ჩიბურდანიძე რუსეთის ხანტიმანსიისკში არ ითამაშებს

ბრძენთა თამაშის ქომაგებმა უწყიან, რომ რუსეთის ქალაქი ხანტიმანსიისკი 19 სექტემბრიდან მსოფლიოს საჭადრაკო ოლიმპიადას უმასპინძლებს. შეჯიბრებაში მედლებისთვის ქართველი დიდოსტატებიც იბრძოლებენ, ოღონდ... ბრძენთა თამაშის ქომაგებმა უწყიან, რომ რუსეთის ქალაქი ხანტიმანსიისკი 19 სექტემბრიდან მსოფლიოს საჭადრაკო ოლიმპიადას უმასპინძლებს. შეჯიბრებაში მედლებისთვის ქართველი დიდოსტატებიც იბრძოლებენ, ოღონდ მათ შორის არ იქნება ხუთგზის მსოფლიოს ჩემპიონი, მსოფლიო საჭადრაკო ოლიმპიადების ათგზის გამარჯვებული და ხუთგზის პრიზიორი, ევროპის გუნდური ჩემპიონატის ოქროს მედალოსანი, ჭადრაკის `ოსკარის~ ოთხგზის მფლობელი, საქართველოს სამგზის წლის საუკეთესო სპორტსმენი მაია ჩიბურდანიძე, რაც საბოლოოდ გუშინ გახდა ცნობილი._ ოცდაათ წელიწადზე მეტ ხანს ჯერ საბჭოთა კავშირის, მერე საქართველოს ნაკრებ გუნდებში პირველ დაფაზე ვითამაშე, ლიდერის ჭაპანი ვზიდე, რაც იოლი არ ყოფილა, _ მითხრა მაია ჩიბურდანიძემ. _ ამ ხნის განმავლობაში, ვინ მოთვლის, რამდენ მნიშვნელოვან ტურნირში მიმიღია მონაწილეობა. ეს იყო უდიდესი პასუხისმგებლობა და ურთულესი გზა, რასაც უკვალოდ არ ჩაუვლია. თითოეულს უდიდესი ფიზიკური და ფსიქოლოგიური დატვირთვა ახლდა და უზარმაზარი ენერგია მიჰქონდა. ამას ახლა უფრო ნათლად ვგრძნობ. ამიტომ გადავწყვიტე, ოლიმპიურ ნაკრებში აღარ ვითამაშო. საჭადრაკო თვალსაზრისით, მართალია, ჯერ კიდევ შემწევს ძალა, მეტოქეებს გავუმკლავდე, მაგრამ უმჯობესია, ხანტ-მანსიისკში ახალგაზრდული შემადგენლობა წავიდეს. ესეც არ იყოს, მუდმივად ხომ ვერ ვიქნები გუნდში!_ ერთხელ ნანა ძაგნიძემ მითხრა, მაია ჩიბურდანიძე როცა ჩვენს გვერდითაა, ძალების მოზღვავებას ვგრძნობთ და არაფრის გვეშინიაო..._ შესაძლოა, ასეც იყოს, მაგრამ დადგა დრო, თვითონ ნანამ იტვირთოს ლიდერის ფუნქციები და თანაგუნდელებმა ახლა მის გვერდით იგრძნონ თავი ყოჩაღად და უშიშრად._ მაშ, გადაწყვეტილებას არ შეცვლით?_ ხანტიმანსიისკში საჭადრაკო ოლიმპიადაზე ნამდვილად ვერ გავემგზავრები. უმჯობესია, ჩემპიონის ტიტულის შენარჩუნება ახალგაზრდებმა იტვირთონ. რაც შემეხება მე, ჭადრაკისთვის თავის დანებებას არ ვაპირებ. სათანადოდ მოვემზადები და ევროპის საკლუბო ჩემპიონატზე გამოვალ, ფიდეს გრან-პრის ბოლო ეტაპში ვითამაშებ..._ მონღოლურ ბატალიებზე რას იტყვით?_ ულანბატორში უძლიერესმა შემადგენლობამ მოიყარა თავი. თავად განსაჯეთ _ საპრიზო ადგილებისთვის ოთხი მსოფლიოს ჩემპიონი და რეიტინგით ქალებში მეორე-მესამე ადგილებზე მყოფი ჰამფი კონერუ და ჰოუ იფანი იბრძოდნენ. თერთმეტი შეხვედრიდან ოთხი მოვიგე და ამდენივე ყაიმით დავამთავრე, ხოლო იმ სამი პარტიიდან ორი არ უნდა წამეგო, მით უმეტეს - ჩინელ ჟაო სიუსთან. ორი ზედმეტი პაიკი მქონდა, გარანტირებული ყაიმით, მაგრამ ერთგან უხეში შეცდომა დავუშვი და დავმარცხდი. უკმაყოფილო მაინც არ ვარ, რადგან ჯერმუკთან შედარებით უკეთ ვითამაშე._ ალბათ, ახლა ჩილესთვის მოემზადებით..._ მანამდე ჯერ ევროპის საკლუბო ჩემპიონატი იქნება, ზოგი სხვა შეჯიბრებაც. გრან-პრის ბოლო ეტაპს, ალბათ, გაისისთვის გადადებენ._ ეს ხომ არ ნიშნავს, რომ ალექსანდრა კოსტენიუკს ჩემპიონობის ხანას უხანგრძლივებენ?_ რა ვიცი, ყველაფერი შეიძლება. რუსეთის ჭადრაკის ფედერაცია ფიდესთან ერთად თავს არ ზოგავს, ტიტული როგორმე შეინარჩუნონ. ამიტომაც კოსტენიუკს ჩემპიონობის ხელახალი ვადით მოსაპოვებლად ხელსაყრელ სისტემას შეუქმნიან._ როგორ ფიქრობთ ქალთა შორის ფიდეს გრაპ-პრის პირველ გათამაშებაში გამარჯვების მეტი შანსი ვის აქვს?_ ფავორიტთა რიგებს, მგონი, მხოლოდ ნანა ძაგნიძე, ჰოუ იფანი და ჰამფი კონერუ შემორჩნენ. ქართველ დიდოსტატს მთავარი პრიზის მოსაპოვებლად ჩილეში მეორე ადგილიც ჰყოფნის. იმედია ნანა ამ შანსს ხელიდან არ გაუშვებს._ და არ არის გამორიცხული, ქუთაისს ჭადრაკში ორი მსოფლიოს ჩემპიონი ჰყავდეს._ ღმერთმა გისმინოთ. ამაზე უკეთესი რა უნდა ვინატროთ. რაც მეტი მსოფლიოს ჩემპიონი გვეყოლება, მით უფრო მდიდრები ვიქნებით._ მსოფლიოს საჭადრაკო ოლიმპიადის დღეებში შინ დარჩენილი მაია ჩიბურდანიძე რას გააკეთებს?_ მთელი გულით ქართველ მოჭადრაკეებთან იქნება და შორიდან უქომაგებს მათ. იმედია, ჩვენი გოგონები ტიტულს შეინარჩუნებენ და გულშემატკივრებს გაახარებენ. ქალებს, ალბათ, არც ვაჟები დარჩებიან ვალში.ყოველდღიური სპორტული გაზეთი "ლელო"

kopala

მადლობა ქალბატონო მაია ყველაფერ იმისთვის რაც თქვენ ქართული ჭადრაკისთვის გააკეთეთ.იმედია ქართველი მოჭადრაკეები გააგრძელებენ თქვენ მიერ გაკვალულ გზას.წარმატებები მათ

"აი, ასე დავამარცხეთ "ბარსელონა" - ჟოზე მოურინიო

[VIDEO] ეს ჟოზე მოურინიოს "რეალია" - "ბლანკოსმა" "ბარსელონა" "კამპ ნოუზე" დაამარცხა

კლოპმა განმარტა, რატომ უგულშემატკივრებს ელ კლასიკოში "ბარსელონას"

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"