- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჯაბა ბრეგვაძის დებიუტი და მამუკა გორგოძის ჩვეული თავდადება
<p>საფრანგეთის სარაგბო პირველ დივიზიონში მე-16 ტურის მატჩებში ქართველ მორაგბეთა რვა გუნდიდან შვიდმა მოიგო <br> საფრანგეთის სარაგბო ჩემპიონატის ელიტურ, პირველ დივიზიონში მე-16 ტურის მატჩებში ქართველ მორაგბეთა რვა გუნდიდან შვიდმა მოიგო<strong>.</strong></p><p>აღსანიშნავია, რომ ამ ტურში ფრანგული რაგბის გრანდის, "ტულუზის" შემადგენლობაში შედგა საქართველოს ნაკრების შერკინების კვაჭის <strong>ჯაბა ბრეგვაძის</strong> დებიუტი, რომელიც წარმატებული გამოდგა.</p><p>საფრანგეთის ჩემპიონი "ტულუზი" სტუმრად ეთამაშა პლეი ოფში მოხვედრისთვის მებრძოლ და მუდამ ამბიციურ "მეტრო რასინგს". ტულუზელებმა თამაში აქტიურად დაიწყეს და პირველ ნახევარში საკმაოდ დიდ ტერიტორიულ და სათამაშო უპირატესობას ფლობდნენ. შესაბამისად პირველი ტაიმიც მათ სასარგებლოდ 9:0 დასრულდა.</p><p>შესვენების შემდეგ პარიზელები გონს მოეგნენ და 11 წუთში ანგარიშში დაწინაურება მოახერხეს - 10:9. ბრეგვაძე თამაშში რვა წუთის შემდეგ ჩაერთო. მომდევნო ათ წუთში კი გუნდებმა თითო-თითო საჯარიმო გაცვალეს. გამარჯვება "ტულუზს" შეცვლაზე შესულმა 19 წლის მესამეხაზელმა ჟილან გალანმა ლელოთი მოუტანა - 19:13.</p><p>"ტულუზმა" ამ გამარჯვების შემდეგ 60 ქულა დააგროვა და მეორეადგილოსან, <strong>დავით ზირაქაშვილის</strong> "კლერმონთან" ექვსქულიანი უპირატესობა შეინარჩუნა. "ვულკანებმა" მე-16 ტურში უმძიმესი ბრძოლა გადაიტანეს სტუმრად "ბორდოსთან". ჩვენებურის გუნდმა პირველი ტაიმი 8:10 დათმო. თუმცა შესვენების შემდეგ ვითარებას მოედანზე მთლიანად კლერმონელები აკონტროლებდნენ. მეტოქეს მონაგარის გაზრდის საშუალება აღარ მისცეს და უმნიშვნელოვანესი გამარჯვება მიპოვეს - 17:10. ზირაქაშვილი ტრავმირებულია და არ უთამაშია.</p><p>"კლერმონს" 9 ქულით ჩამორჩება და მე-3 ადგილზეა <strong>დავით ქუბრიაშვილის</strong> "ტულონი", რომელმაც შინ გაანადგურა აუტსაიდერი "ბაიონი" - 50:10. მასპინძლებმა ბასკებს ხუთი ლელო გაუტანეს, აქედან ორი ინგლისელმა მესამეხაზელმა სტეფან არმითიჯმა მიითვალა. მატჩში ყველაზე შედეგიანი კი მისი თანამემამულე მგეზავი ჯონი ვილკინსონი იყო, რომელმაც ხუთ-ხუთი საჯარიმო და გარდასახვა გაიტანა (25 ქულა).</p><p>შესანიშნავად გამოიყურებოდა ტულონელთა რიგებში ვილკინსონისა და ავსტრალიელი შუამარბის მეთ გიტოს დუეტი. სამხრეთაფრიკელმა მეორეხაზელმა ბაკის ბოთამ კი, ტრადიციულად მეორე ტაიმში შეცვალა ინგლისელი კოლეგა საიმონ შოუ. ძირითად შემადგენლობაში ითამაშა ქუბრიაშვილმაც, რომელიც 55-ე წუთზე შეცვალეს.