზეც ვერ გაემგზავრება. სამაგიეროდ, გუნდთან ერთად არიან "ზესტაფონი 2"-ის ფეხბურთელები თორნიკე გრიგალაშვილი და მალხაზ გაგოშიძე, რომლებმაც კლუბთან ახალი, 5-წლიანი კონტრაქტი გააფორმეს და გუნდს ესპანეთშიც გაჰყვებიან.</p><p>საერთოდ კი, ჭიაბრიშვილს პირენეებზე 25 ფეხბურთელი მიჰყავს: მეკარეები: როინ კვასხვაძე, ზურაბ მამალაძე, კახაბერ მეშველიანი; მცველები: თემურ ღონღაძე, ზაალ ელიავა, მამუკა კობახიძე, გიორგი ონიანი, ედიკ საჯაია, გიორგი ხიდეშელი; ნახევარმცველები: თორნიკე აფციაური, ალექსი ბენაშვილი, თორნიკე გორგიაშვილი, შოთა გრიგალაშვილი, შოთა ბაბუნაშვილი, ზურაბ მენთეშაშვილი, ლევან შარიქაძე, გოგა ბერაია, გურამ სამუშია, დავით რაჟამაშვილი, თორნიკე გრიგალაშვილი, მალხაზ გაგოშიძე; თავდამსხმელები: დავით მუჯირი, რატი წინამძღვრიშვილი, ჯაბა დვალი, აბაიომი ოვონიკოკო.</p><p>ესპანეთში "ზესტაფონი" პირველ ამხანაგურ შეხვედრას 31 იანვარს უკრაინულ "დნიპროსთან" გამართავს, 3 თებერვალს კი, "მარბელას თასის" გათამაშების პირველ შეხვედრაში ჩინეთის ჩემპიონ " გუანჯოუს" დაუპირისპირდება.</p><p><strong>გიორგი ჭიაბრიშვილი</strong>: სეზონისთვის მზადება 10 იანვარს ზესტაფონში დავიწყეთ. მზადების პირველი ეტაპი ნაყოფიერად მიმდინარეობს. აქცენტი ფიზიკურ მომზადებაზეა. "გაგრასთან" ამხანაგური მატჩი უკვე ჩავატარეთ, 24 იანვარს კი ჩვენს ბაზაზე მარტვილის "მერანს" ვეთამაშებით. 27 იანვარს მივემგზავრებით ესპანეთში, სადაც "მარბელას თასზე" ვიასპარეზებთ.</p><p>იმედია, ჩემპიონატისთვის კარგად მოვემზადებით და სეზონს სრულ მზადყოფნაში შევხვდებით. მიზნები უცვლელია - ვიბრძოლებთ ჩემპიონობისთვის, გარდა ამისა, თასზე და სუპერთასზეც ვაგრძელებთ ასპარეზობას და სამივე ტიტულის მოპოვებას შევეცდებით.</p><p>ძალიან კარგი ფეხბურთელები დავიმატეთ, მათ გუნდის გაძლიერება შეუძლიათ. საკმაოდ რთული ჩემპიონატი გვაქვს, აქ თამაში იოლი არ არის, თუმცა ყველანაირად ვეცდებით, რომ ჯერ შინაურ ასპარეზზე, შემდეგ კი ევროთასებზეც წარმატებით ვითამაშოთ.</p><p><strong>- ახალი სეზონისთვის "ზესტაფონი" საბოლოოდ დაკომპლექტდა თუ კიდევ უნდა ველოდოთ ახლების გამოჩენას?</strong></p><p>- გუნდი ცოცხალი ორგანიზმია და ყოველთვის სჭირდება გაძლიერება, თუმცა ამ ეტაპზე განხორციელებული ტრანსფერებით კმაყოფილი ვართ და ცვლილებებს აღარ ვაპირებთ.</p><p><strong>- გელაშვილის წასვლით "ზესტაფონმა" სერიოზული დანაკლისი განიცადა, მის შემცვლელად ვინ გეგულებათ?</strong></p><p>- გელაშვილი გუნდის ბომბარდირი იყო და მისი შეცვლა იოლი საქმე არ არის. ძალიან დიდი სურვილი გვქონდა, რომ დარჩენილიყო, მაგრამ, როგორც ჩანს, მან "ზესტაფონში" თავისი შესაძლებლობები ამოწურა და სურს, ძალები სხვა, უფრო ძლიერ ჩემპიონატში მოსინჯოს.</p><p>კლუბმა მისი სურვილი გაითვალისწინა და პრობლემები არ შეუქმნა. გელაშვილს წარმატებებს ვუსურვებთ, ჩვენ კი შევეცდებით, რომ თავდასხმაში კვლავ შედეგიანად გავისარჯოთ.</p><p><strong>- თქვენი კონკურენტების სატრანსფერო პოლიტიკას, ალბათ, თვალყურს ადევნებთ...</strong></p><p>- ფაქტია, რომ გუნდები საკმაოდ გაძლიერდნენ. ძალიან საინტერესო ფეხბურთელები დაიმატეს "დინამომ", "ტორპედომ", "დილამ" და "ოლიმპმა", მაგრამ ახალი სისხლი ჩვენც გადავისხით. "ზესტაფონისთვის" ყოველთვის გუნდი იქნება მთავარი და არა რომელიმე კონკრეტული ტრანსფერი. ჩვენი მთავარი მიზანი ჩემპიონობაა და ვფიქრობ, ამ შემადენლობით დასახული ამოცანის გადაჭრა შეგვიძლია.</p><p><strong>* * *</strong></p><p><strong>დავით მუჯირი:</strong> მოსამზადებელი ეტაპის საწყის ფაზაში ვართ და ყველაფერს ვაკეთებთ, რათა სეზონს სრულფასოვნად მომზადებულები შევხვდეთ. "ზესტაფონთან" ერთწლიანი კონტრაქტი გავაფორმე. ეს ჩემი პირადი ინიციატივაც იყო და ვნახოთ - თუ სამომავლოდ მაღალ დონეზე თამაშისთვის ძალა კვლავ მეყო, კონტრაქტის გაგრძელებაც არ არის გამორიცხული.</p><p>ძალიან კარგ დროს მომიწია გუნდში მოსვლამ, ადაპტაციის პერიოდი მოსამზადებელ ეტაპს დაემთხვა. მეგობრული გუნდია, შევეცდებით, ამხანაგური მატჩები მაქსიმალურად გამოვიყენოთ და კარგად შევთამაშდეთ.</p><p>კლუბის მიზნები კვლავ მაქსიმალურია: სამივე ტიტულის მოპოვების შანსი გვაქვს და ამისთვის ბოლომდე ვიბრძოლებთ. მოხარული ვარ, რომ კვლავ მომეცა საქართველოს ჩემპიონატში თამაშის საშუალება. შევეცდები, "ზესტაფონის" წარმატებებში ჩემი წვლილიც შევიტანო.</p><p><strong>- წლების წინ თბილისის "დინამოს" წამყვანი ფეხბურთელი იყავით, ახლა კი მის კონკურენტ "ზესტაფონის" ღირსებას იცავთ. ეს გარკვეულ დისკომფორტს ხომ არ შეგიქმნით?</strong></p><p>- "დინამოს" ჩემთვის ძალიან ბევრი აქვს გაკეთებული. ამ გუნდის სიყვარულმა მათამაშა დიდი ფეხბურთი. მოხარული ვარ, რომ თბილისურ კლუბს შეძლებული მეპატრონე გამოუჩნდა და მაღალი მიზნებისთვის იბრძოლებს. "დინამოს" სახით "ზესტაფონს" ძლიერი კონკურენტი ეყოლება.</p><p>საერთოდაც, ჩემპიონობისთვის ოთხი გუნდი იბრძვის და ეს ძალიან კარგია. ღირსეულ კონკურენციაში გამოვლენილი ჩემპიონი და პრიზიორები ჩვენს ქვეყანას ევროტურნირებზე უკეთესად წარმოაჩენენ. იმედია, სხვა გუნდებიც გაძლიერდებიან. ყველა ქართულ კლუბს წინსვლას ვუსურვებ,</p><p><strong>- "ზესტაფონში" საქართველოს ნაკრების მწვრთნელების თვალთახედვის არეშიც იქნებით. ნაკრებში დაბრუნების იმედი თუ გაქვთ?</strong></p><p>- საქართველოს ნაკრებში ქვეყნის საუკეთესო ფეხბურთელები უნდა თამაშობდნენ ასაკის მიუხედავად, ისინი, ვინც კონკრეტული შეხვედრისთვის უკეთ იქნებიან მზად. ეროვნული გუნდის ღირსების დაცვა ყველა ქართველი ფეხბურთელის ოცნებაა და გამონაკლისი არც მე ვარ. იმედი მაქვს, საქართველოს ნაკრებში კიდევ ვითამაშებ.</p><p><strong>* * *</strong></p><p><strong>აბაიომი ოვონიკოკო:</strong> მიხარია, რომ "ზესტაფონში" მოვხვდი. აქაურობა ძალიან მომწონს, კარგი სავარჯიშო პირობებია. გუნდიც მეგობრულია. საბედნიეროდ, ტრავმა მოვირჩინე, ჯერჯერობით სპეციალური პროგრამით ვვარჯიშობ, თუმცა მალე სრული დატვირთვითაც შევძლებ მომზადებას. ვეცდები, ჩემზე გაცემული ავანსები გავამართლო და "ზესტაფონს" მაღალი მიზნების მიღწევაში დავეხმარო.</p><p><strong>* * *</strong></p><p><strong>გურამ სამუშია:</strong> "ზესტაფონი" მოქმედი ჩემპიონია, ძალიან კარგად არის დაკომპლექტებული და ასეთი გუნდის ძირითად შემადგენლობაში თავის დამკვიდრება ძნელია, თუმცა ვეცდები, გუნდს მაქსიმალურად გამოვადგე და ჩემპიონობისთვის ბრძოლაში დავეხმარო.</p><p><strong>ყოველდღიური სპორტული გაზეთი "ლელო"</strong></p>
"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა