- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ძიუდოში სრულ გუნდს ვაყალიბებთ
<p>პარიზის "დიდი მუზარადის" ძიუდოს საერთაშორისო ფედერაციამ ახალი საერთაშორისო რეიტინგი გამოაქვეყნა <br> პარიზის "დიდი მუზარადის" ძიუდოს საერთაშორისო ფედერაციამ ახალი საერთაშორისო რეიტინგი გამოაქვეყნა. თბილისის მსოფლიოს თასის შემდეგ ჩვენი ვაჟთა ნაკრების მეექვსე წევრი - ნუგზარ ტატალაშვილიც (73) შევიდა სალიცენზიო 22-კაციან ზონაში.</p><p>რაოდენ უცნაურიც უნდა იყოს, თბილისურ-პარიზული წაგებების მიუხედავად, სადღეისოდ შალვა ქარდავაც (66) იღებს საგზურს, ოღონდ - ევროპულ კვოტით. თანაც იმ ფონზე, რომ მას ორი წლის წინათ მოპოვებული ქულები გაუნულდა და საერთო მარაგიც 200-დან 164-მდე შეუმცირდა. საბედნიეროდ, დრო და გარემოებები ჩვენ გვწყალობს.</p><p>მოგეხსენებათ, რეგიონული კვოტით ევროპას ყოველ წონაში 2-2 საგზური ეძლევა, თუმცა ცალკეულ ქვეყანას ამ გზით მხოლოდ ერთი. ანუ ერთი ქვეყნიდან ორი ან მეტი წარმომადგენელი რომც მოხვდეს ამ სიაში, ის ფედერაცია მაინც ერთ ლიცენზიას მიიღებს. თანაც, საერთაშორისო ფედერაცია ქალსა და ვაჟს არ არჩევს - რომელსაც უფრო მეტი ქულა ექნება, საგზურსაც ის მიიღებს, "ძუ იყოს, თუნდა ხვადია". ქარდავასაც ეს შველის! ის საერთაშორისო რეიტინგში 47-ე ადგილზეა, ოლიმპიურ რეიტინგში კი - 27-ე, თუმცა წინმდგომთაგან ევროპული ქვეყანა მხოლოდ ორია - ლატვია და ჰოლანდია ასეთივე თანმიმდევრობით.</p><p>ლატვიელი დენის კოზლოვსი ულაპარაკოდ იღებს საგზურს, რადგან ულიცენზიო თანაგუნდელთაგან საუკეთესო შედეგი აქვს - 242 ქულა. რეიტინგში ჩვენებურს ჰოლანდიელი იესპერ დე იონგიც გვარიანად უსწრებს, მაგრამ საქმე ისაა, რომ ჰოლანდია სხვაგან იღებს ლიცენზიას - ქალთა შორის 48 კილოგრამში, სადაც 380-ქულიანი ბირგიტ ენტე მნიშვნელოვნად უსწრებს 224-ქულიან დე იონგს.</p><p>ამდენად, დე იონგი 66-ში ვარდება ევროპული კვოტიდან და მის ნაცვლად მეორე ადგილზე ქარდავა გადადის. ჩვენებურის წისქვილზე წყალი იმანაც დაასხა, რომ თბილისში ებრაელი გოლან პოლაცკი მესამეზე გავიდა - აქ აღებული ქულებით 22-ში შეაღწია. გაგვიმართლა იმაშიც, რომ მან იქიდან არა რომელიმე ევროპელი, არამედ ეგვიპტელი აჰმედ ავადი გამოდევნა. ამით გულნაკლული არც "ფარაონი" დარჩება - ის აფრიკის კვოტით მაინც იღებს საგზურს.</p><p>სალიცენზიო თვალსაზრისით ჩვენთვის უაღრესად საინტერესო იქნება ამ უქმეებზე გასამართი ავსტრიული მსოფლიოს თასი, სადაც ქარდავაც იჭიდავებს და თბილისური ტურნირის მომგები ლაშა შავდათუაშვილიც. წარმატების შემთხვევაში ქარდავა პოზიციას კიდევ უფრო გაიმყარებს, შავდათუაშვილი კი რეალურად ჩადგება საგზურისთვის მებრძოლთა რიგებში. ჯერჯერობით მის ანგარიშზე 124 ქულაა და თუნდაც მესამეზე გასვლით ქარდავას ამჟამინდელ ნიშნულს გაუთანაბრდება.</p><p>ამდენად, ამ წუთისთვის ჩვენს ნაკრებს შვიდივე ლიცენზია აქვს და ოლიმპიადაზე სრული გუნდით წასვლა შეუძლია, თუმცა რამდენად მყარია ეს პოზიცია, სხვა საკითხია. ამ ეტაპზე ვერც იმას იტყვის ვინმე, ამ განლაგებაში რას შეცვლის დარჩენილი ოთხი სალიცენზიო ტურნირი, ჩვენ კი შეგახსენებთ, რომ რეგიონული კვოტა, პრაქტიკულად, სახელობითია - თამაშებში მონაწილეობას ის მიიღებს, ვინც საგზურს მოიპოვებს. აი, 22 კაცში ერთი ქვეყნიდან რამდენიმე მონაწილე თუ მოხვდება, მაშინ ოლიმპიადაზე წამსვლელს ეროვნული ფედერაცია ასახელებს, რეგიონულ კვოტებში კი ეს საკითხი მკაცრადაა განსაზღვრული.</p><p>დანარჩენი წონებიდან სხვებზე უფრო სათუო პოზიცია ისევ 73-ში გვაქვს, სადაც ქულათა განულება-განახევრების, უფრო კი პარიზში თურქი სეზერ ჰიუზუსის გამოსვლის შემდეგ ტატალაშვილმა სალიცენზიო რეიტინგში ერთი ადგილით უკან დაიხია და ახლა 21-ეა 344 ქულით. ავსტრიაში წარმატება მასაც ჰაერივით სჭირდება, თუმცა დამატებითი გარემოებები ჯერჯერობით მის მხარესაა - ევროპელ მდევართაგან რუმინეთი და ესტონეთი რეგიონული კვოტით იღებენ საგზურს, ავსტრია და შვეიცარია კი - სხვა წონებში და სადღეისოდ ტატალაშვილის კონკურენტები ვერ არიან, ცხადია, დანარჩენი მდევრები კიდევ უფრო ჩამორჩებიან, თუმცა ამან ჩვენებურს გულდამშვიდების საშუალება არ უნდა მისცეს.</p><p>მძიმე წონაში 22-კაციან სიაში მხოლოდ ზვიად ხანჯალიაშვილია - 360 ქულა და 17-ე ადგილი, თუმცა თბილისის ტურნირის მომგები ადამ ოქრუაშვილი 296-ით 23-ეა. ორივე ფალავანი ავსტრიაში იჭიდავებს და ვნახოთ, რა გაირკვევა იქ სალიცენზიო დავაში. იმის მიუხედავად, რომ ამ წონაში რეიტინგის მეორე ნახევარში ვართ, ულიცენზიოდ დარჩენა მაინც არ გვემუქრება, რადგან გაორებებისა თუ სხვა წონებში აღებული საგზურების გამო ევროპულ კვოტაში პირველ ნომრად საერთაშორისო რეიტინგში 56-ე საფეხურზე მყოფი ისლანდიელი ტორმოდურ იონსონი რჩება! მეორე კვოტას კიდევ უფრო დაბლა მყოფი ისრაელი იღებს.</p><p>თბილისში გამარჯვებისა და პარიზში მოპოვებული 36 ქულის შემდეგ ავთანდილ ჭრიკიშვილის (81) მონაგარი 416 ქულამდე გაიზარდა და სალიცენზიო რეიტინგში XVIII ადგილზე დამკვიდრდა. ძნელი წარმოსადგენია, მან 22-ში ადგილი დაკარგოს, თუმცა ევროპელ მდევართაგან დიდი საფრთხე არც ამ შემთხვევაში ემუქრება - ჯერჯერობით რეგიონული კვოტით ლიცენზიებს უნგრელი ლასლო ჩოკნიაი (290 ქულა) და თურქი აჰმეტ სარი (207) იღებენ, ოღონდ ისინი, როგორც ხედავთ, ბევრად ჩამორჩებიან ჩვენებურს. თურქს პორტუგალიელი დიოგო ლიმა კი უსწრებს, მაგრამ პორტუგალია ქალებში იღებს საგზურს.</p><p>დანარჩენ წონებში მყარი, მოწინავე პოზიციები გვაქვს და იქ მთავარი საზრუნავი საუკეთესო ოქტეტში დამკვიდრება და ოლიმპიადაზე განთესილთა შორის მოხვედრაა. ამ მხრივ საუკეთესო მდგომარეობაში ამირან პაპინაშვილია (60), რომელიც 810 ქულით მეხუთე ადგილზეა. ამავე წონაში ბეთქილ შუკვანის მონაგარი 408 ქულა და XVI პოზიციაა. 746-იანი ვალერი ლიპარტელიანი (90) საერთაშორისო რეიტინგში XII-ეა, ოლიმპიურში - VIII, თუმცა იქ მხოლოდ 4 ქულით უსწრებს შვედ მარკუს ნიმანს, დანარჩენები კი ამათ ბევრად ჩამორჩებიან.</p><p>60-ის გარდა, 22-კაციან სიაში ორი მონაწილე გვყავს 100-შიც, ოღონდ ადრე თუ ლომერ ჟორჟოლიანი და ირაკლი ცირეკიძე კარგა ხანს თანმიმდევრობით მიჰყვებოდნენ ერთმანეთს XII-XIII პოზიციებზე, ახლა მათ შორის მონღოლი ტამუულენ ბატულგა ჩადგა პარიზში მოპოვებული მესამე ადგილითა და ამისთვის მიღებული 120 ქულით. აქ ჩვენებურები XIII ადგილს ინაწილებენ. ქულების განახევრება-განულების შემდეგ მათმა მონაგარმა ცოტათი დაიკლო - ამჟამად ჟორჟოლიანის მონაგარი 644 ქულაა, მსოფლიოსა და ოლიმპიურ ჩემპიონ ცირეკიძისა კი, რომელიც ნეკნის ტრავმის გამო ისედაც ვერ ჭიდაობს, 538.</p><p>დასასრულს გეტყვით, რომ ამ წუთისთვის საოლიმპიადოდ სრული გუნდები იაპონიას, კორეას, ბრაზილიას, საფრანგეთს, რუსეთს, უკრაინას, ყაზახეთს, უზბეკეთს და ჩვენ გვყავს. ცხადია, ბრიტანელებსაც, როგორც მასპინძლებს. ჩამოთვლილთაგან ჩვენ, უკრაინა და უზბეკეთი თითო საგზურს რეგიონული კვოტით ვიღებთ, სხვებმა კი შვიდივე ლიცენზია 22-ში შესვლით მოიპოვეს.</p><p><strong>ყოველდღიური სპორტული გაზეთი "ლელო"</strong></p>
"ბევრმა არ იცის, რა მდგომარეობაში იყო შეჯიბრებამდე" - ლიპარტელიანმა სომხიშვილზე ისაუბრა
[VIDEO] საქართველოს ძიუდოისტთა ნაკრებმა მსოფლიო ჩემპიონატზე ბრინჯაოს მედალი მოიპოვა
[VIDEO] ბექაურის გმირობა და ოქროს გდება - საქართველოს ნაკრები ბრინჯაოს მედლისთვის იბრძოლებს
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში
[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...