</p><p>"ტულონს" ერთი ქულით ჩამორჩება და მეოთხე ადგილზეა <strong>ანტონ ფეიქრიშვილის</strong> "კასტრი", რომელმაც მე-16 ტურში შინ დაამარცხა ბასკური "ბიარიცი" - 29:23. თამაში საკმაოდ დაძაბული და საინტერესო გამოდგა. მასპინძლები ანგარიშში დიდი სხვაობით დაწინაურებას ვერაფრით ახერხებდნენ. გადამწყვეტი უპირატესობა კასტრელებმა მატჩის დასკვნით მეოთხედში მოიპოვეს. ფეიქრიშვილი სათადარიგოთა შორის იყო და თამაშში 49-ე წუთიდან ჩაერთო.</p><p>საპლეიოფო ექვსეულში შეაღწია <strong>მამუკა გორგოძის</strong>, <strong>გიორგი ჟღენტის</strong>, <strong>მიხეილ ნარიაშვილისა</strong> და <strong>გოდერძი შველიძის</strong> "მონპელიემ", რომელმაც შინ შესანიშნავ სტილში დაამარცხა უშუალო კონკურენტი, პარიზული "სტად ფრანსე" - 38:6.</p><p>მონპელიელებმა უმაღლესი დონის რაგბი აჩვენეს, რომელთა რიგებშიც კვლავ გამორჩეული იყო საქართველოს ნაკრების მესამეხაზელი მამუკა გორგოძე. "მონპელიეს" მთავარმა მწვრთნელმა ფაბიენ გალტიემ ის ამ შეხვედრაში მეორეხაზში დააყენა. თუმცა ამით არაფერი შეცვლილა, გორგოძე, როგორც ყოველთვის, ამჯერადაც აქტიური და ყველაზე მონდომებული იყო.</p><p>ეს მონდომება, ერთ-ერთ ეპიზოდში, მატჩის 45-ე წუთზე, სინბინის ფასად დაუჯდა. რაკში თამაშისას, მან პარიზელთა არგენტინელ პირველხაზელ როდრიგო რონსეროს, რომელიც წესის დარღვევით თამაშგარეში იმყოფებოდა და ბურთის რაკიდან გამოსვლას ხელს უშლიდა, ფეხი ჩაარტყა. რაც გვერდით არბიტრს შეუმჩნეველი არ დარჩენია.</p><p>მატჩის ერთ-ერთი ყველაზე გამორჩეული ეპიზოდი გორგოძისა და მსოფლიოს საუკეთესო რვა ნომრის, იტალიელი სერჯო პარისეს შერკინება იყო. მოედნის ცენტრში პარისეს ბურთი რაკიდან გამოუტანეს, მას წინ ჩვენი "გულივერა" დახვდა, რომელმაც იტალიელი შებოჭა და დაახლოებით ათი მეტრი ათრია. რის შემდეგაც მოედანზე დასცა, თამაში რაკში გადავიდა, სადაც სტუმრებმა წესი დაარღვიეს და "მონპელიემ" საჯარიმოს დარტყმის უფლება მიიღო.</p><p>გორგოძემ მატჩში თავიდან ბოლომდე ითამაშა, ჟღენტი 57-ე წუთზე შეცვალეს, ნარიაშვილი და შველიძე განაცხადში არ იყვნენ.</p><p>ოდნავ გამოიკეთა სატურნირო მდგომარეობა <strong>დავით ხინჩაგიშვილის</strong>, <strong>ვასილ კაკოვინისა</strong> და <strong>ირაკლი ნატრიაშვილის</strong> "ბრივმა", რომელმაც შინ დაამარცხა "პერპინიანი" - 17:9. მასპინძლებმა პირველი ტაიმი გაჭირვებით მოიგეს - 10:9. ბრიველებს დიდი უპირატესობა არც მეორე ნახევარში ჰქონიათ, თუმცა მეტოქისგან განსხვავებით უშეცდომოდ ითამაშეს და უაღრესად საჭირო გამარჯვება მოიპოვეს.</p><p>"ბრივს" ახლა 28 ქულა აქვს და მე-10 ადგილზეა. კაკოვინი ძირითად შემადგენლობაში იყო და 73-ე წუთზე შეცვალეს, ნატრიაშვილი მოედანზე 66-ე წუთიდან გამოჩნდა, ხინჩაგიშვილს არ უთამაშია.