<p>22 წლის ქართველმა ევროპის ჩემპიონატზე ბრინჯაოს მედალი მეორედ მოიპოვა <br> ბოლო წლებია, სპორტის ზამთრის სახეობების ისტორიას ეს გოგონა წერს! ელენე გედევანიშვილი, რომელიც ახლახან 22 წლის გახდა, პირველი ქართველი სპორტსმენია, რომელმაც ზამთრის სახოებებში ევროპის ჩემპიონატის მედალი მოიპოვა - ეს ორი წლის წინათ იყო, ახლა ელენემ, ბრიტანულ შეფილდში კარიერაში თავისივე მიღწევა გაიმეორა.</p><p>ის ამიერიდან ევროპის ჩემპიონატების ორგზის ბრინჯაოს პრიზიორია.</p><p>შაბათს ელენემ ორი პირადი რეკორდი დაამხო, თავისუფალ პროგრამაში მოპოვებული ქულებისა და ორი დისციპლინის ჯამში. პირველი შარშანდელია, მსოფლიოს ჩემპიონატის, როცა ქართველმა მოციგურავემ 104,63 ქულა დაიმსახურა. ახლა მისი რეკორდი თავისუფალ პროგრამაში 108,79 ქულაა. საოცარია, მაგრამ ფაქტია - რაც ელენეს სუსტი წერტილი იყო, მის ძლიერ მხარედ იქცა. ორი დისციპლინის ჯამში გედევანიშვილმა 165,93 ქულა დააგროვა და ქულა-ნახევრით გააუმჯობესა 2010 წლის ევროპის ჩემპიონატის მიღწევა.</p><p>შაბათს გედევანიშვილმა ენდრიუ ლოიდ ვებერის "ოპერის მოჩვენების" მუსიკის ფონზე ისრიალა. ტექნიკური ელემენტების სეგმენტში მან მსაჯებისგან 51,18 ქულა დაიმსახურა, პროგრამულში - 57,61. ჩვენებურზე უკეთ თავისუფალი პროგრამა მხოლოდ იტალიელმა კაროლინა კოსტნერმა (120,33 ქულა) და 17 წლის რუსმა პოლინა კორობეინიკოვამ (114,72) შეასრულეს.</p><p>სამზე მეტი ქულით ჩამოიტოვა ელენემ ფინელი კიირა კორპი (105,14) და ვიქტორია ჰელგესონი (შვედეთი, იდენტური ქულები). ქსენია მაკაროვას კი ძალიან ბევრით აჯობა (თითქმის 7 ქულით) და ეს იყო მთავარი - ჩვენებურმა, რომელიც მეოთხე იყო მოკლე პროგრამის შემდეგ, რუსი კონკურენტი პოდიუმიდან განდევნა. ის კი არა, ქულაც და კორპისაც ჩამოიტოვებდა და ვერცხლის მედალს მოიპოვებდა...</p><p>ევროპის ჩემპიონი (მეოთხედ!) გახდა 24 წლის კაროლინა კოსტნერი, ის შეფილდში ფაქტობრივად უკონკურენციო იყო, შოსტაკოვიჩისა და მოცარტის მელოდიებზე შესრულებულმა პროგრამებმა მას ჯამში 183,55 ქულა მოუტანა. 23 წლის კორპიმ 166,94 ქულა დააგროვა, ელენემ - 165,93. პოლინა კორობეინიკოვა, რომელიც სენსაციური იყო შაბათს, მისთვის სადებიუტო ჩემპიონატზე მე-4 ადგილზე გავიდა.</p><p><strong>კვარცხლბეკი</p><p></strong>1. კაროლინა კოსტნერი (იტალია) 183,55</p><p>2. კიირა კორპი (ფინეთი) 166,94</p><p>3. ელენე გედევანიშვილი (საქართველო) 165,93</p><p>4. პოლინა კორობეინიკოვა (რუსეთი) 164,13</p><p>5. ვიქტორია ჰელგესონი (შვედეთი) 160,82</p><p>6. ქსენია მაკაროვა (რუსეთი) 159,59</p><p>7. ალიონა ლეონოვა (რუსეთი) 158,78</p><p>8. ვალენტინა მარკეი (იტალია) 146,84</p><p>9. ირეტ სილეტი (საფრანგეთი) 145,50</p><p>10. ჯოში ჰელგესონი (შვედეთი) 145,11</p><p><strong>ყოველდღიური სპორტული გაზეთი "ლელო"</strong></p>
ალექსი
გილოცავთ ელენე... ეს წელი კიდევ უფრო წარმატებით გაგევლოს...
[VIDEO] ანასტასია გუბანოვამ ოლიმპიურ თამაშებზე თავისუფალ პროგრამაში მე-9 ადგილი დაიკავა
"ჩემი ქვეყნით ვამაყობ" - ანასტასია გუბანოვა საქართველოზე
[VIDEO] ანასტასია გუბანოვამ ზამთრის ოლიმპიურ თამაშებზე მოკლე პროგრამაში მე-6 ადგილი დაიკავა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა