- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლა ლიგა. ბარსელონას მძიმე დარტყმას მივაყენებთო!..
<p>ესპანეთის ჩემპიონი "ბარსელონა" პრიმერაში დაბრუნებულ "ერკულესს" მასპინძლობს, რომლისთვისაც ლეო მესის ჯერ არ გაუტანია, "სანტიაგო ბერნაბეუზე" ჟოზე მოურინიოს დებიუტი შედგება...</p><p><br> <strong>დღეს</p><p></strong>ბარსელონა-ერკულესი 20:00</p><p>ვალენსია-რასინგი 20:00</p><p>რეალი-ოსასუნა 22:00</p><p>ბილბაო-ატლეტიკი 00:00</p><p><strong>ხვალ</p><p></strong>ხეტაფე-ლევანტე 19:00</p><p>სპორტინგი-მალიორკა 19:00</p><p>სარაგოსა-მალაგა 19:00</p><p>ვილიარეალი-ესპანიოლი 21:00</p><p>სევილია-დეპორტივო 23:00</p><p><strong>ზეგ</p><p></strong>ალმერია-სოსიედადი 23:00</p><p>ესპანეთის ჩემპიონი "ბარსელონა" პრიმერაში დაბრუნებულ "ერკულესს" მასპინძლობს, რომლისთვისაც ლეო მესის ჯერ არ გაუტანია, "სანტიაგო ბერნაბეუზე" ჟოზე მოურინიოს დებიუტი შედგება, 8 წელიწადია პორტუგალიელის გუნდს შინ არ წაუგია, ამ რეკორდის შეჩერების შანსი "ოსასუნას" მიეცემა. და მაინც... ტურის უმთავრესი თამაში "სან მამესზე" გაიმართება ბილბაოს "ატლეტიკი" მადრიდის "ატლეტიკოს" მასპინძლობს. თუკი ბასკურ კლუბს არაფრის დამტკიცება სჭირდება, შინ ის ყოველთვის დიდი შემართებით თამაშობს, აი, "ოქროს ბურთის" მაძიებელ დიეგო ფორლანსა და კომპანიას დასამტკიცებელი აქვს, რომ "ბარსელონასთან" და "რეალთან" ბრძოლა შეუძლია. საინტერესო ტური გველის, ზემოთჩამოთვილილი წყვილების გარდა "მესტალიაზე" "ვალენსია"-"რასინგს" ვიხილავთ, "სანჩეს პისხუანზე" კი - "სევილია"-"დეპორტივოს".</p><p>"ლოს კოლჩონეროსმა" სეზონი დიდებულად დაიწყო - ევროპის სუპერთასი, დამაჯერებელი გამარჯვება პირველ ტურში და დაიწყო ლაპარაკი, რომ სწორედ კიკე ფლორესის გუნდს შეუძლია ესპანური ფეხბურთის ორ გრანდს კონკურენცია გაუწიოს. ჰა ბურთი და ჰა მოედანი! "სან მამესზე" უკეთესი ადგილი კონკურენტუნარიანობის დასამტკიცებლად ესპანეთში არ არსებობს.</p><p>"როცა "სან მამესზე" ვთამაშობთ, პირველივე წუთებიდან მეტოქეს ჯოჯოხეთს ვუწყობთ. სხვანაირად ჩვენი გულშემატკივარი ვერ გაგვიგებს. წარმატებული "ატლეტიკო" კარგი გამაღიზიანებელია ჩვენთვის. თამაში ძალიან რთული იქნება, მაგრამ ჩვენ გვაინტერესებს, რამდენად მოვემზადეთ ახალი სეზონისთვის", - ეს სიტყვები მსოფლიოს ჩემპიონ ხავი მარტინესს ეკუთვნის, რომელიც "ბილბაოს" ნახევარდაცვის ლიდერია. "პირველივე წუთებიდან შევუტევთ მეტოქეს და შევეცდებით სწრაფი გოლის გატანას. "ატლეტიკო" კარგი გუნდია, მაგრამ ჩვენც გვინდა დავამტკიცოთ, რომ ჩემპიონთა ლიგის საგზურისთვის ბრძოლა შეგვიძლია", - ეს მეორე ჩემპიონ ფერნანდო ლორენტეს სიტყვებია.</p><p>"ძალიან რთული სეზონი გველის, ჩვენ ამ მარათონს უნდა გავუძლოთ და სულ მაღალ დონეზე ვითამაშოთ. მაშინ, როცა სხვები წარმატებებით ხარობენ, მე უნდა შევეცადო, რომ გუნდი რეალობას არ მოწყდეს და, რაც მთავარია, ენერგია თანაბრად გადაანაწილოს სეზონზე", - განაცხადა მადრიდელთა თავკაცმა კიკე ფლორესმა, რომელიც შარშანდელი სეზონის მიმდინარეობისას დაინიშნა "ატლეტიკოში" და მას შემდეგ ამ გუნდს ვეღარ იცნობთ.</p><p>ბილბაოელთა შემტევმა გაისკა ტოკერომ კოჭის ტრავმა მიიღო, თუმცა ის ბოლო დღეებია გუნდთან ერთად ემზადება და არ გამოვრიცხავთ, რომ "ატლეტიკოს" წინააღმდეგ თამაშიც შეძლოს. ტრავმები მოირჩინეს იგორ გაბილონდომ, პაბლო ორბაისმა და მიკელ სან ხოსემ, მაგრამ ჯერაც ვერ ვარჯიშობენ კოიკილი და გუნდის ამომავალი ვარსკვლავი იკერ მუნიაინი. სტუმართა რიგებში ერთი ცვლილება 100%-ით მოხდება, პირველ ტურში "სპორტინგთან" ბრწყინვალედ ნათამაშები მატჩის შემდეგ ხოსე მანუელ ხურადო "შალკეში" გადაბარგდა, მის ადგილს სასტარტოში პორტუგალიელი სიმაო შეავსებს. ახალგაზრდა ფრან მერიდას დებიუტი კიდევ გადაიდო, ყოფილი არსენალელი ტრავმირებულია, ხოლო ტომაშ უიფალუშის თამაში საჭოჭმანოა.</p><p><strong>სავარაუდო შემადგენლობები</p><p></strong><em>ბილბაო (4-4-2): ირაისოსი - ირაოლა, სან ხოსე, ამორებიეტა, აურტენეჩე - გურპეგი, ორბაისი, ორბაისი, მარტინესი - ტოკერო, ლორენტე.</p><p>ატლეტიკო (4-4-2): დე ხეა - უიფალუში, პერეა, გოდინი, ა. ლოპესი - რეიესი, ასუნსაო, რ. გარსია, სიმაო - ფორლანი, აგუერო. </em></p><p>"კამპ ნოუ" პრიმერაში დაბრუნებულ "ერკულესს" იხილავს, თუმცა ვალენსიელებს მხოლოდ კაშკაშა ვარსკვლავების წინააღმდეგ ლამის პირველად მოთამაშე ფეხბურთელები არ ეყოლებათ მოედანზე - "ერკულესი" ვარსკვლავურ სამეულს გამოიყვანს: დავიდ ტრეზეგეს, როისტონ დრენტესა და ნელსონ ვალდესს. ფრანგს, ჰოლანდიელსა და პარაგვაელს "ერკულესის" შემადგენლობაში დებიუტი "კამპ ნოუზე" ექნებათ.</p><p>"ბარსელონა" დღეს ევროპის საუკეთესო კლუბია, მაგრამ ჩვენ საკუთარი ძალებისა გვწამს და ვფიქრობ, შევძლებთ მეტოქის გაოცებას. ჩვენ არაფერი გვაქვს დასაკარგი, "ბარსასთან" მარცხს ყველაზე კრიტიკული ფანიც კი გაგვიგებს, ამიტომ თუკი რამეს მივაღწევთ, თორემ არაფერი დაგვაკლდება. გვინდა "ბარსელონას" მძიმე დარტყმა მივაყენოთ და კლუბის ისტორიაში ახალი ფურცელი ჩავწეროთ", - განაცხადა მატჩის წინა დღეს "იუვენტუსის" ყოფილმა ფორვარდმა. სხვათა შორის, ტრეზეგე სათანადო ფორმაში არ არის და ბევრის აზრით, სჯობს მან მესამე ტურიდან ითამაშოს, როცა "ერკულესი" ვალენსიის მხარის დერბიში "ვალენსიას" უმასპინძლებს.</p><p>კარლეს პუიოლი კვლავ ტრავმირებულია და ის ვერ ითამაშებს "ერკულესთან". ჟეფრენსაც ტრავმა აწუხებს. იმის გამო, რომ ჩემპიონთა ლიგა კარს მოადგა, პეპ გვარდიოლამ შეიძლება მცირე ცვლილებებსაც მიმართოს შემადგენლობაში. ხავიერ მასკერანოს ჯერ თანაგუნდელებიც არ გაუცნია კარგად, ამიტომაც გაგვიკვირდება, თუკი პეპი მას ეგრევე სასტარტოში დააყენებს.</p><p>წინა კვირაში ფეხი იტკინა "ერკულესის" კიდევ ერთმა ცნობილმა ფეხბურთელმა, ხავიერ ფარინოსმა. მისი თამაში კატალონიაში გამორიცხულია. სამხრეთ ამერიკელი ახალწვეული მათიას ფრიტცლერი დისკვალიფიცირებულია, მან სადებიუტო მატჩშივე წითელი ბარათი მიიღო. სამაგიეროდ დებიუტი ექნება ბელგიიდან გადმოსულ მოჰამედ სარს.</p><p><strong>სავარაუდო შემადგენლობები</p><p></strong><em>ბარსელონა (4-3-3): ვალდესი - დ. ალვეში, პიკე, მილიტო, მაქსველი - ჩავი, ბუსკეტსი, კეიტა - მესი, კრკიჩი, ვილია.</p><p>ერკულესი (4-2-3-1): კალატაიუდი - კორტესი, პამარო, სარი, პ. პენია - ტ. გომეში, აგილარი - ტოტე, ვალდესი, დრენტე - ტრეზეგე. </em></p><p>ჟოზე მოურინიომ საკლუბო ჩემპიონატში ბოლოს საშინაო მატჩი 2002 წლის თებერვალში წააგო, მას შემდეგ მან სამ კლუბში ("პორტუ", "ჩელსი" და "ინტერი") მოუს შინ აღარ წაუგია. მაგრამ პორტუგალიელი აცხადებს, რომ ამ რეკორდსაც რისკის ქვეშ დააყენებს, ოღონდ კი "ბერნაბეუზე" მოიგოს: "ხვალ ბოლო წუთებზე 0:0 რომ იყოს ბიჭებს დავავალებ, რომ მთელი ძალებით შეუტიონ". ეს რომ ლიტონი სიტყვები არაა, მოურინიომ ერთი სარისკო გადაწყვეტილებით დაამტკიცა, მან თამაშისთვის მოსამზადებელ სიაში თანამემამულეები კრიშტიანო რონალდო და პეპე შეიყვანა, არადა ორივე ტრავმირებულია და ჯერ ბოლომდე არ გამოჯანმრთელებულა.</p><p>მოურინიომ გუნდი "დახურულ" ბაზაზე ავარჯიშა, რომ ვერავინ გაიგოს მისი გეგმები "ოსასუნასთან" თამაშის წინ. "რეალში" კვლავ ტრავმიანობაა: მაჰამადუ დიარა, ფერნანდო გაგო, ესეკიელ გარაი და რაულ ალბიოლი ყველა ვარიანტში გამოტოვებენ ტურს. ნაკლები შანსი აქვთ თამაშის ლასანა დიარას, რონალდოსა და პეპეს. ხოსე ანტონიო კამაჩოც არ ამხელს თავის გეგმებს, ერთი ცხადია - გუნდი გამოკვეთილად დაცვითი ტაქტიკით ითამაშებს, დაცვა კი "ოსასუნას" არ დაეწუნება. სერხიომ ტრავმა მოირჩინა და ითამაშებს, ხოლო ხოსეჩე კლუბის ლაზარეთშია.</p><p><strong>სავარაუდო შემადგენლობები</p><p></strong><em>რეალი (4-2-3-1): კასილიასი - არბელოა, ს. რამოსი, კარვალიო, მარსელო - ლ. დიარა, ჩაბი ალონსო - დე მარია, იოზილი, რონალდო (ან კანალესი) - იგუაინი.</p><p>ოსასუნა (4-4-2): რიკარდო - დამია, სერხიო, მ. ფლანიო, მონრეალი - ხუანფრანი, სორიანო, ნეკუნამი, კამუნიასი - პანდიანი, არანდა.</p><p></em>ანდალუსიაში "სევილიას" რიგებში დებიუტი ექნებათ ალექსის სანჩესს და მარტინ კასერესს, ხოლო "მესტალიაზე" შეცვლაზე მაინც შემოვა ახალწვეული რობერტო სოლდადო.</p>
[VIDEO] ეს ჟოზე მოურინიოს "რეალია" - "ბლანკოსმა" "ბარსელონა" "კამპ ნოუზე" დაამარცხა
კლოპმა განმარტა, რატომ უგულშემატკივრებს ელ კლასიკოში "ბარსელონას"
იქნება თუ არა როდრი "ელ კლასიკოში" - ფლიკმა ესპანელ ფეხბურთელზე ისაუბრა
იეგოიანის "ექსელსიორმა" მორიგი მარცხი განიცადა
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ
დავითაშვილის "სენტ-ეტიენმა" დაძაბულ მატჩში "ნანტს" სძლია
[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა