<p>ირაკლი ბოლქვაძემ 200 მეტრზე კომპლექსურ ცურვაში ახალგაზრდებს შორის პირველი ადგილი დაიკავა <br> ლონდონის 2012 წლის ოლიმპიურ თამაშებამდე ხუთიოდე თვეა დარჩენილი. ამიტომ სპორტის სხვადასხვა სახეობაში ინტენსიურად ტარდება სალიცენზიო ტურნირები.</p><p>ერთ-ერთ ასეთ შეჯიბრებას კიევმა უმასპინძლა. უკრაინის დედაქალაქში ქვეყნის ღია ჩემპიონატზე მასპინძლებთან ერთად საქართველოს, რუსეთის, ბელარუსის, მოლდოვისა და ყაზახეთის წარმომადგენლებმაც იასპარეზეს.</p><p>მედლები გათამაშდა როგორც უფროსებში, ისე 1994-95 წლებში დაბადებულთა შორის. ამ ასაკის მოცურავეები წლეულს ანტვერპენში ევროპის პირველობაზეც მოსინჯავენ ძალებს.</p><p>კიევში ჩვენებურთაგან (ნაკრების მთავარი მწვრთნელი ზურაბ ხომასურიძე, მწვრთნელი ირინა მინჟულინა) განსაკუთრებით 17 წლის <strong>ირაკლი ბოლქვაძემ</strong> იყოჩაღა.</p><p>200 მეტრზე კომპლექსურ ცურვაში მან ახალგაზრდებს შორის 2.09,64-ით პირველი ადგილი დაიკავა. 400 მეტრზე კომპლექსში ბოლქვაძემ წინასწარი გაცურვისას 4.33,95-ით საქართველოს რეკორდი დაამყარა, საღამოს ფინალური გაცურვისას თავისივე მიღწევა გააუმჯობესა (4.33,06), რითაც ახალგაზრდებში ვერცხლის მედალი ერგო, ხოლო უფროსებში მეოთხე იყო.</p><p>განსაკუთრებით ის არის მნიშვნელოვანი, რომ 200 და 400 მეტრზე კომპლექსურ ცურვაში სალიცენზიო ნორმატივებს (შესაბამისად, 2.04,38 და 4.25,44) მიუახლოვდა.</p><p>ირაკლიმ 200 მეტრზე ბრასშიც მოსინჯა ძალები და 2.20,15-ით (სალიცენზიო ნორმატივი 2.16,35) მეხუთე ადგილი დაიკავა.</p><p>ბატერფლაიში ურიგოდ არ უბრძოლია <strong>თემურ კობახიძეს</strong>. 50 მეტრი მან 25,64 წამში დაფარა და ფინალში მეშვიდე იყო, თუმცა ეს შედეგი საკმარისი აღმოჩნდა საქართველოს რეკორდის გასაუმჯობესებლად.</p><p><strong>ირაკლი რევიშვილმა</strong> 200 მეტრი თავისუფალი ყაიდით წუთსა და 53,31 წამში გაცურა და მე-4 ადგილით დაკმაყოფილდა.</p><p>საგულისხმოა, რომ პეკინის ოლიმპიური თამაშების მონაწილეს 2012 წლის ოლიმპიურ ლიცენზიამდე ამ დისტანციაზე ორიოდე წამი აშორებს.</p><p>ბატერფლაითა და თავისუფალი ყაიდით 100 მეტრზე 17 წლის <strong>დავით სიხარულიძე</strong> ახალგაზრდებში მხოლოდ მეხუთე იყო, თუმცა ორივე დისტანციაზე სპორტის ოსტატის ნორმატივი შეასრულა.</p><p>ქართველი მოცურავეები ზაფხულამდე კიდევ რამდენიმე საერთაშორისო ტურნირში მიიღებენ მონაწილეობას: 24-29 აპრილს ბრესტში ბელარუსის ღია ჩემპიონატზე გამოვლენ, 5-9 მაისს ხარკოვში უკრაინის თასი ელით, 21-27 მაისს კი დებრეცენში (უნგრეთი) ევროპის ჩემპიონატზე მოსინჯავენ ძალებს.</p><p>ბოლო სალიცენზიო საერთაშორისო ტურნირი 2-3 ივნისს პრაღაში ექნებათ. იმედია, ჩვენს მოცურავეებს ამ ტურნირებზე ლონდონის ოლიმპიადის საგზურის მოპოვება არ გაუჭირდებათ.</p><p><strong>წყალბურთი. ორი ასაკი თოთხმეტი გუნდით</p><p></strong>საწყლოსნო კომპლექს "ოლიმპიკში" სტარტი აიღო წყალბურთელთა საქართველოს პირველობამ ორ ასაკში. 1998 წელსა და უფრო გვიან დაბადებულთა შორის 8 გუნდს უნდა ეასპარეზა, მაგრამ ბათუმელებმა, როგორც შევიტყვეთ, უსახსრობის გამო თბილისში ჩამოსვლა ვერ შეძლეს და პირველი ტურის ორივე მატჩში წაგება (0:10) ჩაეთვალათ.</p><p>გთავაზობთ სასტარტო პაექრობათა შედეგებს: "ივერია-1" - "ქუთაისი" 17:3, "ივერია-2" - "საჩხერე" 4:2, "ლიგამუსი-1" - "ბათუმი" 10:0, "ლიგამუსი-2" - "თბილისი" 8:4; "ქუთაისი" - "თბილისი" 8:2, "ივერია-1" - "ლიგამუსი-2" 13:1, "ბათუმი" - "საჩხერე" 0:10, "ლიგამუსი-1" - "ივერია-2" 14:0.</p><p>უმცროსების შემდეგ შეჯიბრებაში 1996-97 წლებში დაბადებული წყალბურთელები (7 გუნდი) ჩაებნენ: "ივერია-1" - "ქუთაისი" 26:2, "ივერია-2" - "ბათუმი" 6:6, "ლიგამუსი" - "ქუთაისი" 20:2, "ივერია-1" - "ტონუსი" 31:0;</p><p>"ლიგამუსი" - "ბათუმი" 14:6, "ივერია-1" - "თბილისი" 29:7, "ივერია-2" - "ქუთაისი" 7:5, "ლიგამუსი" - "ტონუსი" 26:2.</p><p>მომავალ პარასკევს ისევ უმცროსი ასაკის სპორტსმენები დაუპირისპირდებიან ერთმანეთს: "ივერია-2" - "ბათუმი", "ლიგამუსი-2"- "ქუთაისი", "ლიგამუსი-1" - "საჩხერე", "ივერია-1" - "თბილისი".</p><p>16-17 მარტს პაექრობებს 15-16-წლიანები განაგრძობენ. ეროვნული ჩემპიონატი კი 30 მარტს დაიწყება და მედლებისთვის "ლიგამუსი", "თბილისი", "ივერია", "ზვიგენები", "ბათუმი" და საქართველოს ახალგაზრდული ნაკრები იბრძოლებენ.</p><p><strong>ყოველდღიური სპორტული გაზეთი "ლელო"</strong></p>
მამაკაცმა მოცურავეების წინ გაისეირნა და აუზში პირდაპირ თავით გადახტა - კადრები სოციალურ ქსელში ვირუსულად გავრცელდა [VIDEO]
ნოე ფანცხავამ პარიზის ოლიმპიურ თამაშებზე 41-ე ადგილი დაიკავა
15 წლის ანა ნიჟარაძემ ოლიმპიადაზე გამოსვლა დაასრულა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