 
    
    
    <p>მსოფლიოს მეორე ჩოგანმა აღნიშნა, რომ სპორტში დიდ წარმატებას არა დოპინგის, არამედ უდიდესი შრომის ხარჯზე მიაღწია <br> მსოფლიოს მეორე ჩოგანმა, ესპანელმა რაფაელ ნადალმა გაზეთ "ეკიპს" ინტერვიუ მისცა, რომელშიც ნეგატიური პოზიცია დააფიქსირა თებერვალში ფრანგულ ტელეარხ "კანალ პლუსზე" გასულ იუმორისტულ გადაცემასთან დაკავშირებით, რომელშიც ესპანელი ვარსკვლავი დოპინგის გამოყენებაში დაადანაშაულეს. მსოფლიოს მეორე ჩოგანმა აღნიშნა, რომ სპორტში დიდ წარმატებას არა დოპინგის, არამედ უდიდესი შრომის ხარჯზე მიაღწია.</p><p>"ამ გადაცემაზე იმდენს ლაპარაკობდნენ, რომ ბოლოს და ბოლოს, მისი ნახვა გადავწყვიტე. სულაც არ მომეჩვენა სასაცილოდ, თუმცა ყველას იუმორის თავისებური აღქმა აქვს.</p><p>ამ ვიდეორგოლმა დიდი აჟიოტაჟი გამოიწვია, მაგრამ ახლა ხმაური ჩაცხრა. მიყვარს ხუმრობა და სიცილი და ამის გაკეთებას ვერავინ დამასწრებს, მაგრამ პრობლემა იმაში მდგომარეობს, რომ აუდიტორიის დიდ ნაწილს წარმოდგენა არ აქვს - რა არის პროფესიული სპორტი. მათ არ იციან, როგორ ფუნქციონირებს ანტისადოპინგო კონტროლი; არ იციან იმის შესახებ, რომ ყოველდღე მეთვალყურეობის ქვეშ ვიმყოფებით.</p><p>მსგავსმა სკეტჩებმა შეიძლება ნეგატიური აზრი ჩამოუყალიბოს იმათ, ვინც ამ თემას ნაკლებად იცნობს. მე ეს უსამართლობად მიმაჩნია, - მოჰყავს ესპანელის სიტყვები ფრანგულ გამოცემას. - არასოდეს არავის დავადანაშაულებ დამამტკიცებელი საბუთების გარეშე. არ ვიცი რატომ, მაგრამ საფრანგეთში ყველაზე აქვთ ეჭვი. ვერავინ დამდებს ბრალს იმაში, რომ რაღაც "ჯადოსნურ აბებს" ვიღებ. ჩემი "ჯადოსნური აბი" - შრომისმოყვარეობაა.</p><p>ვერ შევურიგდები იმას, რომ დოპინგის მომხმარებლის იარლიყს მაკრავენ იმ დროს, როცა ზედიზედ შვიდი წელი ყოველდღე რამდენიმე საათს ვმუშაობ. დოპინგის სამყაროსგან შორს ვარ და აბსოლუტურად არაფერი ვიცი მის შესახებ".</p><p>გარდა ამისა, ნადალმა ინტერვიუში ილაპარაკა თანამედროვე ჩოგბურთისთვის აქტუალურ პრობლემაზე, რომელიც გადატვირთულ კალენდარს ეხება.</p><p>"ვფიქრობ, მოთამაშეთა 90 პროცენტი დაეთანხმება იმას, რომ კალენდარი გადატვირთულია და ეს არის ხშირი ტრავმების მიზეზი. რომ დავრჩე რეიტინგის სათავეში, საჭიროა პირველი იანვრიდან ნოემბრის ბოლომდე ვითამაშო. თუ მოთამაშეთა უმრავლესობას ცვლილებები სურს, მაგრამ ეს არ ხდება, გამოდის, ჩვენს ინტერესებს კარგად არ იცავენ".</p><p><strong>ყოველდღიური სპორტული გაზეთი "ლელო"</strong></p>
უდიდესი სენსაცია პარიზში - ალკარასმა ნორისთან წააგო
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე