<p>თურქულ გაზიანთეფში მიმდინარე ქალთა ევროპის ჩემპიონატში ჩვენებური ლიდერს ნახევარი ქულით ჩამორჩება <br> მსოფლიოს საჭადრაკო ოლიმპიადის გამარჯვებულსა და გუნდურში კონტინენტის ორგზის ჩემპიონ ნადეჟდა კოსინცევას თურქულ გაზიანთეფში მიმდინარე ქალთა ევროპის ჩემპიონატის მეორე ტური, ალბათ, არასდროს დაავიწყდება - რუს მოჭადრაკე ქალთა იმედი შავი ფიგურებით სოფიკო გურამიშვილთან შეხვედრისას საგრძნობ უპირატესობას ფლობდა, მაგრამ შუა თამაშში წამიერად მოადუნა ყურადღება და ახალგაზრდა ქართველი დიდოსტატის მახეში აღმოჩნდა.</p><p>დიდი მცდელობის მიუხედავად (საპატო სიტუაციის შესაქმნელად ზედიზედ რამდენიმე ფიგურა შესწირა), საშამათო საფრთხეს თავი ვერაფრით დააღწია და 51-ე სვლაზე მეტოქეს დანებდა.</p><p>შთამბეჭდავი გამარჯვების შემდეგ გურამიშვილი რუსეთის ნაკრების წევრ ვალენტინა გუნინას დაუზავდა, მე-4 ტურში კი თეთრი ფიგურებით თანამემამულე ნინო ხურციძეს სათანადო წინააღმდეგობა ვერ გაუწია და 42-ე სვლაზე საათი გააჩერა.</p><p>5 მარტს დანარჩენ ქართველ მოჭადრაკეთა პარტიები ასე დამთავრდა: გულნარ მამადოვა (აზერბაიჯანი)-ნინო ბაციაშვილი 0,5:0,5, ზოია შლეინინგი (გერმანია)-სალომე მელია 1:0, ბაირა კოვანოვა (რუსეთი)-ნანა ძაგნიძე 0,5:0,5, ბელა ხოტენაშვილი-იოვანა ვოინოვიჩი (ჩერნოგორია) 1:0, ნატალია პოგონინა (რუსეთი)-სოფიო გვეტაძე 0,5:0,5, ლელა ჯავახიშვილი-ნადეჟდა ხარმუნოვა (რუსეთი) 1:0, მერი არაბიძე-მარია რომანკო (რუსეთი) 1:0, ჰილალ ოზთურქი (თურქეთი)-ნაზი პაიკიძე 0:1, მირანდა მიქაძე-კაროლინა ოლსაროვა (ჩეხეთი) 1:0.</p><p>სამი ტურის შემდეგ უდანაკარგოდ ფრანგი მარი სებაგი, კონტინენტის ამჟამინდელი ჩემპიონი ვიქტორია ჩმილიტე (ლიტვა) და ქრისტინა-ადელა ფოიშორი (რუმინეთი) ლიდერობდნენ. 5 მარტს ფოიშორი ანტოანეტა სტეფანოვას (ბულგარეთი) დაუზავდა, სებაგმა კი ჩმილიტე დაამარცხა და 4 ქულით მეწინავეობა შეინარჩუნა.</p><p>ჩემპიონატის დანარჩენ ფავორიტთა შეხვედრებიდან აღსანიშნავია შემდეგი ორთაბრძოლები: ელმირა სკრიპჩენკო (საფრანგეთი)-ნასტასია ზიაზიულკინა (ბელარუსი) 0:1, ანა მუზიჩუკი (სლოვენია)-ნატაშა ბოიკოვიჩი (სერბეთი) 1:0, კატერინა ლაგნო (უკრაინა)-ალინა კაშლინსკაია (რუსეთი) 0,5:0,5, იოლანტა ზავადსკა (პოლონეთი)-ტატიანა კოსინცევა (რუსეთი) 0:1, ნარგიზ უმუდოვა (აზერბაიჯანი)-ნადეჟდა კოსინცევა 0,5:0,5.</p><p>ოთხი ტურის შემდეგ 4 ქულით, როგორც აღვნიშნეთ, სებაგი ლიდერობს, ფოიშორს, ხურციძეს, გუნინას, ზიაზიულკინას, შლეინინგსა და ჰოანგ თან თრანგს (უნგრეთი) 3,5-3,5 ქულა აქვთ.</p><p>მოჭადრაკეთა დიდმა ჯგუფმა 3-3 ქულას მოუყარა თავი. ქართველთა მონაგარი: ხურციძე-3,5, ბაციაშვილი, ხოტენაშვილი, ჯავახიშვილი, არაბიძე, პაიკიძე - 3-3, გურამიშვილი, მელია, ძაგნიძე, გვეტაძე - 2,5-2,5, მიქაძე - 1 ქულა.</p><p>6 მარტს მე-5 ტურში ითამაშებენ: გუნინა-სებაგი, ხურციძე-ფოიშორი, ზიაზიულკინა-ჰოანგი, ტ. კოსინცევა-შლეინინგი, ბაციაშვილი-ა. მუზიჩუკი, სტეფანოვა-არაბიძე, გირია-ხოტენაშვილი, პაიკიძე-ჯავახიშვილი,ძაგნიძე-ჩაროჩკინა,მელია-ვიდენოვა, გვეტაძე-გურამიშვილი, ბეზგოდოვა-მიქაძე.</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