ნანა ძაგნიძემ სიჩქარეს უმატა

თბილისში მიმდინარე "ვარსკვლავთა ტურნირში" მე-8 ტურის შემდეგ ჩვენეური ლიდერებს ნახევარ-ნახევარი ქულით ჩამორჩება სასტუმრო "შერატონ მეტეხი პალასში" გრძელდება პროფესიონალ მოჭადრაკეთა ასოციაციის თასის გათამაშება ქალთა შორის სწრაფ ჭადრაკში (თითოეული პარტიისთვის 20 წუთს+ 5 წამი) 12 დიდოსტატის მონაწილეობით.გუშინ სამი ტურის პარტიები გათამაშდა. განსაკუთრებით ნანა ძაგნიძემ იყოჩაღა, რომელმაც სუპერტურნირის სტარტზე მაინცდამიანც თავი ვერ გამოიჩინა.მე-6 ტურში ნანამ მსოფლიოს და ევროპის ჩემპიონი ანტოანეტა სტეფანოვა (ბულგარეთი) დაამარცხა, მერე კონტინენტის მოქმედ ჩემპიონს ვიქტორია ჩმილიტეს (ლიტვა) დააყრევინა ფარ-ხმალი, მერვე ტურში კი თავისი კერპი - ხუთგზის მსოფლიოს ჩემპიონი და მსოფლიო საჭადრაკო ოლიმპიადების ცხრაგზის გამარჯვებული მაია ჩიბურდანიძეც არ დაინდო - 32-ე სვლაზე გააჩერებინა საათი.ძაგნიძეს 8 ტურის შემდეგ 5,5 ქულა აქვს და ლიდერებს, ევროპის ორ-ორგზის ჩემპიონებს - კატერინა ლაგნოს (უკრაინა) და პია კრამლინგს (შვედეთი) მხოლოდ ნახევარ-ნახევარი ქულით ჩამორჩება.რაც შეეხება ჩიბურდანიძეს, გუშინდელი დღე მისთვის უიღბლო გამოდგა - ერთი ყაიმი (ალექსანდრა კოსტენიუკთან, რომელიც აუცილებლად უნდა მოეგო, მაგრამ ეტლების ენდშპილში აშკარა გამარჯვების შანსი ხელიდან გაუშვა) და ორი მარცხი (სტეფანოვასთან და ძაგნიძესთან). ჯერჯერობით 4 ქულით მას მე-7 ადგილი უკავია.გაუწყებთ გუშინ გამართული შეხვედრების შედეგებს:VI ტური: ნანა ძაგნიძე - ანტოანეტა სტეფანოვა (ბულგარეთი) 1:0, მაია ჩიბურდანიძე - ალექსანდრა კოსტენიუკი (რუსეთი) 0,5:0,5, ანა ზატონსკიხი (აშშ) - პია კრამლინგი (შვედეთი) 0,5:0,5, ნადეჟდა კოსინცევა (რუსეთი) - ტატიანა კოსინცევა (რუსეთი) 0,5:0,5, ანა მუზიჩუკი (სლოვენია) - კატერინა ლაგნო (უკრაინა) 0,5:0,5, ზეინაბ მამედიაროვა (აზერბაიჯანი) - ვიქტორია ჩმილიტე (ლიტვა) 0:1.VII ტური: ჩმილიტე - ძაგნიძე 0:1, ლაგნო - მამედიაროვა 1:0, ტ. კოსინცევა - მუზიჩუკი 1:0, კრამლინგი - ნ. კოსინცევა 0,5:0,5, კოსტენიუკი - ზატონსკიხი 0:1, სტეფანოვა - ჩიბურდანიძე 1:0.VIII ტური: ძაგნიძე - ჩიბურდანიძე 1:0, ზატონსკიხი - სტეფანოვა 0:1, ნ. კოსინცევა - კოსტენიუკი 0:1, მუზიჩუკი - კრამლინგი 0:1, მამედიაროვა - ტ. კოსინცევა 0:1, ჩმილიტე - ლაგნო 0,5:0,5.რვა ტურის შემდეგ: ლაგნო, კრამლინგი - 6-6, ძაგნიძე - 5,5, მუზიჩუკი - 5, ნ. კოსინცევა, ტ. კოსინცევა, მ. ჩიბურდანიძე - 4-4, კოსტენიუკი, სტეფანოვა, ზატონსკიხი - 3,5-3,5, ჩმილიტე - 3, მამედიაროვა - 0 ქულა.დღეს "ვარსკვლავთა ტურნირის" ბოლო სამი ტური გაიმართება.ყოველდღიური სპორტული გაზეთი "ლელო"

რაფინია მძიმე ტრავმას გადაურჩა

ოლმოს ხორვატიაში დაბრუნება სურს

ფელიქსს "ბარსელონაში" დაბრუნება სურს

შენგელია დუბაის სასტარტოში ადრიატიკის ლიგაში გამოჩნდა | 11 ქულა და მოგება

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში