- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კოლხეთი-ტორპედო 1:0 - ფოთელებმა გარიგებაზე ეჭვები გააქარწყლეს
<p>მატჩი ისეთი ეპიზოდებით დახუნძლული გამოდგა, ჩვენი ჩემპიონატი ნამდვილად რომ ვერ დაიკვეხნის <br> ეს გუნდები ბოლოს ერთმანეთს ორიოდ კვირის წინ შეხვდნენ და მაშინდელმა ფრემ "კოლხეთი" პლეი-ოფში შეიყვანა. მართალია, ამით დავით მახარაძის შეგირდებმა ლიგაში დარჩენის ამოცანა ვადამდე შეასრულეს, მაგრამ მიმდინარე პირველობის სისტემის გამოისობით, "კოლხეთი", სხვა რიგი გუნდების მსგავსად, უმოტივაციოდ დარჩა.</p><p>როგორც გამოჩნდა, ფოთელები მთლად უმოტივაციოდ არ ყოფილან. ორი კვირის წინანდელი 0:0 კოლხებს სრულ გარანტიებსაც ვერ აძლევდა; პლუს ამას - მატჩსაც ჩაწყობილის არაფერი ეტყობოდა, მაგრამ ეჭვებით დახუნძლულმა (უმეტესად, ალბათ, საფუძვლიანმა) პირველობამ ერთიც დაიმატა - "კოლხეთი" პლეი-ოფში ქუთათურებს 6 ქულას დაუბრუნებსო.</p><p>მეტად სასიხარულოა, როცა "ვარაუდი" უსაფუძვლო გამოდგა - "კოლხეთმა" მოგებით ორი რამ დაამტკიცა: 1) პლეი-ოფში შემთხვევით და დაუმსახურებლად არ მოხვედრილა; 2) წინა რიონისპირული დერბი სამართლიანად ჩატარდა!</p><p>უფრო მნიშვნელოვანი ეს უკანასკნელი ფაქტია და ცუდია ის, რომ მავან უსამართლოდ მოთამაშეთა გამო, "ფაზისზე" იმერლებს რომ ემარჯვათ, ეჭვის საბურველში ეს ორი გუნდიც გაეხვეოდა და როგორც გამოჩნდა, ამის საფუძველი რეალურად არ ყოფილა.</p><p>თავად მატჩი მეტად საინტერესო სანახავი და ისეთი ეპიზოდებით დახუნძლული გამოდგა, ჩვენი ჩემპიონატი ნამდვილად რომ ვერ დაიკვეხნის. ერთგვარად მოულოდნელი და სასიამოვნო იყო ის ფაქტი, რომ მასპინძლებმა თავიდანვე შეუტიეს. ფსიქოლოგიური ფაქტორისგან გათავისუფლებულებმა მიმდინარე ჩემპიონატში, ალბათ, ერთ-ერთი საუკეთესო და სანახაობრივი ფეხბურთი აჩვენეს ჯერაც მოუწყობელ ტრიბუნებზე ფეხზე მდგარ ქომაგებს.</p><p>სიმართლე გითხრათ, ასე თამამად შეტევაზე ორიენტირებული "კოლხეთი" კარგა ხანია, არ გვინახავს - შეტევაში მცველებიც უშიშრად ერთვებოდნენ, თანაც ისე, რომ დაცვის ხაზი ერთხელაც არ მოუშიშვლებიათ.</p><p>ალბათ, "კოლხეთის" კარგი თამაშის ბრალი იყო ისიც, რომ სტუმრებმა სპორტული პრინციპით უმოტივაციოდ დარჩენილ მეტოქესთან ვერაფერი გააწყვეს.</p><p>მატჩის მე-2 და მე-6 წუთებზე წურწუმიას ფლანგიდან ჩაწოდებულს ჯერ ლომაშვილმა, შემდეგ კი ბოიომომ დაჰკრეს თავი სახიფათოდ, თუმცა ქუთათურთა კარს მცირედით ააცილეს. რამდენიმე წუთში კი "ტორპედო" აშკარა გოლს გადაურჩა - დაცვის შეცდომისა და თანაგუნდელის ჩინებული პასის შედეგად პავლე დათუნაიშვილი ერთი-ერთზე შეეყარა მიგინეიშვილს, თანაც ისე, რომ მეკარეს შანსი არ უნდა ჰქონოდა, მაგრამ კოლხმა "მოახერხა" და კარს ააცილა.</p><p>ამის შემდეგ სტუმრებმა ვითარების გამოსწორება სცადეს - ათწუთიან მონაკვეთში სამჯერ გაისროლეს საჯარიმოს გარედან არდალიონ მიქაბერიძის კარის მიმართულებით, მაგრამ თარხნიშვილს ორჯერ და კვახაძეს მიზანმა ცოტათი უმტყუნეს.</p><p>აქვე კოლხთა დებიუტანტ მეკარეზე გეტყვით - მასპინძლებს ძირითადი გოლკიპერი ლადო ნადირაშვილი ავად ჰყავთ. ამიტომაც მოუხდა "ვიტ ჯორჯიას" ყოფილ კიპერს "კოლხეთის" კარის დაცვა და მიუხედავად იმისა, რომ მეკარისთვის აშკარად ზედმეტ წონაშია, მთელი შეხვედრა უშეცდომოდ და მაღალ დონეზე ჩაატარა, რითაც გვარიანი წვლილიც შეიტანა თავისიანთა წარმატებაში.</p><p>34-ე წუთზე ფოთელთა ჩინებული კომბინაცია გოლით დასრულდა - შორეულ ძელთან ჩაკიდებული ბურთი პირითი ხაზიდან საჯარიმოში თავით პავლიაშვილმა შემოაბრუნა. იქ ბრძოლაში ტუღუშმა იმარჯვა და ერთი შეხებით დათუნაიშვილს საგოლედ უპასა - მოედანზე მყოფი ძმებიდან ერთმა მეორეს გუნდის კარი ამჯერად იოლად დალაშქრა.</p><p>ტაიმის ბოლოსწინა წუთზე ქუთათურები მეორე გოლს გადაურჩნენ - ტუღუშის დარტყმული ძელმა მოიგერია, გვალიამ დაამატა, მაგრამ ჩინებულად გაისარჯა მიგინეიშვილი.</p><p>თითქოს მეორე ტაიმში სტუმრებს ვითარება უნდა გამოესწორებინათ, გია გეგუჩაძე ამის გაკეთებას შეცვლებითაც ეცადა, მაგრამ გუშინ "კოლხეთი" შეუდარებელი იყო. თავად განსაჯეთ: ჯერ იყო და ქებაძის სახიფათოდ დარტყმული გააუვნებელყო ქუთათურთა მეკარემ, ბოლოსკენაც იგივე განმეორდა, ხოლო მატჩის მიწურულს მიგინეიშვილმა ჩინებული რეაქცია უკვე სიჭინავას დარტყმულზე გამოავლინა. ამ დროში კი "ტორპედომ" ის მოახერხა, რომ რიგვავას ჩაწოდებულზე გოცირიძემ ორჯერ დაარტყა თავით და ააცილა, თითოჯერ კი ფანცულაიასა და დოლიძეს მიქაბერიძემ არ გაატანინა.</p><p>საბოლოოდ 1:0 - "კოლხეთმა" დამსახურებულად გაიმარჯვა.</p><p>21.03.2012. ფოთი. ფაზისი. 500 მაყურებელი</p><p><em><strong>კოლხეთი-ტორპედო 1:0</strong></em></p><p>1:0 პ. დათუნაიშვილი (34. ტუღუშის პასით)</p><p>კოლხეთი ტორპედო</p><p>4-1-4-1 4-4-2</p><p>ა. მიქაბერიძე მიგინეიშვილი</p><p>ფოფხაძე რიგვავა</p><p>ბოიომო კვახაძე</p><p>ლომაშვილი გამეზარდაშვილი</p><p>გაბუნია ლემონჯავა</p><p>ქებაძე თარხნიშვილი</p><p>პ. დათუნაიშვილი გ. დათუნაიშვილი</p><p>გვალია დიღმელაშვილი</p><p>წურწუმია კუხიანიძე</p><p>პავლიაშვილი საბანაძე</p><p>ტუღუში გოცირიძე</p><p>მწვრთნელი მწვრთნელი</p><p>დ. მახარაძე გ. გეგუჩაძე</p><p><strong>კოლხეთი</strong></p><p>65. ტუღუში-სიჭინავა</p><p>71. გვალია-გოგონაია</p><p>84. პ. დათუნაიშვილი-ციცხვაია</p><p>სათადარიგოები: ხარშილაძე, გ. კილასონია, ცხვიტარია, წაბრია</p><p><strong>ტორპედო</strong></p><p>46. დიღმელაშვილი-დოლიძე</p><p>65. საბანაძე-ვ. ბოლქვაძე</p><p>70. კუხიანიძე-ფანცულაია</p><p>სათადარიგოები: ქვილითაია, გურული, იოსელიანი, ფირცხალავა</p><p>გაფრთხილება: ლომაშვილი (22), წურწუმია (78)</p><p>არბიტრი: თ. გვანცელაძე</p><p><em>მათე გურული</em></p><p><strong>ყოველდღიური სპორტული გაზეთი "ლელო"</strong></p>
VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა
"დილამ" ნახევარმცველი დაიმატა, რომელსაც ისრაელის ნაკრებში უთამაშია
VIDEO | ეროვნული ლიგა | სპაერი 1-4 დილა. ფეხბურთი, რომელიც ერთ ტაიმს ეყო
18 წ. | ევროპის ჩემპიონატს ჩეხეთი უმასპინძლებს
აბეები ისევ ფინალში არიან და ესპანელი მეტოქეები ეყოლებათ
მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება
შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება
მენდეში: თუ რონალდო დაბრუნდება, სიხარულით შევხვდებით
I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში
პორტუგალიამ ნორვეგიას, დანიამ კი უელსს მოუგო
ლაშა დვალი: მხოლოდ ასე შევძლებთ ამ ვითარების შემოტრიალებას
VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა
ქართველი მსაჯები უეფას ერთა ლიგის მატჩს მოემსახურებიან
ლუჩანო სპალეტი: "კვარა" სულ სხვა საფეხბურთო გარემოდან მოვიდა
[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!
[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს
[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია
ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა
მატჩის დღე! ლოგიკის დროით, საქართველოს გამარჯვების დროა
"მესი თუ რონალდო?" - მიულერმა არჩევანი გააკეთა
"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა
ზესტაფონის მარგვეთმა გორში ივერიონს მოუგო
ესპანეთმა ისევ გაიმარჯვა, ინგლისმა ხორვატია არ დაინდო