<p>გთავაზობთ ინტერვიუს "არსენალის" ფინანსურ დირექტორ ივან გაზიდისთან, ვინც კლუბის ფინანსურ მდგომარეობას გაგვაცნობს <br> ბოლო ხანს ინგლისურ პრესაში ბევრჯერ დაიწერა, რომ თურმე წარუმატებელი სეზონის გამო "არსენალი" მომდევნო სატრანსფერო ბაზარზე 100 მილიონი ფუნტის დახარჯვას აპირებდა.</p><p>ახსენეს კონკრეტული გვარები ლუკას პოდოლსკი და მარიო გიოტცე, ვის შესაძენადაც თურმე ლონდონელებს 55 მილიონი აქვთ გამზადებული. რამდენად რეალურია ეს ყოველივე? პასუხის გასაცემად გთავაზობთ ინტერვიუს "არსენალის" ფინანსურ დირექტორ ივან გაზიდისთან, ვინც კლუბის ფინანსურ მდგომარეობას გაგვაცნობს.</p><p><strong>- ივან, როგორ შეაფასებდით კლუბის ფინანსურ მდგომარეობას?</p><p></strong>- უნდა ვაღიარო, რომ მთლიანად კლუბის, გულშემატკივრების, დირექტორატისა თუ მისი რიგითი თანამშრომლებისთვის ძალიან მნიშვნელოვანია "არსენალის" შესახებ ამგვარი ინფორმაციის მოსმენა. ამიტომ ჩვენ ფინანსურ ანგარიშს წელიწადში ორჯერ ვაქვეყნებთ. სწორედ ფინანსებია ის, რაც საერთო წარმატების წინაპირობას ქმნის. აღნიშნული კუთხით ამ ეტაპზე კარგად გამოვიყურებით. ყველანაირი მოგება კლუბში რეინვესტირდება.</p><p><strong></p><p>- რა თანხებზე მიუწვდება ხელი მთავარ მწვრთნელს?</p><p></strong>- ჩვენი დადებითი ბალანსი 115 მილიონ ფუნტს შეადგენს, მაგრამ უნდა გვესმოდეს, რომ მთელ ამ თანხას ტრანსფერებში ვერ დავხარჯავთ. ამის მიზეზი კი ის არის, რომ წლის განმავლობაში სხვა გაწერილი ხარჯებიც გვაქვს. ფულის ნაწილი მაგალითად მიღებული გვაქვს აბონემენტების ვადის წინასწარ გაგრძელების წყალობით.</p><p>ამას გარდა არსებობს სახელფასო ფონდი, ასევე სხვა მიმდინარე ხარჯები. ასე რომ, წლის ბოლოს ეს თანხა შემცირდება. აუცილებელია გარკვეული რეზერვის შექმნაც იმ შემთხვევისთვის, თუკი ჩვენი საქმეები ცუდად წავა. რა თანხებს გამოვუყოფთ მწვრთნელს, ამის თქმას არ ვაპირებთ. ეს გავლენას მოახდენს სხვა კლუბებთან მოლაპარაკების პროცესზე და ტრანსფერებს ისე ეფექტურად ვეღარ განვახორციელებთ, როგორც ამას ვგეგმავთ.</p><p>არის კონკრეტული ფული, რომელზეც ვენგერს ხელი მიუწვდება. ჩვენ ნამდვილად არ გვაქვს იმდენის საშუალება, რაც სხვებს, მაგრამ ის საკმარისია მათთან უმაღლეს დონეზე კონკურენციისთვის.</p><p><strong></p><p>- შეიცვლება თუ არა სიტუაცია, თუკი </strong>"<strong>არსენალი</strong>"<strong> ჩემპიონთა ლიგაში ვერ მოხვდება?</p><p></strong>- ჩემპიონთა ლიგა ჩვენთვის უმთავრესად სპორტული კუთხით არის მნიშვნელოვანი. "არსენალს" ფანტასტიკური შედეგები აქვს ამ ტურნირში. იქ ზედიზედ 14-ჯერ მოვხვდით და აქედან 12-ჯერ ჯგუფური ეტაპი გადავლახეთ. ამასთან, ჩვენ არ შეგვიძლია კლუბის ფინანსური მოდელი ისეთ მოლოდინებზე ავაწყოთ, რომ მერე მის არსებობას საფრთხე შევუქმნათ. შემიძლია გულშემატკივარი დავარწმუნო, რომ ჩვენ შევძლებთ მყარად ფეხზე დოგმას იმ შემთხვევაშიც კი, თუკი ჩემპიონთა ლიგის მიღმა დავრჩებით.</p><p><strong></p><p>- ლიგაში ვერმოხვედრა კლუბს საკადრო პოლიტიკას თუ გაურთულებს?</p><p></strong>- ამ ტურნირში მოხვედრა რა თქმა უნდა პრიორიტეტული ამოცანაა და დარწმუნებული ვარ, რომ ჩვენ ამას შევძლებთ კიდეც. საამისოდ ფეხბურთელები მონდომებულები არიან და სეზონის ბოლოს თქვენ ამაში თავად დარწმუნდებით. არა მგონია, არსებობდეს ბევრი კლუბი, რომელიც ლიგაში ჩვენზე ხშირად თამაშობს, ასე რომ, ვფიქრობ, ჩვენს სატრანსფერო პოლიტიკაზე ის გადამწყვეტ გავლენას ვერ იქონიებს. ლიგაში ჩვენი გამოსვლის ტრადიცია უზარმაზარი მოტივაციაა ფეხბურთელებისთვის აქ სათამაშოდ.</p><p><strong></p><p>- გულშემატკივრებს მუდმივად აწუხებთ კითხვა, რატომ არ ხარჯავს </strong>"<strong>არსენალი</strong>"<strong> დიდ ფულს.</p><p></strong>- როგორც უკვე გითხარით, ყველანაირ თანხას, რასაც ვშოულობთ კლუბშივე ვაბანდებთ. შარშან მაგალითად 75 მილიონი დავხარჯეთ ახალი ფეხბურთელების ყიდვასა და ფეხბურთელებთან კონტრაქტების განახლებაში. რაკი ფული ჩვენს კონკურენტებზე ნაკლები გვაქვს, ვალდებულნი ვართ, ვიყოთ ეფექტურები მისი ხარჯვისას. დარწმუნებული ვარ, რომ მათთან ღირსეული კონკურენციისთვის სახსრები ნამდვილად გვეყოფა. ფეხბურთი სწორედ ამ მიმართულებით მიდის. ისინი ვალდებულები ხდებიან უეფას მოდელზე გადავიდნენ და მხოლოდ საკუთარი სახსრებით განაგრძონ არსებობა.</p><p><strong>ყოველდღიური სპორტული გაზეთი "ლელო"</strong></p>
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?