<p>ანკარაში, იაშარ დოგუს ხსოვნის საერთაშორისო ტურნირში ქართველებმა ძალზე სუსტად იასპარეზეს <br> ჩვენი თავისუფალი სტილით მოჭიდავეები ძალზე სუსტად გამოვიდნენ ანკარაში დამთავრებულ იაშარ დოგუს ხსოვნის საერთაშორისო ტურნირში.</p><p>ანკარაში 11-მა ქართველმა იჭიდავა, თუმცა მედალი ვერავინ მოიპოვა. ჯილდოსთვის მხოლოდ <strong>ტრისტან ჩირგაძემ</strong> (55) იჭიდავა, რომელმაც დამამშვიდებლის ფინალში ასპარეზობის უფლება მოიპოვა, მაგრამ დამარცხდა და მესამე ადგილზე დარჩა.</p><p>დანარჩენებიდან ყველაზე უკეთ ევროპისა და მსოფლიოს მედალოსან <strong>დავით მარსაგიშვილის</strong> უმცროსი ძმა <strong>გიორგი მარსაგიშვილი</strong> (74) გამოვიდა. ის ძირითად ბადეში მომავალ ჩემპიონთან, კანადელ მეთიუ ჯენტრისთან დამარცხდა, მერე კი სანუგეშოში გადავიდა, სადაც დამამშვიდებლის ნახევარფინალამდე მივიდა, იქ კი წააგო და მეშვიდეზე დარჩა.</p><p>სამწუხაროდ, <strong>გიორგი ბალიაშვილი, ბექა ლომთაძე, მურთაზ კვესაძე</strong> (სამივე - 60), <strong>გიორგი ცუცქირიძე, შალვა მუზიაშვილი</strong> (ორივე - 66), <strong>მარადი ზოიძე</strong> (84), <strong>დავით ქერაშვილი, მამუკა კორძაია</strong> (ორივე - 96) და <strong>ლევან სეთურიძე</strong> (120) უსახელოდ გავარდნენ.</p><p>მართალია, ეს ჩვენი მეორე ნაკრებია და არა ეროვნული, თუმცა მათი ასეთი სუსტი გამოსვლაც ძალზე ცუდია, როგორც დასტური იმისა, თუ რაოდენ მწვავედ დგას რეზერვის საკითხი მთავარი გუნდის წინაშე. არადა, თურქეთში რამდენიმე ნიჭიერი სპორტსმენიც გამოდიოდა, რომლებსაც ახალგაზრდებშიც გვარიანი წარმატებებისთვის მიუღწევიათ და უფროსებშიც დიდ იმედებს ვამყარებთ.</p><p>გვესმის, რომ ძლიერი ტურნირი იყო, მაგრამ ასეთ წარუმატებლობას მაინც ვერ გავამართლებთ. შეჯიბრების სიძლიერეზე ისიც მიუთითებს, რომ 96-ის ფინალში ერთმანეთს აზერბაიჯანელი მსოფლიოს ჩემპიონები, შარიფ შარიფოვი და ხეტაგ გოზიუმოვი შეხვდნენ. შარიფოვი აქამდე 84-ში ჭიდაობდა, ახლა კი 96-ში მოგვევლინა. თუმცა ევროპის ჩემპიონი, ოლიმპიური პრიზიორი გოზიუმოვი მოწოდების სიმაღლეზე დადგა და შარშანდელი წლის საუკეთესო "თავისუფალ" მოჭიდავედ დასახელებულ შარიფოვს დამაჯერებლად მოუგო.</p><p>ჩვენი ეროვნული ნაკრები 14 თებერვალს კიევში გაფრინდება, სადაც 15-16 თებერვალს დიდი საერთაშორისო ტურნირი იმართება. წინასწარი მონაცემებით, მასში 20-მდე გუნდი იასპარეზებს. ჩვენი ნაკრები იქ ასეთი შემადგენლობით გამოვა: <strong>ვლადიმერ ხინჩეგაშვილი, ბესარიონ გუჩაშვილი</strong> (ორივე - 55), <strong>მიხეილ ზარქუა</strong> (60), <strong>ზურაბ იაკობაშვილი</strong> (66), <strong>დავით ხუციშვილი</strong> (74), <strong>დავით მარსაგიშვილი</strong> (84), <strong>ელიზბარ ოდიკაძე</strong> (96), <strong>დავით მოძმანაშვილი</strong> (120).</p><p>სამწუხაროდ, ტრავმის გამო კიევში ვერ იჭიდავებს მსოფლიოს, ევროპისა და ოლიმპიადის მედალოსანი <strong>ოთარ თუშიშვილი</strong> (66), ევროპისა და მსოფლიოს ჩემპიონი, ოლიმპიური მედალოსანი <strong>გიორგი გოგშელიძე</strong> (96) კი მწვრთნელებმა დაასვენეს.</p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან