- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. რეგულარული ჩემპიონატი: "საკრამენტო" საკრამენტოში
<p>ანაჰაიმსა და სიეტლს NBA-ის კლუბის შექმნის სხვა ვარიანტის ძებნა მოუწევთ - "კინგზი" მათთან გადასვლას არ აპირებს <br> "ყველა ვარსკვლავის უქმეების" შემდეგ სენსაციით განახლდა რეგულარული ჩემპიონატი. დერონ უილიამსის ცუდი თამაშის (თამაშიდან - 3/15) მიუხედავად, "ნიუ ჯერსიმ" სტუმრად მოუგო მოქმედ ჩემპიონ "დალასს". როგორც გუშინდელ ნომერში ვწერდით, "ნეტსმა" 10-დღიანი კონტრაქტი გააფორმა ჯერალდ გრინთან, რომელსაც შესანიშნავი დებიუტი გამოუვიდა - 10 ქულა დააგროვა.</p><p>მაგრამ მისი მონაგარი არაფერია ბრუკ ლოპესის შედეგთან. ნიუჯერსელი გიგანტი მონატრებულია თამაშს, სეზონში მხოლოდ მესამე მატჩს ატარებდა და 38 ქულა დააგროვა, რაც ერთით ნაკლებია პირად რეკორდზე. გამარჯვებაც სწორედ მან მოუტანა თავის გუნდს. კიდის სამქულიანის შემდეგ ლოპესი საჯარიმოს ხაზზე დადგა და ორივე ცდა გამოიყენა - 93:92 სირენამდე 40 წამით ადრე.</p><p>დრო საკმარისი იყო ორივე გუნდისთვის, მაგრამ მოვლენები ისე განვითარდა, რომ ანგარიში აღარ შეცვლილა. კიდმა ორი სამქულიანი ააცილა, "ნეტსი" კი მხოლოდ შეცდომებს უშვებდა და ერთხელაც არ უსვრია.</p><p><strong>* * *</strong></p><p>დღის მეორე სენსაცია კინაღამ ჩიკაგოში მოხდა. "ნიუ ორლეანი" მთელი მატჩის განმავლობაში შორს არ უშვებდა "ბულზს", ბოლოსკენ კი 241-წამიანი სპურტი ჰქონდა, რომელიც 13:0 დასრულდა. ეს გაქცევა ძირითადად აიონისა და კამანის გმირული თამაშის წყალობით მოხერხდა - მათ ჯამში სამი დაფარება გააკეთეს, გარდა ამისა, მექსიკელმა საშუალოდან ორი ჩააგდო, გერმანელმა კი სამი შედეგიანი გადაცემა შეასრულა.</p><p>ბელინელის ზუსტი ტყორცნის შემდეგ, საფინალო სირენამდე წუთითა და 15 წამით ადრე "ჰორნეტსი" ოთხ ქულას იგებდა. მაგრამ დარჩენილ დროში სტუმრებმა ბურთი ვეღარ ჩააგდეს, "ბულზმა" კი როუზის ორი ურთულესი ტყორცნისა და ექვსი ქულის წყალობით 8:0 გაქცევა შეძლო და გამარჯვება იზეიმა.</p><p><strong>* * *</strong></p><p>მოულოდნელი იყო "მინესოტას" მოგება სტუმრად "კლიპერსის" წინააღმდეგ, მით უმეტეს, რომ "მგლების" ლიდერებმა მთლიანად ჩააგდეს შეხვედრა: ლავმა 13-დან 9 სროლა ააცილა, რუბიომ - რვიდან შვიდი, პეკოვიჩი კი ჩვეულებრივზე პასიური იყო. "მინესოტას" მშველელად ფორვარდები - უილიამსი და ბიზლი მოევლინენ, რომლებმაც ბოლო მეოთხედში ერთად 26 ქულა დააგროვეს და 80:80-ის შემდეგ მორიგეობით მოაწყვეს ორი გაქცევა - 10:2 და 14:4.</p><p>უილიამსისა და ბიზლის დუეტის საერთო მონაგარი 54 ქულა (თამაშიდან ტყორცნების რეალიზაციის 80 პროცენტი) იყო. მათ შვიდიდან შვიდი სამქულიანიც ჩააგდეს.</p><p><strong>* * *</strong></p><p>"კლივლენდი" სეზონში მესამედ შეხვდა "ბოსტონს" და მესამე მატჩიც დაძაბული გამოდგა. სირენამდე წუთნახევრით ადრე, შეხვედრის ყველაზე შედეგიანი კალათბურთელის ირვინგის ორი საჯარიმოს შემდეგ "კავალიერზი" წინ გავიდა - 81:80. ალენის არაზუსტმა სამქულიანმა "კლივლენდს" კარგი პერსპექტივები გაუჩინა, მაგრამ დრაფტის პირველმა ნომერმა მაშინვე დაკარგა მატჩის გმირის სტატუსი - მან ბურთი დაკარგა და იმავე ალენს იოლი ორი ქულის აღების საშუალება მისცა.</p><p>გუნდებმა შეტევები გაცვალეს და ორწამნახევრით ადრე "კავალიერზი" ორ ქულას აგებდა. მასპინძლებმა მოასწრეს ენტონი პარკერის სასროლ პოზიციაზე გაყვანა, მაგრამ მცველმა რვანახევარი მეტრიდან ფარს გაარტყა ბურთი.</p><p><strong>* * *</strong></p><p>"საკრამენტო კინგზი" გადარჩა. ქალაქებს - ანაჰაიმსა და სიეტლს NBA-ის კლუბის შექმნის სხვა ვარიანტის ძებნა მოუწევთ. "კინგზი" მათთან გადასვლას არ აპირებს. გუშინ, "იუტასთან" მატჩის წინ, მოედნის ცენტრში გამოვიდნენ "კინგზის" მფლობელები, ძმები მალუფები და ქალაქის მერი კევინ ჯონსონი. როგორც აღმოჩნდა, მიღწეულია შეთანხმება იმაზე, რომ 2015 წლისთვის ქალაქში აშენდება ახალი საკალათბურთო არენა.</p><p>გულშემატკივრებმა მეორე საჩუქარი კალათბურთელებისგან მიიღეს, რომლებმაც შეძლეს "ჯაზმენების" დამარცხება. თანაც დაანახეს ყველას, რომ გუნდში არიან ახალგაზრდები, რომელთაგანაც კარგი გუნდის აშენება შეიძლება. მაგალითად, ნიჭიერი 21 წლის ცენტრი დემარკუს კაზინსი, რომელმაც "იუტას" "მაღლები" დაიბრიყვა. ან 24 წლის სნაიპერი მცველი მარკუს ტორნტონი, ვინც თამაშიდან 7 ბურთი (14-დან) ჩააგდო და რვიდან შვიდი საჯარიმო გამოიყენა. ან 180 სანტიმეტრი სიმაღლის 23 წლის ახალბედა გამთამაშებელი აიზია ტომასი ("დეტროიტის" ლეგენდის არც შვილია და არც ნათესავი), რომელიც 2011 წლის დრაფტზე ბოლო ნომრად აირჩიეს. რჩება მხოლოდ შარშანწინდელი საუკეთესო დებიუტანტი ტაირიკ ევანსის გამოღვიძება და მომავალი მეტად ნათელი მოჩანს.</p><p><em><strong>კლივლენდი-ბოსტონი 83:86</strong></em></p><p>15:28, 23:15, 28:21, 17:22</p><p>კ: ირვინგი (24), სეშენსი (13), ტომპსონი (13+10 მოხსნა).</p><p>ბ: ალენი (22), გარნეტი (18+8 მოხსნა), პირსი (12+6 პასი), ბასი (12+7 მოხსნა), უილკოქსი (5+11 მოხსნა), რონდო (0+11 პასი).</p><p><em><strong>დეტროიტი-ფილადელფია 68:97</strong></em></p><p>20:22, 14:28, 19:25, 15:22</p><p>დ: მონრო (20+8 მოხსნა), სტაკი (17).</p><p>ფ: იანგი (20+8 მოხსნა), უილიამსი (13+7 პასი), იგუოდალა (12+6 პასი+5 მოხსნა+4 ჩაჭრა), მიქსი (12+5 მოხსნა), ბრენდი (10+3 ჩაჭრა+3 დაფარება), ჰოლიდეი (10+5 პასი +3 ჩაჭრა).</p><p><em><strong>ჰიუსტონი-ტორონტო 88:85</strong></em></p><p>27:15, 18:21, 24:28, 19:21</p><p>ჰ: ლოური (26+5 პასი), სკოლა (15+10 მოხსნა), მარტინი (14+5 მოხსნა), დალემბერი (10).</p><p>ტ: დეროზანი (17), ჯ. ჯონსონი (16+8 მოხსნა+3 ჩაჭრა), ბარბოზა (11), ა. ჯონსონი (10+6 მოხსნა), დევისი (5+15 მოხსნა).</p><p><em><strong>დალასი-ნიუ ჯერსი 92:93</strong></em></p><p>23:28, 22:28, 31:23, 16:14</p><p>დ: ნოვიცკი (24+10 მოხსნა+3 ჩაჭრა), ჰეივუდი (18+10 მოხსნა+3 დაფარება), ტერი (12+4 ჩაჭრა), მერიონი (11+8 მოხსნა), ბობუა (11+3 ჩაჭრა).</p><p>ნ-ჯ: ლოპესი (38+6 მოხსნა), მოროუ (15), დ. უილიამსი (12+12 პასი), ჰემფრიზი (10+15 მოხსნა+3 დაფარება), გრინი (10).</p><p><em><strong>კლიპერსი-მინესოტა 97:109</strong></em></p><p>31:22, 23:29, 22:22, 21:36</p><p>კ: გრიფინი (30+7 მოხსნა), პოლი (27+6 პასი), ჯორდანი (14+14 მოხსნა+4 დაფარება), ფოიე (13).</p><p>მ: უილიამსი (27+5 მოხსნა), ბიზლი (27+5 მოხსნა), პეკოვიჩი (12), უებსტერი (11), ლავი (10+7 მოხსნა), რუბიო (2+9 პასი+7 მოხსნა).</p><p><em><strong>ინდიანა-გ. სტეიტი 102:78</strong></em></p><p>24:21, 28:17, 33:16, 17:24</p><p>ი: გრეინჯერი (25), ჰენსბრო (15+9 მოხსნა), ჰიბერტი (12+9 მოხსნა+3 დაფარება), ჯორჯი (11+9 მოხსნა+5 პასი+4 ჩაჭრა), კოლისონი (11+5 პასი), უესტი (10+7 მოხსნა).</p><p>გ-ს: ელისი (14+5 მოხსნა), რაში (14+7 მოხსნა), ლი (12+6 მოხსნა).</p><p><em><strong>ჩიკაგო-ნიუ ორლეანი 99:95</strong></em></p><p>30:26, 17:24, 29:20, 23:25</p><p>ჩ: როუზი (32+9 პასი+3 ჩაჭრა), ნოა (15+16 მოხსნა+5 პასი), დენგი (14+11 მოხსნა), ბუზერი (14+7 მოხსნა).</p><p>ნ-ო: კამანი (17+11 მოხსნა+5 პასი), არიზა (16+8 მოხსნა+3 ჩაჭრა), ვასკესი (12), ჰენრი (12+6 მოხსნა), ჯონსი (10), ჯეკი (10).</p><p><em><strong>მილუოკი-ვაშინგტონი 119:118</strong></em></p><p>33:24, 34:29, 25:36, 27:29</p><p>მ: დანლივი (28+3 ჩაჭრა), გუდენი (15+10 მოხსნა+3 ჩაჭრა), ჯენინგსი (14+10 პასი), ილიასოვა (13+11 მოხსნა), მბა ა მუტე (13+6 მოხსნა), დელფინო (11), ჰარისი (11+7 მოხსნა).</p><p>ვ: ბუკერი (20+11 მოხსნა), უოლი (19+15 პასი+5 მოხსნა), კროუფორდი (19), სინგლტონი (16+9 მოხსნა), ევანსი (15), მეისონი (14).</p><p><em><strong>საკრამენტო-იუტა 103:96</strong></em></p><p>23:25, 21:22, 30:24, 29:25</p><p>ს: კაზინსი (22+18 მოხსნა), ტორნტონი (21), ტომასი (18+8 პასი), ევანსი (13), ტომპსონი (10+8 მოხსნა+3 დაფარება).</p><p>ი: ჰარისი (18+7 პასი), ჰოვარდი (15+7 მოხსნა), მაილზი (13), ჯეფერსონი (12+8 მოხსნა), ჰეივორდი (11), ბერქსი (11), ფეივორსი (7+11 მოხსნა).</p><p><strong>ყოველდღიური სპორტული გაზეთი "ლელო"</strong></p>
[VIDEO] დოსუნმუს ბრწყინვალე მატჩი, ჩხუბი და გაცოფებული იოკიჩი - "დენვერი" უმნიშვნელოვანეს შეხვედრაში დამარცხდა
[VIDEO] 41 წლის ლებრონ ჯეიმსი შეუჩერებელია - "ლეიკერსმა" "ჰიუსტონს" მესამე მატჩიც მოუგო
[VIDEOS] ბითაძის 4 დაფარება - "ორლანდო" პლეი-ოფშია გავიდა, სტეფ კარიმ და "გოლდენ სტეიტმა" სეზონი ნაადრევად დაასრულეს
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა