<p>კვიპროსული ფეხბურთის საღამო <br> "თხა თხაზე ნაკლები, მგელმა შეჭამაო", - სავარაუდოდ ამასაც ფიქრობდნენ აპოელ-ის ფეხბურთელები, როცა "ლიონის" დამარცხებას და ჩემპიონთა ლიგის მეოთხედფინალში გასვლას ზეიმობდნენ და ცხადია, მეორე თხაში "ანორთოსისს" გულისხმობდნენ. ვისაც შარშანწინ ამ უკანასკნელის ჯგუფურ ეტაპზე მოხვედრა სასწაული ეგონა, თემურ ქეცბაიას მაშინდელი გუნდის ის წარმატება ჟურნალი ყოფილა, კინოს კი ამ სეზონში ვუყურებთ: ნიქოზიის აპოელ-მა ევროპული ფეხბურთის ისტორიაში ერთ-ერთი უდიდესი სენსაცია გამოაცხო და რაღა დამატება უნდა, მაგრამ მაინც, პირველი კვიპროსული გუნდია, რომელიც ევროპის რვა საუკეთესო გუნდს შორის მოხვდა.</p><p>დიონისის ქიოტისმა პენალტების სერიაში ორი თერთმეტმეტრიანი მოიგერია და ცხადია, მატჩის გმირიც სწორედ ის არის. თუმცა არც გუსტავო მანდუკას უმნიშვნელოვანესი გოლი უნდა დაგვავიწყდეს, რომლის წყალობითაც კვიპროსელები ადრევე დაწინაურდნენ და მერე შეხვედრა პენალტების სერიამდე მიიყვანეს. სხვათა შორის, 115-ე წუთიდან ნიქოზიელები კაცნაკლულები თამაშობდნენ - მოედანი ნაადრევად სწორედ მანდუკამ დატოვა.</p><p>ფრანგულ გრანდს ანგარიშის გათანაბრების საუკეთესო შანსი 25-ე წუთზე ჰქონდა, მაგრამ ქიოტისმა თავისიანები შესანიშნავი რეფლექსით იხსნა. საერთო ჯამში კი უნდა ითქვას, რომ აპოელ-ის ფეხბურთელები თამაშს თავიდან ბოლომდე თითქმის უპრობლემოდ აკონტროლებდნენ. მეტიც: მეორე ტაიმში "ლიონს" გაუმართლა კიდეც, როცა ხარალამბიდისის საჯარიმო დარტყმის შემდეგ სისოხომ ბურთს მიმართულება უნებლიეთ საკუთარი კარისკენ შეუცვალა - ბურთი ძელს მოხვდა.</p><p><strong>რეაქციები</p><p></strong>ივან იოვანოვიჩი (აპოელ-ის მწვრთნელი): "აპოელ-ის ისტორიაში ნოქოზიელი ფანებისთვის და ზოგადად კვიპროსული ფეხბურთისთვის ეს ყველაზე მნიშვნელოვანი, ზღაპრული საღამოა. ჩვენ ვერასდროს წარმოვიდგენდით, რომ ჩემპიონთა ლიგაში ასე შორს გავიდოდით, მაგრამ როდესაც ასეთი მებრძოლი და თავდაჯერებული ფეხბურთელები გყავს, როდესაც ასეთი ფანტასტიკური ფანები გყავს, როგორც ხედავთ, ყველაფერი შესაძლებელია.</p><p>თამაშის წინ შეგირდებს ვუთხარი, მომდევნო ეტაპზე გასასვლელად სრულყოფილი ფეხბურთის თამაში გვჭირდება-მეთქი. ბიჭებმა დღეს ძალიან ბევრი ირბინეს და ორთაბრძოლებს ერთი ამოსუნთქვით იგებდნენ. აქვე იმასაც ვიტყვი, რომ ფეხბურთელებმა, რომლებმაც პენალტები დაარტყეს, თვითონ გამოთქვეს ამის სურვილი. ჩვენ ვიმსახურებდით ამ გამარჯვებას, რადგან ძალიან ბევრი ვიშრომეთ. მე კი ბედნიერი ვარ, რომ ამ ზღაპრის მონაწილე გავხდი."</p><p>რემი გარდი ("ლიონის" მწვრთნელი): "დღევანდელი საღამო ჩემთვის უდიდესი იმედგაცრუებაა. ჰო, აპოელ-ი არ არის ევროპის გრანდი, მაგრამ თუ დავაკვირდებით, დავინახავთ, რომ ეს გუნდი მერვედფინალშიც დამსახურებულად გავიდა და დღესაც დამსახურებულად გაიმარჯვა, ასეთი რამ კი შემთხვევით ნამდვილად არ ხდება. ყველანი საშინელ ხასიათზე ვართ, მაგრამ ახლა დეპრესიაში ჩავარდნის დრო არ არის, საფრანგეთის ჩემპიონატი ხომ გრძელდება. წინ საფრანგეთის ლიგის თასის და თასის მატჩები გვაქვს, რაც ბიჭებისთვის საკმარისი მოტივაცია უნდა იყოს."</p><p><strong>ყოველდღიური სპორტული გაზეთი "ლელო"</strong></p>
"კმარა პსჟ-ს და "სლოვანის" მატჩის ყურება" - რიოლო ჩემპიონთა ლიგის რეფორმას მოითხოვს
"ეს დამცირებაა" - რა თქვა "ლანსის" მწვრთნელმა "კომოსთან" 1:9 განადგურების შემდეგ
[VIDEO] "რეალის" 100%-იანი შედეგი, "არსენალის" მორიგი გამარჯვება და "კომოს" 9:1 "ლანსთან"
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"