<p>საკმარისია, კატალონიელთა კიდევ ერთი წაფორხილება და "ბარსას" საჩემპიონო შანსებზე წერას შევწყვეტთ <br> 15 ტურიც და ლა ლიგის მორიგი სეზონი დასრულდება. "ბარსელონას" სტრატეგიული ამოცანა ასეთია: ამ 15 ტურში "რეალთან" 10-ქულიანი ჩამორჩენა უნდა აღმოფხვრას, რომ ტიტული შეინარჩუნოს. ხოსეპ გვარდიოლას რჩება ერთი კოზირი, "ელ კლასიკო" საკუთარ მოედანზე, მაგრამ ეს ცოტაა.</p><p>მოკლედ, ამოცანა ურთულესია. მეორე მხრივ, საკმარისია, კატალონიელთა კიდევ ერთი წაფორხილება და "ბარსას" საჩემპიონო შანსებზე წერას შევწყვეტთ. არადა, პეპის გუნდი მადრიდში ჩადის, დიეგო სიმეონეს "ატლეტიკოსთან" სათამაშოდ.</p><p>ლა ლიგის 24-ე ტურის ყველაზე საინტერესო მატჩები კვირასაა, "ვისენტე კალდერონის" მატჩი ტურს ასრულებს, მანამდე კი "მესტალიაზე" "ვალენსია" და "სევილია" შეიბმებიან სამკვდრო-სასიცოცხლოდ. ხვალვე, ცოტა ადრე ჟოზე მოურინიოს "სამეფო კლუბი" მადრიდის გარეუბანში "რაიო ვალეკანოს" ესტუმრება.</p><p>მოკლედ, ქრონოლოგიურად უკუღმა მივყვებით - კვირას, ნაადრევად "ელ მადრიგალზე" "ვილიარეალისა" და "ბილბაოს" საინტერესო დაპირისპირება გველის.</p><p>25 თებერვლის შეხვედრებიდან კი ყველაზე საინტერესოდ ბარსელონური მატჩი მივიჩნიეთ "ესპანიოლსა" და "ლევანტეს" შორის.</p><p><strong>კალდერონზე უხვგოლიანობა გარანტირებულია? </strong></p><p><em>I წრე: ბარსელონა-ატლეტიკო 5:0</em></p><p>ტურის შეხვედრის ადგილი "ვისენტე კალდერონია", "ატლეტიკოს" 55-ათასიანი და 5-ვარსკვლავიანი სტადიონი. სკოლაში გვასწავლიდნენ, რომ ისტორიის სწავლება მით უფრო საჭიროა, რომ დღევანდელობა და მომავალი უკეთ განჭვრიტოთ.</p><p>თუ ეს ნამდვილად ასეა, მაშინ "ატლეტიკოსა" და "ბარსელონას" დაპირისპირებაში" ველოდოთ გოლთა წვიმას. ბოლო შვიდ დაპირისპირებაში უკვე პირველ ტაიმებში გადიოდა 2 და მეტი გოლი. ბოლო 20 წლის განმავლობაში ამ გუნდებს შორის დაპირისპირებებში 4-ზე მეტი გოლი გადის საშუალოდ.</p><p>"ბარსელონა" დღეს კიდევ ერთხელ ივარჯიშებს, ოღონდ გაცილებით ნაკლები დატვირთვით, გუშინ კი ხოსეპ გვარდიოლამ ძირითადი გუნდის ყველა ფეხბურთელი შეკრიბა, რომელთაც კრისტიან ტელიო დაამატა. იბრაჰიმ აფელაი და დავიდ ვილია ცალკე, ინდივიდუალურად ვარჯიშობენ. სხვათა შორის, "სიუტატ ესპორტივაზე" პეპმა ვარჯიში დახურულად გამოაცხადა. მწვრთნელი თამაშისწინა პრესკონფერენციას დღეს გამართავს.</p><p>კვირას ხოსეპ გვარდიოლა და დიეგო სიმეონე ერთმანეთს პირველად დაუპირისპირდებიან, როგორც მწვრთნელები.</p><p>თავის მხრივ, "ატლეტიკომაც" დაიწყო მზადება "ბარსელონასთან" მატჩისთვის. ზოგადად პირიქით ხდება ხოლმე, ახლა კი უფრო დასვენებული "ბარსაა" და არა მისი მეტოქე, მადრიდელებს ხომ ხუთშაბათს რომის "ლაციოსთან" საპასუხო მატჩი ჰქონდათ ევროპალიგის პლეი ოფის I ეტაპზე.</p><p>არგენტინელმა ორ სესიად ავარჯიშა "ატლეტიკო". თურქი არდა თურანი, არგენტინელი სალვიო და ადრიან ლოპესი სხვადასხვა მიზეზების გამო, ვარჯიშებში მონაწილეობას ვერ იღებდნენ. ადრიანს კუნთები აქვს დაჭიმული, თურქს - წელი გადაღლილი, ხოლო არგენტინელმა ტრავმა "ლაციოსთან" მატჩში მიიღო. იუწყებიან, რომ არც ერთი მათგანის ტრავმა სერიოზული არ არის. დიეგო სიმეონე აცხადებს, რომ გული უგრძნობს, "ვისენტე კალდერონზე" შესანიშნავი მატჩი გაიმართება.</p><p><strong>ბენზემას და დი მარიას გარეშე</strong></p><p><em>I წრე: რეალი-რაიო ვალეკანო 6:2</em></p><p>"რეალი", რომელსაც ლა ლიგაში ყველაზე ცოტა გოლი აქვს გაშვებული სტუმრად, "რაიო ვალეკანოს" ეწვევა. ბუნებრივია, ეს ის მადრიდული დერბი არ არის, რომელსაც ასე მოუთმენლად ელიან ხოლმე ესპანეთში, მაგრამ თამაში მაინც საინტერესო უნდა გამოდგეს, "ელვები" ყოჩაღობენ და მე-8 ადგილზე არიან. ერთი ესაა, მათ "რეალის" ქულების ნახევარი აქვთ მოგროვილი.</p><p>24 თებერვალს ჟოზე მოურინიომ 24 ფეხბურთელი ავარჯიშა. 7-8 ფეხბურთელი, რომელიც უეჭელად სასტარტოში ითამაშებს, მსუბუქი ვარჯიშებით შემოიფარგლა.</p><p>ჟოზეს არ ეყოლება ანხელ დი მარია და ქარიმ ბენზემა, არც ლასანა დიარა იქნება. ტრავმირებულია, ალთინთოპიც. ნური შაჰინი ტრადიციულად ვერ მოხვდება განაცხადში.</p><p><strong><span style="color: #ff0000;">ესპანეთი. ლა ლიგა. XXIV ტური</span></strong></p><p><em>დღეს</em></p><p><em><strong>ბეტისი-ხეტაფე 21:00</strong></em></p><p>დისკვალიფიკაცია: სევილია (მალაგა)</p><p>ტრავმა: ამაია, ვადილიო - ლოპესი, ვალერა, უსტარი, პედრო ლეონი (?), ლოპო, მასილელა</p><p><em><strong>რასინგი-სპორტინგი 21:00</strong></em></p><p>დისკვალიფიკაცია: გონსალესი - კასტრო</p><p>ტრავმა: კოლსა (?) - ლორა</p><p><em><strong>მალაგა-სარაგოსა 23:00</strong></em></p><p>დისკვალიფიკაცია: ლანძარო (სარ)</p><p>ტრავმა: რუბენი (?), გამესი, ბაპტიშტა - აპონიო, არანდა, ტომასი</p><p><em><strong>ესპანიოლი-ლევანტე 01:00</strong></em></p><p>დისკვალიფიკაცია: ტიევი, რომარიკი - დელ ორნო</p><p>ტრავმა: სანჩესი, პანდიანი, ალვარესი, გარსია, მატიონი, ალბინი, მარკესი - ხუანლუ</p><p><em>ხვალ</em></p><p><em><strong>ვილიარეალი-ბილბაო 15:00</strong></em></p><p>დისკვალიფიკაცია: დე მარკოსი, მუნიაინი (ბილბ)</p><p>ტრავმა: კატალა, როსი, ვაკასო, ნილმარი (?) - კასტილიო, გურპეგი, ოსიო</p><p><em><strong>ვალეკანო-რეალი 19:00</strong></em></p><p>ტრავმა: ხიმენესი (?) - დიარა (?), დი მარია, ალთინტოპი, ბენზემა</p><p><em><strong>ოსასუნა-გრანადა 21:00</strong></em></p><p>დისკვალიფიკაცია: სიკეირა (გრან)</p><p>ტრავმა: მასუდი - იებდა</p><p><em><strong>სოსიედადი-მალიორკა 21:00</strong></em></p><p>დისკვალიფიკაცია: ილარამენდი (სოს)</p><p>ტრავმა: იფრანი - სენდროსი</p><p><em><strong>ვალენსია-სევილია 21:00</strong></em></p><p>ტრავმა: მიგელი, კანალესი, ბანეგა - მედელი (?), პეროტი</p><p><em><strong>ატლეტიკო-ბარსელონა 00:30</strong></em></p><p>ტრავმა: ტიაგო (?), ლოპესი (?), დიეგო, ადრიან ლოპესი (?), არდა თურანი (?) - აფელაი, ფონტასი, ვილია</p><p><span style="color: #ff0000;"><strong>სატურნირო ცხრილი</strong></span></p><p>თ მ ფ წ ბ ქ</p><p>1. რეალი 23 20 1 2 79-21 61</p><p>2. ბარსელონა 23 15 6 2 68-17 51</p><p>3. ვალენსია 23 11 7 5 36-27 40</p><p>4. ბილბაო 23 8 9 6 37-30 33</p><p>5. ესპანიოლი 23 9 6 8 26-27 33</p><p>6. ატლეტიკო 23 8 8 7 32-28 32</p><p>7. ლევანტე 23 9 5 9 32-34 32</p><p>8. ვალეკანო 23 9 4 10 32-35 31</p><p>9. მალაგა 23 9 4 10 28-35 31</p><p>10. ოსასუნა 23 7 10 6 26-37 31</p><p>11. სევილია 23 7 8 8 24-26 29</p><p>12. ბეტისი 23 9 2 12 27-31 29</p><p>13. მალიორკა 23 7 7 9 23-28 28</p><p>14. ხეტაფე 23 7 7 9 23-30 28</p><p>15. გრანადა 23 8 4 11 21-32 28</p><p>16. სოსიედადი 23 7 6 10 26-34 27</p><p>17. ვილიარეალი 23 6 8 9 23-34 26</p><p>18. რასინგი 23 4 11 8 18-30 23</p><p>19. სპორტინგი 23 5 5 13 21-44 20</p><p>20. სარაგოსა 23 3 6 14 18-40 15</p><p><strong>ბომბარდირები</strong></p><p>28 - კრიშტიანო რონალდო (რეალი); 27 - ლიონელ მესი (ბარსელონა); 14 - რადამელ ფალკაო (ატლეტიკო), გონსალო იგუაინი (რეალი); 13 - ქარიმ ბენზემა (რეალი); 12 - რობერტო სოლდადო (ვალენსია); 11 - ფერნანდო ლორენტე (ბილბაო), მიჩუ (რაიო ვალეკანო); 9 - სესკ ფაბრეგასი (ბარსელონა).</p><p><strong>ყოველდღიური სპორტული გაზეთი "ლელო"</strong></p>
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია