- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. რეგულარული ჩემპიონატი: ვეტერანის მოგებული დებიუტი
<p>"ლეიკერსს" შეუძლია თამამად განაცხადოს, რომ სრულად აიღო რევანში "დალასთან" პლეი ოფში მარცხისთვის <br> "ლოს ანჯელეს ლეიკერსს" შეუძლია თამამად განაცხადოს, რომ სრულად აიღო რევანში "დალასთან" შარშანდელ პლეი ოფში მარცხისთვის. კალიფორნიელებმა მიმდინარე რეგულარულში ზედიზედ მესამედ დაამარცხეს ტექსასელები.</p><p>არადა, "მავერიქსის" გულშემატკივრებმა გუშინ NBA-ს რეკორდი დაამყარეს - მათ ზედიზედ 425-ე მატჩში სრულად შეავსეს "დალასის" საშინაო არენის ტრიბუნები და ეს არის ლიგის ისტორიაში ანშლაგების ყველაზე გრძელი სერია. მაგრამ ამან "კოვბოებს" არ უშველა. ასევე არასაკმარისი აღმოჩნდა ლამარ ოდომის მონდომება, რომელსაც ძალიან უნდოდა ყოფილი თანაგუნდელების დამარცხება.</p><p>ოდომმა ზედმეტად მოინდომა და "გადაიწვა" - ერთი ქულა დააგროვა. ასეთ პირობებში გუნდის გადარჩენა ნოვიცკისა და ტერის წყვილმა ითავა, მაგრამ 30-ქულიანი კობი ბრაიანტისა და თითქმის უშეცდომო გასოლის (თამაშიდან - 13/16, მათ შორის, ერთი სამქულიანი, რომელიც მეშვიდე იყო ესპანელისთვის ბოლო სამ წელიწადში) წინააღმდეგ დამარცხებული გამოვიდა. კარგი იყო კალიფორნიელთა რიგებში სეშენსი თავისი ცხრა შედეგიანი პასით. ასე რომ, "დალასმა" უშანსოდ წააგო.</p><p><strong>* * *</p><p></strong>გრძელდება ჩავარდნა "კლიპერსის" თამაშში. შედეგად, კალიფორნიულ კლუბს თანდათან ეწევიან "დალასი" და "დენვერი". რა თქმა უნდა, "ოკლაჰომასთან" წაგებაში სასირცხვილო არაფერია, მაგრამ გასაკვირი იყო ის უნიათობა, რომლითაც "კლიპერსმა" ეს შეხვედრა დათმო. უკვე დიდი შესვენებისთვის დურანტის გუნდის უპირატესობა 16 ქულას შეადგენდა.</p><p>უფრო მეტიც, "კლიპერსს" აქამდე არცერთი გუნდისთვის არ მიუცია ორ მეოთხედში 66 ქულის დაგროვების საშუალება. ამ ჩავარდნის ახსნა ორი მიზეზით შეიძლება: შესაძლოა, ბლეიკ გრიფინს ნოსტალგია მოეძალა და არ სურდა იმ ქალაქის გაწბილება, რომელშიც დაიბადა და გაიზარდა; ან კიდევ, სტუმრებმა არ გაუფუჭეს ახალ გუნდში დებიუტი დერეკ ფიშერს, რომელსაც მაყურებელი ფეხზე ამდგარი მიესალმა.</p><p>ვეტერანმა მოედანზე 20 წუთი გაატარა და ხუთი ქულა დააგროვა, რაც მხოლოდ ორით ნაკლებია იმავე გრიფინის მონაგარზე. ცნობისთვის, პოლის, იანგისა და გრიფინის დუეტმა 34 ტყორცნიდან 25 ააცილა მიზანს.</p><p><strong>* * *</p><p></strong>საინტერესო დუელი შედგა ორლანდოში. თავის დროზე იქაურ "მეჯიქში" ირიცხებოდა პოლონელი ცენტრი მარცინ გორტატი. მისი დავალება დუაიტ ჰოვარდის შეცვლა იყო. ახლა გორტატი "ფინიქსის" საუკეთესო ბომბარდირია და მისი კლუბი პლეი ოფში მოსახვედრად იბრძვის.</p><p>სწორედ ამ სტატუსით შეხვდა პოლონელი ყოფილ თანაგუნდელებს, მაგრამ ამ შეხვედრას მისთვის დადებითი ემოციები არ მოუტანია. გორტატმა შვიდიდან ერთი ტყორცნა მოათავსა კალათში და მხოლოდ 4 ქულა დააგროვა. რაც მთავარია, მარცინმა ვერ შეაჩერა "ორლანდოს" წინა ხაზი - ჰოვარდისა და ანდერსონის დუეტმა ჯამში 57 ქულა დააგროვა. ამასთან, "სუპერმენმა" 16 მოხსნის შესრულებაც შეძლო. შესაბამისად, სტუმრების ორნიშნა რიცხვით წაგება სავსებით კანონზომიერი ჩანს.</p><p><strong>* * *</p><p></strong>ზეიმი იყო გუშინ სან ანტონიოში. იქაურ არენაზე მოეწყო საზეიმო ცერემონია, რომელიც კლუბის ყოფილ მცველს, ბრიუს ბოუენს მიეძღვნა.</p><p>"სპურსმა" ამოიღო ხმარებიდან დაცვაში თამაშის ოსტატის 12-ნომრიანი მაისურა და ის საშინაო არენის თაღზე დაკიდა. ამ მოვლენას "სან ანტონიოს" კიდევ ერთმა ვეტერანმა ტიმ დანკანმა შთამბეჭდავი ორმაგი დუბლი მიუძღვნა - 21 ქულა და 15 მოხსნა.</p><p>პეკოვიჩისა და მილიჩიჩის არყოფნაში "მინესოტას" ცენტრის პოზიციაზე კევინ ლავი თამაშობდა და ლეგენდარული ტიმისგან კარგი გაკვეთილი მიიღო.</p><p>გარდა ამისა, "სპურსის" წარმატებაში 16-ქულიანი წვლილი შეიტანა დაბრუნებულმა სტივენ ჯექსონმა. მოკლედ, ტექსასელები იოლად და ლამაზად ანადგურებდნენ "მგლებს". ცუდ ხასიათზე მხოლოდ "სპურსის" დამრიგებელი გრეგ პოპოვიჩი იყო. საქმე ისაა, რომ მეორე მეოთხედის დასაწყისში მოედანი დატოვა ტონი პარკერმა.</p><p>ექიმებს მუხლის ტრავმაზე აქვთ ეჭვი. ფრანგი მოედანზე აღარ დაბრუნებულა და მისი ტრავმის ხარისხი მოგვიანებით სამედიცინო შემოწმების შემდეგ დადგინდება. პოპოვიჩის შეშფოთება გასაგებია - პლეი ოფში "სან ანტონიოს" პარკერის გარეშე დიდი შანსი არ ექნება.</p><p><em><strong>ტორონტო-ჩიკაგო 82:94</p><p></strong></em>23:27, 28:16, 18:19, 13:32</p><p>ტ: დეროზანი (23+6 მოხსნა), ჯ. ჯონსონი (16+7 მოხსნა).</p><p>ჩ: დენგი (17+10 მოხსნა), უოტსონი (15), ლუკასი (13), ბრიუერი (12+6 მოხსნა), კორვერი (10).</p><p><em><strong>ორლანდო-ფინიქსი 103:93</p><p></strong></em>27:21, 30:23, 24:18, 22:31</p><p>ო: ანდერსონი (29), ჰოვარდი (28+16 მოხსნა+3 დაფარება), დევისი (16+7 მოხსნა), რედიკი (10).</p><p>ფ: დადლი (17+6 მოხსნა), ლოპესი (14+8 მოხსნა), ნეში (12), ბრაუნი (10), ტელფეირი (10).</p><p><em><strong>ატლანტა-კლივლენდი 103:102 (ო)</p><p></strong></em>21:36, 33:17, 18:20, 19:18, 12:11</p><p>ა: სმიტი (32+17 მოხსნა+5 პასი+3 დაფარება), დ. ჯონსონი (22+6 მოხსნა+5 პასი), ფაჩულია (14+7 მოხსნა), ტიგი (12+7 პასი+4 ჩაჭრა), ჰაინრიხი (10), სტეკჰაუსი (10).</p><p>კ: ირვინგი (29+9 მოხსნა+9 პასი+3 ჩაჭრა), ჯეიმისონი (23+12 მოხსნა), ტომპსონი (13+5 მოხსნა), ჰარისი (11+6 მოხსნა), გი (9+13 მოხსნა).</p><p><em><strong>ოკლაჰომა-კლიპერსი 114:91</p><p></strong></em>33:30, 33:20, 22:21, 26:20</p><p>ო: დურანტი (32+9 მოხსნა+5 პასი), უესტბრუკი (19), იბაკა (15+8 მოხსნა+3 დაფარება), ჰარდენი (10+6 მოხსნა+5 პასი).</p><p>კ: ფოიე (23), პოლი (13+10 პასი+5 ჩაჭრა), იანგი (12), ჯორდანი (12+6 მოხსნა), უილიამსი (11).</p><p><em><strong>დენვერი-დეტროიტი 116:115</p><p></strong></em>40:18, 22:39, 29:34, 25:24</p><p>დენ: ლოუსონი (25+6 პასი), აფლალო (23), ჰარინგტონი (16+8 მოხსნა), მაკგი (15+7 მოხსნა+3 დაფარება), ფარიდი (12+5 მოხსნა), ჩენდლერი (11+10 მოხსნა).</p><p>დეტ: გორდონი (45+8 პასი), ნაითი (16), მონრო (13+11 მოხსნა+3 ჩაჭრა), ჟერებკო (12+6 მოხსნა), ბინუმი (10+6 პასი).</p><p><em><strong>ფილადელფია-ნიუ იორკი 79:82</p><p></strong></em>11:19, 24:24, 23:16, 21:23</p><p>ფ: ჰოლიდეი (16+6 პასი), იგუოდალა (13+8 მოხსნა+6 პასი), მიქსი (13), უილიამსი (13), ბრენდი (12+12 მოხსნა+5 დაფარება).</p><p>ნ-ი: სტაუდმაიერი (21+9 მოხსნა), ლინი (18+5 მოხსნა), ენტონი (10+5 მოხსნა).</p><p><em><strong>ნიუ ჯერსი-ვაშინგტონი 89:108</p><p></strong></em>25:33, 28:23, 19:28, 17:24</p><p>ნ-ჯ: დ. უილიამსი (17), უოლასი (13), ჰემფრიზი (13+16 მოხსნა), მოროუ (13).</p><p>ვ: კროუფორდი (23+3 ჩაჭრა), ნენე (22+10 მოხსნა), მეისონი (16), უოლი (12+8 პასი+5 მოხსნა), სერაფინი (12).</p><p><em><strong>ნიუ ორლეანი-გ. სტეიტი 92:101</p><p></strong></em>26:24, 19:20, 27:31, 20:26</p><p>ნ-ო: ჯეკი (19+11 პასი+10 მოხსნა), კამანი (13+9 მოხსნა+5 პასი+4 დაფარება), ჰენრი (13), სმიტი (12+7 მოხსნა).</p><p>გ-ს: ტომპსონი (27+5 მოხსნა+5 პასი), ლი (25+11 მოხსნა), რაში (16), რობინსონი (8+10 პასი).</p><p><em><strong>სან ანტონიო-მინესოტა 116:100</p><p></strong></em>32:16, 24:31, 35:24, 25:29</p><p>ს-ა: დანკანი (21+15 მოხსნა), ლეონარდი (16+9 მოხსნა), ჯექსონი (16), ნილი (16+4 ჩაჭრა), გრინი (14+7 მოხსნა), სპლიტერი (11+7 მოხსნა+5 პასი).</p><p>მ: ბარეა (18+11 პასი), ლავი (17+12 მოხსნა), ტოლივერი (16+5 მოხსნა), ელინგტონი (15), უებსტერი (11).</p><p><em><strong>დალასი-ლეიკერსი 93:103</p><p></strong></em>29:27, 15:30, 28:23, 21:29</p><p>დ: ნოვიცკი (26+10 მოხსნა), ტერი (23).</p><p>ლ: ბრაიანტი (30+5 მოხსნა), გასოლი (27+9 მოხსნა), სეშენსი (17+9 პასი+5 მოხსნა), ბარნსი (11+9 მოხსნა).</p><p><strong>ყოველდღიური სპორტული გაზეთი "ლელო"</strong></p>
"ამ იდიოტმა ძალიან გამაბრაზა" - ჩარლზ ბარკლი ლებრონ ჯეიმსზე
ლებრონ ჯეიმსი კარიერას "ფილადელფია სიქსერსში" გააგრძელებს
ლებრონისთვის ბრძოლაში სამი ფავორიტი გამოიკვეთა - სად გააგრძელებს კარიერას ლებრონ ჯეიმსი?
"ლივერპულმა" "სანდერლენდს" 4:2 მოუგო - მამარდაშვილის თამაში ინგლისურმა გამოცემებმა შეაფასეს
7-კაცა | საფრანგეთს მეორედ ვეღარ ვაჯობეთ
საქართველოს ნაკრები ჩინეთთან დამარცხდა, თუმცა მასპინძლებს მედგარი წინააღმდეგობა გაუწია
ვოზინია მალე "კოლო-კოლოსთან" გააფორმებს კონტრაქტს
"იმ მომენტიდან მივიღე გადაწყვეტილება, რომ მწვრთნელი ვიქნებოდი" - მოურინიოს ემოციური განცხადება
უარი პსჟ-ს, "მანჩესტერ იუნაიტედს" და "ჩელსის" - სამერვილი კარიერას "ალ-ჰილალში" გააგრძელებს
გამარჯვებით დაწყებული ევროპის ჩემპიონატი: საქართველოს U18 ნაკრებმა ჩრდილოეთ მაკედონია დაამარცხა
7-კაცა | სამი წლის შემდეგ - პორტუგალია და საფრანგეთი დამარცხებულია!
Geo Team: საქართველოს ნაკრების ფეხბურთელი ბათუმის "დინამოში" ითამაშებს
გადაწყდა - იტალიის ნაკრებს პირლო ჩაუდგება სათავეში
ლებრონ ჯეიმსი კარიერას "ფილადელფია სიქსერსში" გააგრძელებს
ლაშა გუჯეჯიანმა საქართველოს ძიუდოისტთა ნაკრების მწვრთნელის პოსტი დატოვა
საქართველოს ნაკრების კანდიდატთა გუნდმა ჩინეთში მონტენეგრო დაამარცხა
გვარდიოლამ იტალიის ნაკრების ჩაბარებაზე უარი განაცხადა
ოფიციალურად - ლომინაძე "ტორპედოს" ფეხბურთელია
"ამ სამუშაოს ჩემთვის კი არა, თქვენთვის დავთანხმდი. თუ ჩემს ოჯახს მიწასთან გაასწორებთ..." - კლოპმა გერმანიის ნაკრები ჩაიბარა
"ხვიჩას ასლია, შთამბეჭდავია და დიდ სენსაციას იწვევს" - ცნობილი გამოცემები თორნიკე კვარაცხელიას თამაშს ეხმაურებიან
საქართველოს 18-წლამდელ ქალთა ნაკრები ევროპის ჩემპიონატის ნახევარფინალშია!
"ისეთი რაღაცები მესმოდა, კინაღამ გავგიჟდი" - ლეანდრო პარედესი
"ამაზე აქამდე არასდროს მისაუბრია" - მსოფლიოს ყოფილმა ნომერ პირველმა ჩოგანმა რთული პერიოდი გაიხსენა