- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემპიონთა ლიგა. 1/8 ფინალი. წინათქმა: კადლეცს მესის მაისური უკვე აქვს
<p>7 მარტს "ბარსელონა" "ლევერკუზენს" უმასპინძლებს, აპოელ-ი კი "ლიონს" მიიღებს <br> <span style="color: #ff0000;"><strong>ჩემპიონთა ლიგა. 1/8 ფინალი. საპასუხო მატჩები</strong></span></p><p><strong><em>ბარსელონა-ლევერკუზენი 23:45</em></p><p></strong>პირველი მატჩი: 3:1</p><p>6 მარტს დილით, სანამ თვითმფრინავში ჩასხდებოდნენ და ბარსელონასკენ აიღებდნენ გეზს, ლევერკუზენელ ფეხბურთელებს აშკარად ეტყობოდათ, რომ ძალიან კარგ ხასიათზე იყვნენ. ზედიზედ სამმა მოგებამ და მათ შორის, "ბაიერნთან" 2:0-მა, "ბაიერში" ხალისი დააბრუნა.</p><p>თუმცა "ფარმაცევტები" კარგად ხვდებიან, რომ ამ სეზონში ეს მათთვის ბოლო საჩემპიონთალიგო მოგზაურობაა - ლევერკუზენში, რა თქმა უნდა, არავის სჯერა ის, რომ რობინ დუტის გუნდს "ნოუ კამპზე" "ბარსას" დამარცხება შეუძლია. შესაბამისად, გერმანელების ერთადერთი რეალური მიზანი ჩემპიონთა ლიგასთან ღირსეული გამომშვიდობებაა.</p><p>"მხოლოდ ფეხბურთში კი არა, ზოგადად ცხოვრებაშიც არაფერი უნდა გამორიცხო, მაგრამ მე რეალისტი ვარ და რეალურად, ჩვენ "კამპ ნოუზე" 1:3-ის შემოტრიალება არ შეგვიძლია, - თქვა "ლევერკუზენის" სპორტულმა დირექტორმა რუდი ფიოლერმა და იქვე დასძინა, - "ბარსელონა" მსოფლიოში საუკეთესო გუნდია, ჩვენ კი მხოლოდ ის გვინდა, რომ "ბარსა" ცოტათი გავაბრაზოთ".</p><p>ფიოლერმა ისიც თქვა, რომ 7 მარტს არავითარ შემთხვევაში განმეორდება ისეთი სამარცხვინო ფაქტები, პირველ მატჩში "ლევერკუზენი" მთელი საფეხბურთო ევროპის დაცინვის ობიექტად რომ გადააქცია. რუდიმ ამაში მანუელ ფრიდრიხისა და მიხალ კადლეცის უთავმოყვარეო საქციელები იგულისხმა, რომლებიც ლიონელ მესის მაისურის გაცვლაზე ჯერ კიდევ პირველი ტაიმის შემდეგ უთანხმდებოდნენ და ერთმანეთშიც კი იკინკლავეს, ჩემი უნდა იყოს, არა, ჩემიო...</p><p>ამრიგად, "კამპ ნოუზე" "ლევერკუზენელები" მესის მაისურზე აღარ ინადირებენ და თავმოყვარეობის აღდგენას შეეცდებიან. ფეხბურთელებს ერთი სული აქვთ, როდის გავლენ მოედანზე, ქომაგებს კი თავდადებას და კარგ ფეხბურთს ჰპირდებიან. მიუხედავად იმისა, რომ გერმანიაში "ლევერკუზენის" მხრიდან "ბარსას" ძლევაზე ყველას ხელი აქვს ჩაქნეული, "ბაიერის" 4000-მა ფანმა მაინც მოისურვა კატალონიაში გამგზავრება და "ფარმაცევტებს" "კამპ ნოუზე" სწორედ ამდენი ქომაგი ეყოლება.</p><p>მიხაელ ბალაკი ბარსელონაში, რა თქმა უნდა, არ წასულა - როგორც იცით, 35 წლის ნახევარმცველი ტრავმირებულია. ლაზარეთშია და ვერ ითამაშებს მარჯვენა მცველი ვედრან ჩორლუკაც - ისევე, როგორც დიდი ხნის ტრავმირებულები: სიდნი სემი, ტრანკუილიო ბარნეტა და რენე ადლერი.</p><p>დუტისთვის, რომლის გუნდიც ევროტურნირებზე რიგით 157-ე მატჩს ჩაატარებს, მატჩის შედეგი მეორეხარისხოვანია:</p><p>"მთავარია, კარგად ვითამაშოთ, დანარჩენს კი უშუალოდ თამაში გამოაჩენს. დასაკარგი არაფერი გვაქვს, შეძენით კი შეიძლება ბევრი რამ შევიძინოთ", - განაცხადა "ბაიერის" თავკაცმა წინა დღეს გამართულ პრესკონფერენციაზე.</p><p>მართალია, აქ ეს სულაც არ იყო საჭირო, მაგრამ მაინც ვიტყვით, რომ "ბარსელონას" საკუთარ მოედანზე 13-მატჩიანი წაუგებელი სერია აქვს, გერმანულ კლუბთან კი ბოლოს 13 წლის წინ, 1998 წლის 4 ნოემბერს დამარცხდა (რა თქმა უნდა, მიუნხენის "ბაიერნთან" - 1:2).</p><p>ისე, რაც უნდა პარადოქსულად ჟღერდეს, ისტორიას პატარ-პატარა სასწაულები "ბარსას" წინააღმდეგაც ახსოვს: 1988 წელს "ლევერკუზენმა" "ბარსელონა" უეფას თასის მეოთხედფინალიდან გააგდო - "ულრიხ გაბერლანდ-შტადიონზე" 0:0-ის შემდეგ, "ბაიერმა" ბარსელონაში ტიტას გოლით 1:0 მოიგო. 28 წლის წინ კი "მეცმა" ნამდვილი სასწაული მოახდინა: შინ "ბარსასთან" 2:4 დამარცხდა, ხოლო "ნოუ კამპზე" 4:1 მოიგო. დაახლოებით ასეთივე წარმატებას მიაღწია "კიოლნმაც" 1980 წელს: "თხები" შინ 0:1 დამარცხდნენ, ბარსელონაში კი 4:0 გაიმარჯვეს.</p><p>"იმდროინდელ "ბარსელონებსა" და დღევანდელ "ბარსას" შორის უდიდესი სხვაობაა. ასე რომ, პარალელების გავლება უადგილოა", - აცხადებს ფიოლერი.</p><p>ალბათ პროტოკოლური ნათქვამია ის, რაც "ბარსელონას" თავკაცმა პეპ გვარდიოლამ განაცხადა. მან თქვა, რომ გერმანული კლუბები ყოველთვის ბოლომდე იბრძვიან, 5-10 წუთშიც შეუძლიათ 2-3 გოლის გატანა და რომ "ბარსას" ყურადღებით ყოფნა მართებს.</p><p><em>სავარაუდო შემადგენლობები</em><strong></p><p></strong>ბარსელონა (4-3-3): ვიქტორ ვალდესი - დანი ალვეში, პუიოლი, პიკე, ადრიანო - ჩავი, ბუსკეტსი, ინიესტა - ფაბრეგასი, მესი, კვენკა.</p><p>ლევერკუზენი (4-2-3-1): ლენო - შვააბი, მ. ფრიდრიხი, ტოპრაკი, კადლეცი - რაინარტცი, ლ. ბენდერი - კასტრო, რენატო, შიურლე - კისლინგი.</p><p>არბიტრი: სვეინ ოდვარ მოენი (ნორვეგია)</p><p><strong><span style="color: #ff0000;">აპოელ-ლიონი 23:45</span></p><p></strong>პირველი მატჩი: 0:1</p><p>ნიქოზიაში ნამდვილი საფეხბურთო ზეიმია: აპოელ-ი ჩემპიონთა ლიგის მეოთხედფინალში გასვლისთვის იბრძვის და წარმატების რეალური შანსი აქვს, რადგან კვიპროსელებმა ლიონში მხოლოდ 0:1 წააგეს.</p><p>შესაბამისად, ფრანგულ გრანდს აშკარა ფავორიტად ვერავინ მოიხსენიებს, თუმცა ის კი ფაქტია, რომ "ლიონი" კლასით აპოელ-ზე გაცილებით მაღლა დგას. ასე რომ, ნიქოზიელთა შანსი ბრძოლისუნარიანობასა და იღბალშია.</p><p>აპოელ-ის თავკაც ივან იოვანოვიჩს მარსელო ოლივეირა და ალდო ადორნო გამოუჯანმრთელდნენ, ელიო პინტუ კი დისკვალიფიცირებულია. "ლიონს" ტრავმის გამო გურკუფი აკლია, ლოვრენი კი გამოჯანმრთელდა.</p><p>საინტერესოა ისიც, რომ გომისს, კრისსა და კალსტრიომს ყვითელი ბარათების მიღების შემთხვევაში დისკვალიფიკაციის საფრთხე ემუქრებათ, რის გამოც ფრთხილად უნდა იყვნენ. აპოელ-ში იგივე ეხებათ ალექსანდრუს, ოლივეირას, ტრიკოვსკის, მარსინიოსა და პაულო ჟორჟეს.</p><p><em>სავარაუდო შემადგენლობები</em><strong></p><p></strong>აპოელ (4-2-3-1): ქიოტისი - პურსაიტიდისი, პაულო ჟორჟე, კაკა, მარსელო ოლივეირა - ნუნუ მორაისი, სოლარი - ხარალამბიდისი, ტრიკოვსკი, მანდუკა - აილტონი.</p><p>ლიონი (4-4-2): ლორისი - რევეილერი, ბ. კონე, კრისი, სისოხო - ბრიანი, გონალონსი, კალსტრიომი, ბასტოსი - ლისანდრო ლოპესი, გომისი.</p><p>არბიტრი: ალბერტო უნდიანო მალენკო (ესპანეთი)</p><p><strong>ყოველდღიური სპორტული გაზეთი "ლელო"</strong></p>
[VIDEO] აკრძალვის მიუხედავად - საფონოვის ცოლმა ჩემპიონთა ლიგის ფინალზე რუსეთის დროშა მაინც შექმნა
[VIDEO] მბაპე მეძავის შვილია - სკანდირებდნენ პსჟ-ს გულშემატკივრები. კომენტარი ანრიმ გააკეთა
“კომო” ჩემპიონთან ლიგაზე საშინაო მატჩებს სხვა სტადიონზე გამართავს
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
პალიკო ჯიმშელაძე ბორჯღალოსნებში ბრუნდება!
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
არც კოშტა და არც სვილარი - პსჟ იტალიელ მეკარეს დაიმატებს
Le Parisien: პსჟ-მ ბატრაკოვთან დაკავშირებით გადაწყვეტილება მიიღო
20 წ. | ვინ მოდის საქართველოში - ესპანეთი
ქალთა ნაკრები ფარერის კუნძულების ეროვნულ გუნდს უმასპინძლებს
"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია
ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს
მატჩის დღე! ბაჰრეინთან "მამარდას" გარეშე და "კვარასთან" ერთად
ვლაჰოვიჩი "იუვენტუსს" თავისუფალი აგენტის სტატუსით დატოვებს