კიელინიმ მაროტა აალაპარაკა

"მილანის" გაძლიერებამ კონკურენტები ჩააფიქრა და აალაპარაკა კიდეც. "იუვენტუსის" უკანახაზელმა ჯორჯო კიელინიმ დანანებით აღნიშნა, რომ... "მილანის" გაძლიერებამ კონკურენტები ჩააფიქრა და აალაპარაკა კიდეც. "იუვენტუსის" უკანახაზელმა ჯორჯო კიელინიმ დანანებით აღნიშნა, რომ მისმა გუნდმა სატრანსფერო კამპანია ისე აქტიურად ვერ წარმართა, როგორც იმავე "როსონერიმ". მოვუსმინოთ ჯორჯოს:"რამდენიმე ახალგაზრდა და ნიჭიერი ფეხბურთელი გადავიბირეთ, მაგრამ არ ვარ დარწმუნებული, რომ ეს საკმარისი იქნება წარმატების მისაღწევად და მწვერვალების დასაპყრობად.როგორც ხედავთ, "მილანმა" ძალიან იაქტიურა სატრანსფერო ბაზარზე და არაერთი მაღალი დონის ფეხბურთელი გადაიბირა. მართალია, ჯერ დასკვნების გამოტანა ძალიან ადრეა, მაგრამ თუ პირველი ტურით ვიმსჯელებთ, ლომბარდიელები სკუდეტოს მოპოვების მთავარი პრეტენდენტები არიან. განსაკუთრებულად მრისხანედ მათი შეტევის ხაზი გამოიყურება და ამაში დასარწმუნებლად გვარებიის ჩამოთვლაა საჭირო - როდესაც რონალდინიო, ალეშანდრე პატუ და ზლატან იბრაჰიმოვიჩი გიტევენ, ძნელია დაცვაში უშეცდომოთ ითამაშო. ერთი სიტყვით, კარგი იქნებოდა ამ კალიბრის ფეხბურთელები ჩვენც რომ გადაგვებირებინა, მაგრამ რას ვიზამთ, არსებული რესურსის ბოლომდე გამოყენებას უნდა ვეცადოთ".კიელინის ამ განცხადებას "იუვენტუსის" მთავარი მწვრთნელი, ლუიჯი დელ ნერი გამოეხმაურა და შემდეგი კომენტარი გააკეთა: "ჯორჯო მართალია, "მილანი" საგრძნობლად გაძლიერდა და პირველობის მთავარი ფავორიტია, მაგრამ ჩვენ ნამდვილად ხელგვაწეიფება მათთვის კონკურენციის გაწევა. მთავარი არა ფეხბურთელთა გვარები, არამედ გუნდური მექანიზმი და ერთსულოვნებაა. ამ მხრივ, ჩვენთან იდეალური მდგომარეობაა და პროგრესიც არ დაახანებს, ამაში მალევე დარწმუნდებით".კიელინის განცხადებამ ისეთი განწყობა შექმნა, თითქოსდა "იუვემ" სატრანსფერო კამპანია მთლიანად ჩააგდო. სწორედ ამიტომ იყო, რომ პრესასთან გასაუბრება და მდგომარეობის გამოსწორება თვით ჯუზეპე მაროტამ მოისურვა, კლუბის სპორტულმა დირექტორმა:"ჩემი აზრით, სატრანსფერო პერიოდი ძალიან ნაყოფიერად გამოვიყენეთ და ყველა ის ამოცანა შევასრულეთ, რომელიც დასახული გვქონდა. ასეთი კი სამი იყო: გუნდის გაახალგაზრდავება, სახელფასო ფონდის შემცირება და საჭირო რგოლების გაძლიერება. პირველი ორი ერთმანეთთან გადაჯაჭვული იყო და ვეტერანი ფეხბურთელების გაშვებით, სახელფასო ფონდიც მნიშვნელოვნად შევამცირეთ. ამასთან, გუნდი გაახალგაზრდავდა და საჭირო რგოლებიც გავაძლიერეთ. ასე რომ, ყველა მისია შესრულებულია".შეგახსენებთ, რომ "იუვემ" მართლაც გაუშვა რამდენიმე მაღალანაზღაურებადი ფეხბურთელი: დიეგო, ფაბიო კანავარო, მაურო კამორანეზი და დავიდ ტრეზეგე. სამაგიეროდ, ახალგაზრდა ფეხბურთელებით გაძლიერდა: ხორხე მარტინესით, მილოშ კრასიჩით, დავიდე ლანცაფამეთი და ლეონარდო ბონუჩით - თუმცა, გაძლიერდა თუ არა, ეს უფრო სეზონის მსვლელობისას გამოჩნდება.

"იუვენტუსს" ახალი მეკარე სჭირდება - გრაბარამ სერიოზული ტრავმა მიიღო

იკარდი შესაძლოა, სერია A-ს დაუბრუნდეს

უკრაინელებს საქართველოსთან მატჩში შესაძლოა, მუდრიკთან ერთად დოვბიკიც ვერ დაეხმაროს

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

ზესტაფონის მარგვეთმა გორში ივერიონს მოუგო

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?

[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია

უნგრეთთან მატჩში საქართველოს ნაკრების შემადგენლობა ცნობილია

რაფინია მძიმე ტრავმას გადაურჩა

ოლმოს ხორვატიაში დაბრუნება სურს