</p><p>სატურნირო ცხრილის ბოლო საფეხურს თავი დააღწია <strong>გურამ კავთიძისა</strong> და <strong>ტარიელ რატიანიძის</strong> "ლიონმა", რომელმაც საკუთარ მოედანზე <strong>ბექა შეყლაშვილის</strong> "აჟენს" სძლია - 19:11. კავთიძესა და რატიანიძეს არ უთამაშიათ, შეყლაშვილი განაცხადში იყო, მაგრამ მოედანზე არ გამოჩენილა.</p><p><span style="color: #ff0000;"><strong>I დივიზიონი</p><p></strong></span><strong>XVI ტური</p><p><em>მონპელიე-სტად ფრანსე 38:6, ლიონი-აჟენი 19:11. ტულონი-ბაიონი 50:10, კასტრი-ბიარიცი 29:23, ბრივი-პერპინიანი 17:9, მეტრო რასინგი-ტულუზი 13:19, ბორდო-კლერმონი 10:17.</p><p></em></strong><em>სატურნირო მდგომარეობა</p><p></em>1. ტულუზი - 60 ქულა, 2. კლერმონი - 54, 3. ტულონი - 45, 4. კასტრი - 44, 5. მონპელიე - 40, 6. სტად ფრანსე - 39, 7. მეტრო რასინგი - 37, 8. აჟენი - 36, 9. ბორდო - 31, 10. ბრივი - 28, 11. პერპინიანი - 27, 12. ბიარიცი - 24, 13. ლიონი - 24, 14. ბაიონი - 23.</p><p><strong>XVII ტური</p><p></strong>მონპელიე-პერპინიანი, ბიარიცი-ტულუზი, ტულონი-ბორდო, ლიონი-ბრივი, აჟენი-კასტრი, ბაიონი-სტად ფრანსე, კლერმონი-მეტრო რასინგი.</p><p><strong>ყოველდღიური სპორტული გაზეთი "ლელო"</strong></p>
გია ხარაიშვილს "ბარბაროსებში" უხმეს
დავით ბოლღაშვილის "მონაკომ" ფედერალ 1-ში დაბრუნება იზეიმა!
ნიკა ამაშუკელი საუკეთესო მსაჯთა ათეულში დაასახელეს
ალეგრი ორმატჩიანი დისკვალიფიკაციით დასაჯეს
სეოკ-ის პრეზიდენტი ლერი ხაბელოვი სუმოს საერთაშორისო ფედერაციის პრეზიდენტს, ლეგენდარულ იოკუძუნა ჰაკუჰო შოს შეხვდა
ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა
[VIDEO] ეს ჟოზე მოურინიოს "რეალია" - "ბლანკოსმა" "ბარსელონა" "კამპ ნოუზე" დაამარცხა
სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება
[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა
[VIDEO] დამაჯერებლად - "ლივერპულმა" "ბრაიტონი" დაამარცხა
კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო
მეტელკინა-ბერულავას წყვილმა საფრანგეთის გრან-პრიზე ოქროს მედალი მოიპოვა
საზონოვი შეცვლაზე შევიდა - "ხეტაფე" "ატლეტიკთან" განადგურდა
"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა
ცნობილი გახდა სად გაუკეთებენ კვარაცხელიას ოპერაციას
იეგოიანის "ექსელსიორმა" მორიგი მარცხი განიცადა
ნიკოლოზ ბასილაშვილი ალმათის ტურნირის ფინალში დამარცხდა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა
"ოქროს ბურთის" "კვარას" ეკუთვნის - ეს მისთვის მეტისმეტად მცირე ნუგეში და აღდგენაში დახმარება იქნება" - ამბობს ცნობილი ფრანგი ჟურნალისტი, რომელიც ფეხბურთელის დაბრუნების სავარაუდო დროს ასახელებს
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე